Skandali seksual në bashkinë e Kukësit/ GJKKO dënon me 2 vjet burg Safet Gjicin, 1 vit për Alma Kaçin (AKUZAT+DËSHMITË)

Foto ilustruese

TIRANË-Alma Kaçi ka reaguar pas vendimit të gjykatës që e dënoi atë me 1 vit burg për skandalin seksual në zyrën e bashkisë së Kukësit me ish-kryetarin e kësaj bashkie, Safet Gjicin.

Në një reagim për Ora News, Alma Kaçi shprehet se vendimi i gjykatës ndaj saj është i padrejtë. 

Reagimi i Alma Kaçit:

Përshëndetje Ora News, jam Alma pra u njoha me vendimin e gjykatës. Doja të thoja që është turp që i japin këtë akuzë e bëjnë të përdhosin emrin tim. 

Ndërkohë fare thjesht akuzën shpërdorim detyre mund t'ia kishin dhënë që në fillim zotërisë në fjalë, i cili e ritheksoi me plot gojë që blen gjykatat me lekë.

Ju bëj me dije, kam punuar në emisionin “Fiks Fare” investigativ prej 1 periudhe të gjatë kohore. Punët e mia janë të gjitha të njohura në youtube. Ku specifikoj ndër të tjera blerje armësh në Skrapar, blerje armësh në Durrës.

Të gjitha këto të inskenuara nga emisioni Fiks Fare.

Blerje fëmije që e shiste komuniteti rom e shumë e shumë të tjera blerje metadoni në Durrës e shumë e shumë të tjera, të cilat ritheksoj. Këto janë youtube.

Nëse unë do isha e tillë, nuk besoj që dhe zotëria që blenë me lekë e ritheksoi sërish gjykatat do merrej me 1 person me të tillë epitet.

Kjo për të vetmen arsye sepse video u dekonspirua gjatë rrugës nga një pakujdesi e imja i kanë hedhur poshtë të tëra faktet e mia, të cilat ndodhen në telefonat që mua mi kanë sekuestruar SPAK-u.

Janë mesazhe qindra mesazhe mund të them me mijëra që unë kam komunikuar me periudhë të gjatë kohore me gazetarët e Fiks Fare për punët që kemi punuar së bashku.

Por mund të them që është një televizion, ku është i politizuar është i Edi Ramës, blen çdo gjë me lek dhe mbi të gjitha hedh poshtë punonjësit e vet.

Nuk ka rëndësi se punonjësi i jashtëm apo i brendshëm.

Unë kam një sërë punimesh me ta dhe të tillë etiketim as nuk e pranoi, as nuk do ta pranojë dhe është turp për drejtësinë shqiptare. Mendova se kishte drejtësi. Por me thënë të drejtën. Nuk ka sepse jetojmë në një vend, ku çdo gjë blihet me lekë.

Nga 4 vjet. Zotëria mori 2 vjet.

Hodhën baltë mbi mua, sepse normalisht e ritheksoj, jemi në 1 vend ku jemi 1 vend maskilist ku mashkulli ka të drejtë të bëjë çfarëdolloj gjëje, femra është ajo që do goditet.

Është një akuzë që është e mirëmenduar për të më bërë mua keq. Madje unë kam dëgjuar në periudhën korrik, sepse video u shfaq në qershor.

 Nuk e mbaj mend datën ekzakte. Nga goja e 1 gazetari që alma, vëllai i Safet Gjicit, ty po të bën kurth që domethonë ki kujdes do të fusin në burg dhe aty do të helmojnë dhe do ta bëjnë sikur të ka ndodhur sikur kalon infrakt i mora Qesharake.

Bisedova me avokaten time këto janë gjëra që unë nuk doja të nxirrja. Por meqë ndodhi kjo?

Më duken se këto gjëra janë 1.000 përqind të sakta. Sepse. Jo që kam frikë, unë jam 1, jam i luftarake por 1 vend ku shkelet e drejta e fëmijëve.

Në rastin konkret flas për fëmijën tim. Domethënë që kur çdo gjë këtu është e shumëzuar me 0 të drejta për të jetuar e drejta e njeriut, pra me pak fjalë mos ta zgjas shumë u godit më i dobëti. Megjithatë unë do luftoj.

safet gjici, alama kaci

TIRANË- Gjykata e Posaçme ka dënuar me 3 vite burgim ish-kryetarin e Bashkisë së Kukësit, Safet Gjici, ku nga gjykimi i shkurtuar dënimi ulet në 2 vite.

Gjykata ka ndryshuar akuzën ndaj Gjicit nga korrupsion në shpërdorim detyre. Ndërkohë, për Alma Kaçin, gjykata ka dhënë dënimin me 1 vit burg, duke e shpallur fajtore atë për prostitucion. Ish-kryebashkiakut gjithashtu i hiqet edhe e drejta për të ushtruar funksione publike për pesë vite.

Gjici tha sot para gjykatës se kërkon pafajësi pasi nuk ka shkelur asnjë ligj. Teksa i kërkoi falje familjarëve të tij dhe banorëve të Kukësit, Gjici tha se nuk ka shkelur ligjin, por etikën. Ndërkohë edhe mbrojta e Gjicit insiston që Alma Kaci është paguar për të realizuar videon dhe po ashtu, ajo ka pasur komunikime me ish-kreun e këshillit të qarkut të Kukësit, Abedin Orucin në lidhje me çështjen e videos dhe kartën memorie që është bërë regjistrimi.

Safet Gjici u vu në pranga fillimisht i akuzuar për "korrupsion pasiv", pasi dyshohet se ka favorizuar Alma Kaçin, duke i ofruar mbështetje financiare, me vendim të Këshillit Bashkiak, mbi një projekt për strehimin dhe kujdesin ndaj qenve endacakë në qytet. Vetë 40-vjeçarja ka pranuar se donte nga Gjici tenderin e qenve, ndërsa ish-kryebashkiaku ka thënë se nuk e ka shkelur ligjin. 

TIRANË- Ish-kryebashkiaku i Kukësit, Safet Gjici ka dalë ditën e sotme para gjykatës ku ka dëshmuar në lidhje me video-skandalin e regjistruar disa muaj më parë ku dukej teksa kryente marrëdhënie me një grua në zyrë.

Në lidhje me ngjarjen ai është shprehur se kërkon pafajësi pasi nuk ka shkelur asnjë ligj. Teksa i kërkoi falje familjarëve të tij dhe banorëve të Kukësit, Gjici tha se nuk ka shkelur ligjin, por etikën.

“Dënimi është moral, u kërkoj falje familjareve të mi dhe qytetarëve të Kukësit,” tha i përlotur Gjici.

Mbrojta e Gjicit insiston që Alma Kaci është paguar për të realizuar videon dhe po ashtu, ajo ka pasur komunikime me ish-kreun e këshillit të qarkut të Kukësit, Abedin Orucin në lidhje me çështjen e videos dhe kartën memorie që është bërë regjistrimi.

Sipas mbrojtjes, prokuroria nuk ka gjetur pajisen origjinale me të cilën është bërë regjistrimi sepse ne bazë të akt ekspertimit të kart memories që u gjet në gotë me të cilën dyshohet se u bë regjistrimi, nuk rezulton që të jetë e regjistruar aty.

“Pamjet janë gjetur tek një usb në banesën e Kaçit. Po ashtu njohja mes Abedinit dhe Almës është e hershme dhe ata kanë folur vazhdimisht me njëri-tjetrin në lidhje me këtë çështje. Pse prokuroria nuk hetoi faktin që Abedin Oruci i ka dhënë prokure avokatit që ta përfaqësojë në çdo shkallë gjyqësore? Po ashtu pse prokuroria në datën 9 tetor kur e ka pyetur Abedin Orucin nuk i ka kërkuar shpjegime për komunikimet me Almën,” shprehet mbrojtja e Safet Gjicit.

Foto ilustruese

TIRANË- Ish-kryebashkiaku i Kukësit, Safet Gjici ka dalë sot para gjykatës dhe ka dhënë deklaratën e tij në lidhje me video-skandalin e regjistruar para disa muajsh.

Gjatë fjalës së tij Gjici u shpreh se ai kërkon pafajësinë pasi nuk ka kryer asnjë vepër penale. Më tej ai shtoi se ai është kërcënuar nga ish-kreu i këshillit të qarkut të Kukësit, Abedin Oruçi pasi ai ka pasur probleme te mëparshme sepse e ka kallëzuar në Prokurori.

Sipas tij, Oruçi së bashku me Alma Kaçin kanë bashkëpunuar për të hequr atë nga posti. Gjici gjithashtu u shpreh se nuk i ka dhënë fonde dhe se Alma e ka provokuar.

Fjala e plotë:

Kam disa gjëra shtesë për të thënë përpos atyre që tha avokati. Përplasja ime me Abedin Orucin ka nisur që në vitin 2019 kur unë në cilësinë e kryetarit të bashkisë i hoqa atij rrethimin me kangjella hekuri të sheshit para bashkisë sepse nuk ishte pronë e tij.

Këtë gjë e provova në bazë të dokumenteve në kadastër që ajo tokë nuk ishte e Abedin Orucit. Bëhet fjalë për 9.3 dynym tokë. Po ashtu unë nuk kam lejuar që Abedin Oruci të ndërtojë një objekt pa leje në afërsi të liqenit të Kukësit.

Po ashtu me Orucin kam pasur edhe përplasje fizike ditën që ka qenë Kukës ambasadorja holandeze. Kam bërë kallëzim për Oruçin, 5 akuza ka pasur në ngarkim të tij në prokurorinë e Kukësit por kanë arritur që t’i pushojnë. Konflikti mes nesh ka qene i hapur dhe ai e paguajti Alma Kaçin në shenjë hakmarrje pse unë nuk e lashë të zaptonte pronat e Bashkisë dhe të ndërtonte në mënyrë të paligjshme.

Ai ka qene 1 vit e ca ne kërkim për çështjen e ndërtimeve pa leje. Abedin Oruçi me ka sulmuar për shkak të detyrës, që nga 2019 pasi unë skam pas asgjë personale kam bërë vetëm detyrën.Kush me ka dhënë substancë narkotike Alma Kaçi me bashkëpunëtorin e saj pse këtë fakt nuk e heton prokuroria. Pse Alma pasi bëri videon ja dha Abedin Orucit, pse nuk është hetuar ky fakt, ndërkohë që unë hetohem prej 6 muajsh a thua se kam krijuar organizatë terroriste. Ku është premtimi qe i kam bere unë Alma Kaçit për projektin se nga telefoni im nuk doli asgjë ndërkohë qe ajo kishte komuniku me Orucin. Une i thashë shko tek zëvendësi i Almës, por ajo as aty nuk e dorëzoi.

Ne buxhetin e 2023 ne nuk kishim te parashikuar një gjë ë tillë fond për qentë. Ata me sulmuan pse nuk i lejova të ndërtojnë pa leje dhe të përvetësojnë token. Unë kam marre dënimin më të madh. Dënimi është moral u kërkoj falje familjareve të mijë dhe qytetareve të Kukësit (u përlot). Oruci donte që të iki unë dhe të vinte ne zbatim projektet e tij, shkoni në Kukës dhe shikoni si i kanë zaptuar pronat e bashkisë. Abedin Oruci ndër vite ka pas 25 çështje penale. Unë kërkoj pafajësi, sepse nuk kam shkel asnjë ligj.

Safet Gjici u vu nën hetim nga SPAK në 16 qershor, pas publikimit të video-skandalit ku ai shfaqej duke kryer marrëdhënie seksuale në zyrën e tij në Bashki. Në videon e publikuar të skandalit seksual, Gjici u dëgjua teksa i premtoi një tender për vaksinimin e qenëve në Kukës, Alma Kaçi vajzës me të cilën po kryente marrëdhënie seksuale. Pas publikimit të videos Gjici u shkarkua nga detyra.