SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
• Kanë kaluar 24 orë nga tragjedia e Himarës, ku një 7-vjeçare u masakrua nga një skaf. •Sot, nga Velipoja në Ksamil në vijë bregdetare u ushtruan kontrolle për kapjen e shkelësve. • U bllokuan rreth 90 mjete lundruese “Jet ski” dhe rreth 40 mjete të tjera skafe të vegjël dhe gomone. • Por duket se llogaritë nuk janë bërë mirë, pasi duke marrë shkas edhe nga denoncimet e lexuesëve të Dosja.al, në disa plazhe të vendit urdhërat janë injoruar. Skafe, motorë uji, e të tjerë mjete motorike kanë vazhduar lundrimin e qetë, madje dhe shumë pranë bregut. Për subjekte të veçanta, Policia i ka mbyllur sërish sytë, edhe pas tragjedisë.
5 artikuj për këtë temë.
VLORË- Policia po kontrollin për shkelësit e ligjit, apo e ka braktisur aksionin pa nisur mirë. Një foto ka mbërritur në redaksinë e Dosja.al ku duket një grup të rinjsh që kanë dalë xhiro me skaf mu buzë detit.
Siç duket edhe nga fotoja, një grup të rinjsh, gati 15, po bënin një festë me shampanjë në bordin e mjetit lundrues. Përveçse rrezikojnë jetën e të gjithëve në breg, kur sapo kanë kaluar 24 orë nga vdekja e 7-vjeçares në Potam, por edhe veten e tyre, pasi kanë tejkaluar kapacitetin mbajtës të varkës.
HIMARË- Edhe pse një skaf i mori jetën një 7-vjeçare ditën e djeshme në plazhin e Himarës, drejtuesit e gomoneve dhe skafeve sot kanë vazhduar të njejtin ritual. Teksa skafi ditën e djeshme i drejtuar nga komisari i Policisë Arjan Tase, në një zonë të ndaluar, pasi ndodheshin qytetarët që laheshin, dita e sotme ka vazhduar si të mos ketë ndodhur gjë në Himarë.
Videoja e mëposhtme e siguruar nga Dosja.al, shihen gomone që qarkullojnë shumë pranë bregut të detit në Himarë, duke rrezikuar kështu pushues të tjerë.
Ngjarja e rëndë ndodhi më 2 gusht në Plazhin e Potamit në Himarë, ku 7-vjeçarja Jonada Avdia, u godit për vdekje nga gomonia teksa po lahej në det. E mitura u përplas fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend. Fëmija, me origjinë nga Tropoja jetonte me familjen e saj në Angli, por ishte kthyer në atdhe për pushime. Drejtuesi i gomones është shefi i policimit në komunitet në Elbasan, Arjan Tase u shoqërua në polici, ndërsa drejtuesi i Policisë së Shtetit, Gledis Nano e përjashtoi Arjan Tasen përfundimisht nga policia.
LALËZ- Kur sapo janë mbushur 24 orë nga tragjedia në Potam të Himarës, kur një 7-vjeçare u vra dje me skaf nga polici Arjan Tase, motorët e ujit ende qarkullojnë lirshëm. Skafet dhe motorët e ujit vijojnë të “fluturojnë” mbi kokat e pushuesve në plazhet e vendit.
Në videon e mësipërme shihet një motor uji që lundron me shpejtësi të madhe në zonën e Gjirit të Lalzit gjatë ditës së sotme, ndërkohë që shumë pranë gjenden pushues që lahen. Policia sot ka zbarkuar në jug të vendit, por duket se u ka dalë nga 'mendja' kontrolli në Durrës.
HIMARË- Skafet dhe motorët e ujit nuk kanë të ndalur në Himarë. Kjo është situata këtë mesditë vetëm pak metra larg nga vendi ku ndodhi ngjarja e rëndë në Potam, Himarë, ku humbi jetën një vajzë 7-vjeçare.
Katër mjete ujore kryejnë manovra të rrezikshme shumë pranë pushuesve, teksa nga video duket qartë që me shpejtësi të lartë, një prej tyre futet edhe brenda rrethimit të qytetarëve. Por duket se Policia Kufitare nuk e ka mendjen lidhur me çfarë po ndodh, edhe pse një ditë më parë ndodhi tragjedia.
Policia e Shtetit ndërkohë vijon kontrollet në krahun tjetër për mjetet motorike në portin e Porto Palermos, ndërsa shumë pranë tyre mjetet motorike në det bëjnë manovra duke rrezikuar pushuesit.
DHËRMI- Policia e Shtetit, një ditë pas tragjedisë në Himarë ku u vra një e mitur nga një gomone, ka nisur kontrollet në breg të detit. Siç duket edhe nga pamjet e publikuara nga JOQ, teksa policët tërhiqnin në breg një gomone, njëri prej tyre ka rënë në det.
Vieë this post on Instagram
Më pas, të gjithë të tjerët, kanë lënë për pak minuta pezull punën që po bënin dhe jana angazhuar të gjithë si ekip që të nxirrnin kolegun nga uji.
Epo tregojnë se po punojnë të paktën, me ndonjë aksident të vogël, por pa rrezik.