Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Ambasadorja amerikane në Shqipëri, Yuri Kim ka zhvilluar disa takime me krerët e forcave kryesore politike në vendin tonë. • Fillimisht shkoi në selinë rozë ku u takua me sekretarin e Përgjithshëm të Partisë Socialiste Damian Gjiknuri. • Pas takimit, Gjiknuri, në rrjetet e tij sociale tha se në fokus të diskutimit ishin zgjedhjet e ardhshme vendore të 14 Majit, situata aktuale politike në vend si dhe rekomandimet e ODIHR-it pas procesit të fundit elektoral. • Nga selia e PS, Yuri Kim shkoi në Kryesinë e Kuvendit të Shqipërisë, ku u takua me Enkelejd Alibeaj. •Për takimin, Alibeaj e ka cilësuar si te frytshëm dhe miqësor, duke shtuar gjithashtu se u fol për zhvillimet më të fundit në vend si dhe për zgjedhjet vendore të 14 majit. • Në fund, Kim qëndroi për 40 minuta në zyrën e Ilir Metës në selinë e Partisë së Lirisë. • Pas luleve që Meta i dhuroi në kuadër te Ditës së Gruas, i nënvizoi në mënyrë të veçantë situatën shumë të rëndë të krijuar në Parlamentin e Shqipërisë, por edhe për zgjedhjet. • Për takimet, Ambasada Amerikane bëri me dije dhe të gjitha temat e diskutuara, ku theksuan parandalimin e presionit për blerjen e votave. Por kërkuan edhe "kandidatë të pastër". • Për takimet, sot Berisha nga Mallakastra se Yuri Kim u bë e gjallë sot pas 2 muajsh dhe kërkon votën e lirë.• E ndërkohë që sot ambasadorja zhvillonte takimet, 49 parti politike kanë dorëzuar në KQZ kërkesën për garuar në zgjedhjet lokale të 14 majit 2023. Komisioni qendror i zgjedhjeve miratoi sot kërkesa për 42 parti dhe nesër për 7 parti, përfshi 2 kampet e PD. • Nesër do të vendoset fati i Partisë Demokratike, nëse do të regjistrohet dhe cila; Sali Berisha apo Enkelejd Alibeaj. • Pas këtij regjistrimi paraprak, në 15 mars aplikohet për koalicionet dhe në 27 mars depozitohet lista e kandidatëve për kryetar bashkie dhe lista shumë-emërore e kandidatëve për këshillat bashkiak.
7 artikuj për këtë temë.
TIRANË- Ambasada amerikane në Tiranë ka reaguar për takimet e Yuri Kim me zyrtarë të 3 forcave politike në vend. Në faqen zyrtare të Ambasadës Amerikane, bëhen me dije edhe pikat e diskutimeve gjatë të tre takimeve. Mesa duket ambasadorja amerikane në Shqipëri, ka nënvizuar rëndësinë e zhvillimit të aktiviteteve në mënyrë të ndershme, transparente dhe të rregullt, në përputhje me ligjin shqiptar dhe standardet ndërkombëtare. Po ashtu, kërkon respektimin e ligjeve dhe parandalimin e presionit për votën që qytetarët do të japin në zgjedhjet lokale të 14 majit.
Po ashtu, u kërkuan edhe kandidatë "të pastër".
"Ndërsa Shqipëria përgatitet për zgjedhjet vendore të 14 majit, ambasadorja Kim u takua sot me drejtues të Partisë Socialiste, Partisë Demokratike dhe Partisë së Lirisë për të nënvizuar rëndësinë e zhvillimit të aktiviteteve në mënyrë të ndershme, transparente dhe të rregullt, në përputhje me ligjin shqiptar dhe standardet ndërkombëtare. Ajo iu kujtoi atyre vëzhgimet dhe rekomandimet e raporteve të mëparshme e ODIHR-it. Për shembull, në raportin përfundimtar për zgjedhjet parlamentare të prillit 2021, rekomandimet e ODIHR përfshinin si më poshtë: • Shteti duhet të garantojë të drejtën për të zgjedhur lirisht dhe në fshehtësi. Çdo formë presioni për të zbuluar nëse dhe si kanë votuar njerëzit duhet të parandalohet; • Agjencitë ligjzbatuese duhet të intensifikojnë përpjekjet për të identifikuar, hetuar dhe ndjekur penalisht rastet e blerjes së votës. Qytetarët duhet të nxiten të raportojnë dhe të japin fakte për çfarëdo blerje votash apo presioni; • Shqipëria duhet të garantojë sigurinë e të dhënave personale të qytetarëve. Institucionet përkatëse duhet të hetojnë tërësisht dhe të ndëshkojnë çdo shkelje që ndikon në besimin e publikut në procesin zgjedhor; • Legjislacioni duhet të ndryshohet për të siguruar që mediat të jenë në gjendje të mbulojnë në mënyrë të pavarur aktivitetet e konkurruesve në zgjedhje me synimin për të kufizuar përdorimin në lajme të materialeve të prodhuara nga partitë; Drejtuesit e partive konfirmuan gjithashtu se do të shqyrtojnë kandidatët përkatës për t'u siguruar që ata përmbushin kërkesat e ligjit si dhe pritshmëritë e votuesve shqiptarë për kandidatë të pastër. Shtetet e Bashkuara do të vazhdojnë të punojnë ngushtë me votuesit, autoritetet, partitë, shoqërinë civile, median dhe të tjerë në mbështetje të një procesi zgjedhor që pasqyron statusin e Shqipërisë si aleate në NATO dhe aspirante për t’u anëtarësuar në Bashkimin Evropian,"-shkruan Ambasada amerikane.
TIRANË- Kryetari i Partisë së Lirisë Ilir Meta priti në një takim Ambasadoren e SHBA-ve, Yuri Kim. Në takim, Meta nënvizoi në mënyrë të veçantë situatën shumë të rëndë të krijuar në Parlamentin e Shqipërisë, për shkak të bllokimit antikushtetues dhe të paligjshëm nga ana e qeverisë.
Bllokimi i Komisioneve Hetimore, interpelancave dhe një serie projektligjesh të propozuara nga Partia e Lirisë, por edhe nga partitë e tjera të opozites, do të thotë rrëmbimi defakto i Parlamentit nga Qeveria, duke synuar asgjësimin e kontrollit mbi qeverisjen si dhe bllokim i adresimit në Kuvend të shqetësimeve shumë të mëdha të qytetarëve në lidhje me qeverisjen, e veçanërisht më korrupsionin. Meta theksoi gjithashtu shqetësimet e shumta, të ngritura edhe nga organizata jofitimprurëse, mbi përdorimin skandaloz të administratës shtetërore, financimeve të buxhetit të shtetit, por dhe veprimtari të tjera klienteliste, në funksion të manipulimit dhe shitblerjes së votës, që lidhet drejtpërdrejtë me zgjedhjet e 14 Majit.
Meta përshëndeti në mënyrë të veçantë angazhimin e fokusuar të DEA-s në Shqipëri, lidhur me veprimtarinë e narkotrafikut dhe problemet kritike që lidhen me të, si një hap i duhur dhe i shumëpritur. Gjithashtu ai vuri në dukje se korrupsioni galopant dhe endemik vetëm se po thellohet dhe nuk ka asnjë përmirësim apo ndryshim të situatës, se ka një rëndim të mëtejshëm të gjendjes lidhur me pastrimin e parave, narkotrafiqeve dhe veprimtarisë kriminale në vend, gjë e cila ka sjellë një rëndim të situatës së rendit publik dhe të qetësisë së qytetarëve.
Meta konfirmoi vullnetin e palëkundur të Partisë së Lirisë për të kontribuar për zgjedhje të lira, të ndershme dhe brenda standardeve europiane, që do t'i jepnin fund monizmit në pushtetin lokal, si dhe këmbënguljen e Partisë së Lirisë për denoncimin në të gjitha nivelet, të korrupsionit qeveritar dhe lokal.
TIRANË- Pas takimit me Gjiknurin dhe Alibeajn, ambasadorja Yuri Kim po takohet kreun e Partisë së Lirisë, Ilir Meta.
Armbasadoja ka bërë këto takime në kuadër të zgjedhjeve lokale në 14 maj ku është diskutuar mbi ecurinë dhe situatën aktuale politike. Ende nuk dihet nëse Kim do të zhvillojë takime edhe me përfaqesusit e forcave të tjera politike/Dosja.al
TIRANË- Deputeti Enkelejd Alibeaj ka zbardhur takimin që pati ditën e sotme me ambasadoren amerikane Yuri Kim. Me anë të një postimi në Facebook, Alibeaj shkruan se fokusi i takimit ishin zgjedhjet e 14 Majit si dhe zhvillimet e fundit në vend. Po ashtu Alibeaj shkruan se në emër të PD-së ka garantuar Kim për vullnetin e tyre për tu përfaqësuar denjësisht zgjedhje.
Postimi i Plotë:
Gjatë një takimi të frytshëm dhe miqësor me ambasadoren e SHBA në Tiranë prekem temat që lidhen me zhvillimet më të fundit në vend për t’u ndalur më gjatë tek ato të zgjedhjeve vendore të 14 Majit. Diskutuam për rekomandimet e ODIHR, shqetësimet mbi përdorimin e administratës dhe pastërtinë e kandidatëve. Shqetësime këto të ngritura dhe më parë nga opozita dhe që kanë shoqëruar problematikën e proceseve të fundit zgjedhore në Shqipëri. Në emër të PD garantova ambasadoren e SHBA për vullnetin e mirë tonin për t’u përfaqësuar denjësisht në këto zgjedhje duke zbatuar rekomandimet e ODIHR, duke ndarë me të shqetesime të ndryshme përfshirë dhe rolin e medias, para dhe gjatë fushatës elektorale. Në fund të bisedës e falenderova për mbështetjen e vazhdueshme që SHBA i kanë dhënë Shqipërisë dhe shqiptarëve në rrugëtimin e gjatë dhe të vështirë të zhvillimeve demokratike.
1.4. Në fund të bisedës e falenderova për mbështetjen e vazhdueshme që SHBA i kanë dhënë Shqipërisë dhe shqiptarëve në rrugëtimin e gjatë dhe të vështirë të zhvillimeve demokratike. pic.twitter.com/GyHfANHycI
— Enkelejd Alibeaj (@enkelejdalibeaj) March 8, 2023
TIRANË- Ambasadorja e SHBA-ve Yur Kim ishte sot në selinë e PS. Sekretari i përgjithshëm Damian Gjiknuri zbuloi se në qendër të diskutimit ishin zgjedhjet e ardhshme vendore të 14 Majit, situata aktuale politike në vend dhe rekomandimet e ODIHR-it.
'Pata kënaqësinë të mikprisja në selinë e Partisë Socialiste ambasadoren e Shteteve të Bashkuara të Amerikës në Tiranë zonjën Yuri Kim. Zgjedhjet e ardhshme vendore të 14 Majit, situata aktuale politike në vend dhe rekomandimet e ODIHR-it pas procesit të fundit elektoral ishin në qendër të diskutimit. E garantova ambasadoren për vendosmërinë e Partisë Socialiste për të kontribuar aktivisht për një proces zgjedhor në përputhje me standardet më të mira ndërkombëtare. Si gjithnjë, Shtetet e Bashkuara të Amerikës mbeten në krah të Shqipërisë në përpjekjen për të garantuar zgjedhje të lira e të ndershme.'- shkruan Gjiknuri.
TIRANË- Ambasadorja amerikane në Shqipëri, Yuri Kim ka mbyllkur sot një takim me sekretarin e Përgjithshëm të Partisë Socialiste, Damian Gjiknurin. Fill pasi mbaroi takimin me të në selinë rozë, takoi edhe deputetin e Partisë Demokratike, Enkelejd Alibeajt në kryesinë e Kuvendit.
Takimi vjen vetëm pasi si Enkelejd Alibeaj, edhe Sali Berisha kanë bërë kërkesë në KQZ për regjistrimin në zgjedhjet lokale të 14 majit, kjo pasi të dyja palët pretendojnë se mbajnë vulën e partisë. Por do jetë KQZ e cila do të vendosë nesër për fatin e Partisë Demokratike, se cili prej dy kampeve do të regjistrohet për të marrë pjesë në zgjedhjet lokale të 14 majit.
TIRANË- Ambasadorja e Shteteve të Bashkuara të Amerikës në Shqipëri, Yuri Kim ishte e pranishme ditën e sotme në selinë e Partisë Socialiste. Ajo u prit nga sekretari i Përgjithshëm i PS-së, Damian Gjiknuri, me takimi me të zgjati për gati gjysmë ore. Ende nuk dihet motivi i këtij takimi, pasi dyshja nuk dha asnjë koment për mediat.
Kjo vizitë vjen dy ditë pasi përfundoi afati ligjor në KQZ për regjistrimin e partive në zgjedhjet e 14 majit./Dosja.al
