6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– Ministrja për Europën dhe Punët e Jashtme, Olta Xhaçka ka deklaruar se pas Ukrainës, Ballkani i Perëndimor është teatri i dytë i konfliktit që po ndodh sot në Kiev. Xhaçka, në fjalën e saj në Kuvend, u shpreh se sot më shumë se kurrë duhet të kërkojmë me forcë që politika e zgjerimit të kthehet në vëmendjen e Bashkimit Europian. Sipas saj, vetëm kështu bie kërcënimi i influencës ruse në rajon.
“Në këtë përballje madhore, po në fakt edhe shumë më herët, ashtu si ne kishim paralajmëruar, rajoni i Ballkanit Perëndimor është teatri i dytë më i rëndësishëm i pasojave të atij konflikti. Kemi parë se si rajoni është përçarë, kemi parë një influencë të jashtëzakonshme ruse në rajon, kemi parë se si pikat e dobëta në rajon janë ato që nuk kanë një perspektivë të qartë evropiane, kemi parë se si forca e marrëdhënies kontraktuale me BE-në apo forca e bashkëpunimit rajonal janë forca të fuqishme që ndalin konflikte pavarësisht ndasive. Prandaj më shumë se kurrë, sot e në këtë kohë sfidash, do të duhet ta kërkojmë me forcë që politika e zgjerimit me vendet e Ballkanit Perëndimor të rikthehet në vëmendjen e Bashkimit Europian. Sepse kjo politikë zgjerimi është një policë sigurimi për BE-në në rradhë të parë e së dyti për vetë rajonin, i cili ende nuk i ka të shëruara plagët e të shkuarës së afërt,”- u shpreh ministrja.
FJALA E PLOTË E MINISTRES:
E nderuar zonja Kryetare e Kuvendit, Të nderuar kolegë, Falenderoj bashkëkrytarët dhe kolegët e Këshillit Kombëtar të Integrimit Europian për publikimin e raportit 1 vjetor të aktivitetit të Këshillit Kombëtar për Integrimin Evropian. Gjej rastin të përgëzoj Këshillin Kombëtar për Integrimin Evropian për kryerjen gjatë një viti me përpikmëri të rolit që Ligji nr. 15/2015, datë 05.03.2015, “Për rolin e Kuvendit në procesin e integrimit të Republikës së Shqipërisë në Bashkimin Europian” i ka ngarkuar, atë të strukturës më të lartë këshillimore kombëtare për integrimin europian, si një instrument i rëndësishëm për të siguruar një qasje gjithëpërfshirëse dhe ndërgjegjësuese lidhur me reformat në procesin e integrimit Evropian të Shqipërisë.
Raporti një vjeçar i aktivitetit të Këshillit Kombëtar të Integrimit Evropian pasqyron në fakt me vërtetësi të gjithë atë punë madhore që është bërë përgjatë vitit 2021, nga qeveria shqiptare, struktura negociuese për negociatat e aderimit dhe administrata që punon për cështjet e integrimit evropian. Kjo nënkupton të gjitha fushat, ombrellë e të cilave është integrimin evropian i Shqipërisë: përgatitja për negociatat, zbatimi i ndihmës financiare të paraaderimit të BE-së, zbatimi i agjendës së Stabilizim Asocimit dhe i Planit Kombëtar të Integrimit Evropian dhe ngritja e marrëdhënieve me BE-në, në nivel partneriteti, në raste krizash e çështjesh madhore të përbashkëta, përfshirë në kuadër të politikës sonë të jashtme e të sigurisë. Të nderuar deputetë, gjatë vitit 2021 kemi marrë disa vlerësime të njëpasnjëshme nga Komisioni Evropian, si dhe nga Këshilli i BE-së në dhjetor 2021, se Shqipëria i ka përmbushur të gjitha kushtet për të nisur negociatat e anëtarësimit, çka pritet të bëhet nëpërmjet Konferencës së parë Ndërqeveritare BE-Shqipëri. Siç jeni të gjithë të njohur, për shkak të një artifice të krijuar nga një mosmarrëveshje mes dy fqinjëve të Shqipërisë, po e mban pezull edhe vendimmarrjen për Shqipërinë në Këshill.
Me të dyja vendet në fjalë ne gëzojmë marrëdhënie dypalëshe të shkëlqyera reciprokisht. Gjithmonë kemi lobuar që mosmarrëveshjet dypalëshe të mos pengojnë avancimin e vendeve kandidate në rrugëtimin e tyre drejt BE-së. Kemi lobuar përherë që perspektiva e integrimit e vendeve të Ballkanit Perëndimor të jetë e qartë dhe konkrete dhe procesi të jetë i besueshëm dhe i parashikueshëm. Siç e përmendi më herët edhe z. Balla, jemi në një moment kyç për të avancuar kërkesën tonë për mbajtjen sa më shpejt të Konferencës së parë Ndërqeveritare me Shqipërinë dhe Maqedoninë e Veriut. Mundësisht brenda termit të Presidencës franceze të Këshillit të BE-së. Ashtu si ky Kuvend i nderuar e ka përjetuar këtë moment tejet delikat gjeopolitik në Evropë, ku në fakt dy botkuptime të ndryshme vlerash dhe parimesh po përballen dhe një vend i pafajshëm, vetëm sepse guxoi të zgjedhë të ardhmen e vet, po vuan në breshërinë e bombave dhe bota ka ndaluar së frymuari nga krimet e pakuptimta që po kryhen në Ukrainë prej agresorit rus.
Në këtë përballje madhore, po në fakt edhe shumë më herët, ashtu si ne kishim paralajmëruar, rajoni i Ballkanit Perëndimor është teatri i dytë më i rëndësishëm i pasojave të atij konflikti. Kemi parë se si rajoni është përçarë, kemi parë një influencë të jashtëzakonshme ruse në rajon, kemi parë se si pikat e dobëta në rajon janë ato që nuk kanë një perspektivë të qartë evropiane, kemi parë se si forca e marrëdhënies kontraktuale me BE-në apo forca e bashkëpunimit rajonal janë forca të fuqishme që ndalin konflikte pavarësisht ndasive. Prandaj më shumë se kurrë, sot e në këtë kohë sfidash, do të duhet ta kërkojmë me forcë që politika e zgjerimit me vendet e Ballkanit Perëndimor të rikthehet në vëmendjen e Bashkimit Europian. Sepse kjo politikë zgjerimi është një policë sigurimi për BE-në në rradhë të parë e së dyti për vetë rajonin, i cili ende nuk i ka të shëruara plagët e të shkuarës së afërt.
Të nderuar kolegë, Përtej rolit koordinues dhe monitorues të Kuvendit të Shqipërisë në këtë proces vital për vendin tonë, ky Kuvend i nderuar ka një rol lobues të jashtëzakonshëm. Fakt për këtë janë jo vetëm vizitat tuaja të shpeshta në vendet evropiane, por edhe një hallkë shumë e rëndësishme e dialogut politik të agjendës së stabilizim asocimit, Komiteti Parlamentar i Stabilizim Asocimit. Gjej rastin këtu t’ju falenderoj për miratimin e konkluzioneve të Komitetit të shkurtit 2022, që do jenë edhe udhërrëfyesi ynë për vitin në vazhdim. Qeveria shqiptare dhe unë, personalisht, edhe në emër të strukturës negociuese, mbetemi plotësisht të përkushtuar për të realizuar çdo detyrim që na lind në procesin e integrimit evropian të Shqipërisë, në përgatitje të bisedimeve të ardhshme të anëtarësimit. Si zëri i mbështetjes mbarëqytetare për Shqipërinë në Evropë, gjej rastin t’ju konfirmoj angazhimin e qeverisë shqiptare për të bashkëpunuar ngushtësisht me ju, në rrugëtimin tonë drejt BE-së, në mënyrë që të realizojmë objektivin madhor të të gjitha qeverive në 30 vitet e fundit në Shqipëri, atë të anëtarësimit në BE.
(k.m.dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Kush jeton në kushte të mira dhe kush harxhon shumë energji eletrike do të hiqet nga mbrojtja që ka ofruar qeveria shqiptare në paketën e rez...
TIRANË– Kryetari i Partisë Demokratike, Lulzim Basha është shprehur se është gati që të bëjë gjithçka për selinë blu. Por as kësaj herë nuk e ...
TIRANË- Kryetari i Grupit Parlamentar të Partisë Socialiste, Taulant Balla ka mbajtur sot një fjalim ndryshe në Kuvendin e Shqipërisë, ku i ka kërkuar opoz...
TIRANË– Kryeministri Edi Rama ka paralajmëruar se nafta mund të rritet sërish. Edhe pse nafta u ul në ditët e fundit, kreu i qeverisë paralajmëroi se...
TIRANË– Deputeti i Partisë Demokratike, Saimir Korreshi ka shkaktuar të qeshura tek të gjithë kolegët e tij demokratë. Teksa po qëndronte jashtë me d...
TIRANË- Kryetarja e Lëvizjes Socialiste për Integrim, Monika Kryemadhi foli në Kuvend për raportin e hartuar për procesin e integrimit europian. Në fjalën ...
TIRANË– Kryeministri Edi Rama kërkoi nga përfaqësuesit e bizneseve që të harrojnë fitimin nga produktet e tyre. Me humor ai u tha se duhet të sillen ...
TIRANË– Kreu i grupit parlamentar të Partisë Socialiste, Taulant Balla i ka bërë thirrje Prokurorisë së Posaçme kundër Korrupsionit dhe Krimit...
TIRANË- Kryetari i Partisë Demokratike, Lulzim Basha ka folur jashtë selisë së PD duke thënë se është mirënjohës për ndihmën e Elmar Brook, ish-eurodeputet...
TIRANË– Deputetja e Partisë Demokratike, Jorida Tabaku foli me tone të ashpra në Kuvend duke thënë se duhet të ulen të gjithë me këmbë në tokë. Me to...
