Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Nëse janë gjallë apo jo, fati i tre të rinjve në Malësinë e Madhe nuk dihet ende. Ndonëse banorët theksojnë indiciet se Vilson Çutaj 37 vjeç, Klement Pepaj 21 vjeç dhe Daniel Pepaj mund të kenë hyrë në konflikt për vjedhjen e një sasie me hashash, policia nuk ka dalë ende me një version paraprak, ndërsa pranon për gazetën Si se u vu në dijeni për përplasjen mes të rinjve në fshatin Vuç Shkurtaj nga të afërmit e secilit.
Të dy palët mendohet se janë kushërinj mes njëri-tjetrit dhe se me shumë mundësi nga të dhëna ende të paqarta, ngarkesa e hashashit mund t’i jetë grabitur Vilson Çutaj, i cili është kushëri me Klement Pepaj. Ky i fundit nga ana e tij është kushëri me Daniel Pepaj. Dyshimet janë se në një moment Çutaj e ka pyetur Klementin për humbjen e hashashit dhe ai ka treguar se për këtë sasi të zhdukur autor është Daniel Pepaj. Përherë duke u bazuar në të dhënat e banorëve ka dyshime se kushëriri Pepaj e ka nxjerrë në pritë Daniel Pepaj duke u zhvendosur drejt Bajzës ku dhe mund të jetë torturuar për t’i marrë informacionin e kërkuar.
Por të gjitha këto janë indicie këmbënguli burimi i gazetës Si, sipas të cilit nuk ka asnjë informacion nëse nga kjo përplasje për drogën nëse ka qenë e tillë ka apo jo të mbijetuar, ku gjenden autorët dhe po ashtu edhe trupi i viktimës.
Klement Pepaj dhe Vilson Çutaj, dy nga të zhdukurit në Malësinë e Madhe. Por…
E gjithë kjo panoramë duket si një riparje e ngjarjeve të mëparshme të ndodhura për hashashin në vendin tonë. Teksa për herë të dytë zyrtarisht dalin të dhëna për implikim të oficerëve të policisë në zonën e Tiranës dhe të Vlorës, çka ka sjellë reagimin e ShÇBA, rekordet në këtë fushë tregojnë se përplasjet mes grupeve për të ruajtur prodhimin e hashashit vazhdojnë të jenë të mprehta dhe jashtë kontrollit. Gazeta Si gjatë verës ka denoncuar disa herë situatën e kanabizimit të vendit dhe të dhëna tepër sekrete, madje edhe të dyshimeve ndaj oficerëve të policisë. Por po të hidhen sytë pas gjendja është po aq dramatike.
Burimet e gazetës Si pohojnë në anonimitet të plotë se gjatë përplasjes së bandave në rajonin e Shkodrës, një vit më parë ka dyshime se dy persona që në dukje u eliminuan për shkaqe të pamotivuara mund të jenë qëlluar për shkak të hashashit. Siç bën me dije burimi i gazetës Si, vrasja e shtetasit Gj.K ka dyshime të forta se u krye vjeshtën e kaluar pasi ai ishte informatori sekret i policisë dhe vuri në dijeni autoritetet për trafikantët që kultivuan drogë sezonin e kaluar në zonën e Dukagjinit. Ndonëse vrasja e 43-vjeçarit baba i tre fëmijëve u krye në derë të shtëpisë dhe policia lokale shpejtoi të japë informacion për të duke treguar se viktima ka qenë ish i dënuar po për drogë, asnjëherë nuk u dha informacioni që gjithashtu me kthimin nga jashtë vendit ka dyshime që Gj.K informoi policinë për disa parcela.
Një informacion që i “hëngri” kokën
Vrasje tjetër e dyshimtë që sërish nuk përjashton mundësinë që të jetë eliminuar një ndihmës i policisë është edhe krimi që i mori jetën shtetasit Lazër Arra, po në zonën e Dukagjinit. Ndonëse në atë kohë si i dyshuar u prangos fillimisht kushëriri i tij, i cili insistoi se nuk kishte asnjë lidhje me vrasjen. Krimi u krye në fshatin Palaj dhe sërish ka të dhëna jozyrtare se edhe Arra ishte bashkëpunëtor dhe informator i policisë. Sa i takon Dukagjinit, policia vazhdon ta konsiderojë një zonë të pashkelur dhe të frikshme, e për këtë në disa aksione antikanabis u aktivizuan forcat Renea. Por policia në këtë zonë humbi terrenin dhe së bashku me këtë edhe informacionin dhe besimin e qytetarëve, ashtu siç edhe ndodhi më herët edhe për vetë drejtorinë qendrore që organizoi një aksion antidrogë gjatë verës dhe për të mbyllur përmasat e skandalit dhe përfshirjen e zyrtarëve të policisë e transferoi njërin nga shefat në jug të vendit.
Të vrarë për hashash…
Teksa edhe para 2016-s edhe pas 2016-s, Policia e Shtetit dështoi të kryejë një analizë të thelluar mbi fenomenin e hashashit të kthyer fuqishëm, vrasjet për bimën narkotike janë fiks një histori e ritreguar. Mikel Alla gjendet në paraburgim si i dyshuar për vrasjen e Eri Zefit 35 vjeç, i gjetur i pajetë në fshatin Zall Xhuxhë, pak metra larg autostradës Rrëshen Kalimash. Viktima ishte qëlluar në kokë dhe trupi i tij është kthyer përmbys nga vrasësit. Por dëshmia e bashkëshortes së viktimës dhe mesazhet dërguar asaj e fokusuan hetimin te vrasja e tij për grabitje të hashashit. Viktima i shkroi gruas: do takoj dy shokë në Tiranë, me të cilët do shkoj në Fan Mirditë për të vjedhur hashash. Biseda e fundit mes dy partnerëve u krye në WhatsApp video ku viktima i thotë: jam tu ik për Fanë. Ndonëse për këtë dosje pati edhe pista të tjera të vrasjes së tij për shkak të gjakmarrjes, çështja vazhdon të jetë e fokusuar edhe një vit pas krimit në pistën e vrasjes për drogë.
Nga këqyrjet në telefonin e gruas së viktimës dalin këto biseda:
Viktima – Jeta jem do ik sipër
Gruaja – Je tu ik atje?
Viktima – Jeta jem hik atje
Gruaja – Me kë je?
Viktima – Me dy shokë
Gruaja – A do kthehesh a fle atje?
Viktima –Jeta jem do kthej.
Marrë nga Gazeta “Si”
1 vit nga zgjedhjet e 25 prillit si e shikoni gjendjen e vendit:
SHKODËR– Policia e Shtetit ka prangosur dy persona, të cilët janë identifikuar si Tonin Kroni dhe Adrian Troja, të cilët akuzohen se kultivonin bimë narkot...
KORÇË- Kopshti në Korçë është mbyllur pasi drejtoresha ka rezultuar pozitive me Covid-19. Burime bëjnë me dije se për fat të mirë drejtoresha...
POGRADEC- Një ngjarje e rëndë ka ndodhur në Pogradec, ku një 41 vjeçar ka rënë akidentalisht nga pallati dhe për fat të keq ka humbur jetën.Burime për Do...
TROPOJE– Reshjet e shiut që ranë ditën e djeshme në Tropojë kanë shkaktuar daljen e lumit Sylbicë nga shtrati duke dëmtuar kështu rrugët e zonës.80 nga banorët ...
SHQIPËRI- Ministria e Shëndetësisë ka bërë me dije se gjatë 24 orëve të fundit në vendin tonë janë shënuar 3 viktima nga pandemia e koronavirusit. Pacientë...
TIRANË- policia e shtetit ka arrestuar ditën e sotme 5 persona, njëri prej të cilëve ishte shpallur në kërkim. Sipas policisë kanë rënë në prnaga shtetasti...
TIRANE– Këshilli i Lartë i Prokurorëve inkurajon prokurorët të cilët përmbushin kriteret për emërimin në Gjykatën Kushtetuese dhe kanë kaluar me sukses pr...
TIRANË- 25 shtetas shqiptarë që kishin kërkuar azil në Francë, janë riatdhesuar mesditën e kësaj të marte me anë të një fluturimi me charter.Sipas policisë...
SHKODËR- Ditën e sotme janë arrestuar dy persona dhe dy të tjerë janë shpallur në kërkim pas përfundimit të operacionit të koduar “Thethi”. Policia bën me ...
DURRES– Një grua ka denoncuar në polici një 51-vjeçar pasi ka konstatuar se ka kryer veprime të turpshme me vajzën e saj 8-vjeçare. Gruaja ë...
