“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
BRITANI E MADHE- Mesa duket nuk është vetëm Anglia ajo që kërkon me ngulm Brexit. Në Britani të Madhe ka filluar një tjetër valë largimi, e cila është pagëzuar: Megxit!
Bëhet fjalë për largimin e çiftit Meghan Markle dhe princit Harry nga familja Mbretërore për të jetuar si dy njerëz të thjeshtë. Por si nisi gjithçka? Si u përça familja që Mbretëresha Elisabeth II e mbronte me aq fanatizëm?
Korrik 2016
Gjithçka nisi në muajin korrik të 2016, kur Harry takoi Meghanin falë një miku të përbashkët. Të dy e pëlqyen shumë njëri-tjetrin dhe vendosën që të ishin bashkë pa e ditur se çfarë i priste.
27 Nëntor 2017
Harry dhe Meghan njoftojnë fejesën e tyre. Në një intervistë për BBC, Meghan përshkruan historinë e tyre të dashurisë si “autentike dhe organike”. Ndërkohë përballet me sulmet e vazhdueshme nga motra e saj. Samantha Markle fliste lirisht në media duke e akuzuar se i kishte kthyer shpinën familjes që në momentin që ishte njohur me Harryn. Sipas Samathës, Meghan ishte kthyer në një tjetër njëri duke u ‘zhytur’ në botën e luksit. Atë kohë babai i saj ishte i ftuar në dasmë dhe ende nuk ishte rreshtuar kundër bijës së tij.
19 maj 2017
Meghan dhe Harryi martohen në Kështjellën Ëindsor, duke u bërë Duka dhe Dukesha e Sussex. Babai i Meghan nuk merr pjesë në dasmë. Sipas saj, atë ditë ai kishte pasur shqetësime shëndetësore. Pranë saj ishte vetëm e ëma. Mediat ‘gëlojnë’ nga thashethemet se si Mbretëresha nuk e donte atë martesë pasi thyente çdo protokoll mbretëror. E para, Meghan ishte gjysmë e zezë. Sado raciste mund të tingëllojë, mbretëresha justifikohej se donte më të mirën për nipin e saj të vogël. Gjithashtu nusja e ardhshme ishte e divorcuar, një skandal ky për rrethin e ngushtë me gjak blu. E treta por jo më pak e rëndësishmja, Meghan ishte aktore dhe nuk u kishte thënë jo skenave të seksit, sidomos në serialin ‘Suits’. Megjithatë dasma u zhvillua, por asnjë prej të dyve nuk mori të njëjtin nderim si çifti Ëilliam dhe Kate. Mesa duket për të përulur çiftin e ri, Mbretëresha vendosi që t’u japë titullin “Duka dhe Dukesha e Sussex-it”, i cili nuk ishte caktuar për më shumë se një shekull. Për të bërë dallim, risjellim faktin që vëllai i Harry-t quhet duka i “Cambridge”. E bëni dallimin besoj?
15 Tetor 2018
Burime nga Pallati Mbretëror bëjnë me dije se Meghan është shtatzënë me fëmijën e saj të parë.
Maj 2019
Fëmija i parë i çiftit, Archie, ka lindur. Këtu pikërisht nis gjithçka. Nisin edhe shenjat e para nga distancimi. Ata njoftojnë se djali i tyre nuk do të ketë një titull, dhe përkundrazi do të quhet thjesht “zotëri”.
Qershor 2019
Thellohet përçarja. Çifti njofton se nuk do të kontribuojnë më për fondin bamirës të familjes, por kanë hapur organizatën e tyre “Sussex Royal”. Ndërkohë thashethemet në mediat pretendonin se Meghan kishte probleme me kunatën e saj Kate dhe me ‘nënën mbretërshë’. Çdo gjë venitej pas daljeve publike, në të cilat zonjat kujdeseshin që buzëqeshja të ishte vesh e më vesh.
Shtator 2019
Bomba plas! Sherret e familjes pubikohen në një dokumentar që Duka dhe Dukesha e Sussex-it xhirojnë gjatë udhëtimit të tyre humanitar në Afrikën e Jugut. Pa u kursyer ata tregojnë se çfarë presioni ka në jetën e tyre, e cila duket aq perfekte. Madje vijën e kuqe e shkel Harry, i cili flet për humbjen e nënës së tij, Princeshë Dianës. Mos të harrojmë që në rrjet qarkullojnë teori konspirative se ka qënë Mbretëresha Elisabeth ajo që urdhëroi vrasjen e ish-gruas së djalit të saj. Dikur edhe Diana në kohën e saj ishte një rebele, e cila thyente vazhdimisht protokollet e familjes. Një prej tyre ishte edhe divorci për shkak të tradhëtisë të së shoqit.
Nëntor 2019
Çifti njofton se nuk do t’i kalojnë Krishtlindjet me anëtarët e tjerë të familjes mbretërore madje se do të shkojnë me pushime Kanada.
Dhjetor 2019
‘Dhëmb për dhëmb’! Në urimin tradicional për festat e fundvitit që mbretëresha Elisabeth bën për popullin e saj, mungonte një detaj. Mbi tryezë ajo kishte vendosur foto të nipit Ëilliam dhe familjes së tij; një foto të vetes me bashkëshortin; foton e të atit. Askund Harry dhe Meghan!
8 janar 2020
Harry dhe Meghan njoftojnë se synojnë të tërhiqen nga privilegjet e tyre si anëtarë të familjes mbretërore për t’u bërë të pavarur financiarisht. Madje ata njoftojnë se do të jetojnë mes Kanadsë dhe Britanisë.
“Ky ekuilibër gjeografik do të na mundësojë të rrisim djalin tonë me një vlerësim për traditën mbretërore në të cilën ai u lind, duke i siguruar gjithashtu familjes tonë hapësirën për t’u përqëndruar në kapitullin tjetër,” thanë ata. Në deklaratën zyrtare ata gjithashtu shtuan se vendimi u mor pas shumë muajve reflektim dhe diskutimeve me njëri-tjetrin.
Ç’ndodh tani?
Pas lajmit për tërheqjen e princit Harry dhe Meghan, nuk ka ende asnjë reagim zyrtar nga Pallati Mbretëror. Por skulpturat e tyre të dyllit u hoqën nga muzeu i “Madame Tussauds” teksa qëndronin krah anëtarëve të tjerë të familjes. Ndonjë urdhër nga lart? Ende nuk dihet! Mëgjithatë mbretëresha ka treguar se nuk mban mëri pasi nipi i saj, Harry mbetet sërish i gjashti në radhë për t’u ngjitur në fron pasi ajo të ndërrojë jetë. Epo gjyshja gjithmonë gjyshe mbetet, pavarësisht se mund të drejtojë një vend.
Pasojat
Me largimin e Harry-t dhe gruas së tij, e gjithë barra e përgjegjësive bie mbi Kate, dukeshën e Cambridge dhe Princin Ëilliam, të cilët do të plotësojnë gjithë boshllëqet dhe do të duhet të kujdesen për tre fëmijët e tyre.
Paratë nuk rriten në pemë
Ikën nga familja, por me çfarë do të jetojnë? Me siguri që e dinë se ‘jeshilkat’ nuk rriten në pemë. Një mundësi është që Meghan do t’i kthehet aktrimit, ndërsa Harry mund të japë eksperiencën e tij në ushtrinë kanadeze. Kujtojmë që të dy princërit kanë shërbyer dhe punuar për një kohë të gjatë në ushtri, duke u specializuar në fusha të ndryshme.
KRITIKËT
Kritikët janë sulur dhe duket sikur halli më i madh në botë është problemet e marrëdhënieve mbretërore. Ata fajësojnë Meghanin për zgjedhjen e Harry-t, duke pretenduar se ajo ia ka futur idenë në kokë pasi nuk e ka përballuar dot presionin. Ndërsa të tjerë ia kanë vënë fajin Harryt duke kujtuar se ai ashtu si Diana nuk e ka pëlqyer kurrë vëmendjen duke përmendur edhe sherret e bujshme që ka pasur me tabloidet vendase.
Me pak fjalë, e gjithë bota ‘zien’ në fjalë. Kush e vendosi dhe pse u larguan? A kishte edhe Meghan ashtu si shumica e vajzave, probleme me vjehrrën? Po me kunatën si shkonte? Me ç’do mbahen tani? Siç ka thënë edhe një personazh i njohur i një libri…tani s’na mbetet gjë tjetër veçse të presim…
(Thënia është ndryshuar për qëllime humori!)
(k.m/R/G/Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË–Moderatorja e njohur Jonida Vokshi në muajin shtator kurorëzoi historinë e saj të dashurisë me aktorin dhe regjisorin e njohur nga Kosova, Besnik Kr...
MAQEDONI– Familjarët e nuses së dajës të këngëtares Adelina Tahiri kanë dhënë një tjetër version për ngjarjen që ka bërë bujë në të gjithë mediat ditën e sotme....
TIRANË– Ish-dhëndri i Jozefina Topallit, Luiz Ejlli është pikasur pasditen e sotme në një nga kafenetë e lagjeve të Tiranës. Paparaci i Dosja.al ka shkrepu...
TIRANË– Astrologia Meri Shehu ka publikuar parashikimin e yjeve për 12 shenjat e horoskopit për muajin janar. Në një status në profilin e saj në Facebook, ...
TIRANË– Moderatorja Alketa Vejsiu ka zgjehdur t’u kthejë përgjigje disa prej komentuesve që e kritikuan pas sulmeve për dy motrat Vjollca, Marinën dhe Luan...
ANGLI- Media britanike “The Guardian” i ka dedikuar autorit të njohur shqiptar Ismail Kadare, një shkrim rreth autobiografisë “Kukulla” e cila është përkthyer s...
TIRANË- Nexhmije Hoxha, e veja e diktatorit Enver Hoxha, jetën e saj politike e ka shkruar në një libër me titull, “Përjetime dhe meditime në jetën time po...
TIRANË– Asnjëherë më parë një këngëtar shqiptar nuk ka zhvilluar një koncert me orkestër simfonike në ‘mes’ të Greqisë por kush tjetër më parë se Tre Muskë...
TIRANË- Zbulohen pretendentët për çmimin e madh të letërsisë. Flutura Açka, Agron Tufa, Enkel Demi janë disa nga kandidatët për çmimet...
TIRANË – Për një periudhë të gjatë, nuk folën me njëri-tjetrin dhe shkëputën çdo lloj marrëdhënieje. Se cila qe arsyeja e vërtetë, asnjëri prej akto...
