Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
SHBA– Ekspertë të sigurisë kibernetike në Shtetet e Bashkuara thanë se një sulm kibernetik, që nisi më 2 korrik, preku mijëra viktima në së paku 17 vende të botës. Ekspertët u atribuuan përgjegjësinë bandave rusishtfolëse, ndërsa thanë se kriminelët kanë kërkuar shpërblime në vlerë prej 45,000 deri në 5 milionë dollarë. Fred Voccola, shef i Kaseya-s, kompani me seli në SHBA, softueri i së cilës u prish, gjithashtu vlerësoi se numri i viktimave është mijëra.
Ai tha se shumica janë biznese të vogla, si objekte dentare, firma të arkitekturës, qendra të kirurgjisë dhe biblioteka. Shkollat, agjencitë e vogla qeveritare, agjencitë e udhëtimit dhe agjencitë e kontabilitetit janë gjithashtu në mesin e viktimave të raportuara. Kompania beson se e ka identifikuar burimin e cenueshmërisë dhe do të lëshojë një raport për klientët e prekur sa më shpejt që të jetë e mundur, tha Voccola në një intervistë për agjencinë e lajmeve Associated Press.
Ai nuk pranoi të ofrojë detaje për sulmin, por tha se “niveli i sofistikimit ishte i jashtëzakonshëm”. Ekspertët e sigurisë kibernetike në SHBA thanë se banda REvil – një sindikatë e madhe rusishtfolëse – duket se qëndron prapa sulmit. Sipas tyre, nuk është rastësi që sulmi nisi në fundjavën kur SHBA-ja shënoi përvjetorin e pavarësisë. Shumë biznese mund të mos e zbulojnë se janë goditur derisa të rihapen më 5 ose 6 korrik. FBI dhe Agjencia e Sigurisë Kibernetike dhe Infrastrukturës në SHBA janë duke bërë hetime dhe u kanë kërkuar kompanive që t’i raportojnë problemet, por kanë paralajmëruar se “shkalla e këtij incidenti mund ta bëjë të pamundur përgjigjen për secilën viktimë veç e veç”.
Presidenti Joe Biden i ka urdhëruar agjencitë e inteligjencës amerikane që të hetojnë incidentin. Anne Neuberger, zëvendëskëshilltare e Shtëpisë së Bardhë për teknologjinë kibernetike dhe teknologjinë në zhvillim, tha se FBI dhe Departamenti i Sigurisë Kombëtare “do t’i ndihmojnë viktimat e identifikuara për të siguruar ndihmë, bazuar në vlerësimin e rrezikut kombëtar”. Një nga kompanitë e prekura është zinxhiri suedez i ushqimeve Coop.
Ai është detyruar të mbyllë shumicën e 800 dyqaneve të tij më 3 dhe 4 korrik, pasi sulmi ka dëmtuar softuerin e arkës së tij. Një zinxhir suedez i farmacive, një zinxhir i stacioneve të karburanteve, hekurudha shtetërore dhe transmetuesi publik SVT janë goditur gjithashtu. Mbikëqyrësi federal i sigurisë kibernetike në Gjermani tha se një ofrues i paidentifikuar i shërbimeve IT, që kujdeset për disa mijëra klientë, është sulmuar. Dy kompani të mëdha holandeze të shërbimeve IT ishin po ashtu në mesin e objektivave.
Sulmet kibernetike kryhen nga hakerë që hyjnë në rrjete dhe shpërndajnë kode të dëmshme, që bllokojnë të dhënat digjitale të viktimave. Të dhënat janë të papërdorshme derisa kompania e sulmuar paguan shumën që i kërkohet. Sulme të profilit të lartë kanë goditur një tubacion energjetik të SHBA-së dhe një përpunues global të mishit, në muajin maj. Muajin e kaluar, gjatë një takimi në Gjenevë, presidenti Biden ka biseduar me homologun rus, Vladimir Putin, për bandat e sulmeve kibernetike, që dyshohet se veprojnë pa u ndëshkuar në Rusi. Biden ka thënë se ka paralajmëruar Putinin se Shtetet e Bashkuara do të përgjigjen, nëse hetimet përcaktojnë se Qeveria ruse qëndron pas ndonjë sulmi.
Marrë nga REL
Iftar dhe politikë, a u prek Muaji i Ramazanit nga politikanët?
BRITANI E MADHE– Me dhjetëra makina, mes tyre Porsche e Lamborghini, mbushën rrugët në Telford të Anglisë për 4 ditë me radhë, për një dasmë. Daily Mail s...
SHBA– Në Kanada ka ndërkohë të paktën 174 zjarre në pyje, prej tyre 80 kanë shpërthyer gjatë dy ditëve të fundit, njoftojnë autoritetet e krahinës perëndi...
SHBA– Më 4 korrik 1776, Kongresi Kontinental miratoi zyrtarisht Deklaratën e Pavarësisë. Festimet filluan brenda pak ditësh: parada dhe lexime publike, zj...
AZERBAJXHAN- Një shpërthim i madh ndodhi në Detin Kaspik. The Sun raporton se shpërthimi ndodhi në një platformë nafte.Në video, shihen pamjet tronditëse nga mo...
“Flags of Valor” është një kompani që bën flamuj amerikanë prej druri dhe siguron punësim për veteranët e SHBA. Kompania gjithashtu mbledh para për të mbështetu...
PRISHTINË– Kryeministri i Kosovës, Albin Kurti ka thënë se qeveria e tij do të përgatisë padi kundër Serbisë për gjenocid. Por ky paralajmërim i Kurt...
Në Kaliforni, zyrtarët e shëndetit të Los Anxhelesit kanë këshilluar banorët që të përdorin maskat në hapësirat e brendshme publike, ndërsa ai shtet përballet m...
ITALI– Papa Françesku ka dalë me sukses nga operacioni që iu nënshtrua në spitalin Gemelli të Romës. Profesori Sergio Alfieri tha se operacioni në zorrën...
Janë bërë tre vjet që nga ratifikimi i Marrëveshjes së demarkacionit me Malin e Zi në Kuvendin e Kosovës dhe ende ky proces nuk mund të konsiderohet i përfundua...
