Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Më shumë se 60 shtetas të huaj janë shpallur persona të padëshiruar nga Shqipëria, në 3 vitet e fundit. Nga të dhënat e Ministrisë për Europën dhe Punët e Jashtme, rezulton se të paktën 7 prej tyre kanë qenë pjesë e trupave të huaja diplomatike, ku pjesa më e madhe rezulton të jetë nga Irani.
Ministria për Europën dhe Punët e Jashtme njoftoi të enjten se diplomati rus, Alexey Krivosheev, ishte shpallur person “non grata” (person i padëshirueshëm) në Shqipëri e kësisoj duhej të largohej nga vendi në 72 orët e ardhshme. Në komunikatë argumentohej se diplomati rus kishte thyer rregullat e diktuara nga pandemia Covid-19.
Burime për A2 konfirmuan se Krivosheev ishte infektuar nga koronavirusi dhe në raste të përsëritura nuk respektonte karantinën e detyrueshme. Krivosheev mbante funksionin e Sekretarit të Dytë në Ambasadën e Rusisë në Tiranë, ndërsa më herët kishte mbajtur të njëjtin pozicion në ambasadën e Rusisë në Shkup.
Moska reagoi sot përmes zv.ministrit të Jashtëm, Aleksandër Grushko, siç njoftoi Ministria e Europës dhe Punëve të Jashtme të Shqipërisë. Sipas këtij njoftimi, Grushko e quan dëbimin e diplomatit rus “një provokim për të dëmtuar marrëdhëniet ruso-shqiptare” dhe paralajmëron për “një përgjigje ndaj këtij hapi jo miqësor”.
Krivosheev nuk është diplomati i vetëm i shpallur person i padëshiruar në Shqipëri.
Në datë 26 mars 2018, qeveria shqiptare shpalli “non grata” 2 diplomatë rusë, Vladislav Filipov, atashe ushtarak, si dhe Alexey Nikolaevich Balashov, sekretar i parë i Ambasadës, me arsyetimin se veprimtaria e tyre nuk përputhej me statusin e tyre diplomatik.
Rusia u kundërpërgjigj në mënyrë reciproke, duke dëbuar dy diplomatë shqiptarë në ambasadën tonë në Moskë, Albert Jerasi dhe Arben Doçi. Jerasi mbante detyrën e zëvendësambasadorit shqiptar në Rusi. Ai ndodhej në Moskë prej më shumë se tre vjetësh, ndërsa më herët kishte shërbyer në misionin shqiptar pranë OKB në Nju-Jork.
Vitet e fundit, historia e dëbimeve nga Shqipëria nuk lidhet vetëm me Rusinë, por edhe Iranin. Gjatë vitit 2020, Shqipëria dëboi 4 iranianë, 2 nga të cilët diplomatë.
Më 15 janar të vitit të shkuar, autoritetet shqiptare njoftuan se kishin urdhëruar dëbimin nga Shqipëria të dy diplomatëve iranianë, të cilët janë shpallur persona të padëshiruar. Vendimi u bë i ditur nga ministri i Jashtëm në detyrë Gent Cakaj, në një postim në Facebook.
Sipas tij, të dy diplomatët, Mohammad Ali Arz Peimanemati dhe Seyed Ahmad Hosseini Alast, kishin zhvilluar “veprimtari në mospërputhje me statusin e tyre dhe parimet e Konventës së Vjenës për Marrëdhëniet Diplomatike. Dy përfaqësuesve të Republikës Islamike të Iranit u është kërkuar largimi i menjëhershëm nga territori i Republikës së Shqipërisë”.
Më 23 korrik të vitit të shkuar, Shqipëria dëboi Dabiel Kassrae. Ish-ministri i Brendshëm, Sandër Lleshaj, urdhëroi dëbimin nga Shqipëria të Dabiel Kassrae, një iranian me nënshtetësi italiane, 29 vjeç. Në urdhrin e dëbimit, Dabiel Kassrae u shpall “person i padëshiruar” dhe iu ndalua qëndrimi në Shqipëri për një periudhë prej 15 vitesh.
Më 18 tetor, po të vitit 2020, u shpall “non grata” një tjetër iranian, Ehsan Bidin, pasi dyshohet se ishte i infiltruar në kampin e muxhahedinëve në Manzë. Për iranianin Bidin, më herët ishte kërkuar largimi vullnetar nga vendi, por me urdhër të ministrit të Brendshëm, prej datës 17 tetor ai është shpallur “non grata” për të paktën 15 vitet e ardhshme.
Në vitin 2018, ambasadori i Iranit në Tiranë, Gholamhossein Mohammadnia, dhe një tjetër diplomat u shpallën “non grata”, pasi sipas shërbimeve inteligjente ishin të përfshirë në disa aktivitete që cenonin sigurinë kombëtare.
Shifrat e dëbimeve zgjerohen pas protestës me gjuhë urrejtjeje nga ana e një grupi shtetasish grekë që morën pjesë në funeralin e Kostandinos Kacifës, më 8 nëntor, në fshatin Bularat të Dropullit, duke shpallur “persona të padëshirueshëm” 52 prej tyre.
Krahas shpalljes “non grata”, 11 persona, kryesisht grekë, u vendosën nën hetim në gjendje të lirë nga autoritetet shqiptare për veprat penale “Nxitja e urrejtjes dhe grindjeve”, “Shpërndarja apo futja e materialeve, shkrimeve apo simboleve nga jashtë në Republikën e Shqipërisë, të cilat synojnë përmbysjen e rendit kushtetues a cenimin e tërësisë tokësore të vendit” dhe “Kalimi i paligjshëm i kufirit shtetëror”.
Lidhur me ngjarjen në Bularat, Shqipëria shpalli person të padëshiruar eurodeputeten qipriote, Eleni Theocharous dhe gazetarin Panaiotis Savidis.
Marre nga: A2
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Franco Talarico që mbante detyrën e sekretarit rajonal të UDC dhe që aktualisht është lënë në arrest shtëpie, pas mega-operacionit që vuri në prang...
TIRANË– Paratë e klanit mafioz italian Ndragheta po investohen në sektorin e ndërtimit në Shqipëri me ndërmjetësimin e njerëzve të lidhur me kryebash...
TIRANË– Emisioni “Stop” mbrëmjen e së premtes ka trajtuar një rast mashtrimi, që i është bërë një familjeje të varfër me dy fëmijë, që vuajnë nga sëmundje ...
DURRËS – Në Fiks Fare mbërriti një denoncim i veçantë nga një djalë 9- vjeçar i cili ankohej se tallej nga shokët e tij të shkollës, pa...
ITALI– Antonio Gallo, është në qendër të lajmeve të kronikës në Shqipëri e në vendin fqinj, ‘Princi’ i Ndrangheta-s që ka trazuar ujërat e mafias dhe politikës ...
KAVAJË– Dy persona kanë tentuar të grabisin një banesë në Kavajë. Ngjarja e rëndë është raportuar mbrëmjen e sotme në fshatin Zik-Xhafaj të Kavajës. Të dy ...
ITALI- Si rezultat i një Megaoperacioni në Itali u arrestuan një numër i madh personash të cilët janë eksponentë të klaneve mafioze të Ndraghetas në Kalabri. Me...
TIRANË– Një ministre e kabinetit Rama prej muajsh ka qenë nën lupën e prokurorisë së Posaçme SPAK. Ogerta Manastirliu , është verifikuar për n...
TIRANË– Besnik Halili, president i grupit Sol në Shqipëri, kompania në vendin tonë njihet me emrin “GTS-Gazra Teknike Shqiptare” shpk”, dyshohet se ishte g...
TIRANË– Gjykata e Lartë kalon për gjykim dosjen penale ndaj ish-ministrit të Brendshëm Saimir Tahiri dhe ish-drejtorit të policisë së Vlorës Jaeld Ç...
