Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Nga Dhomat e Specializuara në Hagë (apo siç njihen në Kosovë: Gjykata Speciale) deri më tani janë konfirmuar aktakuzat për pesë persona, për të cilat aktakuza është njoftuar publiku – kundër ish-eprorit të Ushtrisë Çlirimtare të Kosovës, Salih Mustafa, ish-zëdhënësit të Ushtrisë Çlirimtare të Kosovës, Jakup Krasniqi, ish-anëtarit të Shtabit të Përgjithshëm të UÇK-së, Rexhep Selimi, kundër kreut të Partisë Demokratike të Kosovës dhe ish-kryetar i Kuvendit, Kadri Veseli, dhe kundër presidentit të Kosovës, Hashim Thaçi.
Thaçi, më 5 nëntor, njoftoi se Dhomat e Specializuara në Hagë, i kanë konfirmuar aktakuzën për krime lufte dhe krime kundër njerëzimit. Ai tha se, për shkak se nuk dëshiron të shkojë para Dhomave të Specializuara si president i Kosovës, ai jep dorëheqje nga kjo pozitë.
“Ashtu, siç kam premtuar, nuk do të lejoj në asnjë rrethanë që para gjyqit të dalë presidenti i Republikës së Kosovës. Prandaj, për të mbrojtur integritetin e presidencës së Republikës së Kosovës, integritetin e shtetit të Kosovës, integritetin dhe dinjitetin e qytetarit të Kosovës , popullit të Kosovës, duke respektuar edhe partneritetin edhe me bashkësinë ndërkombëtare, unë sot jap dorëheqje nga pozita e presidentit të Republikës së Kosovës”, tha Thaçi.
Po të enjten, më herët, edhe Veseli e ka konfirmuar vetë lajmin përmes një deklarate për opinion ku po ashtu njoftoi se se ka bërë aranzhimet e nevojshme për të udhëtuar vullnetarisht drejt Hagës në mënyrë që t’iu përgjigjet këtyre akuzave. Ai tha se do të udhëtojë këtë mëngjes drejt Hagës.
Prokuroria e Specializuar në muajin prill kishte paraqitur një aktakuzë për shqyrtim në Dhomat e Specializuara të Kosovës kundër presidentit të Kosovës, Hashim Thaçi, kryetarit të Partisë Demokratike të Kosovës, Kadri Veseli, si dhe disa personave “të tjerë”, emrat e të cilëve prokuroria nuk ka dashur t’i publikojë.
Mustafa dhe Krasniqi gjenden tashmë në paraburgim në Hagë. Selimi, i cili aktualisht është shef i grupit parlamentar të Lëvizjes Vetëvendosje, ka deklaruar se, pas njoftimit për konfirmimin e aktakuzës, do të udhëtojë për në Hagë, më 5 nëntor.
Në paraburgimin e Hagës, edhe pse pa aktakuza, aktualisht janë edhe udhëheqësit e Organizatës së Veteranëve të Luftës së Ushtrisë Çlirimtare të Kosovës, Hysni Gucati dhe Nasim Haradinaj.
Për çka i ngarkon Haga?
Salih Mustafa akuzohet për krimet e luftës: ndalim arbitrar, trajtim mizor, torturë, vrasje e paligjshme.
Aktakuza kundër Salih Mustafës është konfirmuar më 12 qershor, 2020. Ai është arrestuar dhe transferuar në njësinë e paraburgimit të Dhomave të Specializuara të Kosovës në Hagë më 24 shtator, 2020.
Aktakuza e ngarkon Mustafën me përgjegjësi penale individuale dhe përgjegjësi penale si epror, për krimet e pretenduara të kryera nga disa anëtarë të UÇK-së kundër personave të ndaluar në kompleksin e ndalimit në Zllash. Pretendohet se në këtë lokacion ishte vrarë një i ndaluar gjatë muajit prill të vitit 1999. Më 28 tetor, Mustafa është deklaruar i pafajshëm për të gjitha pikat e aktakuzës.
Kundër ish-kryetarit të Kuvendit të Kosovës dhe ish-zëdhënësit të UÇK-së, Jakup Krasniqi, është konfirmuar aktakuza për krime lufte dhe krime kundër njerëzimit, por ajo ende nuk është publikuar. Krasniqi është arrestuar dhe transferuar në Hagë më 4 nëntor.
Ai po ashtu është intervistuar nga Zyra e Prokurorit të Specializuar në Hagë në korrik të vitit të kaluar.
Shefi i Grupit Parlamentar të Lëvizjes Vetëvendosje, Rexhep Selimi, ka njoftuar më 4 nëntor se kundër tij është konfirmuar aktakuza dhe ka thënë se më 5 nëntor do të udhëtojë për në Hagë. Përmbajtja e aktakuzës është ende e panjohur.
Gucati dhe Haradinaj janë arrestuar në Kosovë më 25 shtator, 2020, dhe më pas janë transferuar në Hagë. Kundër tyre nuk është paraqitur ende aktakuza dhe ata aktualisht konsiderohen si të dyshuar.
Në fletarrestimin e Gucatit dhe Haradinajt thuhet se ekziston dyshim i bazuar se ata janë penalisht përgjegjës për orvatje të kryerjes së veprës penale të frikësimit gjatë procedimit penal, si dhe për kryerjen e veprave penale të hakmarrjes dhe të shkeljes së fshehtësisë së procedurës.
Konkretisht, ekziston dyshim i bazuar se Gucati dhe Haradinaj kanë mbajtur tri konferenca për shtyp më 7, 16 dhe 22 shtator, 2020, ku është bërë shpërndarja ose kanë vënë në dispozicion të medias informacione dhe dokumente konfidenciale dhe jopublike, që kanë lidhje me punën e Zyrës së Prokurorit të Specializuar.
Për Haradinajn thuhet se i ka përmendur me emër disa dëshmitarë (të mundshëm) dhe se ka dhënë të dhëna në lidhje me vendbanimin e tyre dhe të dhëna të tjera personale, kurse Gucati nuk ka ndërhyrë në ato momente.
Prokuroria e Specializuar në Hagë, më 24 prill, ka paraqitur një aktakuzë për shqyrtim në Dhomat e Specializuara të Kosovës kundër presidentit të Kosovës, Hashim Thaçi, kryetarit të Partisë Demokratike të Kosovës, Kadri Veseli, si dhe disa personave “të tjerë”, emrat e të cilëve nuk janë bërë publikë.
Në aktakuzën prej dhjetë pikësh thuhet se ata ngarkohen me “disa krime kundër njerëzimit dhe krime lufte, përfshirë vrasje, zhdukje me forcë, persekutim dhe tortura”.
Në një komunikatë për media, Zyra e Prokurorit të Specializuar ka pretenduar se “Hashim Thaçi, Kadri Veseli dhe të dyshuar të tjerë janë penalisht përgjegjës për afërsisht 100 vrasje të paligjshme. Krimet e paraqitura në aktakuzë përshijnë qindra viktima të identifikuara shqiptarë, serbë dhe romë të Kosovës dhe kundërshtarë politikë”.
Gjykata e Kosovës, e përbërë nga Dhomat e Specializuara dhe Zyra e Specializuar e Prokurorisë në Hagë, është formuar në vitin 2015 pas ndryshimeve kushtetuese, me insistimin e bashkësisë ndërkombëtare. Ajo financohet kryesisht nga Bashkimi Evropian.
Prokuroria e Specializuar në Hagë heton krimet e pretenduara të pjesëtarëve të Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 e deri në dhjetor të vitit 2000.
Këto krime të pretenduara përmenden në një raport të Këshillit të Evropës, të vitit 2011, autor i të cilit është senatori zviceran, Dick Marty.
Që nga 2019-ta, qindra ish-ushtarë të Ushtrisë Çlirimtare të Kosovës kanë udhëtuar drejt Hagës, për t’u intervistuar nga prokurorët ndërkombëtarë të Dhomave të Specializuara.
Qoftë si dëshmitarë apo si të dyshuar janë intervistuar: ish-kryeministri Ramush Haradinaj, Kadri Veseli, Azem Syla, Sami Lushtaku, Rrustem Mustafa, Shukri Buja, Rexhep Selimi, Agim Çeku, Jakup Krasniqi e të tjerë. Disa prej tyre janë mbrojtur në heshtje.
Marrë nga REL
1 vit nga zgjedhjet e 25 prillit si e shikoni gjendjen e vendit:
KOSOVË – Kreu i partisë Bashkimi Demokratik për Integrim, Ali Ahmeti ka reaguar pas akuzave të ngritura ndaj Hashim Thaçit, Kadri Veselit, Jakup Kra...
KOSOVË- Autoritetet Shëndetësore në Kosovë bëjnë me dije se 24 orët e fundit ka humbur jetën 6 persona nga koronavirusi ndërsa janë infektuar 661 të tjerë....
KOSOVË-Vjosa Osmani zyrtarisht është emëruar presidente e Kosovës. Lajmi është bërë i ditur përmes një njoftimi nga presidenca, ku tuhet se ceremonia e pra...
SHBA- Këshilltarja shpirtërore e Presidentit Donald Trump, Paula White ka marrë vëmendjen e të gjithë përdoruesëve të rrjeteve sociale. Në një video të postuar ...
KOSOVË- Aleanca për Ardhmërinë e Kosovës ka bërë një mbledhje urgjente pas dorëheqjes së Presidentin të Hashim Thaçit nga posti. Në një deklaratë që...
VJENË- Nexhip Vrenezi është shqiptari që ra pre e sulmit terrorist në Vjenë nga Kujtim Fejzullai. Sipas mediave ndërkombëtare vjeçari ishte me origj...
KOSOVË- Kryeministri i Kosovës, Avdullah Hoti ka reaguar pas dorëheqjes së presidentit të vendit Hashim Thaçi nga posti i Presidentit.Hoti në rrjeti...
SERBI– Media serbe ‘Novosti’ ka reaguar, pas dorëheqjes së Presidentit të Kosovës Hashim Thaçit, pas konirmimit të aktakuzës nga Dhomat e Specialia...
KOSOVË- Ish-kreu i Lëvizjës Popullore të Kosovës Ibrahim Kelmendi ka reaguar pas dorëheqjes së Presdientit të Kosovës nga posti, pas konfirmimit të aktakuz...
