Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
DW: Znj. Harxhi, ju jeni një ndër katër kandidatët, që po konkurroni për të drejtuar PD-në. Çfarë mendoni se ka qënë e gabuar në drejtimin e PD në 8 vitet e saj të opozitës?
Edith Harxhi: PD ka gabuar shumë rëndë dhe nuk është sjellë si një opozitë serioze përballë qeverisë së kryeministrit Rama. Në zgjedhjet parlamentare të vitit 2017 Basha hartoi lista të personalizuara kandidatësh për deputetë. Dy vjet më pas, në shkurt 2019, ai mori një vendim të skajshëm për dorëzimin e mandateve të deputetëve në grupin parlamentar të PD. Protestat që filluan pas daljes së PD nga parlamenti dështuan në qëllmin e tyre për të rrëzuar qeverinë Rama. Një tjetër gabimi i rëndë i kryetarit të opozitës ishte vendimi për mospjesëmarrjen në zgjedhjet lokale 2019. Dhe së fundi, por jo për nga rëndësia, ai dështoi përsëri dhe nuk mbajti premtimin publik për garantimin e votës së shqiptarëve në zgjedhjet parlamentare të 25 prillit 2021.
DW: Si do ta përshkruani PD që ju do të trashëgoni, nëse fitoni garën për ta drejtuar atë, pasi PD nuk është vetëm kreu i saj?
Edith Harxhi: PD është një strukturë 30-vjeçare me kontribut të anëtarëve të saj, dhe gjithë qytetarëve demokratë shqiptarë, prej vitit 1990. Ajo është një pasuri kombëtare. Në bindjen time, ne u detyrohemi të gjithë qytetarëve shqiptarë, jo vetëm atyre të Republikës së Shqipërisë, por edhe shqiptarëve të diasporës, për të ngritur një PD të fortë dhe të vendosur, për t’i bërë ballë pushtetit të Edi Ramës. Por edhe për të përballuar me sukses mjaft sfida të tjera të mëdha e të rëndësishme kombëtare.
DW: Cili është vizioni juaj për një drejtim ndryshe të PD-së, që të rikthejë besimin në elektoratin e saj se është e aftë për të qeverisur vendin?
Edith Harxhi: Programi politik me të cilin garoj për t’u zgjedhur kryetare e PD mbështetet pikërisht mbi të njëjtat vlera dhe parime, si ai i PD, në ditën e themelimit të saj, më 12 dhjetor 1990. Për ta bërë Shqipërinë si e gjithë Europa! PD, si vlerë e rëndësishme kombëtare, duhet t’iu kthehet anëtarëve të sajdhe t’i shërbejë interesit qytetar. Për këtë është jetike ringritja e saj, mbështetur tek vlerat dhe parimet e partive të djathta. Në PD duhet që gjithçka të vendoset vetëm nga Forumet e Partisë, mbështetur në statut, nëpërmjet debatit e konkurrencës së lirë, duke i dhënë fund vendim-marrjes vetjake të kryetarit. Duhet të mundësohet zgjedhja e përfaqësuesve vetëm nëpërmjet listave plotësisht të hapura për zgjedhjet e përgjithshme dhe të këshilltarëve vendorë.
Në PD duhet të mundësohet decentralizimi dhe autonomia e degëve të partisë. Forumi Rinor dhe Lidhja Demokratike e Gruas duhet të ketë të drejta të njejta si gjithë anëtarësia e partisë. Shtyllat kryesore të programit tim politik janë liria dhe të drejtat themelore të njeriut, familja, çështja dhe interesi kombëtar, prona, njohja e gjithë të drejtave të mohuara të pronarëve të ligjshëm dhe të përndjekurve politikë të diktaturës, mbështetja e të rinjve dhe punësimi i tyre në vend, duke i dhënë fund shpopullimit shqetësues të Shqipërisë. Ky program i kushton vëmendje të veçantë zhvillimit të ekonomisë së tregut, prodhimit vendas, konkurrencës së lirë dhe aftësisë. Ai parashikon zhvillimin e turizmit, në të gjitha format që mundëson vendi, zhvillimin e prodhimit bujqësor, të prodhimit energjetik dhe mbrojtjen me ligj të prodhimit shqiptar përballë atij të importit.
DW: A ka gjasa që situata e rëndë ku ndodhet tani PD t’ju japë më shumë shanse si grua për të fituar në raport me tre kandidatët burra, pra a është gati PD të zgjedhë në krye të saj një grua?
Edith Harxhi: Në këtë garë nuk kam hyrë si grua, por si qytetare që beson tek meritokracia, tek vlera që janë njerëzore dhe universale. Në këtë garë kam hyrë për një moral politik, për të treguar që ka përfunduar koha e gjithë atyre, që mund të marrin fatet e popullit në dorë dhe të bëjnë çfarë të duan. Ky është moral që s’ka të bëjë me gjininë. Jam e e vetëdijshme që jetojmë në një shoqëri me mendësi maskiliste, prandaj jam edhe e gatshme ta sfidoj këtë mendësi.
DW: Cilat janë avantazhet tuaja, çfarë ofroni ju më shumë në drejtimin e PD, në raport me tre konkurrentët burra?
Edith Harxhi: Ajo që guxoj të sfidoj, jo vetëm si grua, por si një kandidate për kryetare të PD, është dhënia fund e tranzicionit 30 vjeçar dhe fillimin e një epoke të re për të gjithë popullin shqiptar. Besoj në bashkimin dhe hapjen e Partisë Demokratike, nëpërmjet afrimit të gjithë atyre, të cilët duan që ky vend të ecë përpara.
DW: Si e shikoni deri tani garën për drejtimin e PD?
Edith Harxhi: Kam hyrë në një garë jo të barabartë dhe jo transparente. Po garoj pa pasur listat e zgjedhësve, pasi ato i mban peng kryetari i partisë, që për fat të keq e ka kthyer PD në një sekt okult. Ndërkohë e kam ftuar kryetarin e partisë në një debat publik dhe e kam sfiduar gjithë këto ditë, për hir të vlerës të ballafaqimeve të programeve më të mira përballë zgjedhësve tanë. Por kjo kërkesë është refuzuar.
DW: A ka ndikim në anëtarësinë e PD, shpallja e liderit të saj historik, Sali Berisha, nga sekretari amerikan e shtetit, Antony Blinken, si “person i padëshëruar”?
Edith Harxhi: Po, natyrisht që po. Kjo sepse z. Berisha ka një kontribut të madh në gjithë zhvillimet politike dhe shoqërore të këtyre 30 viteve si dhe në çështje të ndryshme kombëtare. Për këtë arsye anëtarët dhe mbështetësit e Partisë Demokratike besoj se ndjehen shumë të tronditur.
Marrë nga DW
Iftar dhe politikë, a u prek Muaji i Ramazanit nga politikanët?
DW: Çfarë ndryshimesh do të sillni ju në drejtimin Partisë Demokratike, (PD) nëse të dielën, më 13 qershor, do të zgjidheni kryetar i saj?Agron Shehaj: P...
TIRANË– Deputeti i zgjedhur i Partisë Socialiste, Damian Gjiknuri është shfaqur teksa stërvitet në boks, ndryshe nga imazhi ‘me kollare’ që jemi mësuar ta...
TIRANË– Kryeministri EdI Rama postoi mbrëmjen e djeshme një foto në rrjetet sociale, ku shprehte gëzimin e fitorës së Italisë në ndjeshjen hapëse të Kampio...
TIRANË– Kreu i PS-së, Edi Rama ka uruar ditën e sotme të gjithë socialistët në përvjetorin 30-të forcës së majtë politike. Përmes një postimi në Facebook, ...
TIRANË– Kandidatja për kryetare e Partisë Demokratike, Edith Harxhi është shprehur se ka që prej vitit 2014 që i ka kërkuar ish-kryeministrit Sali Berishës...
TIRANË-Dy ditë na ndajnë nga zgjedhjet për kryetarin e ri të PD-së, ku në garë janë katër kandidatë, kandidatja Edith Harxhi ka vijuar me fushatën në Tiran...
E ftuar në emisionin “Zonë e Lirë”, ka qenë kandidatja për kryetare e Partisë Demokratike Edith Harxhi e cila ka treguar se ajo është tepër aktive dhe bën &cced...
TIRANË– Kryetari në detyrë i Partisë Demokratike, Lulzim Basha të premten ka vijuar takimet me demokratët e Fierit në kuadër të zgjedhjeve që do të m...
TIRANË– Kandidati për kryetar të Partisë Demokratike, Agron Shehaj ka treguar “sekretin” e tij në fushatë elektorale. I ftuar në emisionin “Zonë e Lirë”, S...
TIRANË– Kryeministri Edi Rama ka ndjekur me kërshëri ndeshjen Itali-Turqi, e cila ishte e para për hapjen e kompeticionit “Euro2020”. Ram...
