Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Shqipëri– Një ditë më parë ish-ministri i Jashtëm, Ditmir Bushati doli kundër vendimit të Kryeministrit Edi Rama për shkarkimet e drejtorëve në Shkodër. Pakënaqësinë me Kryeministrin, për menaxhimin dhe reagimin pas rastit “Pjetri”, Bushati e tregoi dje, ku deklaroi se të gjithë duhet të marrin një përgjegjësi për vendosjen e Valdrinit si kandidat në Shkodrën.
Për këtë përplasje me Ramës dhe Bushatit ka reaguar me anë të një shkrimi edhe Mero Baze. Në shkrim gazetari tregon se Ditmir Bushati nuk besonte se do të bëheshin zgjedhje më 30 qershor dhe se kishte dalë kundër zgjedhjeve. Baze ka treguar bisedën me Bushatin para 30 qershorit, ku sipas tij ky i fundit i ka thënë se kishte drojën se mijëra demokratë do vërshonin në qendra votimi dhe do t’i bllokonin, dhe se qeveria nuk mund të fuste popullin në burg.
“Luan Harusha ishte pesimist se socialistët në Shkodër, ishin braktisur nga PS dhe nuk ishin të motivuar për të mbështetur kandidatin e tyre, pasi sipas Luanit, ishte i mbështetur në distancë nga njerëz të Doshit. Ishte fjala për Valdrinin. Ditmir Bushati përpiqej t’ia hidhte poshtë rezervat ndaj kandidatit dhe e konsideronte të duhurin për PS, por fokusohej tek nevoja që PS duhet të bënte marrëveshje me PD para zgjedhjeve, ndryshe nuk kishte zgjedhje. Madje, për këtë s’më la gjë pa thënë dhe mua, që isha partizan i shkuarjes në zgjedhje me çdo çmim, duke më kujtuar që kisha marrë më qafë dhe Berishën me qëndrime të tilla dikur.”, shkruan Baze.
Gazetari thekson më tej se: “Në fakt, po e rikujtoj këtë debat pasi dëgjova Ditmir Bushatin sot, që me shumë të drejtë thotë se rasti i Valdrinit derdhi pikën e fundit të ujit. Tani nëse do gjykoja si Bushati, sot duhet të thosha që kam dëgjuar Bushatin ta mbrojë Valdrinin dhe në debat jo publik, dhe duhet të mbajë përgjegjësi, ashtu siç duhet të them që Luani ka arsye të jetë dhe më i mërzitur se Ditmiri, pasi edhe ata socialistë që kishte në punë, ja hoqi sot Edi Rama. Por është e padrejtë të them që Ditmiri mbronte një të inkriminuar, pasi as ai, as Luani, nuk e mbronin dhe kundërshtonin Valdrinin për atë që u bëri gjëmën, por për arsye të tjera.”
Shkrimi i plotë:
Para fushatës elektorale në Shkodër, kam pasur një bisedë të vështirë me dy deputetë socialistë të Shkodrës, të cilët nuk besonin se do të bëheshin zgjedhjet më 30 qershor. Ishin Ditmir Bushati dhe Luan Harusha.
Ditmir Bushati nuk besonte se do të bëheshin zgjedhje, pasi kishte drojën se mijëra demokratë do vërshonin në qendra votimi dhe do t’i bllokonin, dhe se qeveria nuk mund të fuste popullin në burg. Ishte ajo çfarë në fakt thoshte opozita.
Luan Harusha ishte pesimist se socialistët në Shkodër, ishin braktisur nga PS dhe nuk ishin të motivuar për të mbështetur kandidatin e tyre, pasi sipas Luanit, ishte i mbështetur në distancë nga njerëz të Doshit. Ishte fjala për Valdrinin.
Ditmir Bushati përpiqej t’ia hidhte poshtë rezervat ndaj kandidatit dhe e konsideronte të duhurin për PS, por fokusohej tek nevoja që PS duhet të bënte marrëveshje me PD para zgjedhjeve, ndryshe nuk kishte zgjedhje. Madje, për këtë s’më la gjë pa thënë dhe mua, që isha partizan i shkuarjes në zgjedhje me çdo çmim, duke më kujtuar që kisha marrë më qafë dhe Berishën me qëndrime të tilla dikur.
Luani ishte pesimist për 30 qershorin nga fakti që socialistët e Shkodrës ishin lënë rrugëve dhe si pyeste askush.
Ishte në fakt i pari debat që kam dëgjuar mes dy socialistëve shkodranë, që kishin arsye të ndryshme dhe përfundim të njëjtë pesimist për 30 qershorin në Shkodër.
Ishte aq pesimist debati mes tyre, sa mu krijua ideja se më shumë donin t’i mbushnin mendjen vetes, se mua, që nuk ka zgjedhje më 30 qershor. Në fund u thashë, “merreni qetë. Dhe nëse nuk ka zgjedhje më 30 qershor në Shkodër, meqë jeni kaq të frikësuar, bëhen pas dy javësh”.
Në fakt, zgjedhjet u bënë dhe nuk dështuan as për arsyet që kishte Ditmiri, “frikën” nga revolucioni i Lulit, dhe as për arsyet që kishte frikë Luani, mërzitjen e socialistëve nga braktisja e PS në qendër.
Zgjedhjet e 30 qershorit në Shkodër u futën në krizë pas 30 qershorit, kur kandidatin që mbronte Ditmiri, dhe kundërshtonte Luani, për arsye të tjera, kishte një arsye më të fortë për ta hedhur në erë procesin, se ato që mendonin ata.
Në fakt, po e rikujtoj këtë debat pasi dëgjova Ditmir Bushatin sot, që me shumë të drejtë thotë se rasti i Valdrinit derdhi pikën e fundit të ujit. Tani nëse do gjykoja si Bushati, sot duhet të thosha që kam dëgjuar Bushatin ta mbrojë Valdrinin dhe në debat jo publik, dhe duhet të mbajë përgjegjësi, ashtu siç duhet të them që Luani ka arsye të jetë dhe më i mërzitur se Ditmiri, pasi edhe ata socialistë që kishte në punë, ja hoqi sot Edi Rama.
Por është e padrejtë të them që Ditmiri mbronte një të inkriminuar, pasi as ai, as Luani, nuk e mbronin dhe kundërshtonin Valdrinin për atë që u bëri gjëmën, por për arsye të tjera.
30 qershorin nuk e hodhën në erë paranojat e tyre, por ajo që ata nuk dinin për Valdrinin, si shumë të tjerë. Dhe ajo që ata nuk dinin ishte e shkuara e Valdrinit.
Tani do të isha kurioz t’i takoja të dy përsëri dhe të më shpjegonin si dështuan në parashikimet për 30 qershorin, dhe akoma më shumë, si nuk patën fuqi të parashikonin atë që do t’u bënte Valdrini pas 30 qershorit.
Në fakt për këtë të dytën nuk kanë pikë faji, por kur dëgjoj Ditmirin që thotë dikush ka faj për të, më shkon mendja ta bëj dhe këtë pyetje.
J.V/Dosja.al
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Një ditë më parë djali i manjatit George Soros erdhi në Shqipëri. Në një foto krah kryeministrit Edi Rama, Alex Soros shprehu kënaqësinë e tij për ...
TIRANË– Djali i miliarderit George Soros ka mbërritur në Tiranë një ditë më parë. Alex Soros ka takuar kryeministrin Edi Rama, me të cilin ka publikuar edh...
TIRANË- Ish-deputeti i Partisë Socialsite, Arben Malaj, ka reaguar pas deklarateve të Ditmir Bushatit, i cili ishte kundër Partisë Sociasite pas situatës s...
TIRANË- Ish-ministri i Jashtëm, Ditmir Bushati, ka dalë kundër vendimit të Edi Ramës për shkarkimet e drejtorëve në Shkdoër. Përplasja Rama- Bushati ka ndo...
TIRANË- Taulant Balla, numri 2 i Partisë Socialsite ka folur në përfundim të mbledhjes së Kryesisë. Në një deklaratë për mediat, Balla tha se Shkodra do t’...
TIRANË- Ka përfunduar mbledhja e Kryesisë së Partisë Socialiste. Ditmir Bushati, ka treguar se ai i ka dërguar një letër Kryesisë së PS, dhe është shprehur...
TIRANË- Kreu i Partisë Demokratike, Lulzim Basha, ka reaguar sërish në lidhje me akuzat që PD po i bën Agim Kajmakut. Në një reagim në Facebook, Basha kërk...
TIRANË- Pas mbylljes së pushimeve verore, Edi Rama i ndikuar dhe nga zhvillimet e papritura politike ka mbledhur sot Kryesinë e Partisë Socialiste.Majko, A...
TIRANË- Kryetarja e Këshillit Bashkiak të Shkodrës, Brisela Kadia, ka dalë në një deklaratë për mediat, pas mbledhjes së kryeministrit Edi Rama me drejtues...
TIRANË- Kryeminsitri Edi Rama është parë i vetëm sot para se të hyjë në mbledhjen e Kryesisë. I pashoqëruar nga asnjë nga deputetët apo minsitrat Rama ka h...
