“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
TIRANË- Gazetari Klodian Tomorri, ka treguar sot disa detaje në lidhje me blerjen e godinës së re, ku do vendosen të gjitha institucionet e krijuara nga reforma në drejtësi. Në një reagim në Facebook, Tomorri shkruan se transaksionet për blerjen e kësaj godinë janë shoqëruar me një shkanda, pasi sipas tij kjo ndërtesë është ndërtuar nga institucioni i Dhomës Kombëtare të Avokatisë.
Më tej ai shton se e gjithë godina e ndërtuar në Dhoma Kombëtare e Avokatisë ka kushtuar 2 milionë Euro, por qeverisë shqiptare i është shitur me një çmim disa fish më të lartë, 12,6 milionë Euro. “Dhoma Kombëtare e Avokatisë u shndërrua në kompani ndërtimi për të tretur 10 milionë euro, para të qytetarëve shqiptarë”, shton më tej ai.
REAGIMI I PLOTË
Damka 12.6 mln euro mbi Drejtësinë e Re. Një institucion “hibrid”, domethënë as publik dhe as privat, ndërton një godinë me kosto më pak se 2 milionë euro. Dy vjet pas përfundimit, godina shitet, por tashmë për 12.6 milionë euro. Ky nuk është një skenar filmi, por histori e vërtetë. Institucioni “hibrid” është Dhoma Kombëtare e Avokatisë. Blerësi është qeveria. Paratë janë të qytetarëve shqiptarë. Javën e kaluar Këshilli i Ministrave miratoi një vendim të posaçëm, i cili finalizon blerjen e Polit të Drejtësisë, godinës ku janë vendosur institucionet e reja të drejtësisë. Vendimi u mbajt sekret duke mos u publikuar as në faqen e Këshillit të Ministrave dhe as në fletoren zyrtare sic e kërkon ligji. Arsyet gjenden në përmbajtjen e tij!
Sipas aktit të miratuar, buxheti i shtetit do t’i paguajë Dhomës Kombëtare të Avokatisë 12.6 milione euro për blerjen e ndërtesës, e cila ka kushtuar 6 herë më pak dhe mbi të gjitha është ngritur në tokë të falur shtetërore. Në vitin 2013, qeveria e Sali Berishës i fali Dhomës Kombëtare të Avokatisë 25 mijë metra tokë publike tek Fusha e Aviacionit. Sipas vendimit, toka shtetërore falej për të ndërtuar Korpusin e Avokatisë, pjesë e të cilit do të ishin zyrat e Dhomës Kombëtare, por edhe shkolla ku do të trajnoheshin avokatët. Kjo ishte një kërkesë e hershme nga Bashkimi Europian dhe në vendim qeveria sanksionoi shprehimisht se Dhoma e Avokatëve e kishte të ndaluar të ndryshonte destinacionin e tokës. Por çfarë ndodhi më pas?
Dhoma e Avokatëve e ndërtoi me fondet e veta godinën duke e mbajtur sekret çmimin e ndërtimit. Por ajo nuk mund të mbante dot sekret tatimin e paguar në Bashki. Sipas regjistrit të taksave në Bashki, taksa e ndikimit në infrastrukturë që është paguar për Korpusin e Avokatisë është 19.4 milionë lekë. Meqë kjo taksë është sa 8 për qind e vlerës së investimit, atëherë e gjithë ndërtesa ka kushtuar 232 milionë lekë ose më pak se 1.9 milionë euro., Por pas përfundimit të godinës, dikujt në qeveri i lindi idea për te bere biznes. Në prill të vitit të kaluar, qeveria ngriti një grup të posaçëm pune me përfaqësues nga disa ministri për të bërë vlerësimin e godinës dhe për të hartuar projektkontratën e blerjes. Grupi bëri vlerësimin, përgatiti projektkontraten dhe javën e kaluar godina me vlerë 2 milionë euro e ndërtuar mbi tokë të falur shtetërore, u pagua nga taksapaguesit shqiptarë plot 12.6 milionë euro. Pyetja tani është se kujt po i shkojnë paratë?
Dhoma Kombëtare e Avokatisë është një OJF, e cila financohet nga kontributet e anëtarëve dhe donacionet e ndryshme. Në një farë mënyre, një institucion “trans” as publik dhe as privat. Institucione të tilla zakonisht bëhen ura korrupsioni, pasi marrin favore publike për të kënaqur interesa private. Në këtë rast skema është flagrante. Dhoma Kombëtare e Avokatisë u shndërrua në kompani ndërtimi për të tretur 10 milionë euro, para të qytetarëve shqiptarë. Tashmë institucionet e drejtësisë duhet të hetojnë mbi të gjitha, shtëpinë e tyre dhe zyrat ku ulin të ndenjurat çdo ditë. Si u ble një godinë e ndërtuar mbi tokë shtetërore të falur 6 herë më shtrenjtë nga kostoja e ndërtimit? Si u përllogarit vlera e blerjes dhe ku do të shkojnë paratë? Këto përgjigje duhet t’i kërkojnë me forcë edhe ambasadorët apo ish ambasadorët e partnerëve strategjike, të cilët ishin të ftuarit specialë në inaugurimin e godinës një vit më parë. Nëse nuk kane interesa okulte, do te duhet ta bëjnë me patjetër. Në të kundërt, reforma në drejtësi do të ketë një damkë të madhe pas vetes. Atë të drejtësisë së ngritur mbi Tempullin e Korrupsionit, i cili nuk hedh dyshime vetëm brenda vendit.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Zbardhet vendimi i Gjykatës së Kavajës për lirimin nga burgu, të ish-shefit të sigurisë së burgut të Durrësit, Bledar Toçi. Toçi akuz...
Tiranë- Shoqatat e bizneseve kanë shprehur ankesa për bankat, të cilat sipas tyre nxjerrin pengesa burokratike dhe nuk u japin kredi. Kjo situatë sjell sipas ty...
TIRANË- Gjykata e Posaçme për Krimet e Rënda dhe Korrupsionin ose e njohur ndryshe si GJKKO ka vendosur masën “arrest me burg” për të riun, Arjol Ha...
Krujë- Dhjetëra punonjës të një fasonerie në Krujë u ngritën në protestë ditën e sotme, pasi kërkojnë pagën e luftës. Punonjëset e fasonerisë, që administrohet...
TIRANË– Një punëtor 63-vjeçar ka ndërruar jetë si pasojë e një aksidenti të ndodhur në punë. Mësohet se ngjarja ka ndodhur pak pas mesditës tek zona...
Tiranë- Specialistja e ISHP-së, Rovena Daja njoftoi ditën e sotme se 5 gra shtatzëna janë konfirmuar me COVID-19 dhe 4 prej tyre janë shëruar. Ndërkohë janë pre...
Tiranë- Ministrja e Shëndetësisë, Ogerta Manasitrliu gjatë fjalës së saj në mbledhjen online të Komitetit Teknik të Ekspertëve ka deklaruar se sot është dita e ...
TIRANË- Drejtori i Drejtorisë së Përgjithshme të Shërbimit të Transportit Rrugor, Blendi Gonxhe ka siguruar të gjithë qytetarët se nuk do të ketë rritje të...
Gjykata Europiane e të Drejtave të Njeriut ka dhënë sot vendimin përfundimtar lidhur me çështjen e pronave në Shqipëri. Në vendimin e marrë, ditën e sotm...
Shkodër- Mesditën e sotme ka ndodhur një aksident në Shkodër, ku një makinë ka përplasur një të moshuar, S.Gjetaj. Mësohet se moshuara është dërguar menjëherë n...
