"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Me anë të një postimi në Facebook, Berisha ka marrë për bazë dy ngjarjet e fundit në nivel ndërkombëtar, që ishte darka informale e Athinës dhe takimi në Bled të Sllovenisë.
TIRANË- Kryetari i Partisë Demokratike Sali Berisha ka bërë një shkrim për kryeministrin Edi Rama. Me anë të një postimi në Facebook, Berisha ka marrë për bazë dy ngjarjet e fundit në nivel ndërkombëtar, që ishte darka informale e Athinës dhe takimi në Bled të Sllovenisë. Berisha shkruan se Rama i lejoi vetes t’i drejtohet BE-së me gjuhën e një njeriu të pacipë dhe tregoj mosrespekt duke fyer qindra mijëra martirë të kombit ukrainas.
Postimi i Berishës:
Në Athinë nuk ftohet, në Bled përçmohet! Të dashur miq, kjo ishte një javë që hoqi çdo maskë dhe tregoi se cili është Edi Rama i vërtetë. Pak ditë më parë në takimin e rëndësishëm rajonal të organizuar në 20 vjetorin e Deklaratës së Selanikut, ku morën pjesë liderët e BE-së dhe ata rajonal, kryeministri Micotaqis nuk e ftoi Edi Ramën për shkak të qëndrimit despotik ndaj shtetit ligjor dhe shkelmimit të vlerave eurpiane në farsën elektorale të 14 maj 2023. Lajkatarët dhe mediat e tij u përpoqën t’i veshin ngjyra nacionaliste qëndrimit të Edi Ramës, mos lejimin nga ana e tij në kundërshtim me ligjin dhe precedentin të Fredi Belerit, fitues në Bashkinë e Himarës të bëj betimin. Lëpirësit e paguar të Ramës harruan se fshehja e interesave mafioze pas atyre nacionaliste u rikjuton njerëzve shprejen e Niçes se “Nacionalizmi është strofulla e fundi i horrave.” Por pas Athinës, në Forumin e Bledit i plagosur rëndë Edi Rama neveriti dhe i ngjalli krupën audiencës kur deklaroi : “Kur Dritani (Abazoviç) po fliste, po e shikoja dhe po thoja me vete “kush” duhet të sulmojë “kë” në këtë panel për të marrë anëtarësimin më shpejt me Ukrainën. Dhe Bullgaria mund të sulmojë fare mirë Maqedoninë e Veriut, Kroacia mund të sulmojë fare mirë Serbinë, Serbia – Kosovën, Bosnja veten, pa asnjë problem. Ne nëse pyesnim grekët që të na bëjnë nderin dhe ata do na sulmojnë neve me shumë kënaqësi. Mali i Zi mund të luajë, të shullëhet në diell kështu që ne mund të jemi të gjithë gati për t’ju bashkuar trenit me Ukrainën”.
Me këtë deklaratë Edi Rama ngjalli krupën të pranishmëve në sallë dhe neveri tek të gjithë ata që e dëgjuan. Ai i lejoi vetes t’i drejtohet BE-së me gjuhën e një njeriu të pacipë, por në fakt edhe të tregojë mosrespekt e fyej si ordiner qindra mijëra martirë të kombit ukrainas që me gjakun, guximin, jetën e tyre në mbrojtje të lirisë sovranitetit të Ukrainës dhe mbarë vendeve të lira të Europës nga agresioni barbar rus firmosën për statusin e Ukrainës të vendit kandiat për BE. Ky krahasim fyes e vulgar i Edi Ramës me të cilin më së paku barazoi agresorin me viktimën, është dëshmi e shpërthimit të përroit të tij psiqik pro-rus. Nuk duhet harruar se Edi Rama, argati i Vuçiçit deri dy muaj më parë ishte mbrojtësi me fanatik i Ballkanit të Hapur sebo-rus. Ai është i vetmi në rajon dhe Europë që ka mbrojtur haptas mosrespektimin nga Serbia të sanksioneve të BE dhe NATO-s ndaj Rusisë, po kështu ai refuzoi për më shumë se një vit kërkesën direkte të presidentit Zelenski për mos pranimin e turistëve rus në Shqipëri, të cilet pasi vrisnin në Ukrainë femijë, burra, gra të pafajshëm vinin dhe bronzoheshin e dëfreheshin në plazhet tona për të vazhduar të shplodhur barbarinë e tyre ndaj kombit të lirë ukrainas. Si përfundim miq, kjo javë mund të quhet java e zezë e Edi Ramës.
Edi Rama ne Samitin e Bled Integrimi i vendeve të Ballkanit Perëndimor ishte tema kryesore në diskutimin e krerëve të Ballkanit P...
albana vokshi TIRANË- Në një deklaratë për mediat deputeja e PD Albana Vokshi, ka reaguar pas vizitës së Ramës...
Fredi Beleri TIRANË- Kandidati i zgjedhur i Himarës, Fredi Beleri, ka komentuar intervistën e kryeministrit shqiptar Edi Rama për gazet...
Ilir Meta TIRANË- Kreu i Partisë së Lirisë Ilir Meta, nëpërmjet një reagimi në Facebook, është shpre...
Luciano Boci TIRANË- Ish-kandidati i koalicionit ‘Bashkë Fitojmë”, për Bashkinë e Elbasanit, Luçiano Boç...
Edi Rama TIRANË- Kryeministri Edi Rama ishte i pranishëm ditën e sotme në spitalin ‘Shefqet Ndroqi’, ku ka kryer një i...
Zjarri VLORË-Një zjarr masiv ka rënë në hyrje të Orikumit. Zjarri nisi rreth orës 01:15, ku është djegur ...
Sali Berisha Kryetari i Partisë Demokratike, Sali Berisha, e ka cilësuar kryeministrin Rama si një të pacipë, lidhur me deklarat&...
Edi Rama Gjatë fjalës së tij në Forumin Strategjik të Bledit në Slloveni, kryeministri Edi Rama hodhi kritika ndaj BE-së...
Forumi i Bled ne Slloveni Kryeministri Edi Rama ndodhet në një vizitë pune dy ditore në Slloveni, me rastin e pjesëmarrjes së...
