Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas një denoncimi të KSHH se takimet elektorale të ministres së Arsimit, Evis Kushi shpërndaheshin nga faqet e shkollave në Facebook, komisioneri Celibashi urdhëroi ndalimin e kësaj praktike për të gjitha institucionet publike në prag të zgjedhjeve të 14 majit.
Pas një denoncimi të KSHH se takimet elektorale të ministres së Arsimit, Evis Kushi shpërndaheshin nga faqet e shkollave në Facebook, komisioneri Celibashi urdhëroi ndalimin e kësaj praktike për të gjitha institucionet publike në prag të zgjedhjeve të 14 majit. Në profilin në Facebook të shkollës 9-vjeçare “Hamza Vlashi” në Maminas, një fshat në rrugën që lidh Tiranën me Durrësin, paralelisht me aktivitetet shkollore gjen edhe dhjetra foto të shpërndara nga profili i ministres së Arsimit, Evis Kushi.
Mes tyre gjenden edhe takimet elektorale të ministres Kushi përkrah kandidatit socialist për bashkinë e Elbasanit, Gledian Llatja.
Pesë ditë më parë, shkolla “Hamza Vlashi” ka shpërndarë postimin e Kushit me tekst “një takim shumë frymëzues në Rajonin Nr. 5 në Elbasan, ku banorët shprehën përsëri mbështetjen për Gledin dhe Partinë Socialiste…”.
Ngjashëm edhe në faqen e shkollës “Naim Frashëri” në Korçë mund të gjesh fotot e Kushit me kandidatin socialist për bashkinë e Beratit, Ervin Demo.
Postime të tilla me përmbajtje propagandistike gjen pothuajse në çdo faqe shkolle apo zyre vendore të arsimit në vend –praktikë që sipas një denoncimi të Komitetit Shqiptar të Helsinkit, KSHH, në Komisionin Qendror të Zgjedhjeve, është në shkelje të hapur të Kodit Zgjedhor që ndalon përdorimin e burimeve publike për fushatë.
Nisur nga ky denoncim, Komisioneri Shtetëror i Zgjedhjeve, Ilirian Celibashi urdhëroi të enjten ndalimin e ripostimit nga faqet zyrtare të të gjitha institucioneve publike të aktiviteteve që pasqyrohen në profilet personale të ministrave dhe drejtuesve të tjerë të institucioneve publike.
“Jemi përpara një rasti shkeljeje administrative të Kodit Zgjedhor. I kemi bërë të gjitha paralajmërimet,” deklaroi Celibashi në mbledhjen e së enjtes.
“Pa i hyrë përmbajtjes së postimeve, ne do të urdhërojmë ndalimin e ripostimit në faqet zyrtare të një institucioni publik, të aktiviteteve të cilat pasyrohen në profilet personale të drejtuesit të një institucioni publik, për sa kohë këto profile i konsiderojnë profile të tyre personale,” shtoi ai.
Denoncimi i KSHH-së lidhej specifikisht me një email të Zyrës Vendore të Arsimit Parauniversitar Korçë-Pustec drejtuar drejtorëve të shkollave, ku kërkonte plotësimin e një tabele exel me të dhëna për faqet në rrjetet sociale.Në këtë email, një ndër qëllimet ishte edhe evidentimi i ripostimeve nga profili i ministres Kushi.
Përfaqësuesi i KSHH-së, Erdion Maçolli tha gjatë mbledhjes publike se megjithëse denoncimi kishte marrë shkas nga ky email i një ZVA-je, fenomeni ishte i përhapur në të gjithë vendin dhe ishte një kërkesë e kamufluar për përdorimin e këtyre faqeve për propagandë elektorale.
“Ajo që ne konstatuam në Korçë është një problematikë e shtrirë në nivel kombëtar,” tha Maçolli, duke sjellë shembuj të profileve të shkollave nga qarqe të ndryshme që postonin foto të Kushit me përmbajtje qartësisht politike.
Zyra Vendore e Arsimit Korçë- Pustec u përfaqësua në KQZ nga Anila Bitraku, e cila pretendoi para Komisionerit se informacioni i kërkuar në emailin zyrtar kishte si qëllim identifikimin e faqeve që përdoren nga drejtoritë e arsimit paraauniversitar për t’i diferencuar nga faqet e tjera që nuk administrohen nga institucionet arsimore.
“Verifikim nëse po përdoren për qëllim informimi,” tha ajo, ndërsa shtoi se qëllimi ishte që ato të jenë më aktive në këtë drejtim.
“Qëllimi ishte që të kenë shpërndarje informacioni në kohë reale, ku përfshihen postimet në faqen e ministrisë për aktet nënligjore të miratura dhe qëllimi tjetër ishte që faqet zyrtare të promovonin aktivitete social-kulturore,” shtoi Bitraku.
Ajo pranoi se ishte detyrë e Zyrave vendore arsimore nëse përmbajtja e postimeve ishte në përputhje me legjislacionin në fuqi dhe pretendoi se të gjitha institucionet ishin vënë në dijeni të dispozitave ligjore që ndalonin ato të përdoreshin për qëllime politike. E pyetur nga avokati i KSHH-së nëse ZVA-ja ka monitoruar faqet e shkollave për postime elektorale, Bitraku tha se “rezulton që nuk kanë”, por përfaqësuesi i KSHH-së prezantoi me foto disa postime të shkollave të zonës së Korçës ku rishpërndahej veprimtaria politike e Kushit.
Ndërsa përfaqësuesja e Ministrisë së Arsimit dhe Sporteve, Migena Ramçi, tha se emaili i ZVA-së kishte të qartësuar llojin e postimeve që kërkohej nga profilet e institucioneve parauniversitare dhe ato nuk ishin elektorale. Ajo po ashtu pretendoi se denoncimet e tjera të KSHH-së në mbledhje ishin marrë nga faqe të ndryshme, të cilat sipas saj, “mund të mos jenë faqe zyrtare të institucioneve”.
Përdorimi i rrjeteve sociale zyrtare të institucioneve për të shpërndarë propagandë politike u evidentua dhe nga disa denoncime të organizatës KRIIK për përdorimin e fondeve publike për fushatë elektorale. Sipas këtyre denoncimeve, Bashkitë Kamëz, Poliçan, Elbasan, Cërrik, Lezhë, Tropojë etj, kishin zhvilluar veprimtari politike duke përdorur burime publike ose veprimtari të paraportuara sipas ligjit. Në disa prej denoncimeve evidentohej fakti që faqet zyrtare të disa bashkive funksionin si mekanizëm shpërndarës të aktiviteteve politike të kryebashkiakëve, të cilët njëkohësisht janë dhe kandidatë në zgjedhjet vendore të 14 majit./BIRN
Ilir Meta TIRANË- Kryetari i Partisë së Lirisë, Ilir Meta deklaroi ditën e sotme se kryeministri Edi Rama nuk ka fituar zgjedhje n...
Belind Këlliçi TIRANË- Kandidati i Opozitës për Bashkinë e Tiranës, Belind Këlliçi ka prezantuar sot &ldqu...
Ilir Meta TIRANË- Kreu i Partisë së Lirisë, Ilir Meta tha se pret kryeministrin Edi Rama në një debat publik. Në fjal&eu...
Sali Berisha TIRANË- Kreu i Partisë Demokratike, Sali Berisha dënoi deklaratën e Edi Ramës, i cili tha se anëtarësimi i ...
Ilir Meta TIRANË- Kreu i Partisë së Lirisë, Ilir Meta ka deklaruar se shumë shpejtë do të vijë dhe emri i tij n&eum...
Luçiano Boçi TIRANË- Kandidati i koalicionit “Bashkë Fitojmë” për bashkinë e Elbasanit Luçiano Bo...
Edi Rama ELBASAN-Kryeministri Edi Rama kujtoi ditën e sotme ish-kryetarin e Partisë Demokratike, Lulzim Basha. Teksa zhvilloi sot një takim ...
Ilirjan Celibashi TIRANË- Komisioni Qëndror i Zgjedhjeve (KQZ) ka pranuar denoncimin e Komitetit Shqiptar të Helsinkit. Komisioni vlerë...
Enkelejd Alibeaj TIRANË- Deputeti i Partisë Demokratike, Enkelejd Alibeaj ishte në Shkodër për të bërë thirrje q&eu...
Taulant Balla TIRANË- Kryetari i Grupit Parlamentar të PS, Taulant Balla ka reaguar pas zbardhjes së ngjarjes kriminale ndodhur në Sh&e...
