"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Në periudhën dhjetor-janar të vitit 2010, Rama kërkonte me të madhe largimin e Sali Berishës, atëherë kryetari i qeverisë, ndërsa sot gjithë çfarë ka bërë është sulmi personal ndaj tij, ndërkohë që as nuk është dukur në terren. As sa për sy e faqe.
TIRANË- Prej 24 orësh, Shqipëria po përjeton terrorin e ujit. Përmbytje, të mbjella të shkatërruara dhe 2 viktima. Epiqendra edhe njëherë është kryeqendra e Veriut, Shkodra. Zonë që dekada më parë, ai që është sot në krye të qeverisë, Edi Rama premtonte se do i jepte fund. Të njëjtët personazhe si atëherë janë dhe sot, me shumë pak ndryshime, por të vetmit që vuajnë janë qytetarët. Në periudhën dhjetor-janar të vitit 2010, Rama kërkonte me të madhe largimin e Sali Berishës, atëherë kryetari i qeverisë, ndërsa sot gjithë çfarë ka bërë është sulmi personal ndaj tij, ndërkohë që as nuk është dukur në terren. As sa për sy e faqe.
Doni ta dini si ishte Rama në vitin 2010?
Për më tepër detaje duket fotoja e mëposhtme, ku Rama shfaqej kudo, në varkë, duke u takuar me banorët, duke sharë Sali Berishën, duke ia vënë fajin shtetit se nuk kishte marrë masa. Por sot, edhe pse ka që në orën 9 të paradites që ka lajmëruar se do shkojë në Shkodër, nuk është dukur kurrëkund.
"Kush mund ta besojë më sot në Shqipëri, se këto përmbytje janë fati ynë dhe duhet të jetojmë me këtë fat, sepse ja qeveria bëka më të mirën e mundshme, por prapë ndëshkimi i Zotit a i natyrës qenka i destinuar të vazhdojë ta përmbysë Shqipërinë e ta përmbytë Shkodrën? Kush i ha këto? Sali Berisha e ka përmbytur Shkodrën për të pestën herë me paaftësinë totale dhe akoma më keq me papërgjegjshmërinë absolute dhe është fajtori për këtë ç’ka u ndodh sot shkodranëve dhe shqiptarëve. Së pari, le të kthehemi pak në kohë kur veriu i Shqipërisë u përmbyt si kurrë më parë dhe Saliu fajësoi natyrën, fajësoi shirat, fajësoi hënën blu, fajësoi kë mundi edhe Zotin vetë, por nuk mori mbi vete përgjegjësinë, që i takonte atij dhe qeverisë së tij për mijëra hektarë tokë të përmbytura, për mijëra shtëpi të dëmtuara dhe për humbjen e prodhimeve bujqësore e blegtorale të mijëra e mijëra familjeve që jetojnë në atë zonë,"-kështu e niste fjalën e tij para gazetarëve Rama, saktësisht më 2 dhjetor 2010. Ishte i vendosur se përmbytjet nuk kishin asnjë shans që të ishin shkaktuar nga natyra, apo prurjet e larta, por vetëm nga mungesa e ndërhyrjes së qeverisë.
Madje, atëherë kur e kishte ende sensin e kritikës, Rama ngrinte disa pyetje shumë të rëndësishme, që nuk duhet nëse mund që t'u japë përgjigje sot. Kërkon të dijë lidhur me ndërhyrjet në argjinatura, si është trajtuar shtrati i lumit Buna, ku kanë shkuar paratë e financimit të bypassit të Shkodrës (meqë ra fjala, për të gjithë kuriozët, ky bypass nuk ka mbaruar as sot e kësaj dite), të gjitha pyetje legjitime, për të cilat duam përgjigje dhe sot, pas 12 vitesh.
"Ku është ndërhyrja në argjinaturën, në shtratin dhe në derdhjen e lumit Buna. Ka kaluar një vit, asnjë ndërhyrje dhe sigurisht që në mungesë të plotë të kësaj ndërhyrje të domosdoshme si shkak i gjithë degradimit skandaloz, që i është bërë të gjithë sistemeve të rrjedhjes dhe të kullimit të ujërave në Shqipëri përmes gjithfarë barbarizmash, Buna patjetër do të shkaktojë dëmet që shkakton, sepse është lënë tërësisht e lirë dhe askush nuk merret me të, ashtu sikundër askush nuk merret me këtë problem të madh që e ka e gjithë Shqipëria sapo pushon shiu. Ku është financimi i këtij projekti, ku është financimi për këtë studim, që sikundër tha Saliu vetë, na qenka më i miri i implementuar ndonjëherë në Shqipëri. Po projekti, studimi, financimi për bypassin e Shkodrës, lëre më by passi vetë, ku janë? Ku janë masat konkrete të marra nga qeveria, jo në letër, jo me fjalë, jo me rrena, por me fakte konkrete, për ta ndalur që për të pestën herë të ndodhë ajo që sipas Saliut ndodh një herë në 100 vjet dhe të ndodhë brenda 1 viti."
Në një moment tjetër të fjalimit të tij prej opozitari, Rama ndalej edhe tek ofendimet e kundërshtarit të tij, që ia ka kthyer këto dy ditët e fundit, sepse me siguri ka harruar ç'ka thënë kohë më parë...
"Fol fol, shpif shpif, gënje gënje, premto premto, që të krijosh një situatë në të cilën shqiptarët të shohin përmes ekraneve një Shqipëri të ndryshe nga ajo që kanë jashtë ekranit. Nuk mundet dot të zgjidhen problemet e përmbytjeve, nuk mundet dot të zgjidhen problemet e panumërta që ka i gjithë territori i vendit, nuk mundet dot që të zgjidhen problemet e pamundura që kanë familjet shqiptare duke u marrë ditë natë me luftën kundër opozitës. Duke hedhur ditë natë baltë mbi opozitën. Duke u thënë njerëzve se opozita është i vetmi problem i madh që kemi dhe se është i vetmi armik që i ka mbetur këtij pushteti."
E vërtetë, nuk zgjidhen problemet duke u përplasur me opozitën, ndaj dhe më poshtë po rendisim të gjitha "zgjidhjet" që Rama ka gjetur, tek të cilat nuk e ka sharë fare kundërshtarin e tij politik. Për asnjë çast nuk është marrë me Sali Berishës, por është fokusuar tek populli. Për më tepër ndiqeni vetë:
Komenti 1: Seniliteti dhe ligesia e tij - qe çdo fatkeqesi kerkon ta perdore banalisht - jane fatkeqesia e nje force qe ka degraduar bashke me te ne pusetat e Tiranes #PisBurre
Komenti 2: Si është e mundur që sa gdhihen e deri kur ngrysen bërtasin veç “Vjedhje! Vjedhje! Vjedhje”?! Sepse më shumë se kushdo është hajduti që bërtet kapeni hajdutin dhe këta kanë vjedhur aq shumë sa veç vjedhje shohin pas çdo gjëje!
Ja pra, tërësisht objektiv dhe nuk merret fare me kundërshtarin, madje dhe as nuk e ofendon. Në të gjithë këtë që po ndodh më veri të vendit dhe jo vetëm; Rama ku është? Nëse 12 vite më parë kur nuk e kishte provuar shijen e pushtetit, udhëtonte me varkë e me çizme lëkure, sot ku është?
Pak INFO: Në vitin 2010, në rajonet Shkodër e Lezhë, u përmbytën rreth 14,000 hektarë dhe 1200 godina, ndërsa 12,000 njerëz u desh të evakuoheshin nga banesat. Shkodra asaj kohe i ngjante Venecias, aq sa banorët nisën të përdornin gomonet në vend të makinave.
Foto Ilustruese TIRANË- Kreu i Partisë Republikane dhe anëtari i Komisionit Zgjedhor Fatmir Mediu ka depozituar një projekt-l...
Sali Berisha SHKODËR- Kryetari i Partisë Demokratike Sali Berisha ka përgëzuar ushtarët të cilët ndodhën në zo...
Edi Rama Më 29 shtator, kryeministri Edi Rama shfaqi në video live në faqen e tij në Facebook një dosje të verdhë, p&eu...
Sali Berisha SHKODËR- Kryetari i Partisë Demokratike Sali Berisha ka zhvilluar një vizitë në fshatin Obot të Shkodrës ku...
TIRANË- Ardian Çapja, i akuzuar për ekzekutimin e babë e bir në Elbasan, Gentian dhe Nezir Beqirit ka dhënë sot shpjegime...
Gerta Bardeli SHKODËR- Kryetari i Partisë Demokratike Sali Berisha ishte ditën e sotme në një vizitë në familjen e t&eum...
SHKODËR- Kryetari i Partisë Demokratike, Sali Berisha mori pjesë në ceremoninë mortore rë familjes Rushaj në Shkod&eum...
Enkelejd Alibeaj TIRANË- Deputeti i Partisë Demokratike, Enkelejd Alibeaj i ka dorëzuar kërkesë kryetares së Kuvendit pë...
Sali Berisha TIRANË- Kryetari i Partisë Demokratike, Sali Berisha u shpreh se përmbytjet në Shkodër janë kryer nga dora e kri...
Ambasadorja TIRANË- Ambasadorja amerikane në Shqipëri, Yuri Kim ka reaguar pas viktimave nga përmbytjet në vend. Përmes nj&eu...
