Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Silva Caka bëri me dije detaje lidhur me ngjarjen duke treguar se kërkesa e prindërve ishte fare e thjeshtë: një mësues kujdestar për fëmijën e tyre me nevoja të veçanta, qoftë edhe 5 orë në javë. Por kërkesa nuk u plotësua kurrë.
TIRANË- Dy prindër të një fëmijë me autizëm kanë arritur të fitojnë një betejë të gjatë gjyqësore e të dhimbshme kundër kryebashkiakut Erion Veliaj, i cili për 4 vjet rresht e la pa asnjë mbështetje të voglin e tyre. Sekretarja për Marrëdhëniet me Publikun dhe kandidate edhe për Këshillin Bashkiak të Tiranës, Silva Caka bëri me dije detaje lidhur me ngjarjen duke treguar se kërkesa e prindërve ishte fare e thjeshtë: një mësues kujdestar për fëmijën e tyre me nevoja të veçanta, qoftë edhe 5 orë në javë. Por kërkesa nuk u plotësua kurrë. Ndaj dhe çështja kaloi në gjyq, ku iu dha e drejta prindërve.
"Dy prindër të një fëmijë në spektrin e autizmit kanë nisur një betejë të jashtëzakonshme ligjore e cila në përfundim është fituar nga ana e prindërve por me kosto shumë të madhe për fëmijën dhe për ata vetë. Prindërit e fëmijës që vuan nga autizmi nuk kanë kërkuar asgjë më shumë sesa një të drejtë themelore për fëmijën e tyre, atë të edukimit të fëmijës së tyre nëpërmjet caktimit të një mësueseje ndihmëse e cila do ta ndihmonte fëmijën në procesin e integrimit njësoj si shokët e grupit të tij. Prindërit fatmirësisht e fitojnë betejën edhe në Gjykatën e Apelit por kanë kaluar ndërkohë katër vite që për zhvillimin e një fëmijë me spektrin e autizmit ka një kosto shumë të madhe,"-tha Caka.
FJALA E PLOTË E CAKËS:
Erion Veliaj, i pashpirti që bën sikur i këputet shpirti për fëmijët e shqiptarëve, jo vetëm i vjedh ata, por edhe i keqtrajton, duke iu mohuar të drejtat e tyre themelore, që ua ka garantuar Kushtetuta e Republikës së Shqipërisë. Dy prindër të një fëmije në spektrin e autizmit kanë nisur një betejë të jashtëzakonshme ligjore, e cila në përfundim është fituar nga ana e prindërve, por me një kosto shumë të madhe për fëmijën e tyre dhe për ata vetë. Prindërit e fëmijës që vuan nga autizmi, nuk kanë kërkuar asgjë më shumë sesa një të drejtë themelore për fëmijën e tyre, atë të caktimit të një mësueseje ndihmëse, e cila do të ndihmonte fëmijën në procesin e integrimit, njësoj si shokët e shoqet e grupit të tij.
Fëmija është paraqitur edhe përpara Komisionit Multidisiplinor Mjekësor, i cili ka rekomanduar që i mituri të asistohet nga një mësues shtesë, të paktën 5 orë në javë. Por Drejtoria e Çerdheve dhe Kopshteve në Bashkinë e Tiranës, nuk merr në konsideratë rekomandimin e ekspertëve, por nëpërmjet “ekspertëve” të Bashkisë, që dinë vetëm të vjedhin dhe të mashtrojnë, vendosin që fëmijës i mjafton mësuesja shtesë vetëm 1 orë në javë. Prindërit e kanë vijuar betejën e tyre, duke iu drejtuar Komisionerit kundër Diskriminimit, i cili në vendimin e Prillit të vitit 2020, ka konstatuar se Drejtoria e Çerdheve dhe Kopshteve në Bashkinë e Tiranës, nëpërmjet vendimmarrjes së paarsyetuar për të caktuar mësuesen shtesë vetëm një orë në javë, kanë diskriminuar fëmijën. Madje Komisioneri kundër Diskriminimit ka konstatuar se nga ana e zyrtarëve të Bashkisë së Tiranës, nuk ka patur asnjë bashkëpunim, duke mos iu përgjigjur herë pas here kërkesave të Komisionerit për informacion.
Bashkia e Tiranës nuk bashkëpunon me Komisionerin dhe as me familjen, sepse nga ata nuk marrin asgjë, ama janë shumë të zënë duke dhënë leje ndërtimi për kulla dhe duke firmosur për inceneratorin e Tiranës sepse aty ka lekë pa masë. Beteja ka vazhduar edhe në Gjykatën Administrative të Tiranës, ku prindërit kanë fituar të drejtën e tyre e ku është konstatuar nga ekspertët se ky refuzim për caktimin e mësueses ndihmëse, ka sjellë regres në zhvillimin e fëmijës. Për fat të keq nuk mbaron me kaq: monstra Erion Veliaj, është shembulli më i mirë i shprehjes “e keqja nuk ka fund”, pasi me shpirtligësinë më të madhe, vendos që t’ia zvarrisë çështjen familjes dhe bën ankim në Gjykatën e Apelit Administrativ.
Prindërit e fitojnë betejën e tyre edhe në Gjykatën e Apelit, por ndërkohë kanë kaluar 4 vite, që për zhvillimin e një fëmije me autizëm, ka një kosto shumë të madhe. Bashkia e Tiranës, drejtuar nga Erion Veliaj, ka marrë njollën më të zezë në histori me këtë vendim dhënë nga Gjykata Administrative e Apelit, duke treguar edhe një herë se fotot dhe kronikat e montuara të Erion Veliajt me fëmijët, nuk janë asgjë përveçse një pedofili mediatike, sepse në të vërtetë ai dhe vartësit e tij, nuk duan t’ia dinë aspak për fëmijët e shqiptarëve. 14 Maji do të jetë momenti i shqiptarëve Erion, i fëmijëve, i të moshuarve, i të rinjve, që do të të japin atë që meriton. Thonë që fëmijët e spektrit të autizmit e shohin botën me ngjyra më të bukura, madje që gjejnë ngjyra edhe atje ku nuk ka, por një gjë është e sigurtë: ty Erion të shohin të zi, ashtu siç je brenda dhe jashtë.
Enkelejd Alibeaj TIRANË- Deputeti Enkelejd Alibeaj ka ankimuar në KAS regjistrimin e koalicionit “Bashkë Fitojmë”. Në ...
Komisioni TIRANË- Komisioni i Sigurisë është shoqëruar ditën e sotme me tensione. Opozita kërkoi që të ishin t...
Edi Rama GREQI- Kryeministri Edi Rama vijon vizitën e tij në Greqi, e sot në ditën e dytë është takuar me Kryetarin e pa...
Gabriel Escobar TIRANË- I dërguar i SHBA-së për Ballkanin Perëndimor Gabriel Escobar ka deklaruar se qeveria shqiptare duhet ...
Mimi Kodheli TIRANË- Kryetarja e Komisionit të Jashtëm komentoi tërheqjen e kryeministrit Edi Rama nga 2 nismat e kundërshtuara pr...
Belinda Balluku BRUKSEL- Zëvendëskryeministrja Belinda Balluku ishte e pranishme një ditë më parë në Konferencën e ...
Ilir Alimehmeti TIRANË- Anëtari i kryesisë së Partisë Demokratike, Ilir Alimehmeti deklaroi se e gjithë kjo që po z...
Mimi Kodheli TIRANË- Kryetarja e Komisionit të Punëve të Jashtme, Mimi Kodheli i kërkoi Ministrisë së Jashtme të m...
Tryeza e OSBE-së TIRANË- Në Tiranë, OSBE dhe institucione të tjera perëndimore u bënë sot thirrje pjesëmarr&eu...
Mark Crawford TIRANË- Ish-presidenti i Dhomës amerikane Mark Crawford ka dhënë detaje në lidhje me përfshirjen e interes...
