Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ministrja e Arsimit, Evis Kushi, prezantoi sot në Komisionin e Edukimit ligjin e arsimit parauniversitar me disa ndryshime
TIRANE- Ministrja e Arsimit, Evis Kushi, prezantoi sot në Komisionin e Edukimit ligjin e arsimit parauniversitar me disa ndryshime. Një nga ndryshimet kryesore janë shkollat speciale për nxënësit me aftësi ndryshe, që të kthehen në qendra burimore. Kushi shtoi më tej se nuk do ketë vetëm proces arsimor, por edhe shumë shërbime për nxënësit me aftësi ndryshe. Ajo sqaroi se grupi i punës ka punuar dhe ka zhvilluar edhe vizita për t’i parë nga afër se si funksionojnë sot këto qendra burimore në vendet më të zhvilluara. Në Shqipëri janë 7 shkolla speciale dhe 2 institute, instituti i nxënësve që nuk dëgjojnë dhe i nxënësve që nuk shikojnë. Ndryshimi do të fillojë me dy institutet, dhe më pas do vijohet me shkollat speciale që janë në qytete të ndryshme të vendit.
“Ne kemi menduar që këto shkolla speciale t’i kthejmë në qendra burimore, ku jo vetëm të ketë proces arsimor, por të ketë edhe shumë shërbime për nxënësit me aftësi ndryshe, për familjet e tyre, për mësuesit, të ketë trajnime dhe shumë procese të tjera që natyrisht i vijnë më shumë në ndihmë nxënësve dhe familjeve të tyre. Kemi parë modelet e tyre dhe paralelisht me ligjin, grupi i punës ka punuar dhe ka zhvilluar edhe vizita për t’i parë nga afër se si funksionojnë sot këto qendra burimore në vendet më të zhvilluara. Dhe pothuajse e kemi gati edhe mënyrën se si do ta implementojmë pas miratimit të ligjit kthimin e këtyre shkollave në qendra burimore”, tha Kushi në Komision.
Deputetja e PD, Merita Bakiu, anëtare e Komisionit të Edukimit iu drejtua ministres Kushi se ku do të gjenden mësuesit adekuat për qendrën burimore, dhe a ka mjaftueshëm burime njerëzore për të përballuar punën.
Kushi tha se kanë një bashkëpunim me Ministrinë e Shëndetësisë, për të ofruar përkujdesje sociale dhe shëndetësore. Ajo tha se do të ketë punonjës që nuk janë me patjetër vetëm mësues. Qendrat burimore do të funksionojnë me një strukturë të re.
“Do ketë punonjës që nuk janë me patjetër vetëm mësues. Qendrat burimore do të funksionojnë me një strukturë të re, kurrikul të re dhe mënyrë funksionimi të re. Një ndryshim tjetër lidhet me sigurinë dhe mbrojtjen e nxënësve nga individë që mund të përbëjnë rrezik për ta. Është fjala për nenin i cili nuk lejon mësuesit që janë të dënuar për vepra penale ndaj të miturve, apo që janë pjesë e regjistrit kombëtar të të dënuarve për krime seksuale, apo që kanë kryer vepra të tjera penale që cenojnë figurën dhe imazhin e mësuesve, punonjësve të IA dhe vetë institucioneve arsimore pavarësisht rehabilitimit të tyre. Edhe pse mund të jenë të rehabilituar nga këto dënime, persona të tillë nuk do të lejohen asnjëherë që të punojnë brenda IA, qoftë mësues, apo qoftë në pozicione të tjera. Në vitin 2021 ne miratuam një udhëzim në MAS pikërisht për të mos i lejuar këta njerëz që të punojnë në IA, por tashmë kemi vendosur që ta përfshijmë në ligj, në një nen të veçantë, pikërisht për ta bërë edhe më të detyrueshëm dhe të garantuar zbatimin me përpikmëri të kësaj çështje”, tha Kushi.
Deputetja Blerina Gjylameti pyeti ministren Kushi se kush do e bëjë vlerësimin se çfarë quhet vepër penale, që e ndalon të ushtrojë detyrën e mësuesit dhe çfarë ndodh me një mësues që konsumon alkool dhe nuk quhet vepër penale.
“Gjithmonë është punëdhënësi që ka përgjegjësinë të shqyrtojë të dhënat e punëmarrësit, dhe në rast se në një moment vërehet se mësuesi konsumon alkool, ka një Komision Etike që marrin masa në këto raste”, u përgjigj Kushi, duke shtuar se llojet lidhen me vepra penale që janë pjesë e regjistrit të abuzimeve seksuale dhe pjesa tjetër përfshin të gjitha veprat që dënohen me formë të prerë.
Një tjetër ndryshim janë regjistrimet në klasë të parë të fëmijëve, ende pa mbushur moshën 6-vjeç. “Nuk është me detyrim, por nëse prindërit pas konsultave që zhvillojnë me psikologë apo mësues, ekspertë të sistemit arsimor, kanë dëshirë të regjistrojnë fëmijët edhe pa mbushur 6 vjeç për të filluar klasën e parë”.
Një tjetër ndryshim janë shkollat me status të veçantë. Këtu është fjala për shkollat artistike dhe sportive. “Të parat mund të jenë liceu artistik dhe shkolla e baletit që do të marrin statusin e shkollave të barabarta. Janë shkolla që dërgojnë studentë në universitetin e arteve dhe konsultimet tona kanë qenë në tryeza edhe me Universitetin e Arteve për të parë çfarë nevojash kanë ata, në mënyrë që të plotësohen nëpërmjet këtyre shkollave që do të kenë status të veçantë”, tha Kushi.
“Edhe pse shkolla nuk është shkollë artistike, nëse në atë zonë apo qytet ka kërkesa, fëmijë të talentuar, në një disiplinë të caktuar, ne kemi menduar t'ua japim këtë mundësi dhe t’i përgatisim këta nxënës që më pas kur të vazhdojnë studimet në shkollën e mesme të orientuar, të jenë të përgatitur”.
Komisioni për Sigurinë Kombëtare TIRANË- Kreu i Agjencisë së Inteligjencës dhe Mbrojtjes, Ardian Bali, deklaroi sot...
Eduard Shalsi TIRANË- Komisioni Parlamentar për Ekonominë dhe Financat, ka miratuar projekt-rezolutën për vlerësimin e vepr...
Mbledhja e Këshillit të Sigurimit Kombëtar TIRANE- Presidenca ka përcjellë detajet se për çfarë ësht&eu...
Ina Zhupa TIRANË- Deputetja e Partisë Demokratike, Ina Zhupa ka reaguar pas zgjedhjes së Alfred Pezës si drejtor i Përgjithsh...
foto ilustruese GREQI- Alexandros P. Mallias, ish-ambasador i Greqisë në Uashington, Shkup dhe Tiranë, me anë të një shkrimi...
Bajram Begaj TIRANË- Mesditën e sotme është mbledhur Këshilli i Sigurimit Kombëtar, me urdhër të Presidentit Bajra...
Mbledhja TIRANË- Ditën e nesërme do të mblidhen dy qeveritë Shqipëri-Kosovë në Gjakovë. Ky takim, pë...
Tritan Shehu TIRANE- Deputeti i Partisë Demokratike, Tritan Shehu, i pranishëm në Komisionin për Politikën e Jashtme i kërkoi...
Sali Berisha TIRANË- Kryetari i Partisë Demokratike, Sali Berisha ka komentuar sërish situatën në veri të Kosovës. P&eum...
Takimi TIRANË- Dita e nesërme do të bëjë bashkë Qeveritë e dy vendeve, Shqipërisë dhe Kosovës. Ky takim,...
