Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Sipas njoftimit të bërë nga zyra e shtypit, Berisha ka një njoftim të rëndësishëm për të bërë, por ende nuk dihen detaje.
TIRANË- Kreu i Partisë Demokratike, Sali Berisha reagoi për hartën e re gjyqësore, duke u shprehur se mbyllja e 18 gjykatave në shkallë vendi i mohon qytetarëve të kenë akses në sistemin e Drejtësisë. Në një konferencë urgjente nga selia e Partisë Demokratike, Berisha tha se e gjithë skema e re është një praktikë 100% e dështuar pasi u eksperimentua në 1999. Po ashtu, ndër të tjera kryedemokrati tha se me hartën e re gjyqësore ndëshkohen banorët e 10 qyteteve të vendit që duhet të udhëtojnë qindra kilomentra rrugë për të shkuar në gjykatën tjetër.
FJALA E BERISHËS:
Harta e re e gjyqsorit e Edi Ramës është një ndëshkim i ri për qytetarët, një rrënim i të drejtës së qytetarëve shqiptarë për një proces të rregullt gjyqësor. Pas përgjysmimit të gjykatësve dhe prokurorëve me pseudoreformën e sistemit të drejtësisë dhe vettingun “gjah shtrigash”, vendosjen e saj në kontroll të plotë të ekzekutivit, krijimit të një stoku prej 110 mijë dosjeve gjyqësore dhe mohimit de facto të të drejtës së shqiptarëve për një proces të drejtë gjyqësor, Edi Rama urdhëroi me një akt të papërgjegjshëm dhe të mirëfilltë politik, KLGJ-në e partisë, të mbyllë 18 gjykata në shkallë vendi.
Kështu, me hartën gjyqësore të Edi Ramës mbyllën: 1. 9 gjykata të shkallës së parë dhe mohohet faktikisht aksesi i qytetarëve të 9 qyteteve në sistemin e drejtësisë. Mbyllet gjykata e Tropojës, Pukës, Matit, Kurbinit, Kavajës, Krujës, Lushnjës, Pogradecit dhe Përmetit. 2. Mbyllen 4 gjykata administrative dhe ngelet vetëm një gjykatë në Tiranë dhe një në Lushnje. 3. Mbyllen 5 gjykata të apelit dhe ngelet vetëm Apeli i Tiranës.
Praktikë kjo, 100% e dështuar, pasi u eksperimentua në vitin 1999 nga qeveria e PS-së. Me këtë vendim gjobiten e ndëshkohen banorët e dhjetë qyteteve të vendit të cilët duhet të udhëtojnë disa prej tyre edhe qindra kilometra rrugë për të shkuar në gjykatën e rrethit tjetër, gjobiten qytetarët e të gjitha qarqeve të vendit përveç Tiranës, të cilët për të apeluar vendimin e gjykatës së faktit duhet të bëjnë në shumë raste edhe mbi 300 km rrugë për të ardhur në Tiranë, duke rritur kështu shumë shpenzimet e udhëtimit, hoteleve për këta qytetarë si dhe duke shpenzuar kohën e tyre.
Por deri diku duke u mohuar de facto për vështirësimin e mundësive edhe aksesin në sistemin e drejtësisë!
Miratimi i hartës së re gjyqësore është në shkelje e rëndë e të drejtave të njeriut dhe lirive themelore të tij, të cilat mbrohen me Kushtetutë. Mbyllja e shumë prej Gjykatave, cënon dhe kufizon rëndë aksesin në drejtësi të individit si dhe procesin e realizimit të mbrojtjes në çështjet penale, civile dhe administrative.
Bën që Gjykatat në numër të konsiderueshëm të mbeten të paaksesueshme për qytetarët. Vendimi i KLGJ-së, prek jo vetëm dhunon interesat direkte të publikut por edhe të grupeve të interesit që lidhen direkt me Sistemin e Drejtësisë dhe me publikun. Grupe të tilla si:
1. Avokatët.
2. Ekspertët kontabël.
3. Ekspertët psikologë.
4. Ekspertët vlerësues.
5. Noterët.
6. Ndërmjetësit.
Harta e re e gjyqësorit vjen në kundërshtim flagrant me kërkesat e drejta të Rezolutës më të fundit të Parlamentit Europian, për Shqipërinë, e cila në nenin e saj 37 kërkon që: “Harta e gjyqësorit duhet të marrë në konsideratë mendimet e grupeve të interesit dhe kushtet social-ekonomike të grupeve vulnerabile dhe të përmirësojë cilësinë në gjykata dhe procesin e duhur ligjor”.
Në të vërtetë, harta e re hedh poshtë pikë për pikë kërkesat e kësaj Rezolute të Parlamentit Europian. Kështu, opinioni i grupeve të interesit, avokatëve, noterëve, kontabilistëve dhe grupeve të tjera, jo vetëm që nuk është përfillur, por është hedhur poshtë me cinizë2m pasi këto grupe kanë kundërshtuar në mënyrën më të prerë këtë hartë në të gjitha rastet e pakta që ato janë pyetur.
Harta, me shkrirjen e 18 gjykata, dëmton rëndë grupet vulnerabile, të cilave për shkak të shpenzimeve shtesë, do ta kenë të pamundur t’i drejtohen gjykatave për një proces gjyqësor me kosto të përballueshme, në të cilin të jenë të barabartë para ligjit me qytetarët e tjerë.
Harta pra, jo vetëm që nuk lehtëson, por pengon dhe vështirëson aksesin në sistemin e drejtësisë dhe rrit shumë kostot e këtij aksesi. Së bashku me stokun e 110 mijë dosjeve, ajo privon qytetarët shqiptarë nga një proces i rregullt gjyqësor. Ajo ndëshkon rëndë pakicat e romëve, egjiptianëve, invalidët, dhe të gjithë ata qytetarë shqiptarë që jetojnë me ndihmë ekonomike.
Në këtë kontekst, Partia Demokratike dënon këtë projekt dhe kërkon anullimin e tij të menjëhershëm, si një projekt që ndëshkon dhjetëra, mijëra qytetarë, qindra e mijëra avokatë dhe ekspertë të fushave të ndryshme dhe mbi të gjitha, ky projekt përqëndron vendimmarrjen në sistemin e drejtësisë në duart e 2-3 personave të kryesuar nga i famshmi Sokol Sadushi.
Paneli Majko dhe Edi Rama TIRANË- Dy kushtet e Pandeli Majkos për kryeministrin Edi Rama për bashkëpunim janë harruar...
Edi Rama dhe Pandeli Majko TIRANË- Kryeministri Edi Rama ka reaguar për 31-vjetorin e Partisë Socialiste. Me anë të një posti...
Edi Rama dhe Gramoz Ruçi TIRANË- Fotot e mëposhtme janë nga ditëlindja e 31 e Partisë Socialiste. Në pamjet e publikua...
Sali Berisha TIRANË- Ish-kryeministri Sali Berisha ka reaguar pas samitit të Evropës Juglindore të mbajtur në Greqi. Me anë t...
Agim Kajmaku TIRANË- Ish-kryebashkiaku i zgjedhur nga Edi Rama në Vorës, Agim Kajmaku, u arrestua së fundmi në Itali me 20 kilogra...
Edi Rama TIRANË- Në oborrin e selisë rozë zhvillohet ceremonia për 31-vjetorin e themelimit të Partisë Socialiste. Edhe...
Erion Veliaj dhe Gramoz Ruçi TIRANË- Në 31-vjetorin e themelimit të Partisë Socialiste, nuk mund të mungonte, Gramoz Ru&cce...
Edi Rama TIRANË-Partia Socialiste feston 31-vjetorin e themelimit të saj, ndërsa festa zhvillohet në oborrin e selisë. Tek takimi ...
Erisa Xhixho dhe Endrit Braimllari TIRANË- Partia Socialiste feston 31-vjetorin e themelimit të saj, ndërsa festa zhvillohet në oborrin...
4 të përzgjedhurit TIRANË- Nis festa e 31-vjetorit të themelimit të Partisë Socialiste. Kryebashkiaku i Tiranë, Erion V...
