"Nuk do sillemi kurrë me biznesin, siç u soll Rama me kandidaten tonë!" Berisha: Do të përgjysmojmë barrën e rëndë të taksave mbi shqiptarët

12 Prill 2025, 20:29 Nga M.B

Sali Berisha

TIRANA- Kreu i Partisë Demokratike Sali Berisha prezantoi sot programin e forcës së tij politike dhe koalicionit. Berisha tha se do të përgjysmojnë barrën e rëndë të taksave mbi shqiptarët. Ai shtoi se subvencion për çdo fidan, për çdo kokë bagëti, për çdo njësi prodhimi. Berisha premtoi mbrojtje sezonale për prodhimet e fermerëve shqiptarë, kredi duke paguar qeveria interesin për fermerët, mbrojtje dhe subvencionim për të gjitha dëmet dhe fatkeqësitë natyrore.

Ai tha se një fermë e fuqishme është një fermë prodhuese dhe se vetëm në këtë mënyrë do ndërtojnë Shqipërinë Madhështore. Gjithashtu Berisha tregoi një rast duke thënë se nuk do sillen kurrë me biznesin, siç u soll Rama me kandidaten e tyre.

"Sot, një vajzë e nderuar, një nënë e nderuar e dy fëmijëve, pedagoge e shkëlqyer në universitet, e kthyer nga jashtë për të ndërtuar ëndrrën në Shqipëri, është kandidate për deputete dhe kjo është Fatmira Kola, më njofton se mister urrejtja, Edi Rama, mizogjeni, i ka mbyllur biznesin, portalin e saj me 72 mijë abonentë pa asnjë paralajmërim. I ka dërguar furgonat e policisë tek bënte fushatë i tmerruar. I them këtij burreci 2 metra të gjatë, po përpëlitesh kot se i ke javët e fundit dhe do japësh hesap për çdo akt të tillë. U them socialistëve se ne kurrë nuk do sillemi ndaj bizneseve të tyre", tha ai.

Pjesë nga fjala e Berishës:

Miq, a është vetëm kjo Shqipëria Madhështore? Jo. Shqipëria Madhështore ka një tjetër kolonë të dytë, të fuqishme, që është ekonomia, ekonomia, ekonomia. Made in Albania, ky vend nga jugu në veri, nga lindja në perëndim, do të prodhojë të mira për qytetarët e vet. Ky vend do të prodhojë sepse ne zotohemi sot para jush, para çdo qytetari shqiptar se ne kemi besim të plotë tek iniciativa e tij e lirë. Ne kemi besim se me iniciativën e tij të lirë, me mundin, djersin, ai do të mund të begatojë veten dhe familjen e tij. Të ndërtojë të ardhmen që meriton. Ndaj dhe ne do të përgjysmojmë barrën e rëndë të taksave mbi të. Dhe më shumë se përgjysmim.

Isha ditë më parë në një treg, gjeta aty njerëz që sakrifikonin shumë. Kalonin tete orë, dhjetë orë në kushte shumë të vështira me një barrë fiskale absurde, arbitrare. U merrnin 1500 lekë për një metër pllaka në trotuar. Uji me çmime stratosferike. Energjia 18 lekë. Mbi 140 mijë euro të ardhura, u vendosin taksa të rënda. Pyeta kasapin si të ecën? Doktor, më tha, vetëm në ditë festash kemi të ardhurat që kishim në çdo ditë para këtyre. Një zonjë u përgjigj, sa e paguan energjinë, 18 lekë, tha. 6 lekë do e kesh, i thashë. Buzëqeshi, kaq e kemi pasur gjatë qeverisë tuaj. Dhe këto nuk janë favore ndaj demokratëve. Këto janë vendime për çdo shqiptar, të majtë, të djathtë, pa parti, cilido.

Nuk do bëhet kurrë gjah shtrigash ndaj biznesmenëve. Jo dhe jo. Sot, një vajzë e nderuar, një nënë e nderuar e dy fëmijëve, pedagoge e shkëlqyer në universitet, e kthyer nga jashtë për të ndërtuar ëndrrën në Shqipëri, është kandidate për deputete dhe kjo është Fatmira Kola, më njofton se mister urrejtja, Edi Rama, mizogjeni, i ka mbyllur biznesin, portalin e saj me 72 mijë abonentë pa asnjë paralajmërim. I ka dërguar furgonat e policisë tek bënte fushatë i tmerruar. I them këtij burreci 2 metra të gjatë, po përpëlitesh kot se i ke javët e fundit dhe do japësh hesap për çdo akt të tillë. U them socialistëve se ne kurrë nuk do sillemi ndaj bizneseve të tyre. Jo dhe jo.

Garantoj administratën që e braktisi sot se PD, koalicioni, e vlerëson shumë aktin tuaj dhe u konsideron ju pasuri kombëtare, secilin prej jush që zbaton ligjin, u shërben qytetarëve, refuzoni patronazhistin, aktivistin, këta terroristë elektorale të cilët vjedhin së bashku me zyrtarët e lartë. Shqipëria Madhështore nuk mund të jetë kurrë pa një fermë madhështore. Fermerët shqiptarë u vendosën në kushtet më të pabarabarta sepse argati i Vuçiçit firmosi Ballkanin e Hapur dhe hapi dyert për prodhimet me të cilat kalbin në fushë prodhimet e shqiptarëve. Merr fund! subvencion për çdo fidan, për çdo kokë bagëti, për çdo njësi prodhimi. Mbrojtje sezonale për prodhimet e fermerëve shqiptarë. Kredi duke paguar qeveria interesin për fermerët. Mbrojtje dhe subvencionim për të gjitha dëmet dhe fatkeqësitë natyrore. Një fermë e fuqishme është një fermë prodhuese. Vetëm në këtë mënyrë do ndërtojmë Shqipërinë Madhështore.

pd

Në përputhje me standarded JTI

Politike 12 Prill 2025, 20:08 M.B

Berisha prezanton programin: Do dyfishojmë buxhetin për Shëndetësinë dhe Arsimin

Sali Berisha TIRANA- Kreu i Partisë Demokratike Sali Berisha prezantoi sot nga Pallati i Kongreseve programin e forcës së tij politike ...

Politike 12 Prill 2025, 19:57 M.B

"Në 100 ditët e para, në Shqipëri përjashtohet varfëria ekstreme!" Berisha: Korrupsioni do të shpallet vepër e rëndë penale

Sali Berisha TIRANA- Kreu i Partisë Demokratike Sali Berisha ka premtuar se me ardhjen e tij në pushtet, korrupsionin do ta shpallë vep...

Politike 12 Prill 2025, 19:43 M.B

"Një falënderim të madh për gratë socialiste!" Berisha: Dje ia shndërruan në disfatë show-n njeriut më mizogjen në Europë

Sali Berisha TIRANA- Kreu i Partisë Demokratike Sali Berisha "falenderoi" sot nga Pallati i Kongreseve gratë socialiste pasi, sipas tij...

Politike 12 Prill 2025, 19:31 M.B

Osmani jep lajmin: Sudani njeh pavarësinë e Kosovës

Foto ilustruese KOSOVA- Sudani, vend në verilindje të Afrikës, e ka njohur pavarësinë e Kosovës të shtunën, nj...

Politike 12 Prill 2025, 19:23 M.B

"Gratë shtëpiake do të shpërblehen!" Berisha shpalos programin: Do të kemi Ministrinë e Familjes! Fëmijës së tretë do t’i garantohet çdo gjë deri në 23-vjeç

Sali Berisha TIRANA- Kreu i Partisë Demokratike Sali Berisha tha sot në Pallatin e Kongreseve teksa prezantoi programin se gratë sht&eu...

Politike 12 Prill 2025, 19:17 M.B

"3 vite për të hartuar projektin!" Berisha: PD gërmoi në histori për të gjetur se çfarë programesh kanë përdorur vendet që janë gjetur në rrënoja

Sali Berisha TIRANA- Kreu i Partisë Demokratike Sali Berisha tha sot në Pallatin e Kongreseve teksa nisi prezantimin e programit për t&...

Politike 12 Prill 2025, 19:09 M.B

"Me politikën tonë kemi realizuar të pamundurën!" Berisha prezanton programin: Këtë projekt e nisëm me një ëndërr e cila quhet Shqipëria Madhështore

Sali Berisha TIRANA- Kreu i Partisë Demokratike Sali Berisha tha sot në Pallatin e Kongreseve teksa nisi prezantimin e programit se me polit...

Politike 12 Prill 2025, 18:56 M.B

"Rama e pranoi se nuk ka projekt!" Berisha: Edhe Nokia tentoi ta kopjojë Apple, por dështoi!

Sali Berisha TIRANA- Kreu i Partisë Demokratike Sali Berisha tha sot në Pallatin e Kongreseve teksa nisi prezantimin e programit se kryemini...

Politike 12 Prill 2025, 18:34 M.B

Aleanca për Shqipërinë Madhështore prezanton programin/ LaCivita: Berisha ka një plan të vërtetë për të rinjt shqiptarë dhe të ardhmen

Chris LaCivita TIRANA- Drejtuesi i fushatës së Partisë Demokratike Chris LaCivita ka mbajtur fjalën në Pallatin e Kongreseve ku ...

Politike 12 Prill 2025, 18:31 M.B

ASHM shpalos programin/ Noka: Një start madhështor drejt suksesit të shumëpritur

Flamur Noka TIRANA- Sekretari i Përgjithshëm i Partisë Demokratike, Flamur Noka,  ka mbajtur fjalën në Pallatin e K...

MË SHUMË