Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Ai gjithashtu ka përmbledhur shkeljet kryesore të kodit penal shqiptar si dhe të kushtetutës shqiptare gjatë procesit gjyqësor ndaj tij.
HIMARË- Kryebashkiaku i zgjedhur i Himarës, ka përcjellë fjalën e tij përshëndetëse në aktivitetin e fundit të organizuar nga z. Leonidas-Fivos Koskos, president i Universitetit Hellenic American University, me temë “Të drejtat e njeriut dhe Shqipëria: Korrupsioni, Zgjerimi Evropian dhe Çështja Beleri".
Aktiviteti u zhvillua në Unionin Heleno-Amerikan dhe në diskutim morën pjesë Ambasadori i Nderit, Alexandros Mallias, eurodeputeti Manolis Kefalogiannis, deputeti Angelos Syrigos dhe Dr. Meletis Meletopoulos, doktor i shkencave ekonomike dhe sociale të Universitetit të Gjenevës. Beleri në fjalën e tij tha se ndodhet në paraburgim prej 9 muajsh për një akuzë që sipas tij nuk ekziston asnjë provë dhe asnjë indicie.
Ai gjithashtu ka përmbledhur shkeljet kryesore të kodit penal shqiptar si dhe të kushtetutës shqiptare gjatë procesit gjyqësor ndaj tij. Beleri në fjalën e tij përsëriti se pas arrestimit të tij dhe vendimeve gjyqësore qëndron kryeministri Edi Rama. Fredi Beleri ndodhet në qeli që nga 12 maji i vitit të kaluar pasi akuzohet se ka kryer veprën penale "Korrupsion në zgjedhje".
FJALA E BELERIT:
Të dashur bashkatdhetarë,
Miq dhe mikesha,
Mirëmbrëma.
Prej 9 muajsh ndodhem në paraburgim për një vepër të supozuar korrupsioni në masën 360 euro. Procedura gjyqësore po i afron fundit dhe natyrisht, jo vetëm nuk ekziston asnjë provë siç pretendojnë autoritetet shqiptare, por nuk ekzistojnë as edhe indicie.
Më lejoni të përmbledh shkeljet kryesore të kodit penal shqiptar si dhe të kushtetutës shqiptare gjatë këtij procesi.
1. Prokuroria që nisi procedimin është jokompetente.
2. Përgjimi ndaj meje, bashkëpunëtorëve të mi dhe zyrës sime politike kishte nisur tre ditë para urdhrit të prokurorit.
3. Policia e dinte një ditë para se cila do të ishte prokurorja që do të merrte përsipër këtë procedim, pasi caktimi i saj nuk u krye me short por me emërim nga vëllai i saj, i cili është Kryetari i gjykatës. Prokurorja është zyrtare e Partisë Socialiste.
4. Policia pretendoi se arrestimi im u krye në kushtet e flagrancës, ndërsa unë isha me kushëririn dhe avokatin tim 2 kilometra larg vendit të supozuar të krimit. Oficerët e policisë që më arrestuan nuk e dinin arsyen e arrestimit tim dhe as nuk kryen kontroll fizik.
5. Për të justifikuar paraburgimin tim, përdorën një dëshmi penaliteti të falsifikuar, falsitetin e të cilës gjykatat e mëvonshme e pranuan.
6. Mbi kartëmonedhat që gjoja i pandehuri tjetër në këtë çështje i ka dhënë bashkëpunëtorit të policisë, nuk u gjetën gjurmë gishtash as të miat, as të P. Kokaveshit.
7. Dëshmitari i vetëm i akuzës pranoi në gjykatë se ishte paguar me 7000 euro nga policia për të më denoncuar mua, fakt të cilin nuk e dinte as prokurorja e çështjes.
8. Të gjithë gjyqtarët që kanë marrë në shqyrtim kërkesat e mia janë emëruar nga eprorët e tyre dhe nuk janë caktuar me short, ashtu siç e kërkon ligji.
9. Për të njëjtën vepër janë akuzuar dhe proceduar penalisht 36 persona të tjerë. I vetmi person që ndodhet në burg jam unë. Ndër këta të 36 persona, 2 prej tyre janë kryetarë bashkie në detyrë, të cilët jo vetëm që nuk janë të paraburgosur por ushtrojnë normalisht detyrat e tyre.
10. Gjykata gjatë shqyrtimit të kësaj çështjeje nuk ka pranuar asnjë kërkesë të avokatëve të mi, madje, as kërkesën për kryerjen e ekspertizës lidhur me pajisjet e vëzhgimit, me të cilat supozohet se është kryer vëzhgimi. Sigurisht, ndërsa të gjithë qeveritarët shqiptarë deklaronin se ekzistojnë prova dhe video, nuk ekziston asgjë.
Megjithatë, skandali më i madh në këtë çështje, që tregon edhe shënjestrimin e kryeministrit shqiptar, është ndalimi im për të marrë leje disaorëshe për të bërë betimin, gjë që nuk është e ndaluar nga ligji shqiptar dhe as nga kushtetuta shqiptare. Ligji shqiptar parashikon shumë qartë se një kryetar bashkie shkarkohet nga detyra kur dënohet për një vepër penale me vendim të formës së prerë.
Kushtetuta shqiptare parashikon se e drejta për të zgjedhur dhe për t'u zgjedhur, si dhe e drejta e përfaqësimit të zgjedhësve prevalojnë mbi nevojën për paraburgim, që prokuroria të kryejë punën e saj e papenguar. Ka një precedent ku dy ish-deputetë, ndërsa ndodheshin në paraburgim, kanë marrë një leje të posaçme dhe kanë shkuar për të bërë betimin (të dy akuzoheshin për krime shumë të rënda, njëri për vrasje dhe tjetri për akte terroriste). Pas 7 muajsh pengesa dhe rropatje nga njëra gjykatë në tjetrën, Gjykata e Lartë vendosi që kompetenca i takon një Gjykate Speciale, SPAK-ut, vendim i cili rastësisht ishte njoftuar nga kryeministri shqiptar në gazetën "Kathimerini" në muajin gusht të vitit të kaluar.
Kundër të gjitha këtyre padrejtësive i jam drejtuar Gjykatës Kushtetuese, e cila është shkalla më e lartë e gjykatave shqiptare. Gjykata Kushtetuese, me vendim të ndërmjetëm të këshillit të saj, vendos se cilat ankesa do të shqyrtojë dhe refuzon të tjerat. Praktika e kësaj gjykate është se brenda një muaji, prej ditës që pranon të shqyrtojë rekursin, ajo merr vendim. Në rastin tim, nuk kemi akoma një vendim të kësaj gjykate edhe pse kanë kaluar 3 muaj. Qëllimisht më mbajnë peng, që të mos i drejtohem Gjykatës Ndërkombëtare të të Drejtave të Njeriut në Strasburg.
Është mëse e qartë se pas këtyre vendimeve qëndron kryeministri shqiptar. Ai orkestroi arrestimin dhe paraburgimin tim për arsyet e mëposhtme:
A. Banorët vendas të Himarës, sidomos ata banorë që i përkasin komunitetit grek, nuk duhet të kenë akses në pushtet dhe të marrin pjesë në zhvillimin turistik të bregdetit.
B. Shënjestrimi i tyre me synimin për t'i detyruar ata të emigrojnë dhe të zëvendësohen me popullsi nga pjesa tjetër e vendit.
C. Asnjë drejtues i pakicës kombëtare greke që ka zë dhe marrëdhënie të pavarur nuk duhet të përfshihet.
D. Të tregojë forcë dhe pavarësi kundrejt shtetit grek.
Të nderuar bashkatdhetarë, në datën 13/2 do të jepet pretenca e prokurorit dhe 10 ditë më pas do të merret vendimi. Përtej çdo dyshimi, vendimi do të jetë dënues dhe masa e dënimit do të jetë e tillë që nuk do të më lejojë të dal nga burgu para shqyrtimit të çështjes nga Gjykata e Apelit, në mënyrë që kur të dal të jem i dënuar me vendim të formës së prerë dhe në pamundësi për të marrë detyrat e mia si kryetar bashkie.
Ekzistojnë tre vendime, kohët e fundit, për të njëjtat akuza. Këto dënime ishin për një vit dhe sigurisht të konvertuara në dënim me kusht, asnjë prej tyre nuk kreu asnjë ditë burg.
Është e qartë se në këtë rast janë shkelur të gjitha rregullat e së drejtës.
A. Prezumimi i pafajësisë.
B. E drejta për një gjykim të drejtë.
C. Respektimi i shtetit ligjor dhe barazisë
Pyetja është: “Ku e gjen forcën kryeministri shqiptar të tregojë këtë autoritarizëm?”
Sipas meje, butësia me të cilën ne si komunitet grek i kemi trajtuar marrëdhëniet me Shqipërinë gjatë gjithë këtyre viteve dhe ndoshta mesazhet e gabuara që dërgohen nga Greqia nga qendra të ndryshme.
Sot, në këtë sallë, ka njerëz që prej fillimit, së bashku me persona të tjerë, më kanë qëndruar në krah dhe dua t'i falënderoj me gjithë zemër. Dua të falënderoj Shkëlqesinë e Tij, Ambasadorin z. Mallias, eurodeputetin z. Kefalogiannis, deputetin z. Syrigos për praninë e tyre të vazhdueshme, kryeministrin grek dhe të gjithë grekët që janë ngritur kundër kësaj padrejtësie.
Në mbyllje, në këtë moment është e dobishme të shihet se cili është mjedisi politik sot në Shqipëri. Pasi komuniteti ndërkombëtar, Bashkimi Europian, SHBA-të e mbështetën plotësisht kryeministrin shqiptar që të shpërbëjë opozitën dhe të bëhet dominuesi absolut i lojës, siç bëhet zakonisht në regjimet totalitare, këto regjime bien nga brenda. Ish Zv/kryeministri i qeverisë së z. Rama doli në një intervistë dhe deklaroi se pas të gjitha rasteve të korrupsionit qëndron vetë z. Rama, i cili e kërcënoi atë dhe familjen se do t'i vriste nëse do të flisnin. Në këto rrethana, besoj se si komunitet grek, të gjithë duhet të deklarojmë qartë se ku jemi. Për sa më përket mua, nuk dua asnjë pajtim dhe asnjë mirëkuptim me një regjim të tillë. Jam i vendosur të vuaj brutalitetin dhe pasojat e regjimit për ato që kam besuar dhe besoj.
Enkelejd Alibeaj TIRANË- Enkelejd Alibeaj ka folur në Komisionin e Ligjeve për amendamentin e PD për amnistinë penale. Ai tho...
TIRANË- Ministrja e Shtetit për Sipërmarrjen, Delina Ibrahimaj, tha sot se qeveria shqiptare ka planifikuar 3 milionë euro në mbë...
Ina Zhupa TIRANË- Deputetja e Partisë Demokratike Ina Zhupa ka folur sa i përket koncensionit të Butrintit, që aktualisht ndodhet ...
Ulsi Manja TIRANË- Ministri i Drejtësisë Ulsi Manja ka dhënë detaje në lidhje amnistinë për ndërtimet e paligj...
Ogerta Manastirliu TIRANA- Ministrja e Arsimit, Ogerta Manastirliu, tha se sot në mbledhjen e qeverisë është miratuar projektligji...
Ilir Meta TIRANË- Kryetari i Partisë së Lirisë Ilir Meta, ka bërë një postim në Facebook ku ka komentuar raportin e...
INSTAT TIRANË- Deputeti demokrat Ervin Salianji i ka dërguar një kërkesë Institutit të Statistikave në lidhje me t&...
Ulsi Manja TIRANA- Ministri i Drejtësisë, Ulsi Manja në mbledhjen online të komisionit për Çështjet Li...
Kuvendi TIRANË- Partia Socialiste ka kërkuar përjashtimin e 4 deputetëve të opozitës. Kjo kërkesë ka ardhur pa...
Fatmir Mediu TIRANË- Ish-ministri Fatmir Mediu ka bërë thirrje sot në Prokurorinë e Posaçme që dëshmitar&eum...
