“Europës i duhet rajoni ynë”/ Rama nga Berlini: Shqipëria dëshiron të bëhet pjesë e BE-së përpara se të mbarojë kjo dekadë
“Sulmet kibernetike janë një problem madhor, me të cilat është përballur vendi"/ Rama: Dezinformimi krijoi m...
“Sulmet kibernetike janë një problem madhor, me të cilat është përballur vendi"/ Rama: Dezinformimi krijoi m...
"Toka të mos u shitet spekulatorëve Trump dhe Kushner"/ Eurodeputetja Salis nga PE: Në Shqipëri po protestojnë kund&eum...
"'Revolucioni i flamingove' në Shqipëri po kundërshton planet e tyre"/ Komenti i The Guardian: Ajo që duan Jared dhe Ivanka,...
Operacioni i SPAK/ Kush është Dritan Gjika, "koka" e mafias shqiptare të trafikut të drogës në Ekuador 16 Qershor...
Përmes një reagimi, Dade u shpreh se Partia Socialiste nuk ka qenë kurrë partia e kundër-protestave të organizuara me administratë dhe presion.
TIRANË- Ish-deputetja dhe ish-ministrja e Jashtme, Arta Dade, ka refuzuar ftesën e kryeministrit Edi Rama për të marrë pjesë në në organizimin që do të mahet sot në sheshin ‘Italia’ për 35-vjetorin e themelimit të PS. Përmes një reagimi, Dade u shpreh se Partia Socialiste nuk ka qenë kurrë partia e kundër-protestave të organizuara me administratë dhe presion.
Ajo theksoi se socialistët e vërtetë nuk gjenden në antimitingun e thirrur “nga lart”, ndërsa shtoi se Rama nuk përfaqëson historinë e PS-së, por tjetërsimin e saj. Sipas saj, kryeministri Edi Rama po përpiqet ta shesë revoltën e rinisë si një lëvizje destabilizuese. Dade tha se është e trishtueshme se si disa figura të PS-së që dikur kishin zë, sot pranojnë të përdoren si dekor, të nxitur nga interesa të vogla.
REAGIMI I DADES:
Sot, socialistët e vërtetë, ata që u rritën me idealet e drejtësisë shoqërore, nuk gjenden në antimitingun e thirrur “nga lart”. Ata janë aty ku ka qenë gjithmonë shpirti i të majtës, në sheshin ku prej 13 ditësh rinia po proteston për dinjitet. Partia Socialiste nuk ka qenë kurrë partia e kundër-protestave të organizuara me administratë dhe presion. Ajo lindi si avangardë e ndryshimit dhe ka ditur të jetë edhe në vitet më pas, në krye të çdo kthese historike të vendit. Ai shesh që kërkon të mbushë sot zoti Rama nuk përfaqëson historinë e saj, por tjetërsimin e saj.
Vendi im sot është aty ku kam qenë gjithmonë dhe e di që sot flas në emër të çdo socialisti që nuk e ka shitur kujtesën. Socialistët e vërtetë kanë qenë në krye të përballjeve në vitet më të errëta të tranzicionit, në ’92, në ’94, në vitin tragjik ’97, dhe në atë 21 Janar të përgjakur që pasoi krimin shtetëror të Gërdecit. Kemi qenë aty përballë Sali Berishës dhe regjimit të tij. Tragjedi është se ai sistem që luftuam nuk u shkatërrua. Ai u betonua nga ai që sot ka zaptuar kreun e PS-së. Refuzimi im i sotëm është ndaj tij dhe ndaj antimitingjeve të korrupsionit e të fasadës, të cilat i përkulen vetëm parasë e pushtetit, dhe harrojnë gjakun e derdhur në bulevard.
Z.Rama po përpiqet ta shesë revoltën e rinisë si një lëvizje destabilizuese, por e vërteta është krejt ndryshe. Mbi të gjitha, kjo protestë nuk është kundër së majtës. Përkundrazi, ajo ka kërkesa thellësisht të majta dhe sociale, kërkesa për barazi, për mundësi, për mbrojtjen e atyre që kjo qeverisje i ka lënë pas dore. Ndaj kjo është një revoltë edhe kundër zaptimit të së majtës. Ajo që ndodhi me Partinë Demokratike në vitin ’90, kur Sali Berisha e ktheu atë në pronë private dhe zaptoi të djathtën, po përsëritet sot simetrikisht me Partinë Socialiste. Ky zaptim duhet të marrë fund.
Asnjë forcë tjetër politike në historinë moderne të Shqipërisë nuk ka bërë më shumë për shtetformimin dhe progresin sesa Partia Socialiste. Por së fundmi, në trupin e kësaj partie janë rritur tumore të rrezikshme, korrupsioni galopant, klientelizmi dhe së fundmi arroganca e pushtetit absolut. Diferenca historike e PS-së ka qenë aftësia e saj për vetëkorrigjim. Socialistët e vërtetë janë vetëpastruar përmes vullnetit, idealeve dhe zërit kritik, jo përmes duartrokitjeve servile nëpër anti mitingje të rreme. Në këtë ndarje të madhe epokale, është e dhimbshme dhe zhgënjyese të shohësh disa ish-përfaqësues të Partisë Socialiste, njerëz me të cilët kemi ndarë beteja të vështira, që sot do rreshtohen në atë antimiting. Të vjen vërtet keq për rënien e tyre morale. Është e trishtueshme të konstatosh se si këto figura që dikur kishin zë, sot pranojnë të përdoren si dekor, të nxitur nga interesa të vogla, meskine të çastit.
Nuk përfaqësojnë më asgjë veçse kompromisin e tyre personal me të keqen. Duke pranuar të bëhen mburojë e korrupsionit, ata kanë dorëzuar dinjitetin e tyre përpara historisë së kësaj partie, duke zgjedhur të jenë në anën e gabuar të sheshit dhe të kohës. Shqipëria ka sot nevojë për një të majtë të rilindur mbi idealet e saj fillestare. Ka nevojë për një shpallje platforme për të rikthyer shtëpinë ideologjike të së majtës te njerëzit. Ka nevojë për një organizatë politike me moral, me integritet dhe me sytë nga populli, jo nga xhepat.
Ora e këtij rikthimi ka trokitur!./Dosja.al
Edi Rama TIRANË- Kryeministri Edi Rama ka përsëritur sërish se nuk ka një leje ndërtimi në Zvërnec. I ftuar në...
Edi Rama, Sidorela Gjoni TIRANË- Debati mes kryeministrit Edi Rama dhe moderatores Sidorela Gjoni u tensionua më tej, pasi kreu i qeverisë i...
Edi Rama TIRANË- Kryeministri Edi Rama ka ndërprerë intervistën në mes pas përplasjve me moderatoren Sidorela Gjon...
Edi Rama TIRANË- Pyetja e gazetares për intevistën e Ivanka Trump lidhur me Zvërnecin ka acaruar Kryeministrin Edi Rama, duke b&eu...
Edi Rama TIRANË- Kryeministri Edi Rama, duke folur për çështjen e Zvërnecit u pyet edhe për fletë-arrestin p...
Edi Rama TIRANË- Kryeministri Edi Rama u pyet lidhur me protestën e qytetarëve dhe festën e 35-vjetorit të Partisë Soci...
Edi Rama TIRANË- Kryeministri Edi Rama i pyetur për thirrjet e protestuesve "Rama në burg, Berisha në burg" tha se nuk dëshiron t'...
Edi Rama TIRANË- Kryeministri Edi Rama, duke folur për protestat e vazhdueshme në Tiranë u shprehur se ato nuk janë nj&e...
Sali Berisha TIRANË- Kreu i Partisë Demokratike, Sali Berisha deklaroi se do të udhëtojë në Shtetet e Bashkuara të ...
Sali Beirsha TIRANË- Kreu i Partisë Demokratike, Sali Beirsha deklaroi se heqja e përcaktimit të moshyrjes ndaj tij është n&e...
