Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Kryeministri Edi Rama e ka konsideruar Korridorin e 8-të “një ëndërr të vjetër”, por që i ka ardhur dita të realizohet.
Kryeministri Edi Rama ishte i pranishëm në Qafë Thanë mesditën e sotme, aty ku sot hyn në fuqi programi i ri kufitar "Një ndalesë - Një kontroll" mes Shqipërisë dhe Maqedonisë së Veriut. Ky program do të lehtësojë lëvizjen mes vendeve. Kreu i qeverisë shqiptare, në fjalën e tij përmendi punimet në Korridorin 8, një projekt madhor, që siç bëri me dije ai, po e çojnë para bashkë me Maqedoninë e Veriut. Kryeministri soli në fokus dhe punimet për Korridorin Blu ku janë në prag të nisjes së punimeve për disa segmente duke filluar nga segmenti Milot-Balldre pastaj duke vazhduar me segmentin Kashar-Lekaj, më tutje me Lekaj-Fier.
"Sot është një moment i rëndësishëm për të gjithë ata që kalojnë nga kjo pikë kufitare, qofshin individë apo kompani që shkëmbejnë mes dy vendeve. Është një moment i rëndësishëm sepse më në fund ua lehtësojmë në mënyrë të konsiderueshme kalimin në këtë pikë dhe patjetër i japim një shtysë të mëtejshme, jo vetëm shkëmbimeve tregtare, por edhe zhvillimit të marrëdhënieve tona në tërësi pa harruar edhe zhvillimin e turizmit.
Shqipëria këtë vit po përjeton një impakt të jashtëzakonshëm të transformimit të imazhit të saj dhe si asnjë vit më parë fluksi i turistëve, por dhe numri i investitorëve të mëdhenj ndërkombëtare të interesuar për të investuar në industrinë e turizmit në Shqipëri së bashku me shqiptarët e diasporës apo dhe ata që banojnë në Shqipëri është realisht tejet inkurajues, por natyrisht që zhvillimi i mëtejshëm dhe rritja e dëshiruar e industrisë së turizmit, ashtu sikundër rritja e dëshiruar e sektorëve të tjerë të prodhimit kërkojnë një qasje komplekse dhe pjesë e patjetërsueshme e kësaj qasjeje është pikërisht transformimi në funksion të lehtësimit të kalimit të kufijve.
Me kryeministrin kemi folur vijimësisht për këtë dhe kemi parë në vetë të parë sesi nga e thëna në të bërë është vërtetë në mes një det i tërë sepse ka shumë pengesa që vijnë nga inercia e së shkuarës dhe nga ana tjetër nga paragjykimi për pikërisht liberalizimin e lëvizjes. Në fakt, liberalizimi i lëvizjes sjell, jo vetëm më shumë lehtësi, por sjell dhe më shumë transparencë. Sjell dhe më pak rrezik për praktika të këqija në trajtimin e qytetarëve dhe në trajtimin e subjekteve tregtare dhe patjetër që sjell dhe më shumë rritje të përgjegjësisë për të gjitha agjencitë ligj zbatuese në pikat kufitare.
Vetëm gjatë gjysmës së parë të këtij viti dhe vetëm në këtë pikë kufitare kanë lëvizur mbi 770 mijë shtetas dhe mbi 352 mijë automjete.
Është një fluks shumë i konsiderueshëm edhe pse kjo nuk është pika më intensive e kalimit dhe një procedurë e thjeshtuar vetëm me një ndalesë, ku në të njëjtin vend janë të dy përfaqësuesit e Agjencive tona ligj zbatuese është ajo që nevojitet. por nga ana tjetër unë dua të shpresoj që të dyja Ministritë e Brendshme do të kalojnë në një tjetër nivel në këtë periudhë piku të sezonit, por pastaj dhe në të gjitha sezonet e tjera verore për të bërë kalimin pa kontroll apo më saktë me kontroll të rastësishëm të makinave të targuara Republika e Shqipërisë dhe Republika e Maqedonisë së Veriut, në mënyrë që edhe më shumë të lehtësohet qarkullimi, por mbi të gjitha ata që vijnë në Shqipëri apo shkojnë në anën tjetër për turizëm, të mos e kenë rrugës këtë lloj ndalese që prodhon stres, humbje kohe dhe mërzi.
Pa diskutim që është një hap i rëndësishëm, por qëllimi final është unifikimi i doganave që natyrisht do të vijë me integrimin e plotë të Republikës së Shqipërisë dhe Republikës së Maqedonisë së Veriut në BE, por që ne nuk kemi pse presim Bashkimin Europian për ta avancuar si ide. Ka pasur shumë skeptikë dhe përqeshës kur ne filluam këtë proces me të ashtuquajturin “mini-shengen”, pastaj me Ballkanin e Hapur dhe në ndërkohë rezultatet flasin çdo ditë e më mirë për arsyen e thjeshtë të një procesi si ky. Ta bëjmë hapësirën mes nesh një hapësirë ku ndërveprohet dhe bashkëjetohet si në BE pa pritur që të integrohemi tërësisht në Bashkimin Europian.
Kryeministri preku me të drejtë një projekt madhor që po e çojmë përpara së bashku, Korridorin 8. Një ëndërr shumë e vjetër të cilës i ka ardhur dita të realizohet dhe në të dyja anët e kufirit tanimë po punohet konkretisht në terren për ndërtimin e këtij korridori. Ne kemi dy kantiere të hapura dhe jemi në prag të hapjes së dy kantiereve të tjera sepse e kemi ndarë në katër pjesë ndërtimin e Korridorit 8 dhe kemi bërë shumë përpjekje për rizgjimin e këtij projekti si pjesë e një të shkuare të ish rrugës Egnatia dhe si pjesë e rrjetit europian të infrastrukturës. Ka qenë shumë e vështirë dhe më në fund ia kemi dalë në Samitin e Tiranës mes Ballkanit Perëndimor dhe BE dhe kjo na jep një tjetër energji pozitive, por na jep dhe një tjetër burim të rëndësishëm mbështetjeje nga Bashkimi Europian dhe për këtë arsye kemi pasur para disa ditësh një Samit në Romë me ministrin e Jashtëm të Italisë, ministrin e Jashtëm të Republikës së Shqipërisë, ministrin e Jashtëm të Maqedonisë së Veriut dhe atë të Bullgarisë.
Nga ana tjetër mos të harrojmë Korridorin Blu për të cilin ne po punojmë intensivisht. Jemi në prag të nisjes së punimeve për disa segmente duke filluar nga segmenti Milot-Balldren pastaj duke vazhduar me segmentin Kashar - Lekaj, më tutje me Lekaj - Fierin. Ndërkohë që presim Milot - Thumanë. Thumanë - Kashar është në ndërtim dhe është 70% i ndërtuar. Presim që deri në fund të vitit të kemi dhe projektin që lidh Bunën përmes urës së re me Balldrenin dhe kështu do të kemi një korridor të standardeve të Bashkimit Europian që do të lidhë veriun e Shqipërisë me jugun e Shqipërisë dhe do të mbarojë tortura e jashtëzakonshme e gjithë atyre që vijnë nga lart, qoftë nga Kosova qoftë nga veriu i Shqipërisë dhe që duhet të mbërrijnë në Tiranë përmes një shtegu që është bërë praktikisht një shteg torturues për shkak dhe të fluksit shumë të lartë të automjeteve.
Më e mira është e gjitha përpara për Shqipërinë dhe për Maqedoninë e Veriut dhe unë i jam shumë falënderues kryeministrit dhe gjithë ekipit të tij që pranuan që ta bëjmë këtë eveniment në anën tonë të kufirit dhe jam i bindur se më herët sesa vonë do rikthehemi për të parë të rindërtuar tërësisht këtë pikë sipas standardeve të Bashkimit Europian falë një projekti të lehtësimit të transportit në Ballkanin Perëndimor që po e realizojmë me financimin e Bankës Botërore".
Sali Berisha TIRANË- Kryetari i Partisë Demokratike, Sali Berisha në një deklaratë për mediat thotë se inceneratori i Ti...
Sali Berisha dhe Lindita Nikolla TIRANË- Ish-kryeministri Sali Berisha ka reaguar sërish lidhur me rastin e dhunës të regjistruar n&eum...
Lulzim Basha TIRANË- Kryesia e fraksionit të Lulzim Bashës ka vendosur mbledhjen e Kuvendit Kombëtar të PD në 2 shtator. Gjat...
Lindita Nikolla TIRANË- Kryetarja e Kuvendit Lindita Nikolla ka reaguar në lidhje me ngjarjen e ndodhur ditën e sotme në Hamallaj, ku M...
Sali Berisha TIRANË- Ish-kryeministri Sali Berisha ka reaguar lidhur me dhunën e ushtruar ditën e sotme nga një punonjës i Gard&eu...
Taulant Balla MALIQ- Ministri i Brendshëm Taulant Balla është nisur ditën e sotme drejt Korçës, pas ngjarjes së r...
Bardhi dhe Basha TIRANE- Sekretari i Përgjithshëm i PD, Gazment Bardhi, ka reaguar pas vendimit që Lulzim Basha të jetë...
Basha, pas shpalljes se rezultatit TIRANË- Lulzim Basha, pas konfirmimit si kryetar i PD-së, ka zhvilluar një komunikim për mediat, ku...
kandidatet per kryetar te PD TIRANE- Në krye të PD-së është zgjedhur Lulzim Basha. Në garë ishin ish-kryedemokrati Lulzi...
Jemin Gjana TIRANE- Ka përfunduar procesi zgjedhor për zgjedhjen e kreut të ri të PD-së, ku garuan Lulzim Basha dhe Gjergji Hani,...
