Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Berisha u shpreh se rrogat, trajtimi do jenë përparësi e madhe për Policinë e Shtetit dhe organet e tjera të zbatimit të ligjit, përfshirë këtu edhe Shërbimin Informativ.
TIRANË- Kryetari i Partisë Demokratike, Sali Berisha tha sot se në fushën e rendit dhe sigurisë do të ndodhë një transformim rrënjësor. Berisha u shpreh se rrogat, trajtimi do jenë përparësi e madhe për Policinë e Shtetit dhe organet e tjera të zbatimit të ligjit, përfshirë këtu edhe Shërbimin Informativ.
Më tej shtoi se rritja e rrogave do jetë në mënyrë progresive për të gjithë punonjësit e policisë, veçanërisht të niveleve inspektorit, të komisarit, në mënyrë që të ngushtohet, sipas tij, hendeku i krijuar edhe në polici mes rrogave të larta dhe rrogave të ulëta.
Kryedemokrati tha se brenda një kohe rekord do të rivendosin shtetin ligjor dhe do vendosim para ligjit "të gjithë ata të cilët ndërtuan këtë shtet".
"Kështu që ju siguroj se një transformim rrënjësor do të ndodhë në fushën e rendit dhe sigurisë me besim të plotë se kjo do të jetë një nga reformat më të suksesshme. Sot në mëngjes më merrte një mik i imi në telefon, kishte një problem me një konsulent ndërkombëtar. Nuk më erdhi, tha. I kishte thënë familja se nuk mund të shkosh se është vend i pasigurt. Imagjinoni pra investitorët. Asnjë investitor i huaj serioz nuk vjen. Nuk vjen ai se nuk konkurron dot me asgjë për arsye se kontejnerët me euro shkatërrojnë çdo konkurrencë këtu.
Rrogat, trajtimi do jenë përparësi e madhe për Policinë e Shtetit dhe organet e tjera të zbatimit të ligjit. Edhe për Shërbimin Informativ, vetëkuptohet. Nuk mund të ketë Shërbimi Informativ një drejtuese që është shkarkuar për dyshime shumë të forta në vendin e vet. Dhe pikërisht për ato dyshime, emërohet në krye të SHISH, për shkak të vëllazërisë Vuçiç-Rama. Me këtë rast u bëj thirrje të gjithë punonjësve të Shërbimit Informativ që të distancohen nga çdo veprim dhe inkriminim, nga çdo politizim në interesin më të mirë të tyre dhe të vendit të tyre. Se ajo me datën 13 ia mbath, nuk është më. Nuk mund të jetë se ajo nuk mund të emërohej kurrë në atë detyrë. E shkarkuar nga qeveria e vet për dyshime shumë serioze, bashkëpunime dhe të tjera. Vjen dhe merr me porosi të Vuçiçit, drejtimin e SHISH.
Rrogat do rriten progresivisht të të gjithë punonjësve të policisë, veçanërisht të niveleve inspektorit, të komisarit, në mënyrë që të ngushtojmë hendekun që është krijuar edhe në polici mes rrogave të larta dhe rrogave të ulëta. Nuk është ky koncept në botën e qytetëruar, në botën e lirë. Jo, është tjetër. Midis presidentit të SHBA dhe rrogëmesmit ekzistojnë gjithsej 4 herë diferenca, maksimumi 5, asnjëherë më shumë. Kurse këtu është 10-11 herë. Kjo situatë merr fund. Ju do pajiseni me teknologjinë më moderne, me mjetet më të mira, më të domosdoshme për të bërë ligjin dhe vendosur rendin dhe sigurinë.
Do keni çdo mbështetje për t’u përballur me krimet e reja, krimet kibernetike dhe krimet e tjera, të cilat zhvillohen gjithnjë në kushtet e reja.
Bindja ime është se me shpejtësi do të shembim narkoshtetin, do të rivendosim shtetin ligjor dhe brenda një kohe rekord do vendosim para ligjit të gjithë ata të cilët ndërtuan këtë shtet, këtë antishtet apo këtë shtet droge dhe krimi, i pari dhe i vetëm në ligjor. Shteti ligjor është kushti i të gjitha kushteve për integrimin në BE. Ju do jeni në partnerë të denjë të organeve ligjzbatuese të vendeve partnere. Dhe do shndërroheni, njëlloj siç ishit, në institucion të fuqishëm me kontribute të mëdha në procesin e integrimit evropian të Shqipërisë. Ishte para së gjithash puna juaj e shkëlqyer që bëri të mundur liberalizimin e vizave. Ishte puna juaj e shkëlqyer arrestimi dhe asgjësimi i mbi 200 bandave në një hark kohor 18 mujor që hapi dyert e NATO-s për Shqipëri. Jam i bindur se do jetë puna juaj e shkëlqyer, puna e organeve ligjzbatuese, e policisë, e drejtësisë, e SHISH, ato të cilat do të rikthejnë besimin e plotë të shqiptarëve tek Shqipëria, tek rendi, tek siguria dhe të partnerëve tanë tek Shqipëria, do përshpejtojnë procesin e integrimit në Europë.", tha Berisha.
Qytetari DURRËS- Një takim që ka ndodhur ditën e djeshme në portin e Durrësit me përfaqësuesit e transportit d...
Foto ilustruese KOSOVË- Komiteti për Politikë të Jashtme i Parlamentit Evropian ka votuar draft rezolutën për Kosovën n&...
sali berisha TIRANË- Kreu i PD-së, Sali Berisha tha sot se qeverisja e kryeministrit Edi Rama ka arritur të largojë nga Shqipëria ...
sali berisha TIRANË- Kryetari i Partisë Demokratike, Sali Berisha deklaroi sot se me ardhjen e tyre në qeveri do të largohen nga Polici...
sali berisha TIRANË- Kryetari i Partisë Demokratike, Sali Berisha ka mbajtur fjalën e tij në prezantimin e programit qeverisës t&...
Delegacioni i OSBE-ODIHR TIRANË- Delegacioni i OSBE-ODIHR që do të monitorojë zgjedhjet e 11 majit është fotografuar ditë...
basir collaku MAT- Kandidati i PD për deputet në Mat, Basir Çollaku ka denoncuar në fhsatin Bushkash po shpërndahen produkte me ...
edi rama TIRANË- Kryeministri Edi Rama ka njoftuar sot në rrjetet e tij sociale takimin e radhës mes emigrantët shqiptarë në ...
Rama TIRANË-Kryeminstri Edi Rama ka mbajtur fjalën e tij në konferencën Rajonale “Përshpejtimi i Reformave të Kujdesit ...
Beleri TIRANË- Eurodeputeti Fredi Beleri ka ngritur alarmin, se pronat në Jug të vendit po vidhen nga ministra, deputetët dhe njerë...
