Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Vasili tha se vendimi i prokurorisë tregon që ky institucion është kapur nga kryeministri Edi Rama pasi nuk ka dëgjuar fare palën akuzuese.
TIRANË- Deputeti i Partisë së Lirisë, Petrit Vasili dhe mbrojtësi i kryetarit të Partisë së Lirisë, Ilir Meta, avokati Genc Gjokutaj kanë deklaruar se do të ankimojnë vendimin e Prokurorisë për të mos nisur hetimet ndaj autoritetet të dosjeve, pas kallëzimit të ish-Presidentit. Në një deklaratë për mediat, Vasili u shpreh se Prokuroria nuk ka respektuar asnjë nga detyrimet më themelore të ligjit, pasi ka marrë në pyetje vetëm njërën palë dhe nuk e ka thirrur Metën. Vasili tha se vendimi i prokurorisë tregon që ky institucion është kapur nga kryeministri Edi Rama pasi nuk ka dëgjuar fare palën akuzuese. Vasili, duke iu referuar një interviste të dhënë në “Opinion”, thotë se drejtoresha e Autoritetit të Dosjeve, Genta Sula ka pohuar se janë bërë verifikime për Metën, ndërsa në prokurori ka thënë të kundërtën.
Më 6 tetor, Prokuroria e Tiranës ka vendosur mosfillimin e procedimit penal ndaj Autoritetit për Informimin mbi Dokumentet e Ish-Sigurimit të Shtetit pas kallëzimit të kreut të Partisë së Lirisë, Ilir Meta. Në njoftimin thuhej se Prokuroria e Tiranës ka kryer verifikimet përkatëse që parashikon ligji proceduarial penal dhe që lidhen në rastin konkret me marrjen e deklarimeve përkatëse në cilësinë e personave që tregojnë rrethana të hetimit, të antarëve të AIDSSH-së ndaj të cilëve drejtohet ky kallëzim penal, duke dalë në përfundimin se nuk gjendet para rrethanave për regjistrimin e procedimit penal, pasi nuk konstaton vepër penale.
Si nisi përplasja mes Metës e Autoritetit të Dosjeve?
Meta ka bërë kallëzim penal më 1 shtator në Strukturën e Posaçme kundër Korrupsionit dhe Krimit të organizuar (SPAK) dhe Prokurorinë e Tiranës për anëtarët e Autoritetit të Dosjeve pasi u pretenduar se ishte bashkëpunëtor i ish Sigurimit të Shtetit. Kjo lëvizje e Metës erdhi disa javë pasi Autoriteti i Dosjeve informoi Kuvendin se ish-presidenti ishte zbuluar pas një denoncimi se ishte pjesë e strukturave të ish-sigurimit të Shtetit. Autoriteti kërkoi ndryshimin e ligjit aktual për verifikimin e zyrtarëve që marrin poste publike duke i shpëtuar "skanimit" përmes certifikatave të komisioneve Mezini-Bezhani, ndërsa Meta mohoi menjëherë përfshirjen e tij. Qytetari Filip Talo, mohoi që të ishte spiunuar nga Meta, por për socialistët kazuzi "I.M" ka shërbyer si frymëzim për një ligj të posaçëm që i ndalon kandidimin në zgjedhje bashkëpunëtorëve të Sigurimit dhe të shpallurve non-grata.
Pjesë nga fjala e Vasilit:
Prokuroria e Tiranës ka vendosur mosfillimin e çështjes penale për kallzimin e bërë nga Kryetari I Partisë së Lirisë ndaj anëtarëve të Autoritetit të Dosjeve. Vendimi I Prokurorisë të kapur qartazi nga Edi Rama është një vendim që shkel në mënyrë flagrante në çdo nen të tij ligjin, si në procedurë ashtu edhe në permbajtje. Veprimet e prokurorisë kanë qen skandaloze dhe të paimagjinueshme.
1.Prokuroria ka arritur deri aty sa nuk ka dëgjuar fare palën akuzuese, por ka dëgjuar vetëm palën e akuzuar anëtarët e autoritetit të dosjeve dhe vetëm mbështetur në dëshmitë e tyre ka vendosur mosfillimin. 2.Prokuroria duke mos regjistruar procedimin penal as nuk ka marrë dokumentet, të cilat provonin shumë qartë shpërdorimin e detyrës, mashtrimin dhe manipulimin e Anëtarëve të Autoritetit të Dosjeve.
3.Është fakt publik, që vetë drejtuesja e Autoritetit zonja Genta Sula ka pohuar publikisht me gojën e saj në intervistën në daten 9 shtator 2022 në TV Kombëtar Klan me gazetarin Blendi Fevziu, se "dy anëtarët e Autoritetit kanë bërë verifikime", ndërkohë po vetë drejtuesja e Autoritetit Genta Sula në dëshminë e saj në prokurori ka dëshmuar të kundërtën duke thënë se nuk është kryer ndonjë verifikim dhe hetim për zotin Meta. Pra dëshmi të qarta shumë kontradiktore, që kërkonin detyrimisht hetim të thelluar nga prokuroria, e cila nuk e ka kryer këtë.
4.Është një shkelje shumë e rëndë penale fakti i provuar totalisht që pa bërë hetim dhe verifikim për identitetin e z.Meta, Autoriteti i Dosjeve ka dërguar informacion zyrtar duke përcaktuar emrin e z.Ilir Meta të lidhur me dosjet e sigurimit, pa pasur asnjë lloj dokumenti, që provonte gjeneralitetet e z. Meta.
5.Është fakt i provuar botërisht, që megjithëse ligji nuk e lejonte është bëri verifikim lidhur me z.Ilir Meta dhe konkluzionet i janë përcjellë nga Autoriteti i Dosjeve, me informacion shkresor, Kuvendit të Shqipërisë me shkresën me Nr.1275/1 në datën 26 korrik 2022.
6.Është fakt, që edhe sot e kësaj dite, në shkelje e dhunim flagrant të ligjit, përfaqësuesit ligjor të z.Meta, avokatit Genc Gjokutaj nuk i janë vënë në dispozicion dokumentet nga Autoriteti i Dosjeve megjithëse i është kërkuar me shkresë zyrtare që në datë 14 shtator 2022 dhe me shkresë rikujtesë në 25 shtator 2022 dhe po ashtu nuk i janë dhënë dokumentet as nga Kuvendi I Shqipërisë, tëcilit i është drejtuar me kërkesë zyrtare, që në datë 25 shtator 2022. Është shumë e qartë, që ky vendim i Prokurorisë është nul pasi nuk ka respektuar asnjë nga detyrimet më themelore të ligjit si në procedurë dhe në përmbajtje. Mos fillimi i çështjes penale nga Prokuroria e Tiranës pa kryer asnjë hetim, mosdhënia e dokumentave nga Autoriteti i Dosjeve avokatit në kundërshtim me ligjin, si edhe mosdhënia e dokumentave edhe nga Kuvendi i Shqipërisë ndaj avokatit, tregon qartë kapjen prej fyti të drejtësisë dhe të gjithë institucioneve nga Edi Rama. Ky vendim do të ankimohet në Gjykatën e Rrethit Gjyqësor në Tiranë dhe ankimi depozitohet sot në atë Gjykate. Kjo çështje do të ndiqet deri në fund dhe në rast se procesi gjyqësor do ta kërkojë ajo do të ankimohet në të gjitha nivelet e Gjykatave të vendit, po redhe në Gjykatat Ndërkombëtare.
Sali Berisha TIRANË- Ish-kryeministri Sali Berisha u ka bërë thirrje studentëve e punonjësve të tjerë të universite...
Sali Berisha TIRANË- Ish-kryeministri Sali Berisha ka deklaruar se trinomi që do të sjellë triumfin e PD-së është p...
Sali Berisha TIRANË- Kryetari i Partisë Demokratike Sali Berisha ka deklaruar se ka vetëm dy mënyra që mund të heqi...
Sali Berisha TIRANË- Kryetari i PD, Sali Berisha e ka cilësuar fjalimin e kryeministrit Edi Rama në Këshillin e Europës l...
Sali Berisha TIRANË- Kryetari i Partisë Demokratike, Sali Berisha ka pranuar se edhe në kohën kur ai qeveriste vendin ka pasur korrups...
Sali Berisha TIRANË- Ish-kryeministri Sali Berisha nuk ka qëndruar dot pa hedhur kunja ndaj kryeministrit Edi Rama. Teksa po çohej pë...
Sali Berisha TIRANË- Ish-kryeministri Sali Berisha ka pranuar se edhe Lulzim Basha është deputet i Partisë Demokratike. Por kërko...
Sali Berisha TIRANË- Kryetari i Partisë Demokratike Sali Berisha, ka deklaruar se kudo që shkon gjen urrejtje ndaj qeverisë, ndërs...
Sali Berisha TIRANË- Ish-kryeministri Sali Berisha ka deklaruar se ka vlerësim maksimal për mjekun Ilir Alimehmeti, për të cilin d...
Sali Berisha TIRANË-Kryetari i Partisë Demokratike, Sali Berisha tha se objektivi i opozitës për zgjedhjet lokale është fitor...
