Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
Në muajin qershor 2023, Gjykata Kushtetuese rrëzoi ankimimin e grupit parlamentar të Partisë Demokratike për shfuqizimin e marrëveshjen që shteti shqiptar ka nënshkruar me kompanitë “Eagle Hills Real Estate Development Albanian Seaports Development Company, sh.a”, dhe “NSHMI Development L.L.c.” për zhvillimin e projektit.
TIRANË- Në Gjykatën Kushtetuese rikthehet sërish shqyrtimi i padisë së opozitës për shfuqizimin e ligjit për miratimin e marrëveshjes të investimit strategjik në projektin e Durrës Yachts Marina. Kjo është padia e dytë që deputetët e opozitës depozitojnë në Kushtetuese. Gjykata ka vendosur më 10 Dhjetor 2024 mbajtjen e seancës së parë.
Në muajin qershor 2023, Gjykata Kushtetuese rrëzoi ankimimin e grupit parlamentar të Partisë Demokratike për shfuqizimin e marrëveshjen që shteti shqiptar ka nënshkruar me kompanitë “Eagle Hills Real Estate Development Albanian Seaports Development Company, sh.a”, dhe “NSHMI Development L.L.c.” për zhvillimin e projektit.
Në vendimin e saj për rrëzimin e ankimimit Gjykata Kushtetuese vlerësoi se nuk ka juridiksion për të shqyrtuar kushtetutshmërinë e marrëveshjes ndërkombëtare. Sakaq në muajin prill 2024 grupi parlamentar i Partisë Demokratike dërgoi një tjetër padi në gjykatën Kushtetuese duke kërkuar shfuqizimin bazën juridike të projektit.
Në këtë padi, që shqyrtimi nis më 10 Dhjetor 2024, është kërkuar shfuqizimi i ligjit për miratimin e marrëveshjes mes këshillit të Ministrave dhe dy shoqërive të krijuara nga Emiratet e Bashkuara. Gjithashtu kërkoi shfuqizimi si të papajtueshëm me Kushtetutën të vendimit për transferimin e fondit të pasurisë së paluajtshme për zhvillimin e projektit.
Për zhvillimin e projektit priten të investohen 2 miliardë euro për ndërtimin e një porti jahtesh dhe një zone rezidenciale elitare, ku një nga lehtësitë është vënia në dispozicion e tokës prej 79 ha.
Projekti Durrës Yachts Marina ka marrë statusin strategjik, pas të cilit shteti shqiptar u bë bashkë-aksioner, pasi në dispozicion të projektit u vunë 79 ha tokë shtetërore. Si investitorë kompania ka përfituar lehtësi të shumta si përjashtimi nga taksa e infrastrukturës në ndërtim (4% e vlerës së shitjes dhe taksa e strehimit prej 3%).
Objekti i padisë së re
“1.Shfuqizimin si të papajtueshëm me Kushtetutën, si dhe me Marrëveshjet Ndërkombëtare, të Ligjit Nr.79/2022, datë 24.11.2022, “Për Miratimin e Marrëveshjes Kuadër Ndërmjet Këshillit të Ministrave të Republikës së Shqipërisë dhe Eagle Hills Real Estate Development Albanian Seaports Development Company, sh.a, dhe NSHMI Development L.L.c. në lidhje me projektin e investimit Strategjik “Marina & Jahtet e Durrësit”.
“Durrës Yacht Marina” është një shoqëri e përbashkët mes qeverisë shqiptare (33% përmes Albanian Seaports Development Company) dhe dy shoqërive nga Emiratet e Bashkuara (Eagle Hills Real Estate Development, sh.a., dhe Nshmi Development L.L.C”, me 67% së bashku) dhe po zbaton projektin me status strategjik “Marina dhe Jahtet e Durrësit”.
Gjithsej, parashikohet ndërtimi i gati 13 mijë apartamenteve (4 mijë në fazën e parë dhe rreth 8,600 në fazën e dytë), ndërsa do të këtë vetëm pak hotele me më shumë se 850 dhoma. Parashikohen vetëm 280 vende për jahte. 93% e sipërfaqes së ndërtimit të parashikuar do të jetë rezidenciale dhe nga 3.5% përkatësisht do të jenë hotele dhe sipërfaqe tregtare.
Investimi i parashikuar në fazën e parë është 595 milionë euro. Por, Kompanive investitorë u kërkohet që të mbajnë në llogaritë e tyre një shumë që korrespondon me tridhjetë për qind (30%) të financimit të nevojshëm për zhvillimin e sheshit të fazës 1, pra rreth 180 milionë euro, ndërsa mund të grumbullojnë të ardhura nga shitjet, apo të fusin bashkë financues të tjerë.
Paralelisht me ndërtimin e apartamenteve, parashikohet të kryhet dhe zhvendosja e Portit të Durrësit në Porto Romano, një proces që pritet të zgjasë me vite. Projekti parashikon edhe ndërtimin e hoteleve, me pesë yje dhe një tjetër me katër yje, me më shumë se 850 dhoma.
Punimet e projektimit për hotelin e parë pritet të fillojnë në tremujorin e parë 2023 dhe ndërtimi në tremujorin e fundit po të 2023. Pjesa tjetër është planifikuar në faza, bazuar në marrjen e tregut, sipas planit të biznesit.
Më 8 dhjetor 2022 kompania “Eagle Hills Real Estate Development” hapi zyrtarisht shitjet e apartamenteve, edhe pse nuk kishte nisur nga puna ngritja e godinave në komplekset rezidenciale.
Skema e pagesës për blerësit që prenotojnë apartamente, vijon të mbetet e njëjta referuar kontratës së “Marrëveshjes për prenotimin e interesit” që u shpërnda ditën e parë së nisjes së shitjeve të apartamenteve.
Shlyerja për totalin e vlerës së apartamentit vijon të jetë sipas skemës e ndarë në 7 këste. 3 prej këtyre kësteve apo 40% e vlerës së apartamentit paguhen para marrjes së lejes së ndërtimit e ndarë në 20% e çmimit të blerjes të paguhet brenda 5 ditëve nga nënshkrimi i Marrëveshjes Paraprake të Shitjes; 10% e çmimit të blerjes të paguhet jo më vonë se 3 muaj nga data e lejes së ndërtimit dhe 10% e çmimit të blerjes të paguhet jo më vonë se 6 muaj nga data e lejes së ndërtimit.
Pjesa tjetër e vlerës totale të apartamentit do të paguhet nëpërmjet 3 kësteve sipas skemës: 15% e vlerës para ose pas përfundimit të strukturës, 20% të çmimit do të paguhet para ose pas vendosjes së xhamave dhe 5% e çmimit të blerjes të paguhet brenda 5 ditëve nga data e nënshkrimit të kontratës së shitjes për transferimin e titullit të pronësisë së pronës.
Në ankandin e zhvilluar në korrik, për shitjet e apartamenteve në godina për të cilët nuk kanë filluar punimet, çmimet e apartamenteve në “Durrës Yachts Marina” arritën deri në 3,000 euro/m2 apo 10% më shtrenjtë nga ankandi paraardhës./Monitor.al
Sali Berisha ANGLI- Media britanike 'The Telegraph' ka bërë një artikull për ish-kryeministrin Sali Berisha, duke u bazuar te...
fredi beleri BRUKSEL- Ish-kryebashkiaku i Himarës, tashmë deputet në Parlamentin Europian, Fredi Beleri ka shprehur qëndrimin e tij ku...
erion brace TIRANË- Komisioni i Posaçëm i Dezinformimit ka zhvilluar një mbledhje paraditen e sotme, ndërsa bëhet me dije s...
edi rama GJERMANI- Kryeministri i Shqipërisë, Edi Rama, dëshiron të krijojë një mini-shtet sovran brenda vendit të tij b...
Jamarbër Malltezi TIRANA- Dhëndri i kreut të Partisë Demokratike, Sali Berisha, Jamarbër Malltezi, ka reaguar sërish p&e...
Sali Berisha TIRANA- Kreu i Partisë Demokratike, Sali Berisha, tha sot është cinike t’u tregosh shqiptarëve GDP-në, në ...
Sali Berisha TIRANË- Kreu i Partisë Demokratike Sali Berisha gjatë fjalimit të tij mbrëmjen e sotme u shpreh se së shpejti k...
Sali Berisha TIRANË- Kreu i Partisë Demokratike Sali Berisha gjatë fjalimit të tij mbrëmjen e sotme u shpreh se kullat e nd&...
Sali Berisha TIRANA- Kreu i Partisë Demokratike, Sali Berisha, tha sot se kryeministri Edi Rama i ka rritur me dhjetëra herë pasur...
Foto nga një prej takimeve TIRANA- Kryeministri Edi Rama njëherësh kreu i Partisë Socialiste, ka shpërndarë një pos...
