Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Xhixho vë theksin tek rënia e cilësisë së arsimit në vend duke bërë përgjegjëse Ministrinë e Arsimit dhe ministren Ogerta Manastirliu.
TIRANË- Zv.presidentja e Partisë së Lirisë Erisa Xhixho, doli ditën e sotme me një deklaratë lidhur me testet dhe renditjen e Shqipërisë në nivel arsimor nga Programi për Vlerësimin Ndërkombëtar të Studentëve (PISA). Sipas testeve vendi ynë është ndër të fundit në botë për mendim krijues dhe kritik të nxënësve.
Xhixho vë theksin tek rënia e cilësisë së arsimit në vend duke bërë përgjegjëse Ministrinë e Arsimit dhe ministren Ogerta Manastirliu. Sipas saj nxjerrja e tezave të maturës, notat e testit të gjuhës së huaj dhe testet e PISA tregojnë se arsimi është më keq se 20 vite më parë.
Xhixho thotë se ka kërkuar interprelancë urgjente me ministren e Arsimit Ogerta Manastirliu, e cila sipas saj nuk shkon në Kuvend të japë llogari përpara qytetarëve. Gjithashtu Xhixho thot se Partia e Lirisë e ka vënë arsimin prioritet.
Deklarata e plotë:
Programi për Vlerësimin Ndërkombëtar të Studentëve (PISA), ka ngelur sërish në klasë arsimin shqiptar, duke e renditur Shqipërinë të fundit në botë për mendim krijues dhe kritik, të nxënësve tanë. Nxënësit 15-vjeçarë në Shqipëri, janë të fundit ndër 64 vende të botës. Me vetëm 13 pikë, jemi të fundit duke mbetur pas Republikës Domenikane, Marokut, Uzbekistanit, etj. Ky klasifikim bën ngelëse në radhë të parë qeverinë shqiptare, Ministrinë e Arsimit dhe politikat e tyre të dështuara arsimore.
Fatkeqësisht, cilësia e arsimit në Shqipëri ka rënë dhe po bie në mënyrë progresive. Nuk është për t’u habitur pse nxënësit tanë, janë të fundit për mendimin krijues, kur teza e provimit të maturës shtetërore shpërndahet jashtë sallave sapo nis provimi. Nuk habit më askënd, një rënie e tillë drastike e cilësisë së arsimit, kur vetëm pak ditë më parë, rezultatet e provimit të gjuhës së huaj të Maturës Shtetërore, nxorën ngelës 952 nxënës, gati dyfishi i një viti më parë, çka tregon rënien drastike të cilësisë së mësimdhënies.
Nuk suprizohet më askush nga dështimi i arsimit shqiptar, kur vetëm pak muaj më parë, sërish rezultatet e testit PISA, treguan se nxënësit shqiptarë janë në nivelin më të ulët të edukimit, të rrezikuar nga analfabetizmi funksional masiv. Testet PISA na treguan edhe njëherë, se arsimi sot është shumë më keq, dhe më keq se 20 vite më parë. Duke qenë se nuk pati asnjë analizë për arsyet e këtij dështimi, kam kërkuar interprelancë urgjente me ministren e Arsimit zonjën Ogerta Manastirliu, e cila nuk vjen në Kuvend të japë llogari përpara qytetarëve.
Para rezultateve të testit PISA, dështimin e qeverisë në arsim, e tregojnë 202 shkolla të mbyllura në të gjithë vendin, në vetëm 5 vite (2017-2022). Mungesa e mësuesve po e thellon krizën e arsimit. Në të gjithë vendin ka 222 vende vakante për mësues matematike dhe mësues të gjuhës dhe letërsisë, dy lëndët që bashkë me shkencat, i renditën të fundit nxënësit shqiptarë. Nuk mund të kesh nxënës të përgatitur nëse nuk ke staf pedagogjik të përgatitur. Sot 47.5% e mësuesve, zotërojnë njohuri të pamjaftueshme për çështje që lidhen me mësimdhënien, 94% e trupës mësimore nuk kanë aftësi dixhitale.
Ndaj, për t’iu përgjigjur këtij dështimi dramatik, Partia e Lirisë e ka vënë arsimin në qendër të njërit prej 5 prioriteteve për Shqipërinë. Baza e strategjisë së re për arsimin që ne do të bëjmë, do të jetë para së gjithash, një analizë e thellë e sistemit, për të ndarë nevojat akute të arsimit, dhe buxhetimit, e cila do të jetë sa 5% e GDP-së, njësoj si vendet e BE-së. Kërkimi shkencor dhe inovacioni, do të buxhetohen mbi mesataren e vendeve të BE-së. Pa investuar fort në arsim, nuk mund të ngrihet Shqipëria, dhe pa ngritur arsimin, padyshim këto janë të lidhura në mënyrë shumë të bashkuara. Nga ana tjetër, reformimi i kurrikulave shkollore, nga ekspertët, jashtë ndikimi, çdo përfitimi në kurriz të cilësisë së teksteve, është domosdoshmëri.
Investimi në kapitalin njerëzor është parësor për mbështetjen e arsimit. Mësuesi do të jetë në qendër të reformave tona, për t’u trajtuar me pagë dyfish më të lartë, duke u mbështetur me bonuse, sipas modelit të vendeve nordike, ndërsa mbështetja me bursa për studentët do të dyfishohet. Ne duhet ta kthejmë arsimin në një arenë ku edukohen dhe përgatiten qytetarë të angazhuar, me njohuri të plota për shtetin ligjor, demokracinë, të drejtën për referendum.
Ne duhet ta bëjmë shkollën institucionin që formon qytetarë që mendojnë në mënyrë kritike, që janë të vetëdijshëm për të drejtat e tyre,dhe i mbrojnë, ato me çdo mjet demokratik përballë padrejtësisë. Arsimi është sot në emergjencë kombëtare, ndaj duhet të veprojmë sot, jo nesër! Vetëm duke e ringritur arsimin, do të mund të ringremë Shqipërinë, për ta bërë atë vendin që u jep mundësinë të gjithëve e jo vetëm disave!
Balliu TIRANË- Kordinatori rajonal i PD-së për Tiranën, Klevis Balliu ka mbajtur ditën e sotme një deklaratë para m...
Tabaku TIRANË- Deputetja e Partisë Demokratike, Jorida Tabaku ditën e sotme ka postuar në llogarinë e saj në "Facebook" ...
Sali Berisha TIRANA- Kreu i Partisë Demokratike, Sali Berisha, ka thënë sot se Shqipëria sot ka lëshuar klithmën e shp&e...
Sali Berisha TIRANA- Kreu i Partisë Demokratike, Sali Berisha tha sot se profesionet e lira ofrojnë universin e shërbimeve ndaj qytetar...
Sali Berisha TIRANA- Kreu i Partisë Demokratike, Sali Berisha, ka thënë sot se kjo që po ndodh me profesionet e lira ësht&eum...
Ervin Mete TIRANA- Një raport mbi ecurinë e kontratave kontroverse të partneritetit publik-privat i përgatitur nga Ministria e Fin...
Fatmir Xhafaj TIRANA- Sekretariati Teknik i Komisionit të Posaçëm Parlamentar për Mirëqeverisjen, Sundimin e Ligjit dhe Ant...
Lulzim Basha TIRANA- Lulzim Basha komentoi sot akuzat e bëra nga kreu i Partisë Demokratike Sali Berisha pas lënies në fuqi të...
Edi Rama dhe Ogerta Manastirliu TIRANA- Për herë të parë, Programi për Vlerësimin Ndërkombëtar të...
Petro Beleri dhe Fredi Beleri HIMARA- Djali i Fredi Belerit, Petro Beleri, duket se ka vendosur të kandidojë për Bashkinë e Himar&...
