"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
BJELLOUSI–Rreth 200,000 njerëz sulmuan rrugët në kryeqytetin e Bjellorusisë Minsk, ditët e fundit pas zgjedhjeve presidenciale duke kërkuar që Presidenti Aleksandër Lukashenko, shpesh i quajtur si “Diktatori i Fundit i Evropës” të tërhiqet pas 26 vjet qeverisje.
Trazirat e krijuara në qytetin bjellorus por edhe në mbarë shtetin kanë bërë që edhe politika ndërkombëtare është fokusuar në Bjellorusi për shkak të krizës së krijuar pas zgjedhjeve presidenciale, kur fitoi sërish pas 26 vitesh Alexandër Lukashenko. Megjithatë nga një publikim i gazetës gjermane BILD u raportua se zgjedhjet nuk i fitoi Lukashenko por rivalja e tij, liderja e opozitës,Svyatlana Tsikhanouskaya. Mediat në mbarë botën i referohen Lukashenkos si “Diktatori i fundit i Europës” pasi qëndron prej afro dekadash në pushtet, por siç duket edhe nga vet deklaratat e tij këmbëngul të mos jap dorëheqjen.
Prej dy javësh Bjellorusia është përfshirë nga protesta anti-qeveritare teksa kërkojnë të zhvillojnë edhe njëherë zgjedhjet. Ndërsa liderja e opozitës është larguar nga vendi për shkak të frikës se mund të vritej dhe për sigurinë e fëmijëve të saj. Nga protestat masive e të dhunshme kanë gjetur vdekjen 2 persona dhe janë plagosur shumë të tjerë. Gjithashtu policia arrrstoi mbi 7 mijë persona të cilët më pas i ka liruar.
Por nuk mjaftojnë vdekjet dhe arrestimet që Lukashenko të ndalet, teksa i ka quajtur më parë ndjekësit e opozitës dele, ndërsa tashmë ka vendosur gjithë shtetin në funksion të tij për të përndjekur ata që e kundërshtojnë.
“Diktatori i fundit i Europës”, kush është 65-vjeçari Alexandr Lukashenko?
“Lukashenko ka ardhur direkt nga kasta qendrore komuniste. Ai është një lider autoritar tipik, i cili duket se ka ngecur në një kohë tjetër dhe refuzon të ndryshojë edhe pse bota vijon modernizimin. Ndonjëherë rrihen nga vetë policia publikish.- ka thënëish-diplomati amerikan Brett Bruen. Më tej në një intervistë për “Fox Neës” ai ka deklaruar se Lukashenko përdor median kundër kritikëve të tij.
“Politikanët opozitarë arrestohen dhe ndalohen të punojnë në zyra publike.”- ka shtuar ai.
Lukashenko ka udhëhequr Bjellorusinë që prej vitit 1994, kur ai e mori pushtetin pak pas rënies së Bashkimit Sovjetik në 1992-shin. Lideri 65-vjeçar ka krijuar prej 26 vitesh shtetin me 9 milionë banorë kultin e individit. Një lider serioz që njihet për karizmën, mustaqet, egocentrizmin dhe vetëpromovimin si një “njeri i popullit”.
Ndërkohë gjatë kohës sovjetike, Lukashenko drejtoi një fermë shtetërore dhe njihej me pseudonimin ‘Batka’, që në gjuhën vendase do të thotë baba. Ai kishte si qëllim që të krijonte imazhin e një njeriu që kujdesej për njerëzit e Bjellorusisë, kafshët, agrikulturën dhe industrinë e vendit.
Por kjo bie në kundërshtim me vetë Lukashenkon, pasi presidenti bjellorus gjatë gjithë kohës ka pasur një qasje autoritare ndaj opozitës duke burgosur dhe herë pas here ‘zhdukur’ liderët e saj pa asnjë gjurmë.
Raportohet se ai ka përdorur shërbimin sekret shtetin që drejtonte për ëtë mësuar gjithçka bëhej pas krahëve të tij dhe të arrinte atë që donte. Ndër vite ai ka ndryshuar Kushtetutën dhe ligjet e referendumit vetëm e vetëm që të qëndronte në pushtet. Të flasësh keq apo të shash Presidentin në Bjellorusi është krim dhe dënohet rëndë, deri në 5 vjet burg. Edhe kritikat ndaj Bjellorusisë jashtë vendit janë të dënueshme deri në 2 vite burg. Kjo ka bërë që shumë njerëz të dalin në protesta dhe të kërkojnë ndryshimin.
“Gjatë 26 viteve në pushtet, ai drejtoi gjashtë zgjedhje presidenciale, ku asnjëra prej tyre nuk u pranua si e drejtë apo nën standardet ndërkombëtare. Ai ka krijuar një parlament kukull pa opozitë në të.”- ka thënë Sofya Orlosky nga Freedom House.
Më tej ajo shton se ligjet në Bjellorusi kanë kaluar sipas dëshirës dhe mundësia e gazetarëve për të raportuar siç duhet është ulur ndjeshëm gjatë viteve duke e bërë të pamundur organizmin e shoqërisë civile.
Nga ana tjetër përveç jetës profesionale, jeta private e Lukashenkos ka tërhequr gjithmonë shumë vëmend. Lideri bjellorus është martuar me Galinkën. Por ajo jeton jashtë vëmendjes së mediave, në një fermë larg kryeqytetit, larg syrit të publikut. Ndërkohë lideri herë pas herë është parë me një modele 20-vjeçare. Në biografinë e tij, Lukashenko thotë që nuk ka qenë pjesë e Partisë Komuniste apo e qeverisë. Ai u zgjodh në krye të Presidencës së Republikës së Bjellorusisë për herë të parë më 10 Korrik 1994. Në 2001-shin, 2006-n dhe 2010-në, ai është rizgjedhur sërish dhe asnjëherë nën 75 % të votave.
Por ai është përfour edhe për një lidhje jashtëligjshme. Maria Vasilevich, nënkryetarja e Parlamentit, ka bërë lëvizjen surprizë gjatë kësaj krize në vend. Ajo ka vizituar opozitarët e plagosur nga forcat e sigurisë bjelloruse, të cilët shpërndanë protestat e zhvilluara kundër Alexander Lukashenko. Mediat vendase shkruajnë se Maria ka bërë thirrje për t’i dhënë fund gjakderdhjes në vend.
Vasilevich është parë gjithmonë si bashkëpunëtorja kryesore e Presidentit bjellorus. Ajo është përfolur si partnerja e Llukashenkos, i cili në fakt ëhstë i martuar dhe ka dy fëmijë. Dyshja janë takuar për herë të parë, pasi e reja fitoi titullin “Miss Bjellorusia” në vitin 2018. Po në të njëjtin vit, Maria fitoi vendin e tretë si “Miss Bota”.
Ndërkohë është ende pikëpyetja sesa gjatë mund ta mbajë Lukashenko pushtetin. Të gjithë e dinë që ai nuk heq dorë lehtë, prandaj së fundmi ka kërkuar ndihmë nga Rusia për mbështetje ushtarake nëse është e nevojshme. Sipas mediave, Vladimir Putin dhe Lukashenko kanë folur disa herë gjatë javës së kaluar, ndërkohë që në të shkuarën njihen për pasionin e tyre ndaj hokejit dhe sporteve të tjera kombëtare.
Putinit i intereson që Lukashenko të qëndrojë në pushtet pasi kështu fut në telashe NATO-n ndërkohë që merr pak nga pak territorin e Bjellorusisë. Ndërkohë marrëdhëniet e Lukashenkos me NATO-n kanë qenë prej kohësh të diskutueshme. Që prej zgjedhjeve të diskutueshme, Lukashenko ka mbyllur kufirin që të mos hyjnë forca të huaja.
“Trupat e NATO-s janë tek portat tona.”- ka thënë ai përmes medias shtetërore.
Megjithatë Aleanca mohon të ketë ndërhyrje ushtarake në kufirin perëndimor të Bjellorusisë. E gjithë bota demokratike nuk i ka njohur zgjedhjet në Bjellorusi. SHBA-ja, Gjermania, Franca, Britania etj., një zëri kanë deklaruar se populli bjellorus meriton demokraci.
OSBE-ja që drejtohet nga Shqipëria është ofruar të dialogojë mes palëve. Megjithatë edhe pse shtetet perëndimore janë pro, është Rusia që ka kërkuar që kriza të zgjidhet nga palët brenda vendit. Sipas Freedom House në situatën aktuale nuk ka shumë opsione për Lukashenkon.
“Ai mund t’i kërkojë Putinit që të rrisë shërbimet e sigurisë, por kjo do të zemërojë më shumë popullin bjellorus. E dyta është që ai mund të njohë kërkesat e njerëzve dhe të dorëhiqet ose të njohë zgjedhjet si të pavlefshme”, thotë Freedom House. Kjo e fundit duket më e vështirë për t’u realizuar, ku sipas mediave ndërkombëtare do të duhet presion i fortë ndërkombëtar që Lukashenko të heqë dorë nga pushteti i tij
Burimi: FOXnews
A.C/Dosja.al
1 vit nga zgjedhjet e 25 prillit si e shikoni gjendjen e vendit:
GJENEVË- Organizata Botërore e Shëndetit, ditën e premte në një konferencë të mbajtur për shtyp në Gjenevë, ka rekomanduar mbajtjen e maskës për fëmijët mb...
GREQI– Një ngjarje e rëndë ka ndodhur në Rodos të Greqisë, ku një 13-vjeçar është përdhunuar nga vëllai i tij 18 vjeç.Siç shkruajnë mediat ...
KALIFORNI– Katër dekada pasi terrorizoi Kaliforninë, ish- polici 74-vjeçar, Joseph DeAngelo që ka kryer 13 vrasje dhe 13 rrëmbime është dënuar me burgi...
Shtetet e Bashkuara të Amerikës janë ndër vendet më të prekura nga pandemia. Aktualisht në Shtetet e Bashkuara të Amerikës janë 5,796,727 të infektuar dhe janë ...
KALIFORNI– Të paktën 6 persona kanë vdekur për shkak të zjarreve masive në Kaliforni, ndërsa mësohet se janë evakuuar 175 mijë të tjerë. Qytetarët janë detyruar...
Greqi– Një tjetër tërmet ka goditur Greqinë orëve të para të mëngjesit të sotëm. Mësohet se ka patur lëkundje sizmike me magnitudë 4.5 të shkallës rihter në or...
SUEDI- Epidemiologu i njohur suedez, Anders Tegnel nuk rekomandon mbatjen e maskës në këtë kohë pandemie. Ai shprehet se është shumë e rrezikshme që fytyrën ta...
Dy fotot e fundit të publikuara të mërkurën në faqen e Facebookut të politikanit opozitar, ku 44-vjeçari Aleksej Navalny shfaqet në Tomsk i veshur me xhi...
IZRAEL- Izraeli paralajmëron sërish Gazan për përshkallëzim të situatës. Së fundmi liderët e Izraelit u kanë bërë thirrje grupit palestines nëHamas se po rrezik...
