Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Prokurori në Gjykatën e Krimeve të Rënda Anton Martini ka dhënë një ultimatum lidhur me ndalimin e ‘rrjedhies’ së informacionit në media për zhvillimin e dosjes “Brezi i gjelbër”.
Martini iu referohet publikimit të sotëm në disa media elektronike të disa pjesëve nga bisedat e përgjuara telefonike që personat nën hetim kanë kryer mes njëri-tjetrit gjatë muajve shtator 2018 – maj 2019.
Sipas prokurorit Martini, dosja hetimore gjendet në zyrën e prokurorit, një kopje e saj në zyrën e gjyqtarit duke sqaruar se ajo nuk ka rënë në dispozicion të asnjë personi që ligji nuk e obligon.
Në kuadër të ndalimit të ‘rrjedhjes’ së informacionit në shtyp, prokurori Martini ka lëshuar një udhër për ndalimin e kësaj praktike ku të përfshirë janë: koordinatori për mediat pranë Krimeve të Rënda dhe avokatët mbrojtës të të arrestuarve.
Në fund, prokurori “premton” se shkelja e këtij urdhëri nga personat përgjegjës do të ndëshkohet sipas Kodit Penal.
“U R D H E R O J
1.Ndalimin e publikimi të akteve të proçedimit penal Nr.173, të vitit 2018, qofshin ato dhe pjesë nga arsyetimi i vendimit penal Nr.81, datë 06.05.2019, të Gjykatës së Shkallës së Parë për Krime të Rënda Tiranë, nëpërmjet shtypit ose çdo lloj forme tjetër informacioni masiv.
2.Ngarkohet me ekzekutimin e këtij urdhëri Kordinatori për Mediat në Prokurorinë pranë Gjykatës së Shkallës së Parë për Krime të Rënda Tiranë.
3.Subjektet e proçedimit penal, avokatët mbrojtës, etj, të cilët për shkak të cilësisë së tyre njihen me aktet e proçedimit penal të dërguara në gjykatë dhe me vendim penal Nr.81, datë 06.05.2019, të Gjykatës së Shkallës së Parë për Krime të Rënda Tiranë, ndalohen t`i bëjnë publike ato.
4.Shkelja e këtij urdhëri, personat përgjegjës i ngarkon me përgjegjësi penale, sipas nenit 295/a/3 të K.Penal.”
URDHËRI I PLOTË:
REPUBLIKA E SHQIPËRISË
PROKURORIA PRANË GJYKATËS SË SHKALLËS SË PARË PËR KRIME TË RËNDA
T I R A N Ë
U R D H E R
“Për ndalimin e publikimit të akteve”
Në Tiranë, sot më datë 08.05.2019.
Unë Anton MARTINI, Prokuror në Prokurorinë pranë Gjykatës së Shkallës së Parë për Krime të Rënda Tiranë, pasi u njoha me publikimin e pjesshëm në disa media elektronike të përmbajtjes së vendimit penal Nr.81, datë 06.05.2019, të Gjykatës së Shkallës së Parë për Krime të Rënda Tiranë;
K O N S T A T O V A:
Më datë 24.09.2018, nga ana e Prokurorisë pranë Gjykatës së Shkallës së Parë për Krime të Rënda Tiranë, është regjistruar proçedimi penal Nr.173, lidhur me veprat penale të “Trafikim i narkotikeve” kryer në kuadër të një grupi të strukturuar kriminal, të parashikuara nga nenet 283/a dhe 333/a të K.Penal, në bazë të materialeve të referuara nga ana e Drejtorisë së Përgjithshme të Policisë së Shtetit.
Pas një hetimi proaktiv disa mujor, më datë 02.05.2019, i jemi drejtuar me kërkesë Gjykatës së Shkallës së Parë për Krime të Rënda Tiranë, për caktimin e masave të sigurimit personal për 26 shtetas, të dyshuar se kanë kryer veprat penale të parashikuara nga nenet 283/a/2, 333/a, etj, të K.Penal.
Me vendim Nr.81, datë 06.05.2019, Gjykata e Shkallës së Parë për Krime të Rënda Tiranë miratoi kërkesën tonë, duke caktuar kështu, masat e sigurimit personal për shtetasit e dyshuar. Policia e Shtetit e ngarkuar me ekzekutimin e këtij vendimi, po më datë 06.05.2019, bëri të mundur ekzekutimin e 20 prej masave të sigurimit personal, ndërsa për 6 persona nuk u bë e mundur, pasi nuk u gjetën në vendin ku jetonin dhe punonin dhe për ta vijojnë kërkimet.
Më datë 07.05.2019, në një konferencë për shtyp së bashku me Policinë e Shtetit, informuam opinionin publik mbi rezultatet e hetimit në respekt të detyrimit për informim dhe transparencës së punës që zhvillojnë institucionet tona.
Sot më datë 08.05.2019, në disa media elektronike, konstatohet se referuar vendimit penal të arsyetuar me Nr.81, datë 06.05.2019, të Gjykatës së Shkallës së Parë për Krime të Rënda Tiranë (vendim i cili j`u është vënë në dispozicion disa prej mbrojtësve të shtetasve të arrestuar nga sekretaria e gjykatës), po citohen pjesë nga bisedat telefonike të përgjuara, ku shtetasit nën hetim kanë zhvilluar me njëri – tjetrin, gjatë harkut kohorë shtator 2018 – maj 2019.
Si burim informacioni citojnë; “ kemi në dispozicion dosjen hetimore me përgjimet e kryera”, etj. Dosja hetimore, gjendet në zyrën e prokurorit dhe një kopje e saj në zyrën e gjyqtarit që ka caktuar masat e sigurimit personal dhe në asnjë rast në dispozicion të asnjë personi që ligji nuk e obligon.
Nisur nga fakti se publikimi i bisedave të përgjuara që gjenden në pjesën arsyetuese të këtij vendimi, cënojnë sekretin e hetimit paraprak lidhur me proçedimin penal Nr.173, të vitit 2018, i cili nuk ka përfunduar akoma, ç`moj se duhet ndaluar publikimi i tyre nëpërmjet shtypit ose çdo lloj forme tjetër informacioni masiv.
Në këto kushte, bazuar në kërkesat e neneve 103 dhe 104 të K.Pr.Penale;
U R D H E R O J
1.Ndalimin e publikimi të akteve të proçedimit penal Nr.173, të vitit 2018, qofshin ato dhe pjesë nga arsyetimi i vendimit penal Nr.81, datë 06.05.2019, të Gjykatës së Shkallës së Parë për Krime të Rënda Tiranë, nëpërmjet shtypit ose çdo lloj forme tjetër informacioni masiv.
2.Ngarkohet me ekzekutimin e këtij urdhëri Kordinatori për Midiat në Prokurorinë pranë Gjykatës së Shkallës së Parë për Krime të Rënda Tiranë.
3. Subjektet e proçedimit penal, avokatët mbrojtës, etj, të cilët për shkak të cilësisë së tyre njihen me aktet e proçedimit penal të dërguara në gjykatë dhe me vendim penal Nr.81, datë 06.05.2019, të Gjykatës së Shkallës së Parë për Krime të Rënda Tiranë, ndalohen t`i bëjnë publike ato.
4.Shkelja e këtij urdhëri, personat përgjegjës i ngarkon me përgjegjësi penale, sipas nenit 295/a/3 të K.Penal.
Kush është prokurori Anton Martini?
Prokurori Anton Martini u emërua tek Krimet e Rënda në qershor të 2018 nga kryeprokurorja e përkohshme Arta Marku. Martini ishte drejtues i prokurorisë së Shkodrës prej 6 muajsh.
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Adela Çaçi, 16 vjeçe, u vetëvra më 5 maj 2019 në qytetin e Beratit, duke gëlltitur pesticide. Adoleshentja i dha fund jetës për 10 mijë lek...
ZVICËR– Reperja Loredana Zefi u arrestua të martën mbrëma nga policia zvicerane, nën akuzën e kërcënimit dhe zhvatjes së një çifti bashkë me të vëll...
TIRANË- Performanca e dobët, është arsyeja e shkarkimit të drejtorëve të AKU-së në Tiranë, Durrës dhe Korçë. Lajmi për shkarkimin e tyre është bërë ...
TIRANË- Qytetarë të shumtë vijojnë të firmosjen e peticionin për ndryshimin e sitemtit politik. Prej shumë ditësh stednat e Nisma Thurje mirëpresin qytetar...
TIRANË- Një tjetër deputete mund t’i shtohet tashmë Kuvendit të Shqipërisë.Kandidatja për deputete nga lista e LSI në qarkun e Gjirokastrës, Suzana Topi ka...
TIRANË- Gjykata Administrative ka rrëzuar sot vendimin për shkarkimin e Yllit Dylgjerit nga detyra në Drejtorinë e Agjencisë së Trajtimit të Koncesioneve d...
VLORË-Një tjetër predhë është gjetur mëngjesin e sotëm në Vodicë të Selenicës. Predha u gjet anës lumit nga banorët e zonës. Mësohet se një nga banor...
TIRANË- Katër organizata të shoqërisë civile, të fokusuara në çështjet e demokracisë dhe shtetit të së drejtës, – përkatësisht, Instituti për Bashkë...
Loredana Zefi është liruar pasi mbrëmjen e së martës u arrestua nga policia zvicerane, nën akuzën e kërcënimit dhe zhvatjes së një çifti bashkë me të vël...
Komisioni i Pavarur i Kualifikimit duhet të njoftonte të mërkurën vendimin e për Kryetarin e Gjykatës së Apelit në Shkodër Fuat Vjerdha, por në njoftim të shkur...
