"Delirantë, injorantë dhe dështakë-zemërakë"/ Rama shpërthen ndaj protestuesve: "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
TIRANË– Instituti i Studimeve Politike, reagon për shqetësimin e ngritur nga media për rregulloren e re Kuvendit të Shqipërisë. Ata shkruajnw se rregullorja krijon pabarazi.
“Miratimi i rregullores së re për median në këto rrethana nuk garanton të drejtën e informimit, por e cenon atë, krijon pabarazi midis medias, mbron interesin e deputetëve dhe jo të publikut, si dhe vjen në momentet kur edhe institucione të tjera, përfshirë e gjithë piramida vendimmarrëse e pushtetit ekzekutiv dhe vetë partitë parlamentare, kanë bërë hap pas në të drejtën e informimit, transparencën dhe llogaridhënien publike”, thuhet ndër të tjera në reagimin e ISP.
Reagimi i plotë:
Instituti i Studimeve Politike (ISP), duke qenë organizata e vetme që monitoron aktivitetin e Kuvendit të RSH (2016-2022), shpreh shqetësimin lidhur me vendimin nr.82, datë 2.6.2021 të Byrosë së Kuvendit për miratimin e rregullores për akreditimin, akomodimin dhe orientimin e masmedieve pranë Kuvendit të Shqipërisë.
Kuvendi ka informuar prej kohësh idenë e një sistemi të ri informimi në institucion, por me premtimin konstant se çdo vendimmarrje do të ishte transparente, e konsultuar me median dhe grupet e interesit dhe në funksion të parimit të garantimit të së drejtës së informimit dhe transparencës në raport me publikun.
Rregullorja e miratuar rezulton se nuk është konsultuar me grupet e interesit, komuniteti i medias që mbulon Kuvendin rezulton se ka qëndrime kritike, si dhe ISP dhe organizata të tjera të shoqërisë civile nuk janë ftuar për të dhënë opinione konsultative, siç është vepruar e vijon të veprohet me disa akte të tjera rregullatore apo raportime vjetore më të parëndësishme të Kuvendit.
Vendimi rezulton të jetë i marrë nga Byroja e Kuvendit, shumica absolute e anëtarëve të së cilës nuk do të jenë më deputetë në legjislaturën e re parlamentare. Një vendim i tillë me impakt në standardet e informimit në legjislaturën e re do të duhej të ishte sa më konsensual dhe më gjithëpërfshirës, si dhe do të duhej të merrte në konsideratë standardet më të mira të vendeve të BE-së.
Në një demokraci funksionale akte të veçanta kanë vlerë e dobi vetëm nëse janë pjesë e një mozaiku ligjor dhe administrativ që garanton zbatimin e parimeve, ndërkohë që ky akt vjen në momentin kur vetë parlamenti funksionon në sistem online, dhe siç konstatohet lehtësisht nga faqja zyrtare, me mungesa të theksuara të informacionit publik (procesverbale, të dhëna për konsultimet e akteve, të dhënat për pjesëmarrjen reale në komisione, të dhëna për procedurat etj).
Miratimi i rregullores së re për median në këto rrethana nuk garanton të drejtën e informimit, por e cenon atë, krijon pabarazi midis medias, mbron interesin e deputetëve dhe jo të publikut, si dhe vjen në momentet kur edhe institucione të tjera, përfshirë e gjithë piramida vendimmarrëse e pushtetit ekzekutiv dhe vetë partitë parlamentare, kanë bërë hap pas në të drejtën e informimit, transparencën dhe llogaridhënien publike.
Instituti i Studimeve Politike (ISP) i bashkohet shqetësimit të reporterëve të medias dhe apelon Kuvendin për rishikimin e këtij vendimi, respektimin e detyrimit ligjor për konsultimet publike, si dhe në tërësi për një qasje të re institucionale lidhur me transparencën, informimin dhe llogaridhënien publike.
Reagimi vjen pasi me vendim të brendshëm të Kuvendit të Shqipërisë gazetarët e politikës që janë të vendosur prej vitesh në këtë institucion, ndalohen që të bëjnë raportimin e tyre live dhe duke parë në çdo hap atë që ndodh në vendin ku hartohen ligjet për shqiptarët. Me firmën e vetë Gramoz Ruçit dhe me një vendim të Byrosë, që ende nuk është njoftuar se kur është mbledhur, vendimi është në mungesë totale të transparencës.
(a.b)/dosja.al
Iftar dhe politikë, a u prek Muaji i Ramazanit nga politikanët?
TIRANË– Shqipëria do të jetë mikpritësja e samitit të ardhshëm të Liderëve të Ballkanit Perëndimor, i cili do të zhvillohet më 10 qershor, në Pallatin e Br...
TIRANË– Ministrja e Infrastrukturës dhe Energjisë Belinda Balluku është takuar ditën e sotme me ministrin e Inovacionit dhe Teknlogjisë së Hungarisë.Për me...
TIRANË– Ministrja Elisa Spiropali mund të jetojë në një vilë në Farkë. Në një denoncim të publikuar nga ‘Jeta Është Qef’, një nga ndjekësi...
TIRANË– Partia Demokratike ka kërkuar përjashtimin e 7 gjyqtarëve të Kolegjit Zgjedhor, që sipas saj refuzuan transparencën e zgjedhjeve në 3 qarqe, Gjirok...
TIRANË– Ndryshon numri i bordeve, këshillave, komiteteve dhe komisioneve të përhershme që funksionojnë pranë institucioneve të qeverisjes qendrore.Ng...
TIRANË– Gjyqtarja Enkeleda Kapedani është justifikuar për sfilatat e saj në rrjetet sociale, duke thënë se videot dhe foto ia ka bërë vetes për të hequr st...
TIRANË- Kryetari i Kuvendit të Kosovës, Glauk Konjufca gjatë deklaratës për shtyp që po mbante me Kryedemokratin Lulzim Basha ka ngatërruar Partinë Demokra...
Komisioni i Pavarur i Kualifikimit, KPK njoftoi të hënën vendimin për konfirmimin në detyrë të gjyqtarit të Apelit Durrës, Valbon Çekrezi. Ndërkohë, Komi...
TIRANË- Takimi mes Kryetarit të Partisë Demokratike Lulzim Basha dhe Kryeparlamentarit të Kosovës Glauk Konjufca, ka përfunduar. Pas përfundimit të takimit...
TIRANË- Presidenti Ilir Meta është takuar ditën e sotme me Kryeparlamentarin e Kosovës, Glauk Konjufca. Së bashku ata diskutuan për intensifikimin e bashkë...
