Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
ANGLI – Tre vjet pas eliminimit nga Kroacia në botërorin rus Anglia rikthehet sërish për të marrë pjesë në fazën gjysmëfinale të një aktiviteti të rëndësishëm dhe skuadra e drejtuar nga trajneri Gareth Southgate ka një rast të shkëlqyer për t’u kualifikuar për herë të parë në finalen e madhe të një evropiani, teksa do të presë në Londër ekipin e Danimarkës.
Me një short të tillë që konsiderohet si më i lehti në 55 vjet që të gjithë presin që “tre luanët” t’ia dalin mbanë për të mbërritur të paktën deri te pengesa e fundit, për të synuar më pas edhe trofeun e parë në një aktivitet madhor që nga viti i largët 1966.
Kombëtarja angleze kërkon të kthejë faqe dhe të ndryshojë rrjedhën e historisë, duke filluar sulmin drejt trofeve të rëndësishëm. Dicka në të cilën “tre luanët” kanë dështuar ndër vite në mënyrë spektakolare, duke pasur parasysh brezat e shkëlqyer të futbollistëve që kanë varur këpucët në gozhdë pa fituar qoftë edhe një trofe të vetëm, me fanellën e përfaqësueses.
Në evropianin e fundit, pesë vjet më herët në Francë nën drejtimin e veteranit Roy Hodgson Anglia u eliminua me turp që në fazën e 1/8, teksa u mund në qytetin e Nisës nga Islanda, ndërsa këtë herë gjërat kanë ndryshuar në mënyrë rrënjësore, deri në atë pikë sa “tre luanët” të konsiderohen edhe si favoritët kryesorë për të ngadhënjyer në shtëpi.
Ky ndoshta është viti i duhur, duke pasur parasysh rrethanat por mbi të gjitha edhe privilegjin e faktorit fushë. Pavarësisht stilit të lojës dhe zgjedhjeve tepër të kujdesshme të trajnerit Southgate Anglia ka një brez të shkëlqyer futbollistësh me plot 10 lojtarë të moshës 23 vjec e poshtë.
Kyle Walker dhe Jordan Henderson janë dy futbollistët e vetëm që i kanë kaluar të tridhjetat, në një kohë kur pjesën më të madhe të këtyre lojtarëve 50-vjecari nga Watfordi i ka stërvitur që te “shpresat” e Anglisë.
Deri tani Gareth Southgate është kritikuar ashpër si një trajner tepër konservator, megjithatë është fakt që Anglia ka kaluar edhe ecurinë e skuadrës që u shpall kampione e botës në vitin 1966, duke rreshtuar plot pesë ndeshje radhazi pa pësuar gol. Një rekord ky për kompeticionin, si dhe për vetë portierin e Evertonit Jordan Pickford, të cilit për hir të së vërtetës i kanë mbërritur në kuadrat vetëm 9 goditje gjithsej, pas pesë sfidave të para të këtij edicioni të 16 të kampionatit evropian. 27-vjecari nga Sunderlandi shpëtoi Anglinë nga eliminimi, duke ndalur në mënyrë të mrekullueshme gjuajtjet e dyshes së Chelsea-t Timo Werner–Kai Havertz kur rezultati i duelit me Gjermaninë ishte akoma i barabartë.
Ecuria shumë e mirë e “tre luanëve” nisi që në sfidat eliminatore, në Grupin A ku skuadra fitoi 7 nga 8 ndeshjet në dispozicion, duke humbur thjesht takimin e Pragës me Republikën Ceke. Tani Anglia pozicionohet e katërta në klasifikimin e përgjithshëm të FIFA-s, pas Belgjikës, Francës dhe Brazilit dhe do të zbresë në fushë ndaj Danimarkës pasi ka fituar 10 nga 11 sfidat e fundit në të gjithë aktivitetet.
Përjashtim bën derbi me Skocinë, që përfundoi me rrjeta të paprekura, ndërsa gjithë ndeshjet e tjera me Kroacinë, Republikën Ceke, Gjermaninë dhe Ukrainën anglezët i kanë fituar.
Në krahun tjetër ekipi skandinav ishte një nga pesë vendet që nuk njohu humbje përgjatë sfidave kualifikuese, bashkë me Italinë, Belgjikën, Spanjën dhe Ukrainën. Në Grupin D bardhekuqtë u renditën të dytët, me vetëm një pikë më pak se sa Zvicra.
Danimarka merr pjesë për herë të katërt në fazën gjysmëfinale, pas viteve 1964, 1984 dhe 1992, vit kur nën drejtimin e trajnerit Richard Moller Nielsen bardhekuqtë u kurorëzuan me trofeun Henry Delanuay, arritje që shënon edhe suksesin më të madh në historinë e skuadrës skandinave.
Sfidën e fundit ndërmjet dy vendeve e ka fituar Danimarka, nëntë muaj më parë në Ligën e Kombeve brenda në Ëembley, pas një goli të realizuar nga Christian Eriksen, takim të cilin vendasit e mbyllën me 10 futbollistë pas daljes me karton të kuq që në pjesën e parë të qendërmbrojtësit Harry Maguire.
Anglia nuk e ka mposhtur kurrë Danimarkën në fazën finale të një evropiani. Bardhekuqtë kryesojnë me një fitore dhe dy barazime, ndërsa në sfidat kompetitive “tre luanët” udhëheqin 5-2 me fitore në 10 takimet ndërmjet tyre. Gjysmëfinalja Angli – Danimarkë do të mbahet në orën 21:00 në Ëembley dhe do të drejtohet nga kryesori holandez Danny Makkelie.
B.T (Dosja.al)
Iftar dhe politikë, a u prek Muaji i Ramazanit nga politikanët?
TIRANË- Ndeshja Itali-Spanjë mbrëmjen e kaluar ishte një nga ndeshjet më surprizuese dhe tensionuese të EURO2020. Ndërkohë që shumë persona të mbledhur në ...
ITALI– Fitorja e Italisë ndaj Spanjës ngriti në këmbë të gjithë tifozët italianë e sidomos shtetasit. Rrugët e qyteteve u mbushën sërish me makina dhe flamuj të...
ANGLI – “Meritat janë për djemtë, sepse besuan tek ata tre vjet më parë, por nuk ka mbaruar ende. Ne kemi nevojë për të rimarrë forcat, sepse na mbetet edhe një...
ITALI – “Rroftë republika, rroftë Italia”, kështu do ta nisnin mediat italiane këtë ditë të madhe të gjysmëfinales së parë të “Euro2020&...
ANGLI – “Nuk është një mbrëmje e trishtuar, ne jemi të zhgënjyer, por në futboll duhet të dish si të fitosh, por dhe si të humbësh. Ne nuk mund të jemi të dëshp...
BRAZIL – Dramë në “Estadio Nacional de Brasilia”. Messi do të ketë një tjetër revansh. Argjentina do të luajë finalen e “Copa América” kundër rivalit të saj më ...
ANGLI-Italia është finalistja e parë e këtij Europiani pas fitores dramatike me penallti ndaj Spanjës në stadiumin “Wembley”.Të kaltërit e Roberto Mançin...
BRITANI E MADHE-Italia u kthye të bëjë Italinë duke arritur finalen e Europianit. 120 minuta të luajtura me shifrat 1-1 dhe në fund ishte ruleta e penalltive që...
ARGJENTINË-Për familjen e Emiliano Sala nuk ka qetësi. Pas tragjedisë së vitit 2019, kur ish-sulmuesi humbi jetën në kanalin e La Manshit, teksa po udhëton...
PODGORICË– Ka nisur në mënyrë më të keqe aventura e Laçit në Conference League. Skuadra kurbinase luajti ndaj Podgorica-s duke u mundur me shi...
