6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– Pedagogia e artit skenik në Universitetin e Arteve, Taulanda Jupi i ka shkruar një letër djalit të saj në Itali, i cili nuk ka mundur që të kthehet në Shqipëri para mbylljes së kufijve.
Me anë të një statusi në Facebook, Jupi shkruan se i biri nuk do të mund që të kthehej në atdheun e tij dhe se për herë të parë kishte ndjerë largësinë e madhe që e mbante larg nga djali i saj.
“Ti e di, unë nuk të kam gënjyer kurrë, nuk do ta bëj as tani. Loti më veshi vështrimin dhe ngriu aty. Sapo mbyllëm telefonatën bashkë. Bateria mbaroi sepse sot kemi folur gjatë. Nuk do të vijë asnjë avion Naim apo Migjen t’ju marri, sado të përpiqemi dhe të ulërijmë ne që këtu. Bijtë tanë mbetur larg, vajza dhe djem mbetur në një kufi, aeroport a kudo qofshi, mos harroni : t’ju rritnim ju ishte gjëja më e vështirë dhe më e bukur në jetë,”-shkruan në statusin e saj Jupi.
LETRA E PLOTË:
Për ty bir! (në një kufi, aeroport a kudo qofshi …… bijtë tanë mbetur larg)
Ti e di, unë nuk të kam gënjyer kurrë, nuk do ta bëj as tani. Loti më veshi vështrimin dhe ngriu aty. Sapo mbyllëm telefonatën bashkë. Bateria mbaroi sepse sot kemi folur gjatë. Nuk arrite dot të ktheheshe në shtëpi këtë mbrëmje. Avioni nuk u nis, kufijtë u mbyllën dhe për herë të parë ndjeva se hapësira apo largësia mes nesh ishte më e madhja që kisha menduar apo ndjerë ndonjeherë.
Po të them që nuk je i vetmi , kjo ndoshta do të të lehtësojë pak. Janë me qindra studentët, vajzat dhe djemtë që nuk arritën të kthehen sonte në shtëpi…dhe unë nuk jam e vetmja nënë, që sot nuk do më marri gjumi dhe ashtu si rastësisht do të shkoj të ulem dhe të rri në dhomën tënde, ku i vetmi ajër që thith është malli dhe shqetësimi i pafundëm për ty.
Ti e di, unë nuk të kam gënjyer kurrë dhe nuk do ta bëj as tani. Jam bindur se po flas me shpirtin dhe gjuhën e çdo nëne sot. Nuk do të vijë asnjë avion Naim apo Migjen t’ju marri, sado të përpiqemi dhe të ulërijmë ne që këtu, sado mesazhe apo telefonata të bëjmë. Ju jeni qytetarë të një shteti që gati ju shtyn drejt ikjes pa kthim, drejt largimit dhe arratisjes pafund, drejt moskthimit, por sa më shumë ju shtyjnë, juve aq më shumë ju mbetet koka, vështrimi dhe shpirti ngulur drejt këtij vendi që quhet At-dhe.
Frika e një nëne është e vështirë të shprehet dhe aq më pak shkruhet. Gjithmonë kam pyetur veten kur do të vijë dita që do të vendoset në provë ajo çka unë si nënë kam bërë për ty? Përgjigjia është : çdo ditë në fakt, që kur ke zgjedhur të ikësh, gjë me të cilën unë nuk jam mësuar ende dhe ndoshta nuk do të mësohem kurrë.
Por ti e di, unë nuk të kam gënjyer kurrë dhe nuk do ta bëj as tani. Ditët dhe javët javët që do të vijnë do të jenë të vështira, sepse do të jenë ditët dhe javët që do të provojnë, që do të dëshmojnë forcën tënde. Do të duhet t’ja dalësh i/e vetëm(e) këtij tmerri të pakuptimtë # COVID-19, këtij mallkimi që s’njeh kufij fizikë, kufij logjike apo arsyeje. Do të duhet t’ja dalësh i/ e vetëm(e) këtij tmerri, kësaj vuajtje, kësaj klithjeje që po na në provë durimin, frikën, mendjen, dashurinë, egoizmin, forcën, dhimbjen, urtësinë sepse luan me jetën tonë.
Bijtë tanë mbetur larg, vajza dhe djem mbetur në një kufi, aeroport a kudo qofshi, mos harroni : t’ju rritnim ju ishte gjëja më e vështirë dhe më e bukur në jetë. Më e vështirë sepse mëmësia dhe prindërimi mësohen në kurriz të fëmijës tënd dhe shpesh të bren dhe të gërryen dyshimi si po e kryen këtë mision. Ndërsa më e bukura ka qenë sepse ju na mësuat ҫ’ishte durimi përtej durimit, ҫ’ishte forca, ҫ’ishte frika, ҫ’ishte gëzimi, ҫ’ishte dashuria, ҫ’ishte krenaria. Ditët ishin të gjata ndërsa vitet të shkurtër dhe ja ku jemi …. Të shqetësuar për njëri- tjetrin, më larg dhe më afër se kurrë.
Bijtë tanë mbetur larg, vajza dhe djem studentë mos harroni kurrë, se ne jemi gjithnjë këtu për t’ju ndihmuar kur të na e kërkoni dhe për t’ju dashur pafundësisht e pa kushte edhe pse nuk na e kërkoni, sepse ju jeni dashuria dhe njëkohësisht dhembja më e madhe në jetë. Ndaj bëni më të mirën për veten tuaj, shiheni veten tuaj me sytë tanë dhe do të kuptoni pse ne besojmë kaq shumë tek ju. Nuk ka kohë, ky është momenti i duhur, i domosdoshëm, i pakthyeshëm, ndoshta i parakohshëm që ju të vini veten në provë.
Frika e një nëne është e vështirë të shprehet dhe aq më pak shkruhet, por unë sot nuk kam frikë. As ti nuk duhet të ndjesh frikë! Askush prej jush vajza e djem studtentë të cilët nuk u kthyet dot në shtëpi nuk duhet të ndiejë frikë. E ardhmja nuk mund të ndërtohet mbi frikën, por mbi dëshirën , lutjen dhe shpresën se do t’ja dalim. Po, të gjithë së bashku do t’ja dalim.
Bilanci i të prekurve me COVID-19 në Shqipëri. Brenda 24 orëve të fundit janë shënuar 5 raste të reja, duke shkuar në 64 nurmi i të infektuarve. Sot, konfirmohen tri italianë të prekur nga COVID-19, që janë shtetasit e parë të huaj që rezultojnë pozitivë. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Vatra e të infektuarve është zgjeruar në Tiranë, Rrogozhinë, Elbasan, Durrës, Lushnje, Fier dhe Kavajë.
Jeta në vend është paralizuar thuajse totalisht, nuk ka transport publik, është ndaluar lëvizja me makinë apo me këmbë, si dhe shumë vende punë janë mbyllur. Në shërbim të shtetit do të jenë edhe spitalet private gjatë periudhës së emergjencës dhe kush nuk bindet do ketë gjobë deri në 5 milionë Lekë. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
SHKODËR– Qytetarët janë ndaluar që të qarkullojnë pas orës 10 të pasdites, por ky lajm mesa duket nuk ka shkuar akoma në Shkodër.Qytetarët kanë dalë dhe ka...
TIRANË- Policia e Shtetit ka vijuar kontrollet në të gjithë vendin për të ndëshakuar ata që nuk u janë bindur urdhrit të qeverisë për të mos lëvizur me mak...
TIRANË– Suad Kuçana, vëllai i Mirsad Kuçanës, i cili ra në pranga dy ditë më parë, ka reaguar ditën e somte. Në një lidhje telefonike për “Re...
TIRANE- Në kohën kur të gjitha institucionet bëjnë thirrje që qytetarët e veçanërisht të moshuarit të qëndrojnë brenda e të mos dalin, ky zotëri në Tiran...
ITALI– Një grua shqiptare ka bërë xhiron e mediave italiane pasi në këtë periudhë të vështirë që sundon koronavirusi, nëna e tre fëmijëve ka bërë një gjes...
TIRANË- 165 këmbësorë janë ndëshkuar nga Policia e Shtetit me një gjobë prej 10 mijë lekë të reja pasi nuk kanë respektuar oraret e kufizuara të lëvizjes. ...
MAT– Ali Koleci, gjyqtarë i Gjykatës së Rrethit Gjyqësor Mat është ndarë nga jeta mëngjesin e sotëm. I ndjeri, prej ditësh ndodhej i shtruar në spital dhe ishte...
SHQIPERI- Dita e shtatë e karantinës e ka gjetur vendin më të qetë dhe të izoluar. Pamjet që kemi parë të gjithë dje, kur kryeqyteti theu rregullin dhe qytetarë...
Shqipëri- Vendi ndodhet në ditën e shtatë të karantinës, ndërkohë jo të gjithë qytetarët i binden urdhrave të kryeministrit Edi Ramës për të lëvizur në orare të...
Tiranë- Presidenti i vendit, Iilir Meta ka publikuar një foto të Statujës së Krishtit Shpëtimtar në Rio de Zhaniero të Brazilit, e cila është ndriçuar me...
