6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
SHQIPËRI- Nuk u shqetësua asnjëri nga banorët e pallatit kur dëgjoi klithmën e Frosës. I paska erdhur djali nga Selaniku,thanë fqinjët e aq qe shpjegimi. Kështu bërtiste ajo sapo i biri,Ladi,i shfaqej te dera. Qe i vetmi,lindur pas shumë viteve e viteve martesë. Kur Frosa me Gaqon thuajse kaluan të dyzetat fati ua solli një djalë. Të bukur,të shëndetshëm dhe kur u rrit edhe të zgjuar e të dashur.
Kur shkoi në universitet Frosa me burrin kishin dalë në pension. Dukeshin si gjyshërit e tij, por ama dashurinë si gjyshër ia dhanë. As i bërtitën,as e trembën,as e qortuan ashpër. E edukuan me ledhe,me ëmbëlsi dhe me pérkushtim. Fëmija kur e mbante në dorë Frosa ishte si ajo kora që kishin te cepi i dhomës. Atje ku lutej Frosa dhe ndizte qiri,te fotoja e Shën Marisë me birin, Jezuin.
Kur Ladi po mbaronte vitin e parë nisën protestat,u hapën ambasadat dhe një natë te dera e Frosës trokiti Vasili,fqinji që kishte telefonin e vetëm në pallat.
-Gaqo,o Gaqo,djali në telefon,nga Greqia.
Kaq tha ai dhe vrap poshte jo veç Gaqo,por dhe Frosa.
-Jam në Selanik,mos u bëni merak. Do u marr prapë.
Ec e fli pas këtij lajmi. Frosa pyet e Gaqo ngre supet. Nuk dinin gjë që Ladi kishte përfunduar në Selanik. E kështu mes ankthit kaluan ditë,javë,muaj pa haber. Deri sa një natë u ngjit sërish Vasili.
-Gaqo,djali nga Selaniku.
Biseda qe e shtruar dhe e gjatë. Ladi kishte nisur punë si hidraulik te një mjeshtér grek. Paguhej mirë dhe kishte hequr ca para mënjanë. Por kishte merakun e tyre,shëndetin e tyre.
-Jemi top fare,mos mbaj kokën nga ne. Shiko punën,-i tha Gaqo.
Frosa nuk nxori asnjë llaf,veç lotët vù.
U ngrys viti e pleqtë i griu malli. U mpakën,hynë në ujë si doku i kombinatit. Ngryseshin pa folur,me një foto të Ladit që mbanin në duar. Shih e qaj. Kështu deri sa një natë vonë u dëgjua klithma e Frosës:
-Biri im!
U kuptua që çuni kishte mbërritur në Korçë. Ai mëngjes gjeti zgjuar Frosën,Gaqon dhe Ladin. Djali qe burrëruar,zbukuruar dhe i kishte peshë fjala.
-Fli tani,-i tha Frosa. -Kur të zgjohesh do e kesh gati lakrorin.
Ladi u zgjua shpejt se kishte marrë me vete plot porosi të shokëve,duhej t’ua conte te shtëpitë e tyre. Pa derën që u mbyll,frazën,po iki te ushqimorja të marr ato që më duhen për lakrorin që i tha e ëma dhe Ladi nisi të vishej. Pas pak erdhi Frosa,por me çantën bosh.
-Nuk qe hapur dyqani?- pyeti Ladi.
-Hapur,hapur. Do shkoj prapë,-tha ajo dhe ndezi një cigare.
Iku sa mbaroi thithjen e fundit. Ladi po hante mëngjesin. Ngadalë ,nuk po ngopej me ngrohtësinë e shtëpisë.
Nëna doli serish dhe erdhi prapë me çantën bosh. Ladi u çudit.
-A vajte në dyqan?
-Do iki prapë,-tha ajo e ndezi një cigare tjetër.
Djali mendoi se ka diç që nuk shkon. Mos nënën a ka zënë sëmundja e sklerozës,mos nuk mban mend pse doli nga shtëpia,mos… Iu drodh zemra,shihte të ëmën në dritë të syrit,por ajo veç qeshte.
Ladi doli bashkë me Frosën. U ndanë te dera. Ai lart te Besniku,se kishte një pako për familjen e tij,nëna poshtë,sërish drejt dyqanit. Sa la pakon edhe Ladi mori përposhtë shkallëve,por nga oborri u ndje zéri i Frosës.
-Më ka erdhur djali nga Selaniku,moj Neta. Mirë është,për bukuri. E ka marrë në punë një grek,një hidraulik me nam. Ia dha zanatin,po Ladi ia ka kaluar. Do rrijë dy ditë se ka punë.
Pas dy sekondash ia nisi:
-O Hasan vëllai,erdhi,erdhi Ladi. S’e ndjeu rrugën se e kishte marrë malli pér ne.
Pastaj:
-Ilovicë,moj Ilovicë,mbrëmë më erdhi djali. Thotë që do na marrë dhe ne me vete. Po s’kemi moshë për rrugë të gjata,u plakëm.
Te dera poshtë gati u pérplasën Frosa dhe Ladi. Ajo po ngjitej prapë lart me çantën bosh. Po këtë herë Ladi nuk e pyeti. E përqafoi dhe i tha:
-Më trembe ,o e mira ime. Mendova se të ka ikur kujtesa nga që ktheheshe me çantën pa ushqime,po ti i bëje me qëllim rrugët bosh. Doje t’u mburreshe fqinjëve me djalin tënd.
Malli për mua të ka kthyer në tellal të familjes. Kaq të ka gëzuar kthimi im sa nuk ngopesh duke e festuar jo vetëm,do ta ndash me lagjen. Dhe e gjete mënyrën. Gjoja shkon në pazar e lajmëron ata që të dalin para. Pastaj merr rrugën e dytë. Kështu deri sa krejt Korça ta mësojë se i biri i Frosës dhe i Gaqos mbérriti në bazë.
Rrinin të dy pérqafuar e asnjëri nuk ndahej prej tjetrit. Ashtu si në vite. Kur djali merrte aq dashuri. Tani i kishte trokitur koha që ta kthente krejt atë që mori. Nga dritaret e ballkonet e pallatit fqinjët po shihnin filmin më njerëzor,me producen Frosa&Gaqo nën interpretimin e artistit Lad Hidrauliku…
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ditet e fundit ne media eshte raportuar se kompania Albchrome, e cila ka me koncesion minieren e Bulqizes eshte duke pushuar masivisht punonjesit n...
Presidenti amerikan përhap teori të demaskuara komplotesh, kryeministri britanik mashtron mbretëreshën dhe një ushtri ndërkombëtare e robotëve kompjuterikë ka v...
GJERMANI- Kur këtë vit u ndez sërish shandani Hanukkah për Festivalin Hebraik të Dritave, kancelarja Angela Merkel dërgoi një përshëndetje. Është një mreku...
Ne nje dite si kjo, kur dita tradicionale e Krishtlindjes sjell ne shtepite e gjithsecilit nje lloj paqeje, plot urime mes njerezve dhe shkembime dhuratash, rit...
Dua ti rikthehem debatit për festivalin e fundit në RTSH. Jo në kuadër të tifozerisë për vendin e parë dhe të dytë dhe as për fustanet e prezantueses. Por për d...
Samiti i ri rajonal midis Shqipërisë, Maqedonisë së Veriut dhe Serbisë, në Durrës, shënoi një tjetër nivel të ulët në marrëdhëniet midis Tiranës dhe Prishtinës....
“Shqiptari i keq” është ai i Kosovës: i egër, e kryengritës. “Shqiptari i mirë” i Serbisë është ai i Shqipërisë: i butë e i qytetëruar. “Shqiptari i mirë” është...
Një tjetër samit i BE për Ballkanin Perëndimor është caktuar të mbahet në maj të vitit të ardhshëm në Zagreb. Zyrtarisht Këshilli i Evropës në tetor vetëm e sht...
Mikaela Minga dhe Rita Petro, të vetmet shqiptare antare të jurisë së Festivalit 58-t të Këngës në Radio Televizionin Shqiptar, që me profesionalitetin e tyre t...
TIRANË- Që të shkojmë tek e vërteta e asaj ç’ka ka ndodhur mbrëmë në Festivalin e Këngës në RTSH duhet të hedhim dritë mbi disa fakte, të cilat ndih...
