E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
TIRANË- Nënkryetari i Lëvizjes Socialsite për Integrim, Petrit Vasili, ka dalë sot në një konferencë për shtyp, për situatën që ndodhet vendi pas tërmetit të djeshëm. Nga selia e LSI, Vasili i ka kërkuar Ramës që të shpallë gjendjen e jashtëzakonshme.
“Qeveria shqiptare sot ka konsumuar orë të tëra me kryeministrin shqiptar, mbi 4 orë në media, ndërkohë që shqiptarët të gjithë nuk kanë nevojë për të dëgjuar më mbledhje kilometrike, nuk kanë nevojë më për shoën kilometrik. Kanë nevojë për komunikim operativ të menjëhershëm, fakte konkrete dhe njerëz në tërren”, tha Vasili.
Nënkryetari i LSI u shpreh se përderisa ky tërmet është i këtyre dimensioneve, i këtyre përmasave, i cili ka shqetësuar edhe opinionin ndërkombëtar, duhet të ishte shpallur gjendja e emergjencës civile.
DEKLARATA E PLOTË
Shqipëria ndodhet dhe po kalon momente shumë të vështira pas një tërmeti, i cili nuk ishte parë dhe nuk ishte provuar prej gati 30 vitesh, një tërmet shumë i rëndë dhe besoj një histori, nga më tronditëset, me të cilën janë përballur qytetarët shqiptarë, të cilët sot duhet të jenë më solidarë se çdo herë me njëri-tjetrin, por njëherazi duhet të jenë dhe shumë të kujdesshëm se një ditë më parë për shkak të një situate, e cila solli një moment shumë të vështirë, por ende është një situatë, e cila kërkon një përkujdesje shumë të madhe për daljen prej saj sepse dhe ky është një moment tepër delikat dhe i vështirë.
Lidhur me përballimin e situatës, sigurisht që përgjegjësia kryesore, e drejtpërdrejtë është e qeverisë shqiptare. Qeveria shqiptare sot ka konsumuar orë të tëra me kryeministrin shqiptar, mbi 4 orë në media, ndërkohë që shqiptarët të gjithë nuk kanë nevojë për të dëgjuar më mbledhje kilometrike, nuk kanë nevojë më për shoën kilometrik. Kanë nevojë për komunikim operativ të menjëhershëm, fakte konkrete dhe njerëz në tërren. Nuk kanë nevojë shqiptarët që të kenë prefektet e tyre të mbledhur në mbledhje të pafundme të kryeministrit, por i kërkojnë të jenë atje në terren. Nuk i kërkojnë bashkitë të vijnë e të mblidhen së bashku dhe deputetët të bëjnë sikur bëjnë ndarjen e punës dhe kjo ndarje pune duhet të ishte mbaruar që mbrëmë në orën 11:00 apo 12:00 të natës apo më përpara dhe sot të gjithë duhet të ishin në terren.
Sot, nuk ka më nevojë që shqiptarët të shikojnë sesi kryeministri bën dhe inxhinierin e ndërtimit e specialistin e ndërtimit e të gjitha specialitetet e botës në vend që të bëjë detyrën e tij të organizimit dhe të organizimit të strukturave, të cilat kanë përgjegjësi shtetërore për të mbajtur situatën në kontroll dhe për të kaluar pasojat.
Në radhë të parë, përderisa ky tërmet është i këtyre dimensioneve, i këtyre përmasave, i cili ka shqetësuar edhe opinionin ndërkombëtar, kryeministri njëherazi informon që figura të mëdha shtetesh janë preokupuar për këtë çështje, reagimi i parë do të ishte shpallja e emergjencës civile. Kur do të shpallet emergjenca civile? Çfarë situate më të rëndë presin shqiptarët sesa kaq? Të një tërmeti kaq të rëndë, të paparë! Së dyti, Kryeministri nuk ka nevojë të na lodhë me shoë, me biseda, me teorira të sigurimit të banesave, sot që kemi një hall koke siç thonë shqiptarët. Po të thotë se cilat janë paratë në dispozicion të kësaj situate, sa milionë janë në dispozicion të kësaj situate?
Si janë të ndara sipas çdo ministrie, pra çfarë instrumentash financiarë ka shteti në një situatë të tillë për t’i përdorur e duke shpallur edhe gjendjen e emergjencës t’i përdorë në mënyrë të menjëhershme sepse koha nuk pret. Së treti, dhe shumë kryesore, qeveria flet për evidentimin e dëmeve. Janë shumë vonë! Që dje në orën katër, sot kanë kaluar orë të çmuara pasi duhet të evidentohen shumë qartë cilat janë ato struktuara, jo të vlerësuara nga kryeministri inxhinier por të vlerësuara nga specialistët, ku familjet atje kanë rrezik dhe duhet të evakuohen sa më parë.
Sepse ndërkohë ju siç e shikoni dhe informohet nga gjithëandej lëkundjet sigurisht më të lehta dhe shyqyr që janë më të lehta po vazhdojnë por strukturat e dëmtuara sigurisht janë strukturat më vulnerabël, të cilat janë më fragile, të cilat mund të çedojnë nga çasti në çast dhe kjo duhej të ishte evidentuar me kohë dhe për këta qytetarë duhej të ishte përgatitur edhe vendi i evakuimit të tyre për të evituar në të gjitha rastet që ne të mos kemi në asnjë mënyrë viktima.
Vazhdojmë më tej, informacioni për popullatën. Qytetarët nuk kanë nevojë për të dëgjuar mbledhjet e kryeministrit, kanë nevojë për informacion sistematik, me një periodicitet çdo gjysëm ore që jepet nga një institucion i centralizuar, një shtab qendror i centralizuar që ka tagrin të informojë, i cili merr informacione jo vetëm nga burimet shtetërore, sigurisht të konfirmuara edhe nga institucionet e tjera edhe shkencore që informojnë mbi gjendjen, japin informacion real dhe të vërtetë të situatës, e cila duhet të jetë e pregatitur, e parapërgatitur. Kjo eviton sigurisht edhe panikun në ato raste ku ai mund të ishte i panevojshëm, por njëkohësisht është edhe një komunikim konkret për një popullat të tërë i cili ndodhet në alert.
Pra, për një situatë që ka shqetësuar edhe europën mbarë e botën deri në Amerikë. Ne nuk mund ta përballojmë në mënyrë të tillë spontane, në mënyrë të tillë sporadike me informacione që vijnë nga media. Mirënjohje medias, sigurisht për çdo informacion që jep, por shteti ka detyrë ashtu siç në gjithë botën në situata të tilla ku informacioni është i përqendruar i vazhdueshëm dhe zëdhënia ka një emër, ka një fjalë, ka edhe një përgjegjësi.
Sigurisht që kjo situatë kërkon një solidaritet, por të zëvëndësosh punën e drejtpërdrejt në tërren, praninë e drejtpërdrejt në terren, përgjegjësitë konkrete të çdo trupe që operon në terren, trupe të ministrisë së Brëndshme, trupe të ministrisë së Mbrojtjes, trupe të Emergjencave Civile, trupa që ka të bëjë me shëndetësinë, gjithë trupa administrative e cila natyrshëm në momente emergjence merr detyra komplet të reja pasi i gjithë aparati shtetëror organizohet në fuksion të kësaj emergjence, ne dëgjojmë tani mbledhje të gjata sesi thonë ti shko andej, jo po më duket se është kështu dhe ti kalo andej.
Këto lloj spontanitetesh, këto llojë muhabetesh, nuk kanë asnjë lidhje me këtë seriozitet kaq të madh që kërkon kjo situatë. Ndaj t”i lënë llafet, të shkojnë në terren dhe të evidentojnë në radhë të parë ato strukturat të cilat janë në gjendje kritike dhe nuk presin më. Kjo kërkon planifikim, kërkon fonde dhe mbi të gjitha nuk ka pse të hezitojnë më të shpallin gjendjen e emergjencës dhe të marrë drejtpërdrejt përgjegjësitë qeveria. Edhe ato para të cilat kanë nevojë për t”u ndërhyrë qytetarëve të cilëve iu dëmtuan banesat për shkaqe natyrore, le t’iu jepen atyre.
Boll u dhanë para me koncensione. Tani kanë nevojë shqiptarët për ato para. Tani kanë nevojë për ndihmën e qeverisë. Tani ka nevojë për mbështetjen e saj. Mos shpallja e emergjencës dhe mos bërja publike e fondeve financiare të detyruara sipas çdo fushe, sigurisht do ta bënte çdo gjë tjetër fjalë dhe vetëm fjalë. Shqiptarët kanë nevojë sot për vepra si asnjëhërë më parë, ndërkohë që qytetarët mes vetit vazhdojnë të jenë solidarë dhe tek ata shkon edhe solidariteti ynë. Në mënyrë të veçantë tek ata të cilët kanë pësuar dëmtime dhe plagë, por që janë në gjëndje shëndetësore më të mirë.
Ata që janë ende në spital u urohet shërim i shpejtë dhe uroj me gjithë shpirt që të mos ketë asnjë të dëmtuar edhe në ditët që vijnë dhe situata të shkojë drejt normalizimit.
Një tërmet i fuqishëm ka goditur Shqipërinë mesditën e djeshme. Tërmeti me magnitudë 5.8 kishte epiqendër qytetin e Durrësit, por është ndjerë në të gjithë Shqipërinë. Pas kësaj lëkundje të fortë, pati dhe tronditje të tjera më të vogla. Dëmet materiale ishin të shumta, pasi numërohen qindra banesa të dëmtuara. Po ashtu mësohet se janë dhe rreth 60 të plagosur. Një tërmet i tillë, ka rënë për herë të fundit 30 vite më parë.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kryeministri Edi Rama ka shkuar sot tek Truama, ku ka takuar të plagosurit dhe mjekët. Rama pas takimeve ka dhënë një prononcim për mediat, ku ka f...
BRUKSEL- Bashkimi Evropian me anë të Komisionerit për Zgjerim Johannes Hahn, ka reaguar për situatën e tërmeteve në Shqipëri.Me anë të një reagimi në Twitter, H...
TIRANË- Kryeministri Edi Rama ka treguar sot para deputetëve dhe ministrave se kishte marrë shumë mesazhe nga kryeminsitra e presidentë të huaj, të cilët k...
TIRANË- Deputeti i Shkodrës, Paulin Stërkaj, ka bërë një propozim publik për menaxhimin e situatës së tërmeteve. Sipas Stërkajt duhet që qeveria të ketë nj...
TIRANË- Kryeministri Edi Rama i ka bërë kritika publike kreut të Bashkisë Tiranë Erion Veliajt, i cili sot ka prashikuar që shumë rrugë në Tiranë të jenë t...
TIRANË- Kryeministri Edi Rama ka mbledhur sot deputetët dhe minsitrat në Kryesinë e Kuvendit, ku u ka kërkuar të gjithëvëe që të shpërndahen në terren që t...
TIRANË- Kryeministri Edi Rama i ka bërë kritika prefektit të Durrësit, pasi sipas tij nuk ka bërë siç duhet detyrën gjatë ditës së djeshme. Gjatë mb...
TIRANË- Kryeminsitri Edi Rama gjatë mbledhjes së sotme më prefektët dhe me Emergjencat Civile, i ka bërë kritika prefektit të Durrësit.Sipas Ramës, Prefket...
TIRANË– Kryeministri Edi Rama ka mbledhur sot Prefektët dhe strukturat e Emergjencave Civile, ku u ka kërkuar që të vijojë puna me inspektime në terren. Ra...
TIRANË- Në ambientet e minsitrisë së Mbrojtjes, Kryeministri Edi Rama ka mbledhur sot drejtues të Ministrisë së Mbrojtjes, Ministrisë së Brendshme, Emergje...
