Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
GJERMANI- Kryetari i Grupit Parlamentar të Partisë Socialiste, Taulant Balla, ka vijuar dhe sot takimet në Parlamentin gjemran, por dhe me përfaqësues të qeverisë. Gjatë qëndrimit disa ditor në Berlin, Balla zhvilloi takime me raportuesit për Shqipërinë të grupeve ndryshme parlamentare, njëkohësisht anëtarë të Komitetit të Çështjeve Europiane si, z. Metin Hakverdi, deputet i Partisë Socialdemokrate, z. Manuel Sarrazin, deputet i Partisë së Gjelbërt, z. Jurgen Martens, anëtar i Komitetit të Çështjeve Europiane, deputet i Partisë së Demokratëve të Lirë.
Qëllimi i këtyre takimeve ishte biseda lidhur me rekomandimin pozitiv pa kushte të Komisionit Europian për fillimin e bisedimeve për anëtarësim mes Shqipërisë dhe Bashkimit Europian si dhe shqyrtimi i rekomandimit nga Bundestagu gjerman në një kohë sa më të afërt.
Sipas Ballës, të tre këto grupe parlamentare janë shprehur pro fillimit të bisedimeve për anëtarësim me Shqipërinë dhe Maqedoninë e Veriut gjatë këtij viti. Në Grupin e CDU/CSU, Balla zhvilloi një takim me Anëtarin e Presidencës së kësaj partie, deputetin Olav Gutting me të cilin bisedoi jo vetëm mbështeten për fillimin e bisedimeve për anëtarësim, por edhe bashkëpunimi ekonomik shumëplanësh mes Gjermanisë dhe Shqipërisë.
Kryetari i Grupit Parlamentar të Partisë Socialiste, Taulant Balla u prit gjithashtu me një darkë zyrtare edhe nga Sekretari i Shtetit për Drejtësinë, z. Christian Langhe.
DEKLARATA E PLOTË
Në këto dy ditë të qëndrimit në Gjermani patëm mundësi të zhvillonim takime, qoftë me përfaqësues të Bundestagut, po ashtu edhe me përfaqësues të qeverisë, sikurse ishte takimi me Sekretarin e Shtetit për Drejtësi, z. Christian Lange ku bashkëndamë gjykimin se Shqipëria tashmë është në një fazë të rëndësishme të procesit të integrimit europian pas marrjes së rekomandimit pozitiv.
Komisioni Europian rekomandoi fillimin e bisedimeve për anëtarësim mes BE, Shqipërisë dhe Maqedonisë së Veriut, bazuar në një analizë teknike të të gjithë kritereve që një vend duhet të përmbushë në rrugën e tij drejt Bashkimit Europian. Reforma në Drejtësi është kryefjala mbi të cilën bazohet argumentimi kryesor i hapit të rëndësishëm te ndarjes së Shipërisë nga tranzicioni i tejzgjatur. Reforma në Drejtësi është një garanci, jo vetëm për shtetin e së drejtës në Shqipëri, por është gjithashtu një garanci për investitorët gjermanë të cilat çdo ditë e më shumë shfaqin interes lidhur me mundësitë e investimit nga ana e tyre në Shqipëri.
Ashtu si Komisioni Europian edhe autoritetet gjermane vlerësojnë se ecuria e kësaj reforme është shumë e mirë. Një numër i madh gjyqtarësh e prokurorësh nuk e kanë kaluar procesin e vettingut, për shkak të evidentimit të problematikave që lidhen, qoftë me pastërtinë e figurës, qoftë me pasurinë apo me përgatitjen profesionale, tregon sa e rëndësishme dhe sa domethënëse ka qenë kjo reformë.
Madje, siç theksohet edhe këtu në Gjermani, ky model i një reforme të thellë duhet të merret shembull edhe nga vendet e Ballkanit Perëndimor dhe jo vetëm. Kujtoj këtu, se Reforma në Drejtësi është një investim dhe angazhim i kancelares Merkel, po ashtu edhe i qeverisë së SHBA, të cilët vazhdojnë ta ndjekin me vëmendje implementimin e kësaj reforme.
Edhe këtu nga Berlini dua ta them shumë qartë se kushdo politikan që është kundër kësaj reforme është automatikisht kundër rrugës europiane të Shqipërisë. Për fat të keq, opozita shqiptare është munduar edhe në Gjermani, të hedhë baltë mbi Shqipërinë dhe mbi rrugën europiane të saj, por unë jam i bindur që këtu kjo baltë nuk ngjit për sa kohë që vlerësimi është teknik. Ky vlerësim ka të bëjë me realizimin e këtyre reformave; Reforma në Drejtësi, apo lufta kundër krimit dhe korrupsionit njihet si rezultat pozitiv dhe progres i dukshëm nga ana e Shqipërisë.
Roli i Shqipërisë në Ballkanin Perëndimor, është një rol që Gjermania dhe Bashkimi Europian e vlerësojnë edhe për faktin se Shqipëria është i vetmi vend në Ballkanin Perëndimor që ka një politikë të jashtme në të njëjtën linjë me Gjermaninë dhe me BE-në. Një çështje dhe një fushë e rëndësishme e diskutimit ishte padyshim bashkëpunimi me Gjermaninë. Gjermania mbetet investitori kryesor në Shqipëri, me më shumë se 1 miliardë euro investime gjatë 25 viteve të fundit ku në mënyrë të veçantë do të doja të theksoja angazhimin e KfW.
Përmes KfW, Shqipëria ka përfituar një numër të madh investimesh të fokusuara në sektorë kyç të zhvillimit ekonomik e social të qëndrueshëm të vendit tonë. Bëhet fjalë për linjat e interkonjeksionit dhe linjat e shpërndarjes së energjisë elektrike, rrjetin e furnizimit me ujë të pijshëm të zonave urbane dhe rurale, po ashtu të trajtimit të ujërave të zeza apo edhe të trajtimit të mbetjeve. Një dimension tjetër është edhe angazhimi i drejtpërdrejtë i Gjermanisë në strukturat e arsimit profesional në Shqipëri.
Pra, biseda me z. Guting apo me përfaqësues të Ministrisë së Ekonomisë dhe të Financave gjermane ishte një dimension tjetër i kësaj vizite pasi Gjermania është një partner i rëndësishëm për Shqipërinë me të cilin duhet të intensifikojmë edhe më gjerë bashkëpunimin ekonomik.
Janë të shumta kompanitë gjermane që veprojnë në Shqipëri, por ne ende kemi shumë mundësi për të ofruar pasi një sektor i cili është ende i paeksploruar është sektori i turizmit ku plot kompani gjermane janë në proces diskutimi me Qeverinë Shqiptare dhe ne duhet të bëjmë çdo gjë është e mundur që të kemi sa më shumë operatorë turistikë gjermanë në Shqipëri.
Po ashtu dua të ndaj me ju faktin që gazeta më e madhe gjermane, përsa i përket edhe qasjes në politikën e jashtme, Die Welt kishte një edicion të veçantë kushtuar Shqipërisë. Në më shumë se 50 faqe kjo gazetë kishte prezantuar një Shqipëri të vërtetë, jo Shqipëria e disa mediave të cilat në mënyrë të qëllimshme mundohen t’i bëjnë dëm imazhit të Shqipërisë.
Kujtojmë se Shqipëria pret hapjen e negociatave në fund të qershorit. Për këtë gjë Balla prej disa ditësh ndodhet në Gjemrani për të zhvilluar takime të rëndësishme për të lobuar për fillimin e negociatave të Shqipërisë. Në Gjermani ndodhet dhe Lulzim Basha, i cili ka zhvilluar po ashtu takime të rëndësishme.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kandidati i Partisë “Bindja Demokratike”, Arben Skënderi ka një votuese më të rëndësishme se kushdo. Ajo është bashkëshortja e tij, psikologia e nj...
TIRANË- Deputeti i Partisë Socialiste, Ilir Ndraxhi, përmendej ditën e djeshme në përgjime e publikuara nga Bild, ku ai komunikonte me Adylajt. Në këto pë...
Tiranë- Media gjermane “Die Welt” ka publikuar një intervistë që ka zhvilluar me kryeministrin Edi Rama i cili ndër të tjera është shprehur se Shqipëria e merit...
TIRANË- Kreu i Grupit Parlamentar të LSI-së, Petrit Vasili ka hedhur sërish akuza në drejtim të kryeprokurores së përgjithshme të përkohshme, Arta Marku, d...
TIRANË– Kryeministri i Maqedonisë së Veriut Zoran Zaev, sot në Bruksel ka folur për vendimin e BE-së për nisjen e negociatave me Maqedoninë e Veriut ...
TIRANË- Deputeti i Partisë Demokratike, Lefter Maliqi ka përsëritur dhe njëherë thirrjen e tij se vendi duhet të shkojë në zgjedhje të parakohshme dhe parl...
Tiranë- Tomor Alizoti, anëtari i kryesisë së PD-së ka reaguar për përgjimet e “Bild”. Përmes një postimi në Facebook, ai shprehet se përgjimet vërtetojnë lidhj...
Korçë- Një ditë më parë kryeministri Edi Rama vizitoi banorët e Floqit dhe Qafzezës të cilët janë prekur nga lëkundjet e njëpasnjëshme të tërmetit. Rreth...
Korçë- Një ditë më parë kryeministri Edi Rama ishte në Floq të Korçës, ku zhvilloi një takim me banorët e prekur nga tërmeti. Rama shkoi tek banor...
Pas publikimit të përgjimeve për dosjen 339/1, ka reaguar Prokuroria e Krimeve të Rënda. Në një urdhër të firmosur nga dy prokurorët e dosjes Vladimir Mara dhe ...
