SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
GREQI-Ky 8 mars nuk mund të jetë i mbushur me lule, as i qetë dhe i mbushur me lumturi! Shumë shpirtra të nënave nuk jetojnë sot, ato prehen larg fëmijëve, larg familjes, larg kësaj bote që mbolli në familjet e tyre vetëm dhimbje dhe trishtim. Sot është 8 mars, dita e gruas, por gruaja sot ndodhet në një kaos dhune, rrethuar nga thika, plumba, armë, dhunë fizike e nëpërkëmbje.
Po sot Maria nuk mundi të merrte lule, ajo po pret pa frymë të mbulohet njëherë e përgjithmonë, ajo po mbulohet me dhimbjen më të madhe atë të humbjes së fëmijëve. As aty Maria nuk do të prehet e qetë, se dy engjëjt e saj u vranë nga dora e një vrasësi.
Krimi makabër në Greqi në familjen shqiptare, ku 4 anëtarë të saj u vranë barbarisht nga fqinji i tyre grek, tronditi mbare opinionin publik. Pafajësia e dy engjëjve 3 dhe 2 vjeç lëndoi zemrat e gjithë familjarëve, por edhe të gjithë publikut shqiptar e më gjerë. Fqinji i masakroi me armë zjarri edhe me mjet prerës thikë, ku vet familja jetonte dhe banonte në një nga banesat e tij. I vetmi pjesëtar që mbeti gjallë nga kjo tragjedi është fëmija 11-vjeçar i familjes i cili kishte dale për të luajtur dhe në kohën që u kthye në shtëpi gjeti dy vëllezërit e vegjël të pajetë dhe pak më tutje nënën dhe babain.
Shoku dhe trauma e 11-vjeçarit rrëfehet nga familjarë të viktimave edhe ditën e sotme. Ai kërkon dhe thërret të shohë për herë të fundit nënën, babain dhe dy vëllezërit. Familjarët rrëfejnë jetën e çiftit si dhe pohojnë se spekulimet se ekzekutimi i tyre u bë për shkak të një borxhi ndaj autorit nuk janë të vërteta. Ata pohojnë se fqinji ishte një njeri i frikshëm, racist dhe se shpesh here me shikim kërcënonte familjen. Ditën e sotme familjarë të familjes Kloçi janë rrëfyer në emisionin “Me zemër të hapur” në News24 dhe kanë hedhur dritë mbi ngjarjen si dhe treguan si është gjendja aktuale e 11-vjeçarit.
“Ajo familje kishte dy javë pa drita dhe unë di gjithçka për të. Motra ime nuk i ka pasur kurrë borxhe atij mostre që bëri këtë krim. Ajo ishte e frikësuar nga ai pasi shpesh e shikonte shumë egër. Ai shkonte iu fikte dritat. Fola në telefon me motrën një ditë më parë dhe atë ditë fola sërish. Atë ditë që ndodhi ngjarja më telefonoi babi më pyeti nëse kisha folur me Marien, menjëherë provova të lidhesha në telefon dhe nuk më dilte, atë moment babi më tha se do merrte Armandon në telefon dhe se i binte, por nuk ia hapte. Këta kishin probleme me dritat me sistemin elektrik, madje ishte thirrur një elektricist dhe kishte pohuar se duhej ndërruar gjithë sistemi. Babi po ndiqte lajmin për krimin në Greqi, por nuk po jepeshin emra dhe s’po e kuptonte nëse ishin ata, madje më njoftoi dhe mua se diçka nuk shkonte dhe po ndiente një lloj frike. Unë hapa televizorin dhe pashë një njeri të njohur që e kishim ndihmuar dhe aty unë u preva. Djali 11 vjeç që motra e kishte nga martesa e parë po kthehej nga lojërat dhe gjeti derën mbyllur dhe i pohoi shokut që do hynte nga dritarja, por kur hyri brenda ai pa vëllain të vdekur. Motra ime shpesh më pohonte se ai shikonte frikshëm dhe ishte një natyrë psikopate dhe kishin konflikte të shpeshta. Ata e telefononin shpesh sepse kërkonin ta takonin t’i kërkonin një tualet për të larë fëmijët. Atë mëngjes fola me motrën se ishin të prekur nga virusi dhe kishin shqetësim për të gjetur shtëpi. Armando kërkonte pa fund shtëpi dhe aty ku i jepej fjala të nesërmen i anulohej. Mostra ka deklaruar në polici se nuk i kanë dhënë qiranë dhe kanë pasur konflikte të shpeshta. Ai sot do shkojë në gjykatë të jepet masa, mezi po pres se çfarë do ndodhi. Motra ime para dy javësh takoi inspektoren e zonës dhe i tregoi gjithë konfliktin me pronarin e shtëpisë, por i tha se duhet t’i drejtohej gjykatës, pra nuk ia bëri të lehtë orientimin. Ai mostër i vrau në gjumë, kanë qenë duke fjetur dhe motra dhe burri dhe dy fëmijët. Djali 11 vjeç e gjeti vëllain e vogël me frymë dhe e ka marr në krahë për t’i dhënë ndihmë. Sapo e morëm vesh lajmin menjëherë menduam se ishte pronari. Ai kishte planifikuar gjithçka dhe do largohej në Dubai, ai kishte hapur gropat për t’i varrosur”, tha motra e viktimës.
Marrë nga Ballkanweb
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
SHBA– Në një sondazh të kryer së fundmi në SHBA presidenti Joe Biden shihet më shumë fajtor sesa paraardhësi i tij Donald Trump dhe se ata janë të gatshëm...
RUSI– Lideri i opozitës ruse i burgosur, Alexei Navalny ka parashikuar se vrulli kundër luftës “do të vazhdojë të rritet” në shoqërinë ruse dh...
UKRAINË– Një ditë përpara se Rusia të fillonte sulmet e saj në Ukrainë, më 24 shkurt, kryekomandant i vetëquajtur çetnik serb Bratislav Zivkov...
KINË– Presidenti kinez Xi Jinping e ka përshkruar situatën në Ukrainë si shqetësuese dhe bëri thirrje për “përmbajtje maksimale”. Ai i bë...
GJENEVË– Organizata Botërore e Shëndetësisë paralajmëroi sot se sulmet ndaj spitaleve, ambulancave dhe objekteve të tjera të kujdesit shëndetësor ukr...
ESTONI– Sekretari amerikan i shtetit Antony Blinken është takuar sot me kryeministren e Estonisë Kaja Kallas. Gjatë një konference Kallas përsëriti nevojë...
BRUKSEL– Ekzekutivi i Bashkimit Evropian planifikon të propozojë një rregull të ri për t’i lejuar ata të ndëshkojnë dezinformatat në mbarë botën, du...
UKRAINË– Presidenti urkainas Volodymyr Zelenskiy është planifikuar t’u drejtohet anëtarëve të parlamentit të Mbretërisë së Bashkuar ditën e sot...
JAPONI- Japonia ka vendosur sanksione të mëtejshme kundër Rusisë dhe Bjellorusisë për pushtimin e tyre në Ukrainë, duke ngrirë asetet e 32 zyrtarëve dhe oligark...
UKRAINË– Oleksandr Markushyn, kryebashkiaku i periferisë së Kievit, Irpin, thotë se ai ka refuzuar një kërkesë nga forcat ruse për të dorëzuar qyteti...