Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Kosova vazhdon të jetë pa Kuvend funksional, pasi deputetët kanë dështuar me dhjetëra herë ta konstituojnë Kuvendin e ri. Dështimi më i fundit ndodhi, pikërisht tre muaj pas mbajtjes së zgjedhjeve parlamentare më 9 shkurt. Dështime të tilla priten edhe në ditët në vazhdim, pasi deputetët po mblidhen çdo 48 orë, mirëpo nuk po japin asnjë rezultat.
KOSOVA- Bllokimi i vazhdueshëm i punës së Kuvendit të Kosovës po sjell pasoja serioze për ekonominë e vendit. Projektet kapitale janë ndalur, investimet po vonohen dhe besimi i investitorëve është në rënie. Aktualisht, Kosova rrezikon të humbë mbi 1 miliardë e 200 milionë euro që do të mund t’i merrte brenda këtij viti.
Kosova vazhdon të jetë pa Kuvend funksional, pasi deputetët kanë dështuar me dhjetëra herë ta konstituojnë Kuvendin e ri. Dështimi më i fundit ndodhi, pikërisht tre muaj pas mbajtjes së zgjedhjeve parlamentare më 9 shkurt. Dështime të tilla priten edhe në ditët në vazhdim, pasi deputetët po mblidhen çdo 48 orë, mirëpo nuk po japin asnjë rezultat.
Moskonstituimi i Kuvendit pas zgjedhjeve të fundit po krijon pasoja të thella dhe shumëdimensionale për vendin. Ndërkohë që vendimmarrja politike është bllokuar dhe institucionet nuk janë formuar ende, Kosova po humb mundësi të mëdha për zhvillim ekonomik, përfitim nga fondet ndërkombëtare dhe avancim drejt integrimit europian.
Ekspertë të ekonomisë dhe përfaqësues të bizneseve paralajmërojnë për dëme që mund të jenë të pakthyeshme, duke përfshirë humbjen e qindra miliona eurove nga fondet ndërkombëtare, largimin e investitorëve të huaj, si dhe rrezik për tkurrjen e prodhimit vendas dhe ikjen e kapitalit.
Në rrezik tani për tani janë rreth 900 milionë euro nga Komisioni Europian, të ndërlidhura me agjendën e reformave për zhvillim dhe integrim europian, si dhe mbi 220 milionë euro nga Korporata e Sfidave të Mijëvjeçarit (MCC), që synojnë përmirësimin e infrastrukturës energjetike dhe zhvillimin ekonomik, si dhe investime kapitale në projekte strategjike, si ai i autostradave dhe hekurudhave.
900 milionë euro të KE-së po i ikin Kosovës
Presidentja e Kosovës, Vjosa Osmani, në një konferencë për media, pas takimit me liderët e partive politike, i cili nuk prodhoi ndonjë rezultat, për të dalë nga ngërçi i moskonstituimit të Kuvendit të Kosovës, vlerësoi se pasojat kryesore nga ky zhbllokim i po pësojnë qytetarët.
Me moskonstituimin e Kuvendit të Kosovës, sipas znj. Osmani, po zvarritet në mënyrë të panevojshme procesi i disbursimit të mjeteve financiare nga Plani i Rritjes së Bashkimit Europian, ku Kosova do të duhej të përfitonte rreth 900 milionë euro.
“Dëmet e tjera përfshijnë zvarritjen e proceseve që do të çonin në anëtarësimin në organizata apo nisma të tjera, zvarritjen e ligjeve, dëmtimin e besimit të qytetarëve, dëmtimin e imazhit të shtetit tonë ndërkombëtarisht”.
Edhe deputeti i Partisë Demokratike të Kosovës, Ferat Shala, ka paralajmëruar për pasoja të rënda ekonomike që po i kanosen vendit për shkak të vonesave në konstituimin e Kuvendit dhe mungesës së formimit të qeverisë së re.
“Vonesa e konstituimit të Kuvendit të Kosovës do të reflektojë shumë në ekonomi, si rezultat i mungesës së fondeve ndërkombëtare”.
Sipas tij, vetëm nga mandati i kaluar i Qeverisë janë 300 milionë euro të bllokuara për shkak të sanksioneve, ndërkohë që është pezulluar edhe thithja e fondeve europiane në vlerë prej 800 deri në 900 milionë euro, të cilat ishin paraparë të investoheshin në infrastrukturë dhe mjedis.
“300 milionë euro janë nga mandati i kaluar i Qeverisë, të bllokuara për shkak të sanksioneve dhe pjesa tjetër, thithja e fondeve europiane që janë rreth 800-900 milionë euro, mjete që do të duhej t’i alokonim drejt infrastrukturës dhe mjedisit. Në total, ne kemi 1 miliardë e 200 milionë euro, mjete të cilat po të konstituohej Kuvendi dhe të krijohej qeveria, do të mund t’i merrnim në të mirë të vendit”.
Ai shtoi se, përveç ndikimit në projekte zhvillimore, këto fonde do të kishin reflektuar pozitivisht edhe në stabilizimin ekonomik të vendit dhe në lehtësimin e krizës së inflacionit.
Kosova, me pasoja të mëdha ekonomike
Ish-kryetari i Odës Ekonomike të Kosovës, Safet Gërxhaliu, ka paralajmëruar pasoja të rënda në shumë fusha, si rezultat i moskonstituimit të Kuvendit dhe mungesës së institucioneve funksionale në vend.
“Mungesa e krijimit të institucioneve në Parlament dhe qeveri është duke e dëmtuar Kosovën në disa dimensione. Është shqetësues efekti negativ i moskrijimit të institucioneve në aspektin politik, katastrofik në aspektin ekonomik dhe stopues në proceset integruese”.
Ai e konsideroi të papranueshme që në një kohë me zhvillime të mëdha globale, Kosova të ngecë në formimin e institucioneve.
“Në këtë dinamikë që po përcillen trendet globale, të eksperimentohet me themelimin e institucioneve është turp i madh. Vetë fakti që është pezulluar qasja në fondet për Kosovën nga Bashkimi Europian është e rëndë. Në mungesë të një dialogu publiko-privat, po dëmtohen bizneset – shto këtu edhe shtrenjtimin e rrymës për bizneset”.
Ai paralajmëroi se situata aktuale po rrezikon seriozisht të çojë në tkurrje të eksporteve, ikje të kapitalit dhe të prodhimit “Made in Kosovo”, përveç migrimit të qytetarëve.
“Është rrezik për tkurrje të eksporteve dhe për ikje, jo vetëm të qytetarëve, jo vetëm të kapitalit, por edhe të prodhimit ‘Made in Kosovo’, dhe këto do të lënë gjurmë në Kosovën”.
Edhe kryetari i Aleancës Kosovare të Bizneseve (AKB), Agim Shahini, ka ngritur shqetësime serioze për pasojat ekonomike dhe politike që po i kanosen Kosovës si rezultat i moskonstituimit të Kuvendit të ri.
“AKB e vlerëson moskonstituimin e Kuvendit të Kosovës si dëm të madh në aspekt politik dhe ekonomik, ku do të jenë të pariparueshme dhe të pakompensueshme”, – ka deklaruar z. Shahini.
Sipas tij, pa institucione funksionale nuk mund të ratifikohen një sërë marrëveshjesh ndërkombëtare, që janë kyçe për zhvillimin ekonomik dhe administrativ të vendit. Një nga humbjet më të mëdha potenciale është ndërlidhur me Fondin për Rritje Ekonomike.
“Vetëm nga Fondi për Rritje Ekonomike, ku Kosova mund të fitojë mbi 880 milionë euro, kjo bëhet e diskutueshme dhe këto mjete mund të barten në një vend tjetër.
Përveç kësaj, edhe fondet e Korporatës së Sfidave të Mijëvjeçarit (MCC), që kapin vlerën e mbi 220 milionë eurove janë në rrezik të mosrealizimit.
“Nëse i mbledhim të gjitha këto mjete, Kosova rrezikon të humbë mbi 1 miliardë e 200 milionë euro që do të mund t’i merrte brenda këtij viti, për rritje ekonomike dhe për mbështetje të ndryshme”.
Edhe kreu i Lidhjes së Bizneseve të Kosovës, Besart Dreshaj, ka ngritur alarmin për pasojat e rënda ekonomike që po i kanosen vendit për shkak të vonesave në krijimin e institucioneve pas zgjedhjeve.
Sipas tij, një ndër rreziqet më të mëdha është humbja e 900 milionë eurove nga Komisioni Europian, të cilat janë të lidhura me mosratifikimin e agjendës së reformave që do të ndihmonte Kosovën në zhvillim ekonomik dhe avancim drejt integrimit në Bashkimin Europian.
“Në rrezik janë 900 milionë nga Komisioni Europian për shkak të mosratifikimit të agjendës së reformave që do të ndihmonte në zhvillimin ekonomik dhe avancimin e integrimit në BE.
Pastaj buxheti, implementimi i projekteve, investimet e huaja, bllokimi i bordeve, mungesa e vendimmarrjes, mungesa e reformave – legjislacion dhe reforma fiskale.
Një tjetër shqetësim i ngritur nga z. Dreshaj është keqpërdorimi i agjencive të pavarura, që sipas tij, në mungesë të mbikëqyrjes institucionale, po marrin vendime të dëmshme për qytetarët dhe ekonominë.
Deri më tani, deputetët kanë kaluar vetëm dy pika të agjendës së seancës konstituive: raportin e Komisionit të përkohshëm për verifikimin e mandateve dhe atë të betimit të deputetëve.
Por, procesi ka ngecur te pika e tretë: zgjedhja e kryetarit të Kuvendit. Albulena Haxhiu e LVV-së po konsiderohet si figurë përçarëse nga dy parti parlamentare: PDK-ja dhe AAK-ja.
Këto dy subjekte kanë kërkuar që LVV-ja të nxjerrë emër tjetër për kryeparlamentar. LDK-ja ka thënë se nuk ka vota për asnjë të propozuar të LVV-së për postin e kryetarit të Kuvendit.
Propozimi për kryeparlamentar është e drejtë ekskluzive e fitueses së zgjedhjeve, LVV-së, e cila ngul këmbë se znj. Haxhiu e meriton të zgjidhet dhe, ndonëse ka kërkuar marrëveshje politike me partitë e tjera, e ka përjashtuar mundësinë të sjellë kandidat tjetër pos saj.
Pas një takimi të thirrur nga presidentja e Kosovës, Vjosa Osmani, me përfaqësues të partive politike, znj. Osmani tha se nuk pati pajtim rreth konstituimit të Kuvendit, por shtoi se kishte parë një “vullnet minimal” te liderët partiakë për të gjetur një zgjidhje për këtë çështje.
Deputetët duhet të zgjedhin kryetarin dhe pesë nënkryetarët për ta konstituuar përfundimisht Kuvendin e ri. Vetëm pas konstituimit të Kuvendit mund të formohet Qeveria e re./ Monitor
Foto nga vendi i ngjarjes LEZHA- 57-vjeçari Pjetër Kaza është vrarë me armë zjarri në fshatin Tale në L...
Foto ilustruese TIRANA- Edhe ditën e sotme vendi ynë vijon të mbetet nën mbizotërimin e masave ajrore të qëndrueshm...
binak kabashi PODGORICË- I riu që u plagos nga të shtënat me armë zjarri në Podgoricë, nuk i ka mbijetuar plagëve t...
foto ilustruese TIRANË- Një 48-vjeçar nga Bosnje-Hercegovina ka humbur jetën ditën e sotme në Tiranë. Sipas informacio...
foto ilustruese VLORË- Policia kufitare e Vlorës ka arritur të shpëtojë një person i cili ka rrezikuar të mbytet në...
dogana ne morine MORINË- Rritja e temperaturave ka sjellë sot fluks të shtuar në pikën kufitare të Morinës, të kali...
pamje nga operacioni TIRANË- Një rrjet i trafikimit të armëve të zjarrit nga Kosova në Shqipëri është ç...
pamje nga ekstradimi TIRANË- Dy persona janë ekstraduar nga Greqia dhe Italia në vendin tonë. Një 34-vjeçar u arrestua n&eu...
Rafuna KOSOVË- Kryetari i Odës Ekonomike të Kosovës, Lulzim Rafuna, u bëri thirrje institucioneve të vendit që të k...
Kulla "Barcelona" TIRANË- Kulla më e re në Tiranë do të emërtohet “Barcelona” e projektuar nga studio e njohur sp...
