Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Me anë të shkresës zyrtare, Veliaj kërkon të dijë nëse ata kanë pasur dijeni që kërkesa e tij për konstatimin e pavlefshmërisë së dekretit të emërimit të Ols Dados si Prokuror nuk është shqyrtuar nga organi kolegjial, por vetëm nga nënkryetari i institucionit, Erind Gërmenji.
TIRANË- Kryetari i Bashkisë së Tiranës, Erion Veliaj i është drejtuar me një shkresë anëtarëve të Këshillit të Lartë të Prokurorisë. Me anë të shkresës zyrtare, Veliaj kërkon të dijë nëse ata kanë pasur dijeni që kërkesa e tij për konstatimin e pavlefshmërisë së dekretit të emërimit të Ols Dados si Prokuror nuk është shqyrtuar nga organi kolegjial, por vetëm nga nënkryetari i institucionit, Erind Gërmenji.
Sipas shkresës, rezulton se lidhur me këtë çështje ka vepruar vetëm nënkryetari i KLP-së, Erind Gërmenji, i cili ka firmosur një shkresë ku deklarohet se “KLP shqyrtoi kërkesën”, ndërkohë që, sipas paditësit, nuk rezulton të ketë ekzistuar një mbledhje, shqyrtim apo vendimmarrje kolegjiale e Këshillit. Konkretisht, Kryebashkiaku i arrestuar u kërkon individualisht anëtarëve të KLP-së të deklarojnë nëse kanë qenë në dijeni të këtij fakti.
Në kërkesë argumentohet se neni 66 i ligjit “Për statusin e gjyqtarëve dhe prokurorëve” ia njeh vetëm Këshillit të Lartë të Prokurorisë kompetencën për vendimmarrje mbi përfundimin e statusit të një magjistrati. Për këtë arsye, Veliaj pretendon se shkresa e firmosur nga Gërmenji është një “akt nul”, pasi mungon një vendim kolegjial i KLP-së.
“Ndodhur në këto kushte, kërkojmë nga ana juaj të na informoni nëse keni qenë në dijeni të faktit se z. Gërmenji ka marrë në shqyrtim dhe ka vendosur personalisht lidhur me përfundimin e statusit të magjistratit të z. Ols Dado, për shkak të mospërmbushjes së kritereve ligjore për emërimin e tij, duke i hequr kompetencën Këshillit të Lartë të Prokurorisë për të marrë një vendim kolegjial mbi kërkesën tonë”, thuhet në kërkesë.
Kërkesa e Plotë:
Nga Gjykata Administrative e Shkallës së Parë Tiranë është duke u gjykuar kërkesëpadia me palë dhe objekt si në vijim: paditës: Erion Veliaj, si dhe Bashkia Tiranë; i paditur: Presidenti i Republikës së Shqipërisë, Ols Dado; si dhe Këshilli i Lartë i Prokurorisë; objekti: “1. Konstatimi i pavlefshmërinë absolute të Dekretit të Presidentit të Republikës nr. 5936, datë 17.11.2008, për emërimin e z. Ols Dado në detyrën e prokurorit të Republikës së Shqipërisë. 2. Detyrimin e KLP të marrë vendim lidhur me përfundimin e statusit të magjistratit të z. Ols Dado dhe përfundimin e menjëhershëm të ushtrimit të detyrës prej tij. 3. Ngarkimin e të paditurve me shpenzimet gjyqësore.”
Gjatë zhvillimit të këtij gjykimi, pas paraqitjes nga përfaqësuesja e Këshillit të Lartë të Prokurorisë të dokumentacionit përkatës administrativ, u evidentua një rrethanë me rëndësi të drejtpërdrejtë për mënyrën e trajtimit institucional të kërkesës sonë lidhur me konstatimin e pavlefshmërisë absolute të dekretit të emërimit të z. Ols Dado dhe deklarimin e përfundimit të statusit të tij si magjistrat. Konkretisht, nga dokumentacioni i administruar në gjykim nuk rezulton që kjo kërkesë të jetë marrë në shqyrtim nga Këshilli i Lartë i Prokurorisë si organ kolegjial kushtetues. Përkundrazi, rezulton se lidhur me këtë kërkesë ka vepruar vetëm nënkryetari i KLP-së, z. Erind Gërmenji, i cili me shkresën nr. 413/3 prot., datë 11.03.2025, na ka informuar se “KLP shqyrtoi kërkesën tonë” për konstatimin e pavlefshmërisë absolute të dekretit të emërimit të z. Ols Dado dhe për deklarimin e përfundimit të statusit të tij si magjistrat Megjithatë, nga provat e administruara në gjykim rezulton se përmbajtja e shkresës së sipërcituar nuk i korrespondon realitetit procedural të trajtimit të kësaj kërkese. Konkretisht, nuk rezulton që kërkesa jonë të jetë shqyrtuar nga Këshilli i Lartë i Prokurorisë si organ kolegjial, por vetëm nga nënkryetari i tij, z. Erind Gërmenji, i cili në këtë shkresë ka mbajtur edhe qëndrim mbi themelin e kërkesës, duke arsyetuar se nuk mund të konstatohej pavlefshmëria e pretenduar për shkak se z. Ols Dado kishte kaluar me sukses procesin e rivlerësimit kalimtar.
Ky element merr rëndësi të drejtpërdrejtë juridike në kushtet kur neni 66 i ligjit nr. 96/2016, “Për statusin e gjyqtarëve dhe prokurorëve në Republikën e Shqipërisë”, parashikon se kompetenca për vendimmarrjen lidhur me përfundimin e statusit të magjistratit i takon Këshillit të Lartë të Prokurorisë si organ kolegjial. Për rrjedhojë, në kushtet kur nga dokumentacioni i administruar në gjykim nuk rezulton ekzistenca e një shqyrtimi apo vendimmarrjeje kolegjiale të KLP-së mbi këtë kërkesë, krijohet një mospërputhje e dukshme ndërmjet përmbajtjes së shkresës së datës 11.03.2025 dhe procedurës që rezulton e ndjekur në praktikë, duke e kthyer shkresën në fjalë në një akt nul. Referuar dokumentacionit të administruar në gjykim dhe autorizimit të paraqitur në seancën e fundit gjyqësore, rezulton se përfaqësuesja e Këshillit të Lartë të Prokurorisë, zj.
Danja Hobdari, është paraqitur në gjykim pa ekzistencën e një vendimmarrjeje kolegjiale të KLP-së lidhur me këtë çështje. Në këto kushte, përfaqësimi procedural i ushtruar prej saj rezulton i mbështetur vetëm mbi shkresën e datës 11.03.2025 të nënshkruar nga nënkryetari i KLP-së dhe jo mbi një qëndrim institucional të miratuar nga organi kolegjial kushtetues apo
në emër të tij.
Kjo situatë tregon qartë se përfaqësimi në gjykim nuk mbështetet mbi një qëndrim apo vendimmarrje kolegjiale të Këshillit të Lartë të Prokurorisë, por vetëm mbi një shkresë të firmosur nga nënkryetari i tij. Për rrjedhojë, edhe qëndrimet dhe argumentet e 3 parashtruara në gjykim nga përfaqësuesja e institucionit rezultojnë të pambështetura në një mandat institucional të miratuar nga organi kolegjial kushtetues. Ndodhur në këto kushte, kërkojmë nga ana juaj të na informoni nëse keni qenë në dijeni të faktit se z. Gërmenji ka marrë në shqyrtim dhe ka vendosur personalisht lidhur me përfundimin e statusit të magjistratit të z. Ols Dado, për shkak të mospërmbushjes së kritereve ligjore për emërimin e tij, duke i hequr kompetencën Këshillit të Lartë të Prokurorisë për të marrë një vendim kolegjial mbi kërkesën tonë. Me respekt,
Erion VELIAJ Përfaqësuar nga Av. Plarent NDRECA
Ervis dhe Mustafa Martinaj TIRANË- Babai i Ervis Martinaj, Mustafa Martinaj është paraqitur ditën e sotme për her&...
TIRANË- Një skemë mashtrimi kibernetik në em e Raiffeisen Bank u ka kushtuar disa qytetarëve humbjen e të dhënave t&eu...
Foto ilustruse Sistemi gjyqësor në vend mbetet dukshëm nën standardet e Bashkimit Europian për sa i përket raportit të g...
TIRANË- Në Shqipëri, në tremujorin e parë të vitit 2026 kishte më shumë vdekje sesa lindje, sipas të dhë...
Një dhomë brenda Qendrës Korrektuese për të Mitur në Lipjan Më shumë se çdo i treti i burgosur në Kosov...
automjeti i aksidentuar VLORË- Një aksident tragjik me vdekjen e një personi ka ndodhur pak minuta më parë në afër...
Foto ilustruese TIRANË- Rreth 12.4 mijë shqiptarëve u është refuzuar hyrja në një nga vendet e Bashkimit Europian në...
Foto Ilustruese TIRANË- Vendimi i Gjykatës së Tiranës për të urdhëruar heqjen e disa artikujve që lidhen me biznes...
Foto ilustruese TIRANË- Policia e Shtetit ka finalizuar arrestimin e një shtetasi të shpallur në kërkim ndërkombëtar, me...
TIRANË- Një makinë ka marrë flakë mëngjesin e sotëm në Tiranë. Mësohet se makina që është...
