Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Kryetari i Partisë Demokratike, Sali Berisha, deklaroi se ka përfunduar procesi i institucionalizimit të forumeve drejtuese, të cilin e cilësoi si procesin më të thellë të ripërtëritjes së PD-së që nga themelimi i saj. • Gjatë bashkëbisedimit të sotëm online me qytetarët, Berisha foli për ndryshimet në strukturat drejtuese të PD-së, situatën politike në vend, protestat qytetare dhe raportin e fundit të Komisionit Evropian për Shqipërinë. • Sipas liderit të demokratëve, procesi i ripërtëritjes nuk është thjesht statistikë, por një ndryshim real në përfaqësimin dhe drejtimin e partisë. • Berisha shtoi se nga 14 sekretarë të partisë, vetëm tre janë rizgjedhur, ndërsa procesi i hapjes do të vazhdojë edhe në të ardhmen. • Në fjalën e tij, kryetari i PD-së vlerësoi edhe protestën qytetare që po zhvillohet në Tiranë, duke e cilësuar atë si një lëvizje me rëndësi historike. • Një pjesë të rëndësishme të bashkëbisedimit, lideri i opozitës ia kushtoi edhe deklaratave të ministres serbe Snezana Paunoviç. • Ai akuzoi Edi Ramën për heshtje, duke e lidhur këtë qëndrim me raportin e tij me presidentin serb Aleksandar Vuçiç. • Berisha theksoi se deklaratat e ministres serbe janë dënuar nga Komisioni Evropian, Mbretëria e Bashkuar dhe personalitete të shumta në Serbi, ndërsa sipas tij qeveria shqiptare ka zgjedhur të heshtë. • Në lidhje me raportin e Komisionit Evropian për shtetin e së drejtës në Shqipëri, kryetari i PD-së e cilësoi atë një mbështetje të rëndësishme për opozitën. • Megjithatë, sipas kryedemokratit, dialogu me partnerët ndërkombëtarë nuk mjafton. • Duke iu përgjigjur pyetjeve për emërimin e figurave të reja në institucionet drejtuese të Partisë Demokratike, Berisha deklaroi se ata nuk kanë ende nivelin e njohjes publike të drejtuesve më të vjetër, por përfaqësojnë vlera të rëndësishme. • Berisha u ndal edhe te ekonomia, duke akuzuar qeverinë se ka shkatërruar prodhimin vendas përmes fenomenit që ai e quan ‘narko-euro’. • Në fund, ai përsëriti bindjen e tij se në Shqipëri nuk mund të ketë zgjedhje të lira me Edi Ramën në pushtet.
4 artikuj për këtë temë.
TIRANË- Kryetari i Partisë Demokratike, Sali Berisha, ka reaguar ashpër ndaj denoncimeve për tjetërsimin e pronave publike në zonat turistike të Dhërmiut dhe Palasës, të cilat sipas informacioneve po u kalojnë subjekteve private për ndërtimin e vilave dhe hoteleve.
Në një bashkëbisedim me qytetarët, Berisha bëri një deklaratë të fortë politike, duke bërë të qartë se opozita nuk do të legjitimojë asnjë veprim që cënon pasuritë shtetërore dhe interesin e publikut.
"Dua t'ju informoj sot se Partia Demokratike nuk do të njohë asnjë nga këto vendime. Sigurisht që deputetët tanë dhe ne do ta denoncojmë, por siç e dini, të nderuar zotërinj, ai SPAK-un e ka shtruar në një seksion, në një organizatë të Partisë Socialiste. Ne do bëjmë detyrën tonë, por ne nuk do t'i njohim kurrë këto vendime.", shkruan Berisha./Dosja.al
TIRANË- Kryetari i Partisë Demokratike, Sali Berisha, ka hedhur akuza të ashpra ndaj kryeministrit Edi Rama, duke e cilësuar si të papranueshme heshtjen e tij përballë thirrjeve të ministres serbe, Snezhana Paunoviç, për spastrim etnik në Kosovë.
Në një bashkëbisedim me qytetarët, ku iu përgjigj një interesi lidhur me këtë qëndrim të qeverisë, Berisha e vuri theksin te fakti se deklaratat e ministres së Beogradit kanë shkaktuar një reagim të fortë ndërkombëtar, ndërsa Tirana zyrtare ka zgjedhur të mos prononcohet.
Kryedemokrati Berisha nuk kurseu epitetet ndaj kreut të qeverisë shqiptare, duke e akuzuar se po mbron interesat e Aleksandër Vuçiçit në dëm të atyre kombëtare.
"Deklaratat e ministres monstër të Beogradit, me të cilat ajo dëshmon se zgjidhja më e mirë e problemeve ndëretnike është spastrimi etnik dhe gjenocidi, kanë marrë ndëshkim ndërkombëtar.
Kanë reaguar fuqishëm Komisioni Europian në zëdhënësin e saj. Ka reaguar për hir të së vërtetës edhe komisionerja për zgjerimin, zonja Kos. Ka reaguar fuqishëm zëdhënësi i Foreign Office, Ministrisë së Jashtme Britanike.
Por kanë reaguar për hir të së vërtetës dhe dhjetëra, dhjetëra deputetë dhe personalitete në vetë Serbi. Republika e Kosovës e ka shpallur non-grata. Edi Rama dhe zëdhënësit e tij të turpit në Ministrinë e Jashtme kanë heshtur si fija e barit. Dhe jo vetëm heshtur, por Edi Rama deklaroi se nuk mund të përfshihet në histerizma sa herë një çyryk flet këto apo ato. Edi Rama është një skllav, një vasal i Vuçiçit.
Ta kuptojnë shqiptarët mirë se ç'janë këta, ç'përfaqësojnë, që nuk pranojnë dënimin e gjenocidit serb në Kosovë. Dhe tani kur ministrja e Aleksandër Vuçiçit deklaron se duhej spastruar etnikisht Kosova, Edi Rama e quajti një çyryke. Ajo është një raciste e egër antishqiptare e cila në të gjitha ligjet e botës meriton dënimet më të rënda. Por Rama është argat i Vuçiçit, armik i egër i shqiptarëve dhe çështjes së tyre.", u shpreh Berisha./Dosja.al
TIRANË- Kryetari i Partisë Demokratike, Sali Berisha, ka bërë një thirrje të hapur për të gjithë demokratët që t'i bashkohen protestës qytetare që po zhvillohet në bulevardin e Tiranës.
Gjatë deklaratës së tij, kreu i demokratëve denoncoi atë që e quajti “terrorizëm qeveritar” dhe presion të vazhdueshëm nga ana e kabinetit të Edi Ramës ndaj organizatorëve dhe pjesëmarrësve të protestës.
Duke e cilësuar këtë lëvizje si më të rëndësishmen që nga vitet ’90, Berisha i ka inkurajuar mbështetësit e PD-së që të marrin pjesë si qytetarë dhe të angazhohen për suksesin e saj.
"Gjatë kësaj jave vazhdoi me heroizëm epik protesta rinore qytetare në bulevardin e Tiranës, pavarësisht nga terrori qeveritar i Edi Ramës dhe falangave të tij të krimit ndaj eksponentëve të kësaj proteste dhe pjesëmarrësve të saj. Kryengritja paqësore e rinisë dhe qytetarëve shqiptarë vazhdoi e pamposhtur duke siguruar mbështetje të madhe ndërkombëtare. Duke shprehur edhe njëherë mbështetjen më të fuqishme për këtë lëvizje, për këtë protestë të paprecedent që nga vitet ’90 në historinë e Shqipërisë, ftoj çdo demokrate e demokrat të marrin pjesë në frymën e saj si qytetarë, të bëjnë gjithçka për suksesin e saj.", shprehet Berisha./Dosja.al
TIRANË- Kryetari i Partisë Demokratike, Sali Berisha, ka bërë një bilanc të procesit të fundit të riorganizimit të strukturave të forcës kryesore opozitare, duke e cilësuar atë si transformimin më të thellë dhe më domethënës të partisë që nga themelimi i saj.
Në një bashkëbisedim me qytetarët, Berisha vuri theksin te ndryshimi rrënjësor jo vetëm në numra, por mbi të gjitha në cilësinë dhe përfaqësimin e forumeve të reja drejtuese.
Shifra domethënëse të ripërtëritjes Sipas kreut të PD-së, procesi ka prodhuar shifra që dëshmojnë për një hapje të re të partisë ndaj kontributeve të reja, ku dy të tretat e Kryesisë së sapozgjedhur dhe tre nënkryetarë të PD-së janë zgjedhur për herë të parë në këto poste.
"Ne lamë pas një javë të veçantë, në të cilën PD përfundoi institucionalizimin e plotë të forumeve të saj. Me këtë rast, ajo çka dua t’u informoj të gjithë ju është se ky proces u zhvillua në moton e ripërtëritjes së PD dhe u them me kënaqësi, jo vetëm të ripërtëritjes në kuptimin e numrave, por edhe të proporcioneve deficitare në këtë parti.
Kështu sot në Këshillin Kombëtar të PD, 60 përqind e përbëjnë të rinjtë dhe gratë dhe ky është një proporcionim shumë i rëndësishëm për ne sepse patëm trashëguar një deformim nga i cili u ndamë përfundimisht. Dy të tretat e kryesisë së zgjedhur të PD, zgjidhen për herë të parë sikundër tre nënkryetarë të PD zgjidhen për herë të parë. Nga 14 sekretarë, vetëm 3 janë të rizgjedhur. Pra, mund t’u informoj se ky është procesi më i thellë i ripërtëritjes së PD pas themelimit të saj.
Por nga ana tjetër janë vendosur proporcione të domosdoshme të përfaqësimit në këtë parti.
Jam i bindur se kërkesa themelore për çdo qytetar dhe anëtar, mbështetës të kësaj partie ka qenë ripërtëritja.
U siguroj se në këtë proces nuk kanë ndryshuar vetëm statistikat, por PD ka shpalosur kualitete dhe vlera ndër më të shquarat. Kështu që në kilometrin e fundit të saj, ajo ka një ekip të pajisur me të gjitha aftësitë për të udhëhequr këtë parti për përmbushjen me sukses të misionit të saj.
Duhet të theksoj me këtë rast se ne jemi një parti që bazohemi tek vota e anëtarëve tanë dhe shpreh mirënjohje të thellë për të gjithë bashkëpunëtorët e mi që nuk u zgjodhën, të cilët kanë dhënë një kontribut të jashtëzakonshëm. Unë ruaj për ta vlerësimin më të lartë. Theksoj se shumë prej tyre kanë funksione të tjera shumë të rëndësishme në PD, grupin e saj parlamentar dhe misione në drejtim të reformave themelore në interes të kësaj partie dhe të vendit.
Kjo është ajo çka unë desha t’u informoj ju. Por duhet të them prapë me kënaqësi se procesi i ripërtëritjes nuk ndalet dhe nuk do ndalet. Në mënyrë të përsëritur u kisha pohuar se PD ka rreth saj personalitete të shquara, individë me vlera ekselentë në fushat e veta. Dhe jo pak prej tyre garuan me sukses në këtë proces. Por janë të tjerë të shumtë që kanë shprehur gatishmërinë dhe janë të lidhur me PD. Kanë shprehur gatishmërinë për të kontribuar, për të vënë në dispozicion të qytetarëve shqiptare, vizionit të kësaj partie, të gjithë potencialin e tyre intelektual, profesional, në Shqipëri, në Evropë dhe në botë dhe kudo që ndodhen. Për herë të parë në këtë proces ripërtëritje, u institucionalizua roli dhe vendi i diasporës. Hapa të parë të rëndësishëm janë shënuar. Një nënkryetare partie dhe një sekretar për diasporën janë zgjedhur. Përpjekje të tjera do bëhen për ridimensionimin e rolit të diasporës në jetën politike të PD dhe të Shqipërisë. Pra, për të gjithë ata të cilët kërkonin me të drejtë dhe prisnin ripërtëritje si tipar kryesor, mendoj se hapa të rëndësishme janë shënuar dhe të tjera do vijnë.", u shpreh Berisha./Dosja.al
