Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Sipas dokumenteve të një çështjeje penale federale të bërë publike të premten, Bajrami ka publikuar pamje nga kalimi i tij, ku shfaqet duke bërë lip-sync me një këngë hip-hop gjatë udhëtimit me motor uji.
SHBA- Një shtetas shqiptar, Romeo Bajrami, është akuzuar se ka përdorur një motor uji Sea-Doo të marrë me qira për të kaluar ilegalisht nga Kanadaja në Shtetet e Bashkuara, ndërsa dyshohet se ka transmetuar drejtpërdrejt në Facebook momentin e kalimit përmes lumit St. Clair. Sipas dokumenteve të një çështjeje penale federale të bërë publike të premten, Bajrami ka publikuar pamje nga kalimi i tij, ku shfaqet duke bërë lip-sync me një këngë hip-hop gjatë udhëtimit me motor uji.
Mediat e huaja bëjnë me dije se Bajrami, i cili punonte në ndërtim, u akuzua pothuajse një vit pasi policia në Sarnia të Kanadasë kishte lëshuar një urdhër arresti për moskthimin e motorit të ujit të marrë me qira nga kompania Gordon’s Watersports në gusht të vitit 2025. Sipas autoriteteve, ai arriti t’u shmangej hetuesve për afro një vit, derisa agjentët federalë zbuluan se ndodhej i ndaluar në Boston. Rasti i tij është cilësuar si një nga episodet më të pazakonta në kuadër të operacioneve të rritura kundër emigracionit të paligjshëm në SHBA.
Si nisi çështja
Hetimi daton që nga 9 gushti, kur autoritetet thonë se Bajrami mori me qira motorin e ujit dhe më pas u zhduk përgjatë lumit St. Clair. Ky lumë ofron një rrugë të shpejtë për hyrje të paligjshme në SHBA. Në disa pika ai është më pak se 400 metra i gjerë, ndërsa kalimi mund të zgjasë më pak se 10 minuta.
"Gjatë muajve të verës, trafiku i madh detar në lumin St. Clair u krijon mundësi personave që kalojnë ilegalisht kufirin të përzihen me mjetet lundruese legjitime," shkroi agjentja e Patrullës Kufitare amerikane Kelly Smiecinski në një deklaratë të depozituar në gjykatën federale.
Më 9 gusht, zyrtarët e Patrullës Kufitare morën një njoftim nga Roja Bregdetare Kanadeze se Bajrami nuk kishte kthyer mjetin e marrë me qira. Më pas u përfshi edhe Roja Bregdetare Amerikane, duke menduar fillimisht se mund të bëhej fjalë për një operacion kërkim-shpëtimi.
Pak para mesnatës, hetuesit gjetën mjetin të braktisur pranë bregut të lumit St. Clair, afër South Park Scenic Turnabout, në Port Huron. Ky vend ndodhet rreth 5 kilometra në jug të Gordon's Watersports në Sarnia. Pranë mjetit u zbulua një shteg këmbësorësh që largohej nga lumi. Hetuesit gjetën gjithashtu një jelek shpëtimi dhe një bluzë.
"Nuk më intereson, mbajini paratë"
Në Gordon's Watersports, hetuesit mësuan se Bajrami e kishte marrë mjetin me qira për një orë, por nuk e kishte kthyer, pasi kishte paguar 256 dollarë dhe kishte lënë një depozitë prej 500 dollarësh, sipas dokumenteve gjyqësore. Një punonjës i kompanisë e telefonoi për t'i kërkuar kthimin e mjetit.
"Nuk më intereson. Mbajini paratë.", u përgjigj Bajrami, sipas dokumenteve.
Më pas mbylli telefonin.
Hetuesit kontrolluan kamerat e sigurisë përgjatë lumit dhe panë një person, që besohet të ishte Bajrami, duke drejtuar mjetin më 9 gusht. Ai kishte veshur rroba me ngjyrë të errët. Pamjet e mëvonshme e tregojnë të njëjtin person duke ecur pranë vendit ku më vonë u gjet mjeti lundrues.
Nuk ishte hera e parë në SHBA
Sipas agjentes federale, kjo nuk ishte hera e parë që Bajrami hynte në Shtetet e Bashkuara. Ai kishte hyrë në SHBA në vitin 1995, së bashku me prindërit, me një vizë të përkohshme turistike. Ndërsa prindërit e tij më vonë fituan statusin e rezidentëve të përhershëm, Bajrami nuk mori kurrë leje për të qëndruar ligjërisht në vend.
Më pas ai jetoi 19 vjet jashtë SHBA-së, përfshirë një periudhë në Toronto, përpara se të hynte ilegalisht në Shtetet e Bashkuara më 9 gusht, sipas hetuesve. Gjatë qëndrimit të tij në SHBA, ai u akuzua për posedim armësh në shtetin e Massachusetts. Gjithashtu, rreth 20 vjet më parë, ishte arrestuar në Boston për posedim droge, hyrje me thyerje dhe hyrje të paautorizuar në pronë.
Ndërkohë, hetimi për rastin e fundit vazhdoi në zonën metropolitane të Detroitit. Hetuesit zbuluan një video publike në Facebook, të publikuar në muajin gusht, ku besohet se shfaqet Romeo Bajrami duke kaluar lumin St. Clair përpara se të hynte ilegalisht në Shtetet e Bashkuara.
Në video, fytyra e Bajramit shihet qartë, ashtu si edhe një mbajtëse çelësash lundruese me logon "Gordon's Watersports". Në një moment, ai bën një selfie dhe lëviz buzët në sinkron me këngën hip-hop "A.W.A" të reperëve Lacrim dhe French Montana, e cila dëgjohet nga një altoparlant. Videoja përmbante gjithashtu të dhëna gjeolokacioni, të cilat tregonin se një pjesë e saj ishte regjistruar rreth 3 kilometra në juglindje të vendit ku u gjet mjeti në Port Huron, sipas agjentes.
"Dukej se kjo video ishte regjistruar nga Bajrami gjatë hyrjes së tij të paligjshme në Shtetet e Bashkuara," shkroi ajo.
Këtë pranverë, një kontroll i historikut penal tregoi se Bajrami ndodhej i arrestuar në një burg në Boston. Si rezultat, hetuesit e Patrullës Kufitare vendosën në muajin maj një urdhër ndalimi për arsye emigracioni (immigration detainer) ndaj tij. Çështja penale, e bërë publike të premten në Detroit, e akuzon Bajramin për hyrje të paligjshme në Shtetet e Bashkuara. Nëse shpallet fajtor, ai rrezikon deri në gjashtë muaj burg. Sipas dokumenteve të gjykatës, aktualisht nuk figuron të ketë një avokat mbrojtës./Dosja.al
Gjykata e Durrësit DURRËS- Gjykata e Durrësit po zhvillon sot seancën për vlerësimin e masës së siguris&...
Gjykata e Kurorës në Liverpool ANGLI- Një 30-vjeçar shqiptar, Denis Hani, është dënuar me 14 muaj burg nga ...
Foto ilustruese DURRËS- Porti i Durrësit po përjeton një nga periudhat më të ngarkuara të sezonit veror, me mij&eum...
Aeroporti i Vlorës TIRANË- Teksa Shqipëria ndodhet nën monitorimin e ngushtë të Komisionit Europian për sundimin e ...
Foto ilustruese BRUKSEL- Gjykata belge ka dhënë vendimin ndaj anëtarëve të një rrjeti të organizuar të kultivi...
MALËSI E MADHE- Një operacion i mirëorganizuar mes Policisë së Shtetit dhe autoriteteve spanjolle ka çuar në p...
Pamje GJERMANI- Tre shtetas shqiptarë janë arrestuar gjatë një operacioni të gjerë policor në rrugën Spreedorf...
TIRANË- Një operacion i gjerë nga Policia e Tiranës, ka vënë në shënjestër disa subjekte tregtare q&eu...
TIRANË-Policia e Tiranës finalizoi operacionin “Organizatori”, duke arrestuar në flagrancë një 34-vjeçar egjiptian...
Thimjo (Sandri) Rubati SARANDË- Zbardhen detaje të reja në lidhje me atentatin e ndodhur mbrëmjen e kaluar në qytetin e Saran...
