Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ndërkohë punonjësit e medias kanë përgatitur një letër drejtuar, kryetares së Kuvendit, Lindita Nikollës, ministrit të Brendshëm, Taulant Ballad dhe drejtorit të Përgjithshëm të Gardës së Republikës, Gramos Sakos.
TIRANË- Një incident është regjistruar paraditen e sotme jashtë ambienteve të Kuvendit të Shqipërisë, ku u raportua se punonjësit e Gardës kishin bllokuar gazetarët që të kryejnë punën e tyre.
Ndërkohë punonjësit e medias kanë përgatitur një letër drejtuar, kryetares së Kuvendit, Lindita Nikollës, ministrit të Brendshëm, Taulant Ballad dhe drejtorit të Përgjithshëm të Gardës së Republikës, Gramos Sakos.
Gazetarët shprehen se punonjësit e Gardës kanë mendime të ndryshme për vendin ku duhet të rrinë gazetarët dhe kameramanët, duke urdhëruar zhvendosje të pajustifikuara. Ato shkruajnë gjithashtu se gardistë tengojnë gazetarët të marrin prononcime lirshëm dhe në lëvizje në pjesën e jashtme të godinës.
Po ashtu shprehen se pengohet hyrja në kohë e gazetarëve në Komisionet Parlamentare, duke mos na lejuar të dokumentojmë ngjarjet, qoftë këtu edhe dështimin e komisioneve apo aksionet në korridoret e Kuvendit.
LETRA E PLOTË:
Kërkesë për ndërhyrje në normalizimin e sjelljes së shërbimit të Gardës së Republikës në Kuvendin e Shqipërisë ndaj medias
Drejtuar:
Znj. Lindita NIKOLLA – Kryetare e Kuvendit të Shqipërisë
Taulant BALLA – Ministër i Brendshëm
Gramos SAKO – Drejtor i Përgjithshëm i Gardës së Republikës
Në vëmendje të:
Ambasadës së Shteteve të Bashkuara të Amerikës
Delegacionit të Bashkimit Evropian
Ambasadës së Mbretërisë së Bashkuar
Prezencës në Shqipëri të Organizatës për Siguri dhe
Bashkëpunim në Europë, OSBE
Të nderuar,
Duke ju uruar punë të mbarë, ne, Komuniteti i Reporterëve të Politikës, kërkojmë të ndajmë me ju një problematikë të hasur prej kohësh, por që së fundmi, është bërë edhe më shqetësuese dhe ka vështirësuar ushtrimin e rolit tonë gjatë zhvillimit të seancave plenare dhe mbledhjeve të komisioneve parlamentare.
Ne kemi vënë re një shtim të numrit të punonjësve të Gardës që monitorojnë oborrin e godinës ku zhvillohen seancat plenare, të cilët:
-Angazhohen për të dhënë urdhra arbitrarë ndaj punonjësve të medias, duke mos na lejuar lirshëm të bëjmë xhirime, raportime apo intervista, akte këto në kundërshtim me rregulloren e masmedias që ka Kuvendi i Shqipërisë dhe këtë e bëjnë duke ushtruar edhe forcën fizike ndaj gazetarëve dhe operatorëve.
-Punonjës të ndryshëm të Gardës kanë mendime të ndryshme për vendin ku duhet të rrinë gazetarët dhe kameramanët, duke urdhëruar zhvendosje të pajustifikuara.
-Pengojnë gazetarët të marrin prononcime lirshëm dhe në lëvizje në pjesën e jashtme të godinës.
-Pengohet hyrja në kohë e gazetarëve në Komisionet Parlamentare, duke mos na lejuar të dokumentojmë ngjarjet, qoftë këtu edhe dështimin e komisioneve apo aksionet në korridoret e Kuvendit.
Të gjitha këto, krijojnë konflikte dhe tensione të panevojshme gjatë thuajse çdo seance plenare apo të punimeve të komisioneve për të cilat vazhdimisht është vënë në dijeni zyra e shtypit e Kuvendit.
Për sa më sipër, për të shmangur keqkuptimet e mëtejshme, lutemi ndërhyrjen nga ana Juaj, për qartësimin e punonjësve të Gardës dhe të funksionarëve të Kuvendit të Shqipërisë që të garantojnë sigurinë e gjithsecilit pa cënuar punën e medias.
Ne, punonjësit e medias, hyjmë vetëm nga porta kryesore dhe i nënshtrohemi kontrollit fizik dhe automjetet edhe kontrollit të specializuar me qen.
Është fakt se në asnjë rast, nuk është krijuar ndonjë problem nga punonjësit e medias të cilët të kenë rrezikuar sigurinë e ligjvënësve.
Ndaj, në përfundim, kërkojmë:
-Lejimin e çdo operatori mediatik të qëndrojë/lëvizë lirshëm pa asnjë kufizim në të gjitha ambientet e jashtme të oborrit të godinës ku zhvillohen seancat plenare.
-Lejimin e gazetarëve të marrin intervista pa pengesa në pjesën e jashtme të godinës, pa ndërhyrjen e Gardës së Republikës.
-Lejimin e punonjësve të medias të dalin lirshëm nga të gjitha portat e institucionit, duke ruajtur të pandryshueshme hyrjen vetëm nga porta kryesore e kontrollit.
-Të ruhet një gjuhë e përmbajtur dhe jo provokuese nga punonjësit e Gardës, të cilët mund të komunikojnë me gazetarët dhe operatorët vetëm përmes zyrës së shtypit të Kuvendit.
-Të lejohen gazetarët të hyjnë në Kryesinë e Kuvendit 10 minuta përpara orarit zyrtart të njoftuar për zhvillimin e një komisionit, në mënyrë që të dëshmojmë kuorumin, dinamikat dhe arsyet e zhvillimit ose jo të një mbledhjeje të tillë.
Duke shpresuar në bashkëpunimin tuaj, ju faleminderit.
Me respekt,
Punonjësit e medias që ushtrojnë detyrën pranë Kuvendit të Shqipërisë
Ardit Bido dhe Fredi Beleri TIRANË- Ditën e sotme, është zhvilluar në gjykatën penale një seancë pajtimi mes kreut ...
foto ilustruese MALIQ- Një ngjarje jo e zakontë ka ndodhur në një fshat në Maliq të Korçës, ku sipas pretendimeve...
sendet e sekuestruara GRAMSH- Një 19-vjeçar është arrestuar nga policia në Gramsh, pasi akuzohet për disa vjedhje. Pas inf...
edison memolla TIRANË- Flora Hajredina, është emri i gjyqtares që do të vendos mbi kërkesën e Prokurorisë së P...
SPAK TIRANË-Ditën e sotme po zhvillohet seanca për Gërdecin. Sot ka dëshmuar inxhinieri, Ismet Devolli. “Kam punuar n&...
Alfred Visha GJERMANI- Ndërron jetë Alfred Visha, shqiptari i cili mbeti i plagosur nga aksidenti tragjik në një kantier ndërtimi ...
Foto ilustruese GREQI- Një tjetër rast i rëndë i abuzimit seksual me të mitur është zbuluar në Greqi. Siç ra...
bodrumi ku u gjet foshnja TIRANË- Foshnja e cila u gjet e porsalindur në parkingun nëntokësor të pallatit ditën e djeshme, ka...
Safet Gjici TIRANË- Prokuroria e Posaçme ka mbyllur hetimet për ish-kryebashkiakun e Kukësit, Safet Gjicin dhe Alma Kaçin...
TIRANË- Agjencia e Mbikëqyrjes Policore ka nisur hetimet dhe ka përcjellë në Prokurorinë e Tiranës dosjen për 4 efekti...
