"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Pas ankimit të ushtruar nga prokurorja Bala, Kolegji vendosi të kalojë çështjen për shqyrtim në seancë gjyqësore publike, me qëllim konstatimin e saktë dhe të plotë të situatës faktike që lidhet me mënyrën e pagesës së çmimit të apartamentit në pronësi të subjektit të rivlerësimit.
TIRANË - Kolegji i Posaçëm i Apelimit, KPA shpalli të enjten më 16 janar vendimmarrjen në çështjen e prokurores së Tiranës, Eriselda Bala, ankimi i së cilës u gjet i drejtë dhe u rikthye në detyrë.
KPK e shkarkoi prokuroren Bala me shumicë votash më 7 prill 2022, pasi u arsyetua se nuk ka pasur mundësi për blerjen e një apartamenti me sipërfaqe 91.09 m2 në Tiranë kundrejt çmimit 48 mijë euro, si dhe ka kryer deklarime të rremë për burimet e krijimit. Shumica e trupës së KPK konstatoi deklarime dhe shpjegime kontradiktore lidhur me mënyrën e shlyerjes së çmimit të apartamentit, që u kundërshtuan nga anëtarja në pakicë, e cila vlerësoi se subjekti arrinte nivel të besueshëm për pasurinë, ashtu si dhe për figurën e profesionalizmin.
Pas ankimit të ushtruar nga prokurorja Bala, Kolegji vendosi të kalojë çështjen për shqyrtim në seancë gjyqësore publike, me qëllim konstatimin e saktë dhe të plotë të situatës faktike që lidhet me mënyrën e pagesës së çmimit të apartamentit në pronësi të subjektit të rivlerësimit.
Kryesuesi i turpit gjykues të KPA, Sokol Çomo deklaroi gjatë shpalljes së vendimmarrjes, se pretendimet e subjektit janë gjetur të drejta dhe vendimmarrja e KPK është rrëzuar si e pabazuar. Çomo vërejti se në vendimmarrje janë trajtuar dhe shkaqet e tjera të ankimit që nuk u kaluan për shqyrtim në seancën publike.
Për një autoveturë të llojit Benz të blerë në vitin 2009 për shumën 11 mijë e 390 euro, për të cilën KPK ka konstatuar pasaktësi në deklarimet e burimeve në deklaratën Veting dhe në atë periodike, Kolegji vlerëson se këto pasaktësi janë pa ndikim në vlerësimin tërësor. Sipas KPA, pavarësisht pasaktësive, subjekti rezulton me burime financiare të ligjshme për krijimin e kësaj pasurie.
Lidhur me apartamentin në Tiranë, ndryshe nga KPK, Kolegji arrin në konkluzionin se pavarësisht mosdeklarimeve të burimeve në deklaratën periodike, nuk mund të konsiderohet si deklarim i pasaktë, pasi ato janë korrigjuar në deklaratën veting.
Konkluzionin e KPK për mënyrën e pagesave për këtë apartament, Kolegji e gjen të pambështetur në prova të mjaftueshme. Në kontratën e porosisë së vitit 2012 për apartamentin, është parashikuar se kësti i parë në shumën 8000 euro do të likuidohet menjëherë me firmosjen e kontratës; kësti i dytë 39 mijë euro në momentin e dorëzimit të çelësave dhe kësti i tretë 1000 euro me nënshkrimin e kontratës së shitjes së apartamentit. Ndërsa në kontratën e shitjes të vitit 2015 parashikohet se vlera e apartamentit 48 mijë euro është likuiduar nga ana e blerësit në favor të shitësit në llogarinë bankare të këtij të fundit.
Nga korrespondenca e Komisionit me Drejtorinë e Përgjithshme të Parandalimit të Pastrimit të Parave janë konstatuar raportime për dy transaksione bankare të kryera në emër të subjektit në qershor të vitit 2012, konkretisht dy depozitime cash në vlerat 33 mijë e 150 euro dhe 14 mijë e 850 euro për llogari të shoqërisë ndërtuese, me burim kursime familjare, njëra prej të cilave me përshkrimin “për blerje apartamenti”.
Prokurorja Bala theksoi në seancat dëgjimore se nuk ka lidhje me pagesat e kryera në qershor dhe se një hetim penal i iniciuar prej saj kishte konkluduar se nënshkrimet nuk ishin të subjektit, por ishin të falsifikuara. Sipas Kolegjit, fakti se subjekti ka kryer kallëzim penal menjëherë sapo ka mësuar për këto veprime, si dhe rrethana të tjera, mbështesin pretendimet e saj se pagesat për apartamentin janë kryer cash.
KPA çmon se të gjitha provat dhe faktet e administruara i dobësojnë dyshimet e ngritura nga KPK.
Lidhur me vërtetësinë e mandatpagesave, Kolegji thotë se ka verifikuar burimet. Subjekti ka deklaruar si burime dhurime nga prindërit dhe hua nga motra, respektivisht nga 1 milion lekë. Familjarët e subjektit sipas KPA, rezultojnë të kenë pasur depozita që janë tërhequr brenda vitit 2012 në momentin e maturimit. Kolegji e ka gjetur të besueshëm pretendimin për përdorimin e një huaje tjetër të përkohshme, që ka rezultuar me burime të ligjshme. Sipas trupit gjykues, gjurmët bankare e bëjnë të besueshëm këtë transaksion.
Po ashtu, KPA ka gjetur me burime të ligjshme depozitat e prindërve të bashkëshortit të subjektit, si dhe sjell në vëmendje se ato janë krijuar para fillimit të detyrës nga ana e saj.
Në përfundim, trupi gjykues i Kolegjit arrin në përfundimin se prokurorja Bala dhe bashkëshorti i saj kanë pasur mundësi për blerjen e apartamentit, si dhe e gjen të pabazuar konkluzionin e KPK se subjekti ka kryer deklarim të rremë të burimeve të kësaj pasurie.
Po ashtu gjendet i pabazuar konkluzioni tjetër i KPK për pasaktësi në deklarimin e huasë në vitet vijuese, duke argumentuar se kjo marrëdhënie nuk ka pasur ndonjë ndryshim e për rrjedhojë nuk mund të sjellë pasojë për subjektin.
Bazuar në këto vlerësime, Kolegji çmon se në kushtet kur prokurorja Eriselda Bala arrin nivel të besueshëm në kriterin e pasurisë, ndërkohë që për figurën e profesionalizmin ka marrë vlerësim pozitiv dhe në KPK, ajo duhet të konfirmohet në detyrë./BIRN
Foto ilustruese BULQIZË - Një aksident rrugor është regjistruar pasditen e sotme në Bulqizë, në segmentin e Rrugës ...
Ura e Drinit dhe ura e lumit Wushan Yangtze KUKËS- Ura e Madhe e Kukësit që lidh dy anët e Drinit u hap më 4 nëntor...
Anastas Janullatos ATHINË- Kryepeshkopi i Shqipërisë Anastas Janullatos vazhdon të jetë i shtruar në spital në gjendje t...
Pamje nga vendngjarja LEZHË - Një incident ka ndodhur këtë të enjte në rrugën Shëngjin - Rana e Hedhur, ku një...
Pamje nga evakuimi TIRANË - Organizata Botërore e Shëndetësisë në Shqipëri ka njoftuar se mbrëmjen e kaluar, nj&eum...
foto ilustruese ITALI- Një 32-vjeçar shqiptar ka rënë në prangat e policisë italiane, pasi ka kryer një seri pla&ccedi...
Osman Stafa TIRANË - Gazetari Osman Stafa, ka folur sërish ditën e sotme lidhur me skandalin te Onkologjiku, ku pacientët me kancer kry...
Foto ilustruese LUSHNJE - Një 35-vjeçar është arrestuar nga Policia pasi akuzohet se ka kanosur me armë zjarri një 20-vje&c...
Foto ilustruese SARANDË - Tre persona janë proceduar penalisht nga Policia në Sarandë pasi akuzohen se kanë abuzuar me varrezat e ...
Ervin Karanxha TIRANË - Kolegji i Posaçëm i Apelimit (KPA) ka konfirmuar vendimin e Komisionit të Pavarur të Kualifikimit (KPK) ...
