"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Vrasje e dyfishtë ka ndodhur në Kavajë, e gjitha në sy të një fëmije. • Pasditen e sotme, në zonën e njohur si kthesa e valutës, jashtë një lokali, 43-vjeçari Edmond (Armand) Gosa ka qëlluar me thikë Altin (Sali) Rexhën nga Kukësi. • Në momentin e sulmit, 43-vjeçari Rexha ka qenë me një fëmijë përdore. E pas sulmit me thikë ka nxjerrë armën e zjarrit dhe ka qëlluar agresorin e tij. • Pas përplasjes mes tyre, të dy kanë qenë me shenja jete, ndaj dhe janë dërguar me urgjencë në spital, por nuk u kanë mbijetuar dot plagëve të marra. • Deri më tani raporohet se sherri mes tyre ka nisur që 3 ditë më parë, por motivet nuk dihen. • Të dy viktimat, mësohet se kanë precedentë kriminalë, e po ashtu që të dy kanë ndërruar identitetin e tyre. • Ndaj dhe aktualisht, uniformat blu po vijojnë hetimet për të zbuluar shkaqet dhe rrethanat e plota të kësaj ngjarje.
11 artikuj për këtë temë.
KAVAJË- Edmond (Armand) Gosa është një prej dy 43-vjeçarëve që mbeti viktimë nga konflikti të ndodhur pasditen e kësaj të mërkure në Kavajë, ka qenë i dënuar më parë për vrasje. Raportohet se edhe më parë, 43-vjeçari kishte plagosur me kazmë edhe një person tjetër të identifikuar si Gent Gjuzi. Ky i fundit ndërroi jetë në spital si pasojë e sulmit të Gosës, ndërsa ky i fundit përfundoi në burg.
Ndërkohë që pasditen e sotme, Gosa ka "goditur" sërish, pasi sulmoi me thikë Sali Rexhën, 43-vjeçari nga Kukësi iu përgjigj duke e qëlluar me armë zjarri. Si pasojë, të dy humbën jetën.
KAVAJË- Vrasja e dyfishtë në Kajavë ka tronditur qytetin. Edmond Gosa alias Armand Gosa plagosi me thikë Altin Rexhën alias Sali Rexha, ndërsa ky i fundit reagoi duke e plagosur me armë zjarri. Si pasojë të dy ndërruan jetë, një në spitalin e Kavajës, tjetri në Durrës.
Një banor është shprehur për gazetarët se i njihte të dy viktimat.
“Si nuk jemi tronditur? Kavaja është qytet i qetë s’ka ndodhur ndonjëherë, kurrë në botë. Janë nga Kavaja, si fytyra i njohim. Të jem i sinqertë nuk di gjë a kanë pasur konflikte apo jo. Nuk di gjë fare,”- u shpreh një banor. Ndërsa një tjetër banor i zonës, që nuk ishte në vendin e ngjarjes, por më pas shkoi për të parë çfarë kishte ndodhur, tha se ngjarje të tilla janë shumë të rralla në Kavajë.
“Çfarë të them unë? Unë u befasova se u bëra kurioz se ne shqiptarët jemi pak kuriozë për çdo gjë që ndodh. Pyeta këtë djalin dhe më tha janë vrarë dy djem. U trishtova. Të ikin mosha e re kështu. Sido që të ishte puna nuk shkohet deri në atë përfundim, djem të rinj. Mund t’i njoh si fytyra, por nuk i njoh se këta janë djem të rinj besoj. Ne njohim moshën tonë në përgjithësi. I trishtuar shumë jam, Zoti i ruajtë të tjerët dhe Zoti i dhëntë forcë familjeve të tyre. Mos na ndodhin ngjarje të tilla më se qyteti jonë është qytet i qetë. Nuk ka pasur këto fenomene. E shumta një zënkë, para ’90. Kanë ardhur nga ana-anës dhe është përzier qyteti jonë,”- tha banori.
KAVAJË- Dalin fotot e dy personave që mbetën të vdekur jashtë një lokali pasditen e sotme në Kavajë. Euronews Albania ka siguruar foton e dy 43-vjeçarëve, Armand Gosa dhe Sali Rexha, që vranë njëri-tjetrin me thikë dhe me armë zjarri.
Konflikti mes tyre nisi 3 ditë më parë dhe u takuan sërish sot për t’u sqaruar. Fillimisht nisi konflikti verbal që më pas çoi në përdorimin e armës dhe thikës.
Pasi kanë ecur për disa hapa në zonën e kryqëzimit të valutave, Gosa ka qëlluar me thikë Rexhën dhe ky i fundit e ka qëlluar me armë. 43-vjeçari nga Kukësi, në momentin e vrasjes kishte për dore djalin e tij. Fatmirësisht i mituri shpëtoi pa lëndime nga përplasja mes të rriturve.
KAVAJË- Konflikti mes Edmond (Armand) Gosës dhe Altin (Sali) Rexhës ka nisur vetëm për një "pse më sheh?". Kështu pretendon një prej dëshmitarëve të vrasjes së dyfishtë, pasditen e sotme në Kavajë. Deri më tani raportohet se sherri mes tyre ka nisur 3 ditë më parë. Sot, ata u takuan sërish për t’u sqaruar, por fillimisht nisi konflikti verbal që më pas çoi në përdorimin e armës dhe thikës.
Kanë qenë pikërisht ngacmimet që Edmond Gosa ka bërë kundrejt Sali Rexhës, kanë sjellë precipitimin e konfliktit, deri në përdorimin e armëve. Megjithatë ky version është i mësuar nga burime jozyrtare, pasi Policia e Shtetit ende nuk ka dalë me një njoftim zyrtar. Edmond (Armand) Gosa njihej si një konsumues i alkoolit, ndaj dhe edhe më herët ka pasur edhe më parë konflikte me persona të tjerë.
KAVAJË- Dy persona humbën jetën pas një konflikti me armë zjarri dhe thikë, pasditen e sotme në qytetin e Kavajës. Një banor i zonës tregoi në një intervistë për "TvKlan" se viktimat ishin konfliktuar edhe disa ditë më parë për arsye banale. Sipas tij, sherri mes tyre kishte nisur për një "pse më sheh?".
Ai u shpreh se njëri nga viktimat, Altin Rexha kishte fëmijën e vogël përdore kur është konfliktuar me Altin Gosën, i cili e ka qëlluar me thikë.
PJESË NGA INTERVISTA:
Dëshmitari: Nuk e di. Problem nuk kanë pas, sherr koti. Pse hap sytë? E di që kanë pas njëherë dhe nuk kanë arrit ta mbyllin”.
Sherri ndodhi pranë shtëpisë së njërit prej viktimave apo jo?
Dëshmitari: Njëri ishte me fëmijë në dorë madje.
Cili?
Dëshmitari: Ai malësori, s’ja di emrin. Janë të ardhur. Po bisedonin, i pamë. Edhe me gocën për dore, është e vogël, edhe kërciti. Aaa e ka pasur çun. Dëgjuam krisma, ai me thikë. Njëri u shtri këtu.
Dëgjuat të shtënat?
Dëshmitari: Po moj, 4 plumba. Mirë që s’më kapi ndonjë mua. Kavajsi pati thikë, e mbyti atë me thikë. Ai tjetri me armë, film.
Kishte pistoletën me vete?
Dëshmitari: Po me vete se kishin bërë debat, kavajasi shumë i fuqishëm, ai tjetri ishte me fëmijë.
KAVAJË- Policia e Shtetit ka bërë me dije se një nga viktimat e ngjarjes së dyfishtë në Kavajë ka ndërruar emrin. Sipas Policisë, Altin Rexha e ka ndryshuar emrin dhe me dokumenta njihet si Sali Rexha.
NJOFTIMI I PLOTË:
Kavajë/Informacion shtesë
Nga verifikimet e sakta të kryera nga grupi hetimor, pas gjetjes së dokumenteve të identifikimit, shtetasi Altin Rexha e ka ndryshuar emrin dhe në dokumente e ka Sali Rexha.
KAVAJË- Policia e Shtetit ka sqaruar dinamikën e vrasjes së dyfishtë që ndodhi në orët e mbasdites te kryqëzimi i valutës.
43-vjeçari, Edmond Gosa plagosui me thikë Altin Rexhën, 43 vjeç, ndërsa më pas, ky i fundit e ka plagosur me armë zjarri. Si pasojë e plagëve të marra të dy personat e përfshirë në konflikt, kanë ndërruar jetë në spital. Grupi hetimor ndodhet në vendngjarje dhe po punon për sqarimin e rrethanave të ngjarjes.
NJOFTIMI I POLICISË:
Më datë 29.03.2023, në Kavajë, tek kryqëzimi i valutës, ka ndodhur një konflikt midis dy shtetasve, ku shtetasi Edmond Gosa 43 vjeç, ka plagosur me thikë shtetasin Altin Rexha, 43 vjeç, ndërsa ky i fundit ka plagosur me armë zjarri shtetasin Edmond Gosa.
Si pasojë e plagëve të marra të dy shtetasit e përfshirë në konflikt, kanë ndërruar jetë në spital. Grupi hetimor ndodhet në vendngjarje dhe po punon për sqarimin e rrethanave të ngjarjes. Në përfundim të veprimeve paraprake në vendngjarje, do të kemi një informacion vijues.
KAVAJË- Këto janë pamjet e para nga kryqëzimi i valutës në Kavajë, aty ku u konfliktuan dy persona e më pas ndërruan jetë. Policia dhe grupi hetimor i ka vënë shiritin lokalit ku Altin Rexha dhe Edmond Gosa u konfliktuan me njëri-tjetrin. Për fat të keq, dy 43-vjeçarët ndërruan jetë në spitale të ndryshme, njëri në atë të Durrësit e tjetrit në atë të Kavajës.
Grupi hetimor ndodhet në vendngjarje dhe po punon për sqarimin e rrethanave të ngjarjes.
KAVAJË- Zbulohen identitetet e viktimave që humbën jetën nga një përplasje në një lokal në Kavajë. Burime për Dosja.al bëjnë me dije se kanë humbur jetën Edmond Gosa, nga Kavaja dhe Altin Rexha, nga Kukësi.
KAVAJË- Një konflikt i çastit brenda një lokali ka shkaktuar 2 viktima. Burime për Dosja.al bëjnë me dije se dy persona janë konfliktuar fillimisht verbalisht me njëri-tjetrin dhe më pas janë nxjerrë armë zjarri dhe thikë. Si pasojë kanë ndërruar jetë A.R nga Kukesi dhe E.G nga Kavaja. Njëri ka ndërruar jetë në spitalin e Kavajës, e tjetri në Durrës.
KAVAJË- Thellohet bilanci i përplasjes me armë zjarri që ka ndodhur pasditen e sotme në Kavajë. Deri më tani raportohet se si pasojë e përplasjes me armë zjarri që ka ndodhur si pasojë e një konflikti të çastit, janë shënuar 2 viktima. Akoma nuk ka një njoftim nga ana e Policisë së Shtetit lidhur me çfarë ka ndodhur në ambientet e një lokali.
