Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Sipas SPAK, Shuip Cami dyshohet se ka marrë një shumë prej 3,000 euro nga i pandehuri Flamur Kurti, në këmbim të favorizimit të autorit të dyshuar të plagosjes Adrian Shahi në procedimin penal.
TIRANË- Prokuroria e Posaçme ka përfunduar hetimet dhe ka dërguar në gjyq katër persona të cilët akuzohen për kryerjen e veprës penale "Korrupsion pasiv i gjyqtarëve, prokurorëve dhe funksionarëve të tjerë në drejtësisë”.
Të pandehurit Shuip Cami, Flamur Kurti, Fluturim Bajrami dhe Aldo Puca akuzohen se i ka marrë një shtetasit një shumë prej 3 mijë euro për ta favorizuar në një procedure gjyqësore për një rast plagosjeje në vitin 2020 në Peshkopi, ku shtetasi Adrian Shahi ka goditur disa herë me thikë në pjesë të ndryshme të trupit, bashkëfshatarin e tij, Bukurosh Zagradi.
Sipas SPAK, Shuip Cami dyshohet se ka marrë një shumë prej 3,000 euro nga i pandehuri Flamur Kurti, në këmbim të favorizimit të autorit të dyshuar të plagosjes Adrian Shahi në procedimin penal.
Fluturim Bajrami dyshohet se ka dhënë 2,000 euro për të ndikuar në pajtimin mes palëve dhe zbutjen e pasojave për autorin e ngjarjes. Oficeri i policisë gjyqësore, Aldo Puca, akuzohet se ka ndërprerë përgjimet e komunikimeve të dyshuara korruptive, nuk i ka raportuar menjëherë në Prokurori dhe nuk ka identifikuar të gjithë personat e përfshirë, duke ndihmuar autorin të shmanget nga drejtësia për më shumë se një vit.
Gjithashtu Puca ka ndikuar edhe në shmangien nga përgjegjësia penale të oficerit të policisë gjyqësore, të pandehurit, Shuip Cami që përmendej qartazi në këto komunikime me përmbajtje korruptive.
NJOFTIMI I PLOTË:
Prokuroria e Posaçme Kundër Korrupsionit dhe Krimit të Organizuar, më 16 qershor 2025, ka dërguar për gjykim procedimin penal nr.178 viti 2022, në ngarkim të pandehurve:
Shuip Cami, lindur dhe banues në Dibër, i padënuar, me shtetësi dhe kombësi shqiptare, i akuzuar për veprën penale,“Korrupsion pasiv i gjyqtarëve, prokurorëve dhe funksionarëve të tjerë në drejtësisë”, parashikuar nga neni 319/ç i Kodit Penal.
Flamur Kurti, lindur në Dibër, fshati Staravec dhe banues në Tiranë, i dënuar, me shtetësi dhe kombësi shqiptare, i akuzuar për veprën penale “Korrupsion aktiv i gjyqtarëve, prokurorëve dhe funksionarëve të tjerë në drejtësisë”, parashikuar nga neni 319 i Kodit Penal.
Fluturim Bajrami, lindur në Dibër dhe banues në Itali, Rexhio Emilia, me shtetësi italiane dhe kombësi shqiptare, i padënuar, i akuzuar për veprën penale “Korrupsion aktiv ndaj personave që ushtrojnë funksione publike”, parashikuar nga neni 244, i Kodit Penal (para ndryshimeve të bëra me ligjin nr. 43/2021)
Aldo Puca, lindur dhe banues në Dibër, i padënuar, me shtetësi dhe kombësi shqiptare, i akuzuar për veprën penale, “Shpërdorim i detyrës”, parashikuar nga 248 i Kodit Penal.
Procedimi penal nr. 178 të vitit 2022 është regjistruar në Prokurorinë e Posaçme për veprat penale,“Korrupsion aktiv i personave që ushtrojnë funksione publike”, “Korrupsion aktiv i gjyqtarëve, prokurorëve dhe funksionarëve të tjerë në drejtësisë”, “Korrupsion pasiv i gjyqtarëve, prokurorëve dhe funksionarëve të tjerë në drejtësisë”, “Shpërdorim detyre”, parashikuar nga nenet 244, 319, 319/ç e 248 të Kodit Penal.
Ky procedim ka objekt hetimi/akuze veprimet e të pandehurve: Shuip Cami, Flamur Kurti, Fluturim Bajrami dhe Aldo Puca në lidhje me procedimin penal, nr.9/2020 të Prokurorisë pranë Gjykatës së Shkallës së Parë të Juridiksionit të Përgjithshëm, Dibër, ndaj shtetasit Adrian Shahi, për një ngjarjen kriminale, e cila daton më 9.01.2020. Në këtë ditë, rreth orës 13:15, në qytetin e Peshkopisë, shtetasi Adrian Shahi ka goditur disa herë me thikë në pjesë të ndryshme të trupit, bashkëfshatarin e tij, Bukurosh Zagradi.
Për këtë ngjarje, Prokuroria pranë Gjykatës së Shkallës së Parë të Juridiksionit të Përgjithshem, Dibër ka regjistruar procedimin penal nr.09, datë 09.01.2020 për veprën penale “Vrasja me dashje”, e mbetur në tentativë, e parashikuar nga nenet 76 dhe 22 të Kodit Penal, në ngarkim të shtetasit Adrian Shahi. Në fazën e hetimeve paraprake të këtij procedimi, veprimet hetimore janë kryer nga oficerët e policisë gjyqësore të Prokurorisë pranë Gjykatës së Shkallës së Parë, Dibër, të pandehurit Shuip Cami dhe Aldo Puca.
Nga analiza e akteve dhe provave të administruara gjatë hetimeve të kryera për procedimin penal nr. 178 viti 2022, rezulton e provuar se i pandehuri, Shuip Cami, në cilësinë e oficerit të policisë gjyqësore të Komisariatit të Policisë, Dibër (njëkohësisht oficeri që ka kryer veprimet e para dhe ka referuar cështjen penale në Prokurori), i ka kërkuar dhe marrë të pandehurit, Flamur Kurti (i njohur i shtetasit Adrian Shahi) shumën monetare prej 3,000 (tre mijë) euro në këmbim të premtimit të dhënë për favorizimin e pozitës procedurale të shtetasit, Adrian Shahi në çështjen penale në ngarkim të këtij të fundit, konkretisht procedimit penal nr.9/2020 të Prokurorisë, Dibër.
Për të pandehurin, Fluturim Bajrami (lidhje krushqie e shtetasit Adrian Shahi) rezulton e provuar se i ka dhënë të ndjerit, Qemal Vranezi, në cilësinë e Specialistit të Policisë, SPZ pranë Komisariatit të Policisë, Dibër, shumën prej 2000 eurosh në mënyrë, që të bëhej i mundur pajtimi mes Adrian Shahut dhe Bukurosh Zagradit, duke u favorizuar në këtë mënyrë autorin e ngjarjes.
Për të pandehurin, Aldo Puca, në cilësinë e oficerit të policisë gjyqësore të Prokurorisë Pranë Gjykatës së Shkallës së Parë të Juridiksionit të Përgjithshëm, Dibër, njëkohësisht i ngarkuar me hetimin e çështjes penale në ngarkim të shtetasit, Adrian Shahi si edhe me ndjekjen e përgjimeve të komunikimeve dhe duke qenë në dijeni të komunikimeve telefonike dhe transkiptimeve të tyre, me përmbajtje korruptive, ka manifestuar sjellje të kundërligjshme dhe jo në përmbushje të detyrës së tij ligjore si; ndërprerja e përgjimit të komunikimeve te shtetasit, Adrian Shahi; mosreferimin e komunikimeve me përmbajtje korruptive në Prokurorinë kompetente, por vetëm dy vite më vonë dhe jo me iniciativën e tij në përmbushje të detyrës së tij ligjore por vetëm pasi viktima e veprës penale, Bukurosh Zagradi ka shprehur pakënaqësi për këtë fakt të kundërligjshëm në Gjykatën e Dibrës; mosreferimi i të gjitha komunikimeve me përmbajtje korruptive si dhe mosidentifikimi i personave të dyshuar për kryerjen e akteve korruptive edhe pse kishte komunikime të qarta, për këtë fakt të kundërligjshëm, veprime këto të kryera nga i pandehuri me qëllim favorizimin e autorin e ngjarjes, Adrian Shahi, (me ndërprerjen e përgjimit ka mundur t’i shmanget drejtësisë për më shumë se një vit në arrati) si edhe shmangien nga përgjegjësia penale të oficerit të policisë gjyqësore, të pandehurit, Shuip Cami që përmendej qartazi në këto komunikime me përmbajtje korruptive.
autori BERAT- Vendgrumbullimi i mbetjeve në fshatin Moravë të Beratit është përfshirë nga flakët paraditen e sotme...
Foto TIRANË- Gjatë vitit të kaluar, 27 biznese me mbi 50 punonjës u mbyllën ose ranë poshtë pragut të punësimi...
zjarri SHKODËR- Tre kontenierë për banim në Shkodër janë përfshirë paraditen e sotme nga zjarri. Ngjarja ka ndodhur...
foto ilustruese TIRANË- Gjykata e Posaçme ka dhënë dënimin me burg për Jusel Micin dhe Mendim Domin, të cilët aku...
Pulla postare KOSOVË- Posta e Kosovës në bashkëpunim me Ministrinë e Mjedisit, Planifikimit Hapësinor dhe Infrastrukturë...
TIRANË- Gjykata e Posaçme ka shtyrë për në 2 korrik, seancën në ngarkim të ish-kryebashkiakut të Himarës, ...
pamje te armeve dhe municionit VLORË- Dy armë zjarri automatik dhe municion luftarak janë gjetur të fshehura në murin e një n...
Foto ilustruese LUSHNJE- Një 43-vjeçar është vënë në pranga nga policia në Lushnje. I arrestuari mësohet se ...
foto ilustruese MALIQ- Një ngjarje e rëndë ka ndodhur në Maliq të Korçës. Një 60-vjeçar është ar...
Foto FIER- Pas më shumë se një viti nga vrasja e të riut Grei Bihuci, Prokuroria e Fierit ka mbyllur hetimet për autorët e vr...
