Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Çuditërisht, në datat kur ka qenë jashtë, ai “figuron” në dokumente në Portin e Vlorës, duke nxjerrë nga territori i doganës kamionë me mallra. Janë mbi 2 mijë praktika doganore me këto veprime që ka konstatuar Fiksi se janë me probleme.
TIRANË- Fiks Fare denoncoi mbrëmjen e së hënës një skandal në Doganën e Portit të Vlorës, ku përgjegjësi Renato Bega vepronte në sistem edhe kur ishte fizikisht jashtë territorit të Republikës së Shqipërisë.
Çuditërisht, në datat kur ka qenë jashtë, ai “figuron” në dokumente në Portin e Vlorës, duke nxjerrë nga territori i doganës kamionë me mallra. Janë mbi 2 mijë praktika doganore me këto veprime që ka konstatuar Fiksi se janë me probleme.
Në redaksinë e emisionit investigativ mbërritën informacione shoqëruar edhe me dokumente se Renato Bega ka bërë me dhjetëra udhëtime jashtë vendit, teksa ai “punonte” duke çliruar mallin në Portin e Vlorës. Emri i tij është në dhjetëra praktika të tilla.
“Nga të dhënat e Doganës duket ora dhe data si dhe subjekti çliruar. Më pas edhe emri i përgjegjësit të doganës Renato Bega, i cili jep ok përfundimtar që malli të dalë nga territori doganor. Është shumë e rëndë në Doganë, Tatime dhe Polici lënia e fjalëkalimit të tretëve. Në Drejtorinë e Përgjithshme të Doganave mbahet e fshehur sado që janë në dijeni, sepse është skandal dhe s’ka ndodhur kurrë më parë” ishte njëra ankesë.
Informacioni që mbërriti në redaksinë e Fiksit fliste se ky person i linte dikujt, një punonjësi tjetër, fjalëkalimin dhe të dhënat e tij, ku personi tjetër bënte çlirimin e mallit. “Lenia e fjalëkalimit është shumë e rëndë. Janë bërë kallëzimet në prokurori, te antikorrupsioni dhe te Drejtoria e Përgjithshme e Doganave dhe në heshtje. Janë pushuar dhe transferuar doganierë, të cilët mendohet që kanë bërë kallëzimet” ishte një tjetër ankesë.
Sipas punonjësve të tjerë të Doganës së Vlorës, në dijeni të të gjithave është dhe drejtori Artan Bedini. “Tani që u bë e madhe, kur ai ikën jashtë, cakton Fatmir Feratin në vend të Renato Begës. Ky zotëria Renato Bega na bënte dhe grafikun javor, kur vetë nuk ndodhej në Shqipëri” vijon ankesa.
Fiksi ka siguruar dhjetëra praktika doganore j, të cilat kanë edhe datat e çlirimit të mallit. Njëra prej tyre është krijuar në datën 6 gusht 2024. Janë bërë disa veprime. Përgjegjësi i doganës, Renato Bega, ka shënuar “paguar”. Që do të thotë; pasi ky përgjegjës bën këtë shënim në këtë praktikë, malli del nga territori i doganës.
Por, në një dokument tjetër, që janë hyrje-daljet e z. Reanto Bega nga territori i Republikës së Shqipërisë, përgjegjësi nuk ka qenë në Shqipëri. Por, në Itali!
Një tjetër praktikë që analizoi Fiksi ishte e datës 27 maj 2024. Në dokument ishte emri i Renato Begës, por edhe në këtë datë, ai ishte në Itali. Praktika e radhës ishte e datës 1 prill 2024. Përgjegjësi ka shkruar “paguar”. Ndërkohë, edhe në këtë datë ai ishte jashtë Shqipërisë. Praktika të tjera janë në datat 21 mars dhe 10 janar po në 2024. Edhe në këto data ka qenë jashtë fizikisht, por në “veprim” në Portin e Vlorës.
Fiksi ka siguruar edhe praktika doganore të vitit 2023, të dala nga Dogana në Portin e Vlorës. Një e tillë ishte e datës 13 dhjetor 2023. Një tjetër e datës 8 nëntor, apo e datës 25 tetor. Në të gjitha këto data, përgjegjësi ka qenë jashtë Shqipërisë!
Në total, vetëm të dokumentuara, ai ka dalë nga Shqipëria mbi 15 herë nga 3 ditë. Në 45 ditët që ka qenë jashtë territorit të Republikës së Shqipërisë, me emrin e tij janë të paktën 2000 praktika zhdoganimi (mesatarisht 50 në ditë), të cilat janë pranuar nga ky nëpunës shteti.
Pas informacionit, Fiks Fare udhëtoi në Portin e Vlorës, për t’a pyetur përgjegjësin e Doganës Renato Bega si dhe drejtorin e Doganës së Vlorës Artan Bedini. Në hyrje të godinës, gazetarët takojnë Renaton, teksa ai thotë se “ju prisja, pasi më kanë bërë denoncim edhe në prokurori”.
Më tej shton se do të japë shpjegime, po në zyrën e drejtorit Artan Bedini. Fiksi shkon në atë zyrë, ku takojnë drejtorin. Bedini pranon se Renato ka ikur jashtë, por s’ia ka lënë askujt fjalëkalimin dhe të dhënat. Sipas tij, ai ka sistemin e doganës në telefon dhe ka bërë veprime duke çliruar mallin edhe gjatë kohës që ishte jashtë Shqipërisë. Edhe Renato pranon se ka ikur jashtë Shqipërisë, por ka ikur për kurim pasi ka një sëmundje.
Fiksi i bën me dije se, arsyeja që kanë shkuar është për shkak se gjatë kohës që Renato ishte jashtë Shqipërisë, çlironte mallin në Portin e Vlorës. Ata e pranojnë se ka ndodhur diçka e tillë, por sipas tyre “Renato punon 30 ditë dhe ai s’ka një zëvendësues dhe se vetëm ai mund ta bëjë diçka të tillë”. Fiksi i pyet nëse lejohet apo jo që diçka e tillë të ndodhi, na thonë se “jo, por këto janë kushtet”.
Sipas tyre, përgjegjësi s’duhet të jetë fizikisht në Portin e Vlorës, pasi ia ka detyrë vetëm që të shtyp një buton. Më pas, Renato dërgon grupin e Fiks Fare te sistemi dhe thotë se këtë program e ka edhe në telefon. Madje, kështu ka vepruar edhe kur ka ikur jashtë Shqipërisë.
***
Ballafaqimi mes Fiks Fare, përgjegjësit Renato Bega dhe drejtorit Artan Bedini
Përgjegjësi – Tani ideja është kjo se unë vuaj nga një sëmundje. Edhe në vitin 2022, 2023 edhe sot që flasim unë iki njëherë në 3 muaj, njëherë në 2 muaj varet në varësi të diagnozës. Kam ikur jashtë shtetit, u detyrova të iki në Itali. Tani kush më ka mbajtur shënim ndonjë nga, e ke vetë parasysh vetë se si funksionon.
Gazetari – Jo, jo ne na kanë sjellë dokumente …
Përgjegjësi – E di, e di se më kanë thirrur edhe në prokurori për këtë histori.
Gazetari – Nuk e di! Ne na kanë sjellë dokumentet, datat …
Përgjegjësi – TIMS-i
Gazetari – Janë mbi 30 data.
Përgjegjësi – E di.
Gazetari – Që janë bërë praktika doganore, janë bërë në Portin e Vlorës, ndërkohë që ti rezultoje në Itali.
Përgjegjësi – Po pra!
Gazetari – Janë bërë në emrin tënd!
Përgjegjësi – Tani praktikat nuk i bëj unë, unë thjesht jam urdhër çlirimi pasi jam përgjegjës sektori. Unë nuk bëj kontroll fizik.
Gazetari – Po, ok. Në çdo praktikë, kalon njëherë në kontroll fizik, kalojnë njëherë dokumentet dhe pastaj ti bën urdhrin …
Përgjegjësi – Urdhrin e çlirimit.
Drejtori – Unë ta tregoj se çfarë është fiks procedura dhe çfarë bën fiks në rastin konkret. Është një procedurë që s’ka lidhje as me kontrollin fizik dhe as me të qenit fizikisht në vend! Në qoftë se atij i vjen kamioni edhe veprimet i bën me celular nga kamioni dhe këtu ajo që përfiton është se i jep subjektit më shumë kohë që të iki 3 minuta më shpejt. 5 minuta më shpejt. Distanca nuk është në këtë rast problem sigurime. Distanca është koha e përpunimit dhe e lëshimit të mjetit nga procedura doganore ta ulësh sa më shumë të jetë e mundur.
Gazetari – Në këto data, që ke dhënë aprovimin tënd për të dalë malli, ke qenë jashtë! Kjo është ideja?!
Përgjegjësi – Po pra po.
Drejtori – Edhe kur është në shtëpi.
Përgjegjësi – Edhe kur jam në shtëpi, edhe kur jam … Se unë jam një përgjegjës turni për 24 orë se s’kam asnjë ditë pushimi.
Gazetari – Ti je përgjegjës turni?
Përgjegjësi – Unë jam përgjegjës turni dhe 1 përgjegjës ka Dogana e Vlorës.
Gazetari – Po mirë, edhe kur je në Itali ti mund të bësh atë zhbllokimin e mallit?!
Përgjegjësi – Po ç’a do të bëj, se ideja është se kam ikur 1 ditë e kupton. Tani s’do të marr leje 1 ditë.
Gazetari – Po.
Përgjegjësi – Kam qenë edhe në prokurori, kam dhënë të gjitha shpjegimet.
Gazetari – Nuk e di që ke qenë në prokurori.
Përgjegjësi – Jo, jo po të sqaroj.
Gazetari – Ajo që ne erdhëm këtu, sepse ne nuk vijmë pa u verifikuar informacioni …
Përgjegjësi – Po pra, ai që t’i ka nisur e ka lehtësisht të verifikueshme dhe unë kam qenë jashtë shtetit! Dhe në shumicën …
Gazetari – Ajo është e verifikueshme që ti ke qenë jashtë shtetit, ndërkohë që ti ke çliruar.
Përgjegjësi – Në shumicën e datave ka qenë ose ditë pushimi, ose ditë që s’ka pasur traget.
Gazetari – Po ndërkohë që emri jot figuron këtu që ke çliruar!
Përgjegjësi – Po s’kam një tjetër pra, se s’është se kam ikur 1 javë dhe ok s’kam marrë lejë.
Drejtori – Ai është në praktikë që figuron që çliron.
Gazetari – Pa qenë prezent?!
Përgjegjësi – Pa qenë tani se puna do bërë, është operative e kupton.
Gazetari – Ok, po në qoftë se nuk je këtu je në shtëpi, je në Itali, je në Gjermani.
Përgjegjësi – Nuk jam, nuk jam se si të jem unë …
Drejtori – Është një çlirim në sistem.
Gazetari – E kuptoj. Kjo bëhet nëpërmjet telefonit, se ajo me sa di është pasëord në kompjuter apo jo?
Përgjegjësi – Po pra, është një sistem PTL edhe atë e kam përdorur dhe me e-deskun e kupton. E lush e-deskun në telefon dhe më dalin të gjitha ato.
Gazetari – Tani ne na thanë që ti i ke dhënë pasëordin dikujt këtu?!
Përgjegjësi – Po lerë, është tjetër histori ajo.
Gazetari – Po na thanë dhe emrin.
Përgjegjësi – Po pra po, Fatmir Feratin e di, e di. S’është kjo, kjo është kot.
Gazetari – Po kjo është e ligjshme që mund të funksionojë në këtë mënyrë?
Përgjegjësi – Si?
Gazetari – E zëmë Renato ndodhet në Itali.
Përgjegjësi – Tani po flasim për kushte.
Gazetari – Po flasim për kushtet e një institucioni Renato. Dakord, e heqim anën njerëzore që ti thua shkoj për kurim. Nga ana njerëzore të jap të drejtë, ke kurim, merr leje te secili.
Përgjegjësi – Nuk marr leje. Po të them se s’kam marrë leje se ky është problemi. Se s’kam marrë leje.
Gazetari – Asnjëherë?
Përgjegjësi – Për faktin se kam ikur 1 apo 2 ditë.
Gazetari – S’ke marrë leje?
Përgjegjësi – S’kam marrë leje se ç’a leje të marr se unë jam të dielën për të hënën në punë. Që të marrësh leje duhet të bësh. Kryetari duhet …
Drejtori – Duhet t’i japë akses një personi.
Përgjegjësi – Të hapë aksesin, vonon 2 ditë e kupton.
Gazetari – Kjo nuk bën fjalë për kalim malli nga një magazinë, kjo bën fjalë për kalim malli në doganë. Ky është port, është i sigurisë …
Përgjegjësi – Malli …
Gazetari – Ky është Port i Sigurisë.
Përgjegjësi – Po mirë si e ka interpretuar ai.
Gazetari – Jo është ajo që shohim ne, kjo është Siguri Kombëtare në radhë të parë.
Drejtori – Nuk ka lidhje me sigurinë, po fare, fare!
Gazetari – Po mirë, është e ligjshme që Renato kushdo që të jetë, Sokoli që unë punoj në doganë dhe unë rezulton në Gjermani, në Itali, në Angli dhe unë bëj …
Drejtori – E di kush është e paligjshmja, do të ishte e paligjshme në qoftë se Renatoja duke qenë jashtë shtetit paguhet në Shqipëri me orë shtesë. Paguhet me ditë pune shtesë nga ato që i takojnë.
Gazetari – Dhe ato ditët e punës i paguhen atij, përderisa s’ka marrë leje paguhet ai.
Drejtori – Kjo është e bukura e kësaj se ai punon 30 ditë në muaj dhe i paguhen 22 ditë.
Përgjegjësi – 22 ditë e kupton.
Drejtori – Ka një shef turni vetëm, asnjë. Një ka Dogana e Vlorës.
Gazetari – Ti i ke mbyllur nga telefoni?
Përgjegjësi – Jo i kam mbyllur në punë vëlla. Jam këtu unë, e kupton.
Gazetari – Po kur ke qenë jashtë?
Përgjegjësi – Po kur kam ikur jashtë bëhet fjalë për 2 vjet.
Gazetari – Jo janë 50 data …
Përgjegjësi – Për cilat data? Për cilin vit?
Gazetari – 2024, 2023 dhe më para. Para 2024-ës, muaji gusht.
Përgjegjësi – 2023-2024.
Gazetari – Po kjo nuk është cënim se Renato është në Itali, është në Francë se nuk e di se ku ke shkuar.
Drejtori – Për çfarë?
Gazetari – Është Port!
Drejtori – Renato s’është roje i sigurisë së Portit.
Gazetari – E di që nuk është roje, është përgjegjës i Doganës.
Drejtori – Renato ka të bëjë me aktin përfundimtar të prodhimit të një dokumenti administrativ, vetëm çlirimi.
Shkojmë të shohim një praktikë doganore!
Përgjegjësi – Këtu është bërë agjencia.
Gazetari – Po.
Përgjegjësi – Është hedhur nga doganieri i kontrollit fizik, është mbyllur nga përgjegjësi i vlerës dhe unë kryej vetëm këtë operacion “urdhër çlirimi” kaq.
Gazetari – Këtë kompjuter ti e ke dhe në telefon?
Përgjegjësi – Po.
Gazetari – Dhe ti me këtë telefon futesh kudo që të jesh ti futesh te kompjuteri i punës?
Përgjegjësi – Po pra. Edhe unë e kam bërë nga halli, në kuptimin … E kupton çfarë ka ndodhur!/Top Channel
Foto ilustruese DURRËS- Një aksident i rëndë është regjistruar para pak minutash në aksin rrugor Kullë-Manëz. ...
Kongresi DURRËS- Kongresi i Parë Ndërkombëtar i Mjekësisë Veterinare Shqiptare i organizuar nga Urdhri Profesional i Mjekut V...
Ardian Nikulaj TIRANË- Një shqiptari me pasaportë britanike dhe katër shtetasve britanikë, të akuzuar nën dyshim se u p&...
KOSOVË- Tri ditë pas arrestimit të një gruaje me inicialet J.GJ. nga komuniteti serb në veri të Kosovës për "spiunazh"...
foto ilustruese KOSOVË- Komisioni Qendror i Zgjedhjeve (KQZ) në Kosovë ka bërë të ditur se pas numërimit të mbi 77 ...
Pamje nga vendi i ngjarjes DURRËS- Një aksident i rëndë është regjistruar në një ndërtesë në ndë...
ilirjan celibashi TIRANË- Në Shqipëri, regjistrimi i votuesve nga jashtë vendit, një proces që kryhet për herë t&e...
foto ilustruese ITALI- Dy binjakë shqiptarë janë lënë në burg nga autoritetet italiane pasi u arrestuan si pasojë e dhun...
Foto TIRANË- Shërbimi veterinar ka vendosur një fermë në karantinë në fshati Maliq Muҫo pas njoftimit të ...
Viktima dhe autori i dyshuar TIRANË- Detaje të reja kanë dalë në dritë në lidhje me vrasjen e 24-vjeçares palesti...
