Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Sipas medias rumune, shqiptarët janë përdorur nga persona të tjerë, të cilët janë edhe përfituesit e vërtetë, skemë kjo e ngritur për të fshehur gjurmët, madje kanë ndihmë dhe mbështetje nga zyrtarë të lartë rumunë.
RUMANI- Një zbulim i mediave rumune, ka sjellë në Lezhë disa investigues. 'Stirileprotv.ro' shkruan se po investigojnë dhjetëra kompania rumune fantazmë, të cilat dyshohet se kanë mashtruar shtetin rumun duke përfituar miliona euro përmes TVSH-së.
Gazetari rumun Kozmin Savu, ka mbërritur në Lezhë, pasi dyshon se këto kompani fiktive janë në emër të disa shqiptarëve, të cilët dyshohet se ndodhen në Lezhë. Sipas tyre, shqiptarët janë përdorur nga persona të tjerë, të cilët janë edhe përfituesit e vërtetë, skemë kjo e ngritur për të fshehur gjurmët, madje kanë ndihmë dhe mbështetje nga zyrtarë të lartë rumunë.
Gazetari Savu thotë se ka ardhur në Shqipëri në kërkim të këtij rrjeti që ka përfituar nga dobësia e shtetit rumun, duke lënë shumë para të munguara në buxhetin e shtetit të Rumanisë.
Savu thotë se kanë kërkuar kompani të dyshuara për mospagim të taksave, pastrimit të parave nga krimi, apo thjesht mashtrimit të kompanive, bankave apo kompanive të tjera private. Sipas këtij gazetari investigativ, më pas këto kompani fantazmë janë vënë në emër të shqiptarëve që përfituesit kryesorë të humbisnin gjurmët.
Në dokumentet që ka investiguar Savu, thotë se në emër shqiptarëve u gjetën më shumë se 60 kompani dhe mënyra se si funksionon ky grup tregon se ka edhe shumë më tepër kompani. Në dokumentet e panumërta të kompanive fiktive, ekipi i emisionit rumun arritur të zbulojë të paktën 26 shtetas shqiptarë që rezultojnë si pronarë. Ata janë bërë pronarë dhe administratorë të kompanive me një histori të dyshimtë në Rumani.
Ai mbërrin në Kallmetin e Madh, aty takon Zefin, një prej pronarëve të kompanisë rumune.
Gazetari: “Unë jam nga një televizion rumun, nga emisioni “Romania, të dua”. Ke qenë ndonjëherë në Rumani?
Shqiptari: Kam qenë një herë në Bukuresht.
Gazetari: -Kur?
Shqiptari– 7-8 vjet më parë
Gazetari: – Keni blerë ndonjë kompani?
Shqiptari– Nuk bëra gjë tjetër veçse isha si turist, qëndrova në hotelin Rin Grand.
Gazetari: – Sa persona ishit?
Shqiptari– Dy miq. Unë dhe dikush tjetër.
Gazetari: -A e dini që keni 9 kompani në Rumani?
Shqiptari-Unë? Unë nuk kam kompani në Rumani, miku im.
Nëntë kompani. Dhe të gjithë kanë probleme atje”.
Gazetari thotë se Zefi është në brendësi të skemës, ai e di se çfarë ka ndodhur, apo si është përdorur emri i tij, megjithatë ka frikë të tregojë.
“Duket qartë se Zefi ka frikë të na tregojë se si përfundoi në Rumani. Në prill të vitit 2012, së bashku me një shqiptar tjetër nga Lezha, Briken Gazzuli, ata u bënë pronarë të kompanive me borxhe ndaj kompanive të tjera, ose të përfshira në çështje me krime tatimore disa milionë lekë. Hilman Grup, për shembull, ka detyrime të papaguara ndaj shtetit disa milionë dhe gjithashtu u shfaq në një dosje të ADN-së nga viti 2013 për një grup të organizuar kriminal. Zefi e di se çfarë ka ndodhur. Po të kishte qenë ai përfituesi i atyre kompanive, Zef duhet të ishte milioner deri tani”, shprehet gazetari rumun.
Gazetari thotë se skema e mashtrimit me TVSH, dhe kompanitë me borxhe është bërë me përfshirjen e zyrtarëve të lartë rumunë.
“Komuna Gornet në Prahovë mund të binjakëzohej me Lezhën në Shqipëri. Të paktën nga pikëpamja e biznesit. Disa qytetarë nga këtu kanë ngritur kompani në Bukuresht dhe Ilfov, për t’ua dhënë dhënë shqiptarëve. Kompania FRM TRANS iu transferua Zefit dhe mikut të tij shqiptar nga Nicolae-Vasile Laurentiu nga Gorneti i Prahovës. Ai ishte agjent i disa shqiptarëve për t’i përfaqësuar ata edhe në transaksione të tjera. Ai gjithashtu themeloi Promt Trade në tetor 2011, dhe në prill 2012 ia transferoi atë shqiptarëve.
“Iulică” është presidenti i Këshillit të Qarkut të Prahovës, Iulian Dumitrescu. Tre vjet më parë ju prezantova në emisionin “Rumani, të dua” mekanizmin me të cilin një grup kompanish fituan kontratë pas kontrate me paratë publike në qarkun Călăraşi. Dhjetëra miliona euro hynë në xhepat e të afërmve të Dumitreskut. Nënshkrimet e tij shfaqen në kontrata duke përfshirë edhe vitin 2009. Kompanitë me të cilat ai ishte i lidhur fituan punime ndërtimi në Kalarashi me vlerë mbi 50 milionë euro, vetëm nga programi PNDL1. Pasi Dumitresku bëhet senator, ish-bashkëpunëtorja shet kompanitë e shqiptarëve të Lezhës. Shumë prej kompanive me emrin e shqiptarëve kanë lidhje me familjen e kryetarit të Këshillit të Qarkut të Prahovës”, përfundon emisioni investigativ rumun.
Ambulance DURRËS- Një ngjarje e rëndë ka ndodhur ditën e sotme në lagjen numër 12 në Durrës. Një 60-vje&c...
Studentet TIRANË- Studentët kanë ngritur ditën e sotme një kallëzim në SPAK për fondet që janë dh&eu...
Familja shqiptare ITALI- Një tragjedi e vërtetë ishte ajo që ndodhi brenda familjes Malaj në Itali. Taulant Malaj, kryefamiljari, ...
Foto Ilustruese GREQI- Një tërmet me magnitudë 4.4 ballë të shkallës Rihter goditi ishullin Zakynthos në orën 7:53 ...
Porti VLORË- Arrestohet Edmond Panaori në Portin e Vlorës. 45-vjeçari ishte shpallur në kërkim pasi akuzohet si autor i nj&...
Portalet TIRANË- Dosja.al ju sjell lajmet më kryesore në portalet për ditën e sotme. Dosja.al ka në faqe të par&eum...
Zjarri TIRANË- Një apartament është përfshirë nga zjarri mbrëmjen e kaluar në zonën e Astirit. Siç shih...
Foto ilustruese TIRANË- Në orët e para të ditës parashikohet që pjesa më e madhe e territorit të jetë n&e...
Pamje nga Kuçova KUÇOVË- Banorët e fshatit Lumas në Bashkinë e Kuçovës janë përplasur me punonj&eu...
Foto ilustruese Ndryshimi i dinamikës së krimit në vend, ka sjellë nevojën edhe për një riorganizim të disa struktu...
