Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
TIRANË– Banka e Shqipërisë ka përgatitur një projekt-rregullore për licencimin e institucioneve të pagesave, institucioneve të parasë elektronike, si dhe për regjistrimin e ofruesve të shërbimeve të pagesave.
Aktualisht, licencimi i institucioneve të pagesave bëhet sipas një rregulloreje të vitit 2013, ku përfshihen të gjitha institucionet financiare jobanka. Por, me zhvillimet e shpejta në sektorin e pagesave në vitet e fundit dhe sidomos pas miratimit të ligjit të ri “Për shërbimet e pagesave” është shtruar nevoja që licencimi i këtyre institucioneve të bëhet mbështetur në një rregullore të posaçme.
Kërkesat për kapital fillestar do të jenë të përshkallëzuara, në varësi të llojit dhe numrit të shërbimeve që institucionet e pagesave do të ofrojnë. Për institucionet që do të kryjenë vetëm shërbimet e transfertave të parave kapitali minimal i kërkuar do të jetë 2.5 milionë lekë. Për institucionet që do të ofrojnë vetëm shërbimin e inicimit të pagesës (parashikuar nga ligji i ri për shërbimet e pagesave) kapitali minimal i kërkuar do të jetë 6.5 milionë lekë.
Ndërkohë, institucionet që do të ofrojnë pjesën më të madhe të shërbimeve të pagesave që parashikon ligji i ri që hyri në fuqi këtë vit duhet të kenë një kapital prej të paktën 16 milionë lekësh. Në këto shërbime përfshihen depozitimi i parave fizike në një llogari pagese, shërbimet që mundësojnë tërheqjen e parave fizike nga një llogari pagese, ekzekutimi i transaksioneve të pagesave, ekzekutimi i debitimeve direkte, ekzekutimi i transaksioneve të pagesave përmes një karte pagese, ekzekutimi i transfertave të kreditit, ekzekutimi i transaksioneve të pagesave përmes një kartë pagese, emetimi i një instrumenti pagese ose pranimi i transaksioneve të pagesave, etj.
Për institucionet e parasë elektronike kapitali minimal i kërkuar do të jetë 45 milionë lekë. Banka e Shqipërisë ka të drejtë të kërkojë sqarime dhe të bëjë verifikime të mëtejshme lidhur me burimet e krijimit të fondeve që do të shërbejnë si kapital fillestar minimal ose si shtesë e mëvonshme e tij. Në rast se Banka e Shqipërisë konstaton, apo ka dyshime të arsyeshme se struktura e kapitalit apo burimi i tij lidhet me persona për të cilët ka dënime penale të formës së prerë, që kanë lidhje familjare apo marrëdhënie të ngushta personale, pune apo biznesi, me aksionerët e propozuar, apo lidhet me shoqëri të regjistruara në parajsa fiskale ose offshore, kërkon informacion nga Drejtoria e Përgjithshme e Parandalimit të Pastrimit të Parave dhe pezullon procedurën e licencimit deri në një përgjigje nga kjo e fundit.
Rregullorja i rezervon të drejtën Bankës e Shqipërisë të refuzojë dhënien e licencës në rastet kur të paktën njëri nga themeluesit me pjesëmarrje influencuese ka qenë subjekt i procedurave të deklarimit të paaftësisë paguese ose falimentimit, kur nuk paraqitet informacion lidhur me identitetin e themeluesve me pjesëmarrje influencuese, apo kur vërtetohet se të paktën njëri nga themeluesit është në ndjekje penale ose është dënuar nga gjykata me vendim gjyqësor të formës së prerë për kryerjen e një vepre penale me rrezikshmëri të lartë shoqërore, ose që lidhet me pastrimin e parave ose me financimin e terrorizmit.
Licencimi mund të refuzohet kur kompania ka një strukturë komplekse të pronësisë dhe kontrollit, që vështirëson verifikimin e përfituesve dhe kontrolluesve fundorë apo në rastet kur aksioner është një institucion financiar guaskë. Madje, Bankës së Shqipërisë i njihet e drejta të refuzojë licencimin bazuar edhe në konsiderata më të përgjithshme, për shembull në rastet kur vlerëson se institucioni paraqet rrezik të lartë apo kur gjykon se dhënia e licencës në çdo rast kur gjykon se licencimi i subjektit do të cenonte interesat e publikut. Afati i licencimit (ose refuzimit) i parashikuar në rregullore do të jetë tre muaj nga data e pranimit të kërkesës.
Institucionet aktuale të licencuara për shërbimet e pagesave do të kenë kohë deri në 2 korrik 2022 për të organizuar veprimtarinë dhe strukturat e tyre në përputhje me kërkesat e kësaj rregulloreje dhe të ligjit “Për shërbimet e pagesave”./ E.Shehu
Marrë nga Monitor.al
Iftar dhe politikë, a u prek Muaji i Ramazanit nga politikanët?
TIRANË- Në fund të muajit maj, Bordi Drejtues i Autoritetit të Mbikëqyrjes Financiare (AMF) ndërmori disa masa ndaj shoqërive administruese të fondeve të p...
Organizata për Bashkëpunim dhe Zhvillim Ekonomik (OECD) në një studim voluminoz “Konkurrenca në Europën Juglindore 2021” evidentoi se trupa arsimore në Shqipëri...
Qeveria financoi menaxhimin e mbetjeve urbane me 1,5 miliardë lekë ose rreth 12 milionë euro në katër muajt e parë të vitit, teksa shumica e fondeve shkuan për ...
Drejtoria e Përgjithshme e Tatimeve njofton se ka filluar zbatimin e detyrimit ligjor të raportimit të llogarive bankare, bazuar në ligjin Nr. 154/2020 “Për Reg...
Në fund të muajit qershor, Policia e Shtetit njoftoi se në një operacion të zhvilluar në qarkun e Fierit procedoi disa shtetas që në bashkëpunim me njëri-tjetri...
Ofruesit e dërgesave të pakove ndërkufitare brenda datës 31 janar të çdo viti kalendarik, duhet të vënë në dispozicion të AKEP-it listën me tarifat që zb...
Emisioni Stop në Tv Klan ka trajtuar një histori të dhimbshme, por dhe problematike. Bëhet fjalë për një aksident në punë, që një djali të ri të quajtur Donald ...
Fiks Fare denoncoi sërish problematikën e ish-ushtarakëve, të cilët nuk marrin dot pension, pasi dosjet e tyre kanë humbur. Pasi morën për vite me radhë pension...
Ndonëse infrastruktura rrugore në Shqipëri është përmirësuar ndjeshëm dhe shumë rrugë janë bërë më të lehta e të shkurtra, limiti më i lartë i shpejtësisë në au...
TIRANË– Në morinë e ankesave që u drejtuan të Avokati Popullit gjatë vitit 2020 rreth 1770 të tilla, burrat ankoheshin për çështjet e pronësis...
