6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
DURRËS- Kryedemokrati Lulzim Basha është takuar me të rinjtë në Durrës ditën e sotme. Nga takimi me të rinjtë Basha ka deklaruar se largimi i tyre jashtë vendit është treguesi më i qartë i dështimeve të qeverisë Rama. Ai ka thënë se modeli i dështimeve të njëpasnjëshme, modeli i korrupsionit, modeli i monopolizimit e kanë kapur këtë shtet këto 8 vite. Nga Durrësi, Basha u ka bërë thirrje të gjithë të rinjve të Durrësit që më 6 mars të votojnë për kandidatin për kryebashkiak Luan Hoti.
Fjala e Bashës:
Mirë se iu gjej të rinj dhe të reja të Durrësit në këtë ditë të mrekullueshme, në këtë sfond të mrekullueshëm të Adriatikut, të cilit i jepni hijeshi me praninë tuaj këtu, edhe me besimin që rrezaton në sytë tuaj edhe më fort se dielli që shndrin në kokat tona. Faleminderit që jeni të gjithë këtu për të mbështetur Luan Hotin, kandidatin e vetëm të Partisë Demokratike për kryebashkiak të Durrësit. Kam një mirënjohje të veçantë për punën tuaj në këto javë të shkurtra të një fushate të shkurtër për zgjedhjet e pjesshme lokale, këto që do të zhvillohen, do zhvillohen sot një javë. Sepse siç më kanë treguar edhe Grida që është bashkëqytetarja juaj e vjetër, nënkryetarja e partisë, drejtuesja politike e kësaj fushate, por edhe Agroni i cili është fatlum dhe i mahnitur me mikpritjen e rinisë durrsake dhe durrsakëve në tërësi gjatë kohës që po jep kontributin e tij në këtë fushatë, rinia ka qenë prej ditës së parë një nga faktorët më të fuqishëm të fushatës dhe një nga frymëzuesit kryesor të kandidatit tonë dhe kryebashkiakut të Durrësit Luan Hotit.
Ndaj dua ta nis me një falënderim për ju. Ta nis me një falënderim të dyfishtë. Së pari do iu falënderoja që jeni angazhuar në fushatë, kjo është fare normale. Çdokush, çdo demokratë, aq më shumë si kryetar i Partisë Demokratike kam detyrimin t’iu falënderoj dhe e bëj këtë edhe në emër të të gjithë shtabit të fushatës, të degës të Partisë Demokratike të durrësit, të Partisë Demokratie kudo ku ndodhen. Por dua ta bëjë dyfish në rrethanat ku ndodhet Shqipëria dhe në veçanti Durrësi. Siç e thanë, Sardi, Osmani, Arbi, Rena, këto janë kohë të vështira, janë kohë të vështira për shpresën. Rinia dhe shpresa janë të pandashme nga njëra-tjetra. Ku ka rini, ka shpresë, në qoftë se nuk ka shpresë, rinia ikën dhe gjen shpresën diku tjetër. Sot këtu ka shpresë, ka shpresë sepse ka rini. Dhe është kjo shpresë që na mbush me besim se e diela e ardhshme nuk do të jetë një e diel e zezë për Durrësin. Por do të jetë një e diel plotë me diell, plotë me ndriçim. Jeni këtu, por jemi po kështu të vetëdijshëm që shumë prej jush nuk janë këtu. Nuk janë në Durrës, nuk janë.
Ndonëse mund të kenë qenë vitin e kaluar apo para dy vitesh, apo tre vitesh, në gjimnazet dhe Universitetin “Aleksandër Moisiu. Janë jashtë një pjesë e madhe përtej Adriatikut, të Itali. Një pjesë tjetër në vendet e tjera të Europës. Në Britani, deri në Shtetet e Bashkuara të Amerikës. Largimi masiv i rinisë shqiptare, është treguesei më i qartë i dështimit të plotë të modelit që na ka qeverisur. E kam fjalën për modelin e dështimeve dhe të korrupsionit që ne kemi 8 vite që e luftojmë si Parti Demokratike ditë për ditë. E luftojmë me fakte, me denoncime të bazuara mbi hallet dhe problemet e përditshme të qytetarëve mbi shpresat, mbi ëndrrat dhe projektet e rinisë shqiptare. Këto janë dy modele krejt të ndryshme nga njëri-tjetri. Modeli i dështimeve të njëpasnjëshme, modeli i korrupsionit, modeli i monopolizimit të gjithçkaje të kapjes së çdo gjëje në një dorë të pushtetit, të pasurive, të Durrësit, modeli i politikës së vjetër që pushtetin e shikon si privilegj, si pronë private.
S’ka rëndësi nëse është pushtet brenda partisë, apo pushtet shtetëror, e shikojnë si çifligun e tyre. E ndërsa e shikojnë pushtetin si çiflig, ndërsa e shikojnë shtetin si pronë e tyre, natyrisht të gjithë shqiptarët dhe rininë, i shohin si shërbëtorët e tyre. Në rastin më të mirë, in shohin si figurina për t’i lëvizur sa andej këtej, në qoftë se u prishin punë. E kemi parë këtë në sjelljen e Edi Ramës dhe qeverisë së tij kur studentët u ngritën në protesta në dhjetorin e 2018-ës. E pamë se si u dridh, se si i mbushi poturet kur thotë populli, por pastaj filloi me propagandë, me përçarje, me premtime të rreme. Dhe ja ku jemi sot, dy vite e ca muaj pas rebelimit studentor të 2018-ës dhe asgjë nuk ka ndryshuar dhe nuk ka si të dyshojë. Modeli i vjetër nuk ndryshon dot. Modeli vjetër e ka mendjen vetëm këtu, tek karrigia. Këtu e ka mendjen dhe për hir të kësaj, është gati t’i vërë kazmën gjithçkaje e të djeg gjithçka. Ka frikë më shumë se të gjithë e mbi të gjitha rininë. A e dini pse? E di çfarë i bën rinia në çdo vend, edhe në Shqipëri atyre që e kanë mendjen mos t’i lëshojnë karriget? Iu bën këtë.
(I.A/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
DIBËR- Kryeministri Edi Rama ka deklaruar se legalizimi i kanabisit sjell të ardhura në buxhetin e shtetit si dhe krijon vende pune. Nga Dibra, duke folur ...
DIBËR- Kryeministri Edi Rama ka pyetur qytëtarët nëse duhet tu japin mundësi emigrantëve që të legalizojnë paratë e tyre nga puna. Nga Dibra, Rama ka thënë...
SHKODËR- Ish-kryeministri Sali Berisha ka bërë me dije se shpenzimet e fushatës për zgjedhjet e pjesshme lokale të 6 marsit mbulohen pa ndihmën e Lëvizjes ...
SHKODËR-Ish-kryeministri Sali Berisha, ka thënë se nuk do të kundërshtojë rezultatin e zgjedhjeve të lira, por do të ketë kundërshti nëse sipas tij dhunohe...
LUSHNJE- Kryedemokrati Lulzim Basha ka publikuar një video nga takimi i djeshëm në Lushjne. Në një postim në Facebook, Basha u ka bërë thirrje qytetarëve të Lus...
SHBA- Djali i multimilardierit George Soros, Aleksandër, ka publikuar një foto me kryeministrin Edi Rama, gjatë një takimi të javës së kaluar. Në Facebook, Soro...
TIRANË– Ish-ministri i Punëve të Jashtme Ditmir Bushati ka folur rreth luftës që Rusia ka nisur në Ukrainë nga Rusia. I ftuar përmes Skype në edision...
TIRANË– Ministrja e Jashtme, Olta Xhaçka ka bërë me dije se Ukrainë ndodhen 5-6 shqiptarë që duan të ikin nga vendi. Në një konferencë për med...
TIRANË– Kryeministri Edi Rama nuk ka pranuar të japë detaje në lidhje me ecurinë e Ballkanit të Hapur, pas deklaratave që ka bërë Serbia në lidhje me...
TIRANË– Shqipëria është e mbrojtur nga më të fortët! Këtë kanë deklaruar kryeministri Edi Rama e ministri Niko Peleshi kur janë pyetur nëse Shqipëria...
