Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
ELBASAN– Gjykata e Elbasanit ka lënë në burg Henrik Hoxhajn, ‘ushtarin’ e Nuredin Dumanit, ndërsa e dsahura e 39-vjeçarit, Mirjetë Hajdini është liruar nga qelia. Trupi gjykues i kryesuar nga gjyqtarja Matilda Fetahu vendosi që të linte në masën e sigurisë ‘detyrim paraqitjeje’ 20-vjeçaren nga Kosova. Hoxhaj për “armëbajtje pa leje, prodhim i armëve luftarake, dhe përkrahje e autorit të krimit. Ndaj Hajdinit rëndonin akuzat “Mbajtja pa leje dhe prodhimi i armëve, armëve shpërthyese dhe i municionit” dhe “Përkrahja e autorit të krimit”, por e para u rrëzua sot. Vetë e reja nga Gjilani deklaroi para truopës gjykuese se njohja e saj me Dumanin kishte nisur nga një gënjeshtër. Sipas saj, Dumani i ishte prezantuar si Arvit Spahiu, 27 vjeç me një letërnjoftim që nuk ishte i Shqipërisë dhe as i Kosovës, por i një tjetër shteti që ajo nuk kishte mundur ta dallonte dot. Të dy ishin takuar për herë të parë në një lokal në Gjilan dhe i shumëkërkuari për të paktën 7 vrasje i kishte marrë numrin e celularit 20-vjeçares.
Më pas, dyshja kishin filluar të takoheshin thuajse çdo ditë, e pas një muaji gjërat morën tjetër rrjedhë. Dumani iu drejtua shtëpisë së familjes së Hajdinit, kërkoi dorën e të resë dhe fillimisht nisën bashkëjetesë në një shtëpi në Gjilan. Me prindërit e tij, Dumani i kishte shmangur takimet me argumentin se ata jetojnë në Francë, kur nga raportimet ajo që dihet është se familjen bashkë me fëmijët i ka në Rrogozhinë. Rrëfimin e Hajdinit e konfirmoi dhe avokati i daj përmediat, i cili shtoi se klientja e tij nuk e kishte idenë për akuzat që rëndonin mbi të dashurin që nuk ishte ai që i ishte prezantuar fillimisht.
Nga ana tjetër, për tre mjekët që kuruan Dumanin pas atentatit të ndodhur na Papër mbrëmjen e 29 marsit, Bledi Berdalli Julian Malaj dhe Ermal Gjeci, seanca është shtyrë për të dielën. Mjekët akuzohen për moskallëzim krimi, pasi nuk raportuan në polici se kishin mjekuar të shumëkërkuarin. Në rrëfimin e tyre para grupit hetimor ata janë shprehur se nuk e kishin idenë se Dumani ishte i shpallur në kërkim, ndërkohë që ligjërisht një situatë e tillë raportohet në polici për çdo person, qoftë ai i kërkuar nga autoritetet apo jo. Edhe Dumanit iu caktua një tjetër masë ‘arresti me burg’ sot, pas dy që iu dhanë një ditë më parë për akuzën e vrasjes së dy vëllezërve Besmir e Viktor Haxhia, atentatin ku mbetën të vrarë, Dorian Shkoza e Anxhelo Avdia (të dyja ngjarjet e ndodhura në Durrës janë bërë një dosje) dhe vrasjen e vëllait të armikut të tij Talo Çela, taksisti Bujar Çela.
Ç’ka thënë Dumani?
Mesditën e djeshme, Nuredin Dumani ka pritur vizitat e para në shtratin e spitalit të Traumës, ku edhe po mjekohet për plagën e marrë gjatë përplasjes më armë zjarri në Papër të Elbasanit. Dosja.al raportoi ekskluzivisht se fill në momentin që ka parë hetuesin dhe gjykatësin, Dumani ka reaguar me një buzëqeshje, por nuk ka dhënë asnjë informacion. E vetmja gjë që pretendon është se disa njerëz, ndoshta 5 apo 6 persona kanë qëlluar në drejtim të tij. Por kanë arritur vetëm që ta plagosin. Megjithatë shtoi se nuk ua kishte parë fytyrat.
Çfarë ndodhi në Papër?
Dosja.al raportoi e para se e gjithë ngjarja e regjistruar në Papër të Elbasanit ishte një pritë që iu bë Dumanit. Ai u dërgua në Papër të Elbasanit pas një sinjali se atje ndodhej “armiku” i tij, Talo Çela. Dumani kishte në plan të ekzekutonte një tjetër person të afërt të Çelës, por pas vënies në dijeni nga të “afërmit” se Çela ishte shumë afër dhe mund të goditej, shënjestra ndryshoi. Por në fakt, e gjitha ka qenë një kurth i organizuar nga grupi i Çelës. Të dyja palët u përballën me njëri-tjetrin në aksin Elbasan-Cërrik, në vendin e njohur si Papër, ku Nuredin Dumani mori një plumb në shtyllën kurrizore, që i ka depërtuar në mushkëri. I zënë në pritë, Nuredin Dumani u largua i plagosur drejt Fierit ku dhe u mjekua në apartamentin e marrë me qira prej disa ditësh në lagjen Apolonia në Fier. Forcat RENEA shkuan me saktësi në hyrjen ku jetonte Dumani me bashkëjetuesen, ndërsa në media u fol për një telefonatë anonime që sinjalizoi Policinë se ku ndodhej një nga personat më të rrezikshëm në Shqipëri, i akuzuar për mbi 7 vrasje, përfshirë këtu edhe ekzekutimin e bujshëm të dy vëllezërve Haxhia në Durrës, vrasje që besohet se ka si arsye vjedhjen e milionave që u vodhën në Rinas në prill të 2019-ës. Por burimi nga grupi hetimor i tha Dosja.al se telefonata anonime erdhi nga shumë pranë Dumanit. Saktësia e vendodhjes përfshirë pallatin, numrin e apartamentit dhe katin, nuk mund të dihej nga persona të tjerë përveç atyre që ishin pranë tij. Policia e gjeti Dumanin me shpejtësi pasi informacioni i gjetur ishte i saktë. Strofkulla u zbulua, ndërsa Talo Çela ka “avulluar”. Policia dyshon se ai ishte personi që e qëlloi Dumanin në pritën e ngritur në Papër, pas spiunimit që persona të afërt me të i bënë për planin që Dumani kishte organizuar për ta vrarë.
Por si u kthyen të dy në armiq të përbetuar?
Çela dhe Dumani janë prej gati 2 vitesh në një armiqësi të përbetuar që ka nisur pas vrasjes së mikut të ngushtë të Nuredin Dumanit, Klevis Kapllanaj. Vrasja e Kapllanajt solli ndarjen e dy të fortëve të Elbasanit, dhe që nga 17 shtatori i 2020-ës kur në Elbasan u vra vëllai taksist i Talo Çelës, Bujar Çela, të dy nuk i bashkon më asgjë. Dumani akuzon Çelën si të përfshirë në vrasjen e shokut të tij dhe në shenjë armiqësie dyshohet se i vrau të vëllain. Nga këtu ka nisur një betejë mes dy ish-miqve!
ZHVILLIMET ORË PAS ORE:
U lirua nga burgu, avokati: E dashura e Dumanit mund të kthehet në Kosovë, s’dinte asgjë
“Janë në Francë”, si e shmangu Dumani takimin mes krushqve, gënjeu prindërit e të dashurës
“Jemi për turizëm”, ‘spiuni’ tregoi pallatin, por jo katin, Dumani bënte sikur flinte
Nuredin Dumani krijoi identitet të ri! Shtirej si ‘Arvit’ në Kosovë, partnerja e zbulon
MASAT/Gjykata e Elbasanit lë në burg 40-vjeçarin, detyrim paraqitje për partneren e Dumanit
‘Do fejoheshim’/ DËSHMIA e partneres së Dumanit: Më tha jam 27 vjeç, s’ja di kështu emrin
(a.b)/dosja.al
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Avokati i të dashurës së Nuredin Dumanit deklaroi se 20-vjeçarja Mirjetë Hajdini është e lirë të kthehet në Kosovë pranë familjes së s...
TIRANË– Pedagogu Ervin Goci ka ndarë në profilin e tij në Facebook artikullin e Citizens Channel për gjelbërimin në Tiranë. Në atë artikull konstatoh...
TIRANË– Nuredin Dumani kishte mashtruar jo vetëm 20-vjeçaren me të cilën kishte nisur bashkëjetesën, por edhe familjen e saj. Në dosjen hetimo...
TIRANË– Partia Demokratike ka reaguar pas deklaratës së sotme të liderit historik Sali Berisha i cili deklaroi sot nga Shkodra se nuk do të pranojë a...
TIRANË– ‘Spiuni’ që çoi në pranga Nuredin Dumanin kishte treguar pallatin ku ishte instaluar i rrezikshmi pas atentatit në Papër të Elbasanit,...
ELBASAN-Gjykata e Elbasanit ka caktuar masa e sigurisë ndaj 40-vjeçarit Henrik Hoxhaj i cili u arrestua para pallatit ku fshihej Dumani si dhe 20-vje&cce...
TIRANË– Nuredin Dumani hiqej me emrin ‘Arvit Spahiu’ në Kosovë. Prej shumë kohësh Dumani, i cili ishte në kërkim kombëtar jetonte i lirë ...
TIRANË– Dosja.al ka siguruar videon nga momenti kur ish-deputeti i Partisë Socialiste lë ambientet e Gjykatës së Posaçme për tu nisur drejt qe...
ELBASAN– E dashura 20-vjeçare e Nuredin Dumanit nga Gjilani i Kosovës, Mirjetë Hajdini ka deklaruar gjatë seancës së sotme se e njihte me emër tjet...
TIRANË– Kryeministri Edi Rama ka reaguar pas paralajmërimit të qytetarëve se do të ngrihen në protestë për të kundërshtuar projektin e ‘Sheshit...
