Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
Gati 1 miliard njerëz mund të shkojnë në qendrat e votimit në 12 muajt e ardhshëm, në mesin e një ‘stuhie’ të keqinformimit dhe manipulimi dixhital, pra në një situatë të ndryshme nga çdo gjë që ka parë deri më sot bota. Në lojë janë gjëra tejet të rëndësishme për të ardhmen e vetë demokracisë.
Nga Mihir Sharma “Bloomberg”
Në vitin 2024, demokracia do të përballet me një test për të cilën nuk është ende gati. Për herë të parë që nga fillimi i epokës së internetit, 4 blloqet më të mëdha elektorale në botë - India, Bashkimi Evropian, SHBA dhe Indonezia - do të mbajnë zgjedhje parlamentare në të njëjtin vit.
Gati 1 miliard njerëz mund të shkojnë në qendrat e votimit në 12 muajt e ardhshëm, në mesin e një ‘stuhie’ të keqinformimit dhe manipulimi dixhital, pra në një situatë të ndryshme nga çdo gjë që ka parë deri më sot bota. Në lojë janë gjëra tejet të rëndësishme për të ardhmen e vetë demokracisë.
Në SHBA, favoriti në garë, të paktën sipas sondazheve, ka mundësinë të bëhet diktator. Në Bashkimin Evropian, e djathta ekstreme pritet të rritet në mbarë kontinentin. Kandidati kryesor në zgjedhjet në Indonezi, është një ish-gjeneral i akuzuar dikur për shkelje të të drejtave të njeriut.
Dhe në Indi, një opozitë e rrethuar përballet me shansin e saj të fundit për të shmangur atë që në të kundërt mund të shndërrohet ndër dekada një sundim njëpartiak. Ne e dimë se që të paktën nga viti 2016, zgjedhjet në epokën dixhitale janë jashtëzakonisht të ndjeshme ndaj manipulimit.
Ndërsa zyrtarët përgjegjës për integritetin e zgjedhjeve kanë punuar me zell, por atyre po u mbarojnë forcat. Fitorja e ish-presidentit të SHBA Donald Trump në vitin 2016 dhe zgjedhjet e tjera në atë periudhe, u ndikuan nga narrativat e kultivuara me kujdes.
Në kundër-përgjigje, një ushtri e vogël kontrollues të fakteve, u shfaq në mbarë botën. PO ashtu u shtuan mekanizmat për t’i mbajtur “lajmet e rreme” jashtë medias kryesore. Përvoja e Indisë - e cila, duke qenë se ka më shumë votues, është gjithashtu laboratori më i madh në botë për abuzimet zgjedhore - tregon kufizimet e kësaj pune.
Sa më skrupulozë të jenë kontrolluesit e fakteve, aq më lehtë mund të mbingarkohen ata me një vërshim lajmesh të rreme. Për më tepër ata janë njerëz, dhe për këtë arsye është shumë e lehtë që të diskreditohen në publik, sado e padrejtë që mund të duket kjo.
Disa ide të reja kanë filluar të shfaqen tashmë. Edhe kritikët e Elon Musk, duket se i duan “shënimet e komunitetit” që ai ka shtuar si opsion në X, e njohur më parë si Twitter, të cilat etiketojnë tweetet virale me kontrolle faktesh me burim nga turma.
Për shkak se këto janë burime nga turma, ato reagojnë ndaj sasisë së lajmeve të rreme në qarkullim. Dhe për shkak se nuk lidhen me ndonjë grup individual kontrolluesish të fakteve, janë më të vështira për t’u hedhur poshtë si të njëanshme. Megjithatë, teknologjia ka ecur edhe më shpejt.
Keqinformimi i bazuar tek Inteligjenca Artificiale ka filluar të përhapet tashmë, dhe po bëhet më e vështirë të dallohet si i rremë. Dhe ndalimi i mesazheve të tilla që të bëhen virale, është më i vështirë kur ato nuk duken në çast si fyese.
Për shembull në Indonezi, në TikTok u pa miliona herë një video që dukej sikur tregonte Ministrin e Mbrojtjes dhe kandidatin presidencial Prabowo Subianto duke folur arabisht. Në fakt ishte një “deepfake” i krijuar nga AI, që synonte të forconte kredencialet e tij diplomatike (dhe ndoshta islamike).
Nga ana tjetër, nuk mund të supozojmë se një elektorat gjithnjë e më i zgjuar falë botës dixhitale, do të jetë në gjendje të lundrojë pa ndihmë në këtë peizazh të ri informacioni. Nëse ka diçka që kemi mësuar nga lufta informative që ka shoqëruar betejën fizike të Izraelit kundër Hamasit në Gaza, ajo është se njerëzit që janë rritur në epokën e internetit, nuk janë doemos më të përgatitur për të identifikuar propagandën.
Përkundrazi, ata duken më të paaftë për të dalluar faktin nga trillimi. Kërcënimi ndaj demokracinë është transnacional. Platformat që përdoren janë globale, dhe po kështu edhe mesazhet. Prandaj mbrojtja e saj nuk mund të jetë vetëm kombëtare.
Së pari, kjo nuk është një detyrë, të cilën mund ta kryejë e vetme çdo qeveri. Së dyti, nuk është një detyrë që mund t’i besohet një qeverie që ta ndjekë vetë. Por kur bëhet fjalë për sigurinë e zgjedhjeve, çdo vend ka qasje të ndryshme, dhe si manipuluesit e mundshëm ashtu edhe platformat që ata shfrytëzojnë, kanë përfituar jo pak nga kjo përçarje.
Në rast se nuk miratojmë një qasje më strategjike dhe të unifikuar veprimet tona, niveli i keqinformimit që do të shfaqet gjatë vitit të ardhshëm, do të arrijë të shmangë të gjitha mekanizmat mbrojtës kombëtarë.
Ne ende nuk e dimë se çfarë mekanizmash - qoftë ky burimi i turmës, rregullimi transnacional i platformave, apo normat e përbashkëta të të folurit - do të funksionojnë më mirë. Por ajo që do të na duhet, është ndarja me shpejtësi e informacionit se çfarë masash duket se funksionojnë, si dhe presioni i përbashkët ndaj platformave për t’i përdorur këto masa.
Ne mund të mësojmë shumë nga njëri-tjetri. Për shembull ndalimi i TikTok në Indi, duket se ka qenë më efektiv sesa pritej. Por ne gjithashtu duhet të angazhohemi bashkarisht për transparencën. Entet rregullatore në Indi dhe Indonezi, duhet të jenë të bindura se normat në internet të platformave me bazë në SHBA, janë krijuar po aq për të mbrojtur kohezionin e tyre kombëtar edhe integritetin politik, sa edhe për të mbrojtur grupime të veçanta sociale.
Mbi të gjitha, ne duhet të punojmë të gjithë së bashku. Mbrojtja e demokracisë, ka qenë gjithmonë një nga arsyet kryesore për veprimet shumëpalëshe. Në vitin 2024, kjo duhet të përfshijë edhe mbrojtjen e përbashkët të zgjedhjeve tona kombëtare.
Iran IRAN- Katër iranianë – tre burra dhe një grua – janë ekzekutuar të premten, pasi akuzoheshin se spiunonin pë...
Pasaportë SLLOVAKI- Sllovakia është një nga pesë shtetet e Bashkimit Evropian që nuk e njeh pavarësinë e Kosovë...
Protesta SERBI- Disa mijëra protestues dolën sërish në qendër të kryeqytetit serb, Beograd, të shtunën për t&e...
Turqi TURQI- Ministri i Brendshëm Ali Yerlikaya njofton se autoritetet turke kanë arrestuar 189 persona në 37 provinca të shtunën ...
Bosnjë BOSNJË- Prokuroria e Bosnjë dhe Hercegovinës njoftoi të shtunën se ka ngritur aktakuzë kundër pesë koma...
Jabr Abu Hadros GAZA- Gazetari i Al Quds, Jabr Abu Hadros dhe gjashtë anëtarë të familjes së tij thuhet se u vranë në nj...
Donald Trump Nga Sean O’Driscoll “Newsweek” Ish-presidenti i SHBA-së Donald Trump, po shkon drejt vitit 2024 me perspektivën e...
Greqi GREQI- Nuk është e sigurt nëse do të ndiqen, megjithatë, epidemiologët bëjnë rekomandime të forta pë...
Colin Murdoch ANGLI- Google ka vite që dominon zhvillimin e sistemeve të inteligjencës artificiale (AI). Kjo padyshim ës...
Foto ilustruese GJERMANI- Që nga sulmi terrorist i Hamasit mbi Izraelin më 7 tetor deri më 21 dhjetor 2024 Enti Federal për Kriminalite...
