Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ish-shefi i inteligjencës amerikane në vitin 2020 dhe një nga diplomatët më besnikë të Trump, sot drejton Qendrën Kennedy për Arte Performuese.
ANGLI- Media britanike “Daily Mail” ka publikuar një artikull në lidhje me Richard Grennell. Në këtë artikull tregohet se si karriera diplomatike e Richard Grennell mori një kthesë të fortë, dhe se si ai u mënjanua nga rrethi i ngushtë i presidentit Donald Trump pas disa përplasjeve.
Ish-shefi i inteligjencës amerikane në vitin 2020 dhe një nga diplomatët më besnikë të Trump, sot drejton Qendrën Kennedy për Arte Performuese. Por ky rol duket i pasigurt mes polemikave dhe tensioneve të brendshme. Megjithatë, rënia e ndikimit të Grenell brenda orbitës së Trump duket se ka nisur më herët.
Ndonëse konsiderohet si një nga kandidatët më potencial në kabinetin e presidentit Donald Trump, Grennell përfundoi jashtë vendimmarrjes kryesore, sidomos në çështjen e Venezuelës. Kjo erdhi pas një përplasjeje që pati me Sekretarin e Shtetit, Marco Rubio.
Si i dërguar special, Grenell mbështeti një qasje më pragmatike ndaj regjimit të Nicolas Maduros. Kjo duke favorizuar negociatat dhe marrëveshjet energjetike. Por Sekretari i Shtetit Marco Rubio shtyu për një linjë më të ashpër “presioni maksimal”, dhe sipas burimeve, ai arriti ta anashkalojë Grenell nga Venezuela.
“Grenell fillimisht pa përfitime të prekshme nga qasja e tij më e butë, duke negociuar lirimin e të burgosurve dhe duke nxitur një qasje “pragmatike” që favorizonte marrëveshjet e naftës mbi ndryshimin e regjimit. Por shpejt ai e gjeti veten në një bllokim taktik me Sekretarin e Shtetit Marco Rubio. Ndërsa Rubio nxiste “presion maksimal” dhe një forcim ushtarak që përfundimisht çoi në kapjen tronditëse të Maduros, Grenell thuhet se ende po mbështeste një “marrëdhënie të ndryshme” me diktatorin, të rrënjosur në diplomaci dhe shtrëngim.”, shkruan Daily Mail.
Një diplomat amerikan, i cili kishte punuar më parë më Grenell u shpreh se edhe Maria Machado, kishte refuzuar të merej me të. Sipas tij, ngurrimi i Machados për t’u marrë me Grenell erdhi pjesërisht nga arroganca dhe paefektshmëria.
“Edhe Maria Machado refuzoi të takohej me të. Dëgjuam se ajo nuk donte të merrej me të dhe nuk i pëlqente ajo që ai përfaqësonte. Ajo mendonte se Grenell ishte poshtë saj… nuk e kuptonte kush ishte Grenell, ai është një askush në Amerikën Latine. Ajo ishte gjithashtu e kujdesshme, nuk e njihte dhe as nuk i besonte”, shpjegoi diplomati amerikan.
Sipas Daily Mail, marrëdhëniet e tensionuara me figura kyçe të administratës, përfshirë shefen e stafit Susie Wiles, e dëmtuan më tej pozitën e tij. Një incident i ashpër verbal gjatë Konventës Kombëtare Republikane i kushtoi Grenell çdo shans për një post të rëndësishëm në mandatin e dytë të Trump, ndonëse ai e ka mohuar përplasjen. Në këtë ndikoi edhe fakti se Grenell, nisi ta prezantonte veten te ndihmësit e fushatës në Mar-a-Lago si kandidat i mundshëm për zëvendëspresident.
“Ai i bërtiti Susie-t dhe i tha: “Ti je arsyeja pse do t’i humbasim këto zgjedhje të mallkuara“. Ai e qortoi Susie ëiles sepse nuk mori një vend për të folur në konventë në kohën më të mirë. Kjo është arsyeja pse ai nuk ka… një punë të rëndësishme. Kjo është arsyeja pse ai nuk u konsiderua kurrë për Sekretar Shteti.” tha një burim pranë Shtëpisë së Bardhë për Daily Mail.
Ishte pikërish ky incident, i cili “vulosi” fatin e Grennell, duke e përjashtuar atë nga çdo rol serioz në nivel kabineti në Trump 2.0. Sipas një burimi pranë familjes Trump, ëiles ka vijuar me komente kundër Grenell brenda Zyrës Ovale. Po ashtu, nga brenda orbitës së brendshme të Trump, argumentohet se Grenell mund t’i shkaktonte dhimbje koke administratës për shkak të marrëveshjeve të tij jashtë shtetit.
Gazeta britanike përmend një episod të dështuar diplomatik në maj 2025, i cili mesa duket ishte një tjetër goditje për karrierën e Grenell. Sipas burimeve, ai organizoi që presidenti serb Aleksandar Vuçiç të udhëtonte drejt Floridës për një takim privat me Donald Trump, por takimi nuk u zhvillua kurrë.
Burimet thanë se shefja e stafit, Susie Wiles, e bllokoi personalisht takimin. Kjo duke sinjalizuar se iniciativat e pavarura të Grenell nuk kishin më mbështetje në rrethin e ngushtë presidencial. Në lidhje me këtë takim të pa zhvilluar, Beogradi tha zyrtarisht se Vuçiç u kthye për arsye shëndetësore. Kjo duke argumentuar se presidenti kishte pasur një problem me hipertensionin.
Diplomatët e njohur me situatën shpjegojnë se qëllimet e Grenell përtej marrëdhënieve serbo-amerikane përqendroheshin rreth marrëveshjeve të biznesit në Serbi të bëra me Jared Kushner.
Kjo pasi, pjesa më e rëndësishme e biznesit të tij privat përfshin partneritetin e tij me firmën e investimeve të Kushner, Affinity Partners. Gazeta britanike shkruan se Grenell luajti një rol të rëndësishëm në ndërmjetësimin e një hoteli luksoz dhe kompleksi memorial prej 500 milionë dollarësh në qendër të Beogradit.
Marrëveshja përfshinte një kontratë qiraje 99-vjeçare me qeverinë serbe, ku firma e Kushnerit zhvillon vendin, dhe fitimet ndahen me shtetin serb. Megjithëse në këtë pikë, duket se marrëveshja mund të ketë dështuar. Pasuria e Grenell vlerësohet mes 1 dhe 5 milionë dollarëve, ndërsa brenda komunitetit diplomatik, ai përshkruhet si “diplomat transaksional”, me stil luftarak që ka krijuar jo pak armiq.
“Do të thoja se ai është jashtëzakonisht egoist dhe ambicioz pa mëshirë, dhe mund të jetë vërtet i keq. Pas frikës nga kanceri, ai dukej i ndryshuar. Ai u bë shumë më i pamëshirshëm.”, tha për Daily Mail një diplomat që e ka njohur Grenell për dekada.
Ambicia e tij për të pasuar Marco Rubio në krye të diplomacisë amerikane tani shihet si e paarritshme, veçanërisht pas përplasjeve mbi qasjen ndaj Venezuelës. Aktualisht, si drejtues i John F. Kennedy Center for the Performing Arts, ai përballet me polemika për shkurtime buxhetore, plane riemërtimi dhe bojkot nga artistë të njohur. Ndërsa ka akuzuar media si CNN dhe The ëashington Post për nxitje të reagimit negativ.
“Ai është bombastik dhe tepër i sigurt në vetvete për arsye që unë sinqerisht nuk i kuptoj… Ai ishte padyshim në anën e gabuar të administratës kur bëhej fjalë për Venezuelën dhe Rubion. 15 minutat e tij të famës kanë kaluar dhe kjo është arsyeja pse ai është tani në Qendrën Kennedy. Qëllimi i tij, ambicia e tij, është të jetë Sekretar i Shtetit. Por nuk e shoh këtë të ndodhë. Trump i di pikëpamjet negative që shumë njerëz kanë për të,” shtoi diplomati.”
Mes presionit në rritje, Grenell u ka thënë privatisht miqve të ngushtë se planifikon të largohet nga Qendra Kennedy më vonë këtë vit. Për momentin, njeriu që dikur ëndërronte të drejtonte inteligjencën ose diplomacinë amerikane e gjen veten duke menaxhuar një teatër. Kjo si në kuptimin e mirëfilltë ashtu edhe në atë figurativ, ndërsa ambiciet e tij përplasen me realitetin e reputacionit të tij të dobët./Dosja.al
Aleksandar Vuçiç SERBI- Presidenti i Serbisë, Aleksandar Vuçiç tha se është shumë i shqetësuar pë...
Autorët ANGLI- Dy persona të cilët kishin planifikuar një sulm terrorist kundër komunitetit hebre në Manchester, ja...
Friedrich Merz GJERMANI- Kancelari i Gjermanisë Friedrich Merz ka deklaruar se rendi ndërkombëtar po shkatërrohet. Duke folur...
Foto ilustruse GJERMANI- Kancelari gjerman Friedrich Merz tha gjatë fjalës së tij në Konferencën e Sigurisë në Myniht&eu...
Foto ilustruse FRANCA- Një ngjarje e rënsdë ka ndodhur në Alpet franceze. Tre skiatorë kanë humbur jetën, pasi jan&...
ANGLI- Historiani, Andrew Lownie ka rrëfyer në një intervistë me Daily Mail, se një ish-kryeministër britanik ka qenë ...
Friedrich Merz GJERMANI- Kancelari gjerman, Friedrich Merz hapi Konferencën e Sigurisë në Mynih me një vlerësim të rrept...
Foto ilustruse Një marrëveshje diplomatike mes Shteteve të Bashkuara dhe Iranit ka ende mundësi të shmangë një përb...
Foto ilustruse Komisioni Qendror i Zgjedhjeve i Bosnjë e Hercegovinës ka konfirmuar dhe publikuar rezultatet e zgjedhjeve të parakohshme p&e...
Foto ilustruse Sekretari amerikan i Shtetit, Marco Rubio, ka mbërritur në Gjermani për të marrë pjesë në Konferencë...
